Share
 
Comments
بھارت کی قوت اور تحریک کی علامت ہیں نیتاجی: وزیر اعظم

نئی دہلی،  23 /جنوری  2021 ۔ وزیر اعظم جناب نریندر مودی کولکاتہ میں نیتاجی سبھاش چندر بوس کے 125ویں یوم پیدائش کے موقع پر منعقدہ پروگرام میں شریک ہوئے۔ انھوں نے کولکاتہ میں وکٹوریہ میموریل میں ’پراکرم دِوس‘ کی افتتاحی تقریب کی صدارت کی۔ اس موقع پر نیتاجی پر ایک مستقل نمائش اور ایک پروجیکشن میپنگ شو کا افتتاح کیا گیا۔ وزیر اعظم کے ذریعے ایک یادگاری سکہ اور ڈاک ٹکٹ جاری کیا گیا۔ اس کے ساتھ ہی نیتاجی پر مبنی ایک ثقافتی پروگرام ’’آمرا نوٹون جواوبونیری ڈوٹ‘‘ کا بھی انعقاد کیا گیا۔

اس پروگرام سے قبل وزیر اعظم نے نیتاجی کے تئیں اظہار احترام کے لئے نیتاجی سبھاش بوس کے گھر نیتاجی بھون کا دورہ کیا۔ بعد میں وہ نیشنل لائبریری، کولکاتہ کے لئے روانہ ہوگئے، جہاں ایک بین الاقوامی سیمینار ’’اکیسویں صدی میں نیتاجی سبھاش کی وراثت کا ازسرنو جائزہ‘‘ اور ایک آرٹسٹ کیمپ کا انعقاد کیا گیا۔ وزیر اعظم نے وکٹوریہ میموریل پر پراکرم دِوس تقریب میں حصہ لینے سے قبل فنکاروں اور سیمینار کے شرکاء کے ساتھ بات چیت کی۔

اس موقع پر اظہار خیال کرتے ہوئے وزیر اعظم نے کہا کہ آج ماں بھارتی کے اس بہادر سپوت کی جینتی ہے جس نے آزاد بھارت کے خواب کو نئی سمت دی تھی۔ آج وہ دن ہے جب ہم اس شعور کا جشن مناتے ہیں جو غلامی کے اندھیرے سے باہر نکلی تھی اور جس نے ’’میں آزادی کی بھیک نہیں لوں گا، میں اسے حاصل کروں گا‘‘ جیسے الفاظ سے دنیا کی سب سے طاقتور قوت کو چیلنج دیا تھا۔

وزیر اعظم نے کہا کہ ملک نے نیتاجی کے غیرمعمولی حوصلے اور ان کی بے لوث خدمت کو احترام دینے اور یاد کرنے کے سلسلے میں نیتاجی کے یوم پیدائش 23 جنوری کو ہر سال ’پراکرم دِوس‘ کے طور پر منانے کا فیصلہ کیا ہے۔ جناب مودی نے زور دے کر کہا کہ نیتاجی بھارت کی طاقت اور تحریک کی علامت ہیں۔

وزیر اعظم نے اسے اپنی خوش بختی قرار دیا کہ 2018 میں حکومت نے جزائر انڈمان کا نام نیتاجی سبھاش چندر بوس جزائر کردیا تھا۔ انھوں نے کہا کہ ملک کے جذبات کا احترام کرتے ہوئے نیتاجی سے متعلق فائلوں کو حکومت کے ذریعے منظر عام پر لادیا گیا ہے۔ انھوں نے فخر کے ساتھ 26 جنوری کی پریڈ میں آئی این اے ویٹرنس پریڈ کی حصے داری اور آزاد ہند حکومت کی 75ویں سال گرہ کی یاد میں دہلی میں لال قلعہ پر ترنگا لہرانے کا خواب پورا کرنے کا ذکر کیا۔

وزیر اعظم نے دل کو چھو لینے والے اس سوال، جو انھوں نے ملک سے جانے کا حوصلہ کرنے سے قبل اپنے بھتیجے ششر بوس سے پوچھا تھا، کا ذکر کرتے ہوئے کہا کہ ’’اگر آج ہر بھارتی اپنے دل پر اپنا ہاتھ رکھے اور نیتاجی کی موجودگی کو محسوس کرے تو انھیں وہی سوال سنائی دے گا: کیا تم میرے لئے کچھ کروگے؟ یہ کام، یہ ہدف آج بھارت کو خودکفیل بنانے کا ہے۔ ملک کے لوگ، ملک کے ہر خطے کے لوگ، ملک کا ہر شخص اس کا حصہ ہے۔‘‘

وزیر اعظم نے اشارہ دیا کہ نیتاجی سبھاش چندر بوس غریبی، ناخواندگی، بیماری کو ملک کے سب سے بڑے مسائل میں شمار کرتے تھے۔ وزیراعظم نے اعادہ کیا کہ ہمارا سب سے بڑا مسئلہ غریبی، ناخواندگی، بیماری اور سائنسی مصنوعات کی کمی ہے۔ وزیر اعظم نے کہا کہ سماج کو ان مسائل کے حل کے لئے متحد ہونا ہوگا، ہمیں اس سمت میں مل جل کر کوشش کرنی ہوگی۔

جناب مودی نے کہا کہ نیتاجی سبھاش خودکفیل بھارت کے ساتھ ہی سونار بانگلا کے بھی سب سے بڑے محرک ہیں۔ وزیر اعظم نے زور دے کر کہا کہ ملک کی آزادی میں نیتاجی نے جو کردار ادا کیا وہی کردار مغربی بنگال کو خودکفیل بھارت کی تعمیر میں ادا کرنا ہے۔ وزیر اعظم نے آخر میں کہا کہ خودکفیل بھارت ملک میں خودکفیل بنگال اور سونار بانگلا کے لئے بھی راہ روشن کرے گا۔

 

تقریر کا مکمل متن پڑھنے کے لیے یہاں کلک کریں

20 تصاویر سیوا اور سمرپن کے 20 برسوں کو بیاں کر رہی ہیں۔
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Prime Minister Modi lived up to the trust, the dream of making India a superpower is in safe hands: Rakesh Jhunjhunwala

Media Coverage

Prime Minister Modi lived up to the trust, the dream of making India a superpower is in safe hands: Rakesh Jhunjhunwala
...

Nm on the go

Always be the first to hear from the PM. Get the App Now!
...
Social Media Corner 24th October 2021
October 24, 2021
Share
 
Comments

Citizens across the country fee inspired by the stories of positivity shared by PM Modi on #MannKiBaat.

Modi Govt leaving no stone unturned to make India self-reliant