وزیر اعظم جناب نریندر مودی کی صدارت میں مرکزی کابینہ نے ایکسپورٹ پروموشن مشن (ای پی ایم) کو منظوری دے دی ہے۔ یہ ایک اہم پہل ہے جس کا اعلان مرکزی بجٹ 2025-26 میں بھارت کی برآمدی مسابقت کو مضبوط کرنا ہے، خاص طور پر ایم ایس ایم ایز، پہلی بار برآمد کنندگان، اور محنت کش شعبوں کے لیے۔
یہ مشن برآمدات کے فروغ کے لیے ایک جامع، لچکدار اور ڈیجیٹل طور پر چلنے والا فریم ورک فراہم کرے گا، جس کی کل لاگت مالی سال 2025-26 سے مالی سال 2030-31 تک کے لیے 25,060 کروڑ روپے ہے۔ ای پی ایم متعدد بکھری ہوئی اسکیموں سے ایک واحد، نتائج پر مبنی، اور موافقت پذیر طریقہ کار کی طرف ایک اسٹریٹجک تبدیلی کی نشاندہی کرتا ہے جو عالمی تجارتی چیلنجوں اور ابھرتی ہوئی برآمد کنندگان کی ضروریات پر تیزی سے ردعمل دے سکتا ہے۔
ای پی ایم ایک باہمی تعاون کے فریم ورک میں مربوط ہے جس میں محکمہ تجارت، ایم ایس ایم ای کی وزارت، وزارت خزانہ، اور دیگر اہم اسٹیک ہولڈروں بشمول مالیاتی ادارے، ایکسپورٹ پروموشن کونسلز، کموڈٹی بورڈز، صنعتی انجمنیں اور ریاستی حکومتیں شامل ہیں۔
یہ مشن دو مربوط ذیلی اسکیموں کے ذریعے کام کرے گا:
-
برآمدکو فروغ دینا(نریات پروتساہن )- ایم ایس ایم ایز کے لیے سستی تجارتی مالیات تک رسائی کو بہتر بنانے پر توجہ مرکوز کرتا ہے جیسے کہ سود میں رعایت، ایکسپورٹ فیکٹرنگ، کولیٹرل گارنٹیز، ای کامرس برآمد کنندگان کے لیے کریڈٹ کارڈز، اور نئی منڈیوں میں تنوع کے لیے کریڈٹ بڑھانے میں مدد۔
-
برآمد کو رخ دینا (نریات دشا )- غیر مالیاتی اہل کاروں پر توجہ مرکوز کرتا ہے جو برآمدی معیار اور تعمیل کی مدد، بین الاقوامی برانڈنگ، پیکیجنگ، اور تجارتی میلوں میں شرکت، برآمدی گودام اور لاجسٹکس، اندرون ملک نقل و حمل کی ادائیگی، اور تجارتی انٹیلی جنس اور صلاحیت سازی کے اقدامات سمیتمارکیٹ کی تیاری اور مسابقت کو بڑھاتے ہیں۔
ای پی ایم اہم برآمدی معاونت کی اسکیموں جیسے انٹرسٹ ایکولائزیشن اسکیم (آئی ای ایس) اور مارکیٹ ایکسیس انیشی ایٹو (ایم اے آئی) کو مستحکم کرتا ہے ، جو انھیں عصری تجارتی ضروریات کے ساتھ ہم آہنگ کرتا ہے۔
یہ مشن بھارتی برآمدات کی راہ میں رکاوٹ بننے والے ڈھانچہ جاتی چیلنجوں سے براہ راست نمٹنے کے لیے ڈیزائن کیا گیا ہے، بشمول:
-
محدود اور مہنگی تجارتی مالیات تک رسائی،
-
بین الاقوامی برآمدی معیارات کی تعمیل کی زیادہ لاگت،
-
ناکافی برآمدی برانڈنگ اور منڈی تک بکھری ہوئی رسائی، اور
-
اندرونی اور کم برآمدی شدت والے علاقوں میں برآمد کنندگان کے لیے لاجسٹک نقصانات۔
ای پی ایم کے تحت، حالیہ عالمی ٹیرف میں اضافے سے متاثر ہونے والے شعبوں کو ترجیحی مدد فراہم کی جائے گی، جیسے ٹیکسٹائل، چمڑا، جواہرات اور زیورات، انجینئرنگ کے سامان، اور سمندری مصنوعات۔ ان اقدامات سے برآمدی آرڈرز کو برقرار رکھنے، ملازمتوں کے تحفظ اور نئے جغرافیوں میں تنوع میں مدد کرنے میں مدد ملے گی۔
ڈائریکٹوریٹ جنرل آف فارن ٹریڈ (ڈی جی ایف ٹی) عمل درآمد کرنے والی ایجنسی کے طور پر کام کرے گا، جس میں درخواست سے لے کر تقسیم تک تمام عمل موجودہ تجارتی نظام کے ساتھ مربوط ایک سرشار ڈیجیٹل پلیٹ فارم کے ذریعے منظم کیے جائیں گے۔
اس مشن سے حسب ذیل توقعات ہیں:
-
ایم ایس ایم ایز کے لیے سستی تجارتی مالیات تک رسائی کی سہولت فراہم کرنا،
-
تعمیل اور سرٹیفیکیشن سپورٹ کے ذریعے برآمدی تیاریوں کو بڑھانا،
-
بھارتی مصنوعات کے لیے مارکیٹ تک رسائی اور مرئیت کو بہتر بنانا،
-
غیر روایتی اضلاع اور شعبوں سے برآمدات کو فروغ دینا، اور
-
مینوفیکچرنگ، لاجسٹکس، اور اس سے منسلک خدمات میں روزگار پیدا کرنا۔
ای پی ایم بھارت کے برآمدی فریم ورک کو مزید جامع، ٹیکنالوجی سے چلنے والا، اور عالمی سطح پر مسابقتی بنانے کے لیے ایک مستقبل کے حوالے سے کوشش کی نمائندگی کرتا ہے، جو وکست بھارت @2047 کے وژن کے ساتھ ہم آہنگ ہے۔
