وزیر اعظم جناب نریندر مودی نے آج سری لنکا کے عوام سے دلی ہمدردی کا اظہار کیا جنہوں نے سائیکلون ڈٹوا کے باعث اپنے عزیزوں کو کھو دیا۔ انہوں نے متاثرہ خاندانوں کی حفاظت، سکون اور جلد صحت یابی کے لیے دعا کی۔
بھارت کے قریبی بحری پڑوسی کے ساتھ یکجہتی کے مضبوط جذبے کے تحت، حکومتِ ہند نے فوری طور پر آپریشن ساگر بندھو کے تحت ریلیف مواد اور انسانی امداد اور آفات سے متعلق راحت اور بچاؤ(ایچ اے ڈی آر)کی اہم مدد روانہ کی ہے۔ بھارت صورتحال کے بدلنے کے ساتھ اضافی امداد فراہم کرنے کے لیے تیار ہے۔
بھارت کی ہمسایہ پالیسی اور وژن مہاساگرکے اصولوں کی رہنمائی میں، وزیر اعظم مودی نے یقین دہانی کرائی کہ بھارت سری لنکا کے مشکل وقت میں اس کے ساتھ مضبوطی سے کھڑا رہے گا۔
وزیر اعظم مودی نے X پر ایک پوسٹ میں کہا:
‘‘میری دلی ہمدردیاں سری لنکا کے عوام کے ساتھ ہیں جنہوں نے سائیکلون ڈٹوا کے باعث اپنے عزیزوں کو کھو دیا۔ میں متاثرہ تمام خاندانوں کی حفاظت، سکون اور جلد صحت یابی کے لیے دعا گو ہوں۔
ہمارے قریبی بحری پڑوسی کے ساتھ یکجہتی کے طور پر بھارت نے آپریشن ساگر بندھو کے تحت فوری ریلیف مواد اور اہم ایچ اے ڈی آر مدد روانہ کی ہے۔ ہم صورتحال کے بدلنے کے ساتھ مزید امداد فراہم کرنے کے لیے تیار ہیں۔
بھارت کی ہمسایہ پالیسی اور وژن مہاساگر کی رہنمائی میں بھارت مشکل وقت میں سری لنکا کے ساتھ مضبوطی سے کھڑا ہے۔
My heartfelt condolences to the people of Sri Lanka who have lost their loved ones due to Cyclone Ditwah. I pray for the safety, comfort and swift recovery of all affected families.
— Narendra Modi (@narendramodi) November 28, 2025
In solidarity with our closest maritime neighbour, India has urgently dispatched relief…
