وزیر اعظم مودی، جو مختلف ترقیاتی پروجیکٹوں کے آغاز کرنے کے سلسلے میں 16 فروری کے روز وارانسی کے اپنے حلقہ انتخاب میں موجود تھے، نے منگل کیوٹ نام کے ایک رکشہ چلانے والے سے ملاقات کی جس نے اپنی بیٹی کی شادی کے لئے وزیر اعظم کو دعوت نامہ بھیجا تھا۔
کیوٹ نے بذات خود شادی کا دعوت نامہ وزیر اعظم کے دفتر میں جاکر دیا تھا، اور اس ذہن میں رکھتے ہوئے وزیر اعظم مودی نے خود کیوٹ کو جواب ارسال کیا ۔ وزیر اعظم نے مراسلہ تحریر کرکے کیوٹ کو ان کی بیٹی کی شادی کی مبارکباد پیش جسے حاصل کرکے کیوٹ اور ان کا کنبہ خوشی سے جھوم اٹھا۔
کیوٹ ، جن کی وزیر اعظم سے ملنے کی خواہش تھی، وہ وزیر اعظم سے ان کے وارانسی دورے کے دوران ملاقات کرکے اور بھی زیادہ خوش ہوگئے۔
وزیر اعظم مودی کے سووَچھ بھارت ابھیان سے ترغیب حاصل کرتے ہوئے منگل کیوٹ نے پوری سرگرمی کے ساتھ صفائی ستھرائی سے متعلق مہم میں حصہ لیا اور بذات خود اپنے گاؤں ڈومری میں گنگا کے گھاٹ کی صفائی کا کام انجام دیا۔ کیوٹ ماں گنگا کے عقیدت مند بھی ہیں اور وہ دریا کی دیکھ بھال کے لئے اپنی آمدنی کا ایک حصہ خرچ کرتے ہیں۔
