Share
 
Comments
World is optimistic about India’s growing economy and technological advancements: PM Modi
A vast market like India presents several opportunities: PM Modi
Young innovators have the potential to make the country a $5 trillion economy: PM

عزت مآب جناب جین بے کوو، صدر جمہوریۂ کرغزستان

محترم جناب عادل بیک علوشمکاربیک، ڈائرکٹر انویسٹمنٹ پرموشن ایجنسی

جناب سندیپ سومانی، صدر فکّی

ہندوستان اور کرغزستان کے بزنس، صنعت اور تعلیم کے شعبے سے آئے ہوئے معززشرکاء

ہندوستانی اور کرغز کاروباری برادریوں کے درمیان  اس بزنس فورم کا انعقاد بہت ہی خوشی کی بات ہے۔ یہ بھی اہم ہے کہ میرے بشکیک سفر کے دوطرفہ مرحلے کاآغاز اس بزنس فورم سے ہو رہا ہے۔ یہ ہماری مشترکہ ترجیحات کی نشاندہی کرتا ہے۔ ہندستان اور کرغزستان کے درمیان زمانۂ قدیم سے قریبی، ثقافتی اور  مالیاتی تعلقات رہے ہیں۔ اس تاریخی اشتراک کو جدید زمانے کے مطابق فروغ دینے کے بہت زیادہ امکانات ہیں۔ صدر جین بے کوو اور میں مختلف شعبوں میں  ہندوستان-کرغز تعلقات کو توسیع دینا چاہیں گے اور خاص طور پر  بزنس اور سرمایہ کاری کے شعبے میں انھیں خاص مضبوط کرنا چاہیں گے۔ صدر محترم نے اس فورم کی رہنمائی کی ہے اور ذاتی طو رپر اس میں حصہ لیا۔ اس کے لیے میں ان کا شکریہ ادا کرتا ہوں۔

دوستو!

دنیا کی معیشت میں تیزی سے تبدیلی آرہی ہے۔ ایسے میں ہندوستان جیسی بڑی معیشت  کی  مالیاتی ترقی اور ٹیکنالوجیکل ترقی  دنیا میں استحکام اور امید کی اہم وجوہات ہیں۔ ہندوستان ایک وسیع مارکیٹ تو ہے ہی۔ ہمارے ملک  کے نوجوانوں کی صلاحیت اور پرجوش انوویٹرز 5 ٹریلین ڈالر کی  معیشت بننے کے ہمارے نشانے کو حاصل کرنے میں اہم کردار ادا کریں گے۔

دوستو!

یہ ظاہر ہے کہ فی الحال ہماری دوطرفہ تجارت اور معاشی شراکت داری امکان سے کافی ہے۔ اس لیے بزنس فورم کی یہ پہل بہت مناسب وقت پر کی جارہی ہے۔ میرے خیال میں تجار ت اور سرمایہ کاری کو فروغ دینے کے لیے تین محرک ہیں۔ مناسب ماحول، کنیکٹیویٹی اور بزنس ٹو بزنس یعنی بی ٹو بی لین دین۔ میں بتانا چاہوں گا کہ مناسب ماحول بنانے کے لیے ہم نے دوہرے ٹیکس لگائے جانے سے بچنے کے معاہدے کو حتمی شکل دے دی ہے۔ ساتھ ہی دوطرفہ سرمایہ کاری سمجھوتے پر ہم سرگرمی کے ساتھ بات چیت کر رہے ہیں۔ ان سے سرمایہ کاری کے لیے مضبوط بنیاد ملے گی۔ ہم نے دو طرفہ تجارت کو بڑھانے کے لیے پنج سالہ روڈ میپ تیار کیا ہے۔ کرغز ری پبلک، یوریشین اکنامک یونین کا رکن ہے۔ ہم یوریشین اکنامک یونین کے ساتھ تجارت کو بڑھانے کے لیے ترجیحی تجارت معاہدے پر بھی کام کر رہے ہیں۔

تجارت کو آسان بنانے میں بہتر کنیکٹیویٹی اہم کردار ادا کرتی ہے۔ چا بہار بندرگاہ ہندوستان اور افغانستان کے درمیان رابطے کا ایک نیا ذریعہ بن کر ابھرا ہے۔ ہندوستان اور وسطی ایشیا کے درمیان کنیکٹیویٹی کے بہتر متبادل تیار کرنے پر ہمیں اور زیادہ توجہ دینی ہوگی۔ بی ٹو بی لین دین میں اضافہ کرنے کے لیے بھی ہم نے کئی پہل کی ہیں۔ اس سال بشکیک میں ‘‘نمسکار یوریشیا’’ ٹریڈ شو منعقد کیا جائے گا۔ ہندوستان اور کرغز ری پبلک کی مختلف مصنوعات تجارت میں ایک دوسرے کی تکمیل کرتی ہیں۔ ہمیں ان تمام مواقع کا فائدہ اٹھانا چاہئے۔کرغز آرگینک مصنوعات کی بازار میں اچھی ساکھ ہے۔ یہاں کا پہاڑی شہد، اخروٹ اور ڈیری مصنوعات اکولوجیکل طو رپر صفائی اور قدرتی پروسیسنگ کے لیے مشہور ہیں۔ اسی طرح ہندوستان کے تاجروں اور سرمایہ کاروں کے لیے ادویات، ٹیکسٹائل، ریلوے، ہائیڈروپاؤر، کان کنی اور معدنیات اور سیاحت کے شعبوں میں کرغز ری پبلک میں اچھے مواقع موجود ہیں۔

 

دوستو!

میری خواہش ہے کہ آپ کی تمام بات چیت کامیاب ہو۔ میں کرغز تاجروں کے لیڈروں کی  ہندوستانی صنعتکاروں کے ساتھ کام کرنے کے لیے حوصلہ افزائی کرتا ہوں۔

آپ سب کا ہندوستان میں بھی اتنا ہی خیرمقدم ہے اور ہندوستان کے لوگوں کو تو جہاں ایئرپورٹ پر اترتے ہی مانس سنتے ہی لگتا ہوگا کہ ہم کافی اپنے پن سے جڑے ہوئے ہیں۔ مانو سنتے ہی لگتا ہے کہ ہم تو دنیا کی پرانی چیزوں سے جڑے ہوئے ہیں اتنا اپنا پن ہے۔ اگر زبان میں بھی تھوڑی توجہ دیں گے تو کئی لفظ یکساں ملیں گے۔ آپ کو اتنی نزدیکی ملے گی تو اتنا اپنا پن تو بہت فطری ہے۔ اس کا فائدہ دونوں فریق لیں۔ اب دونوں ملکوں کی ترقی میں صنعت وتجارت کے دوستوں کا تعاون بڑھے۔ اسی ایک توقع کے ساتھ آپ سب کو بہت بہت نیک خواہشات۔

آپ سب کا بہت بہت شکریہ۔

20 تصاویر سیوا اور سمرپن کے 20 برسوں کو بیاں کر رہی ہیں۔
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
سوشل میڈیا کارنر،29 نومبر 2021
November 29, 2021
Share
 
Comments

As the Indian economy recovers at a fast pace, Citizens appreciate the economic decisions taken by the Govt.

India is achieving greater heights under the leadership of Modi Govt.