وزیر اعظم نے ایک انٹرویو کے دوران کہا کہ ہندوستان کے عوام ہی آئندہ انتخابات کا فیصلہ کریں گے کون عوام کا پسندیدہ ہے اور کون لوگ عوام کی امنگوں اور عزائم کے خلاف ہیں؟ یہی بات ان انتخابات کا معیار ہوگی۔
جناب مودی نے کہا کہ لوگ اس بات سے بخوبی واقف ہیں کہ پہلے غیر مرتکب بدعنوانی ہوا کرتی تھی۔ ریاستی سرکاروں میں بیٹھے لوگوں نے ریاستوں کو لوٹ لیا، جو لوگ مرکز میں بیٹھے انہوں نے مرکز کو لوٹ لیا۔ انہوں نے کہا، ’اب یہ فیصلہ عوام الناس ہی کریں گے کہ اب مصلحتاً ہاتھ ملانے والی بدعنوان طاقتوں کا ساتھ دیا جائے یا نہ دیا جائے۔ اس لئے یہ انتخابات جنتا بمقابلہ مہا گٹھ بندھن ہوں گے۔‘‘
چندر بابو نائیڈو کے اس دعوےٰ پر کہ بی جے پی کے سی آر کی حمایت کر رہی ہے، وزیر اعظم نے کہا، ’’مجھے ان گذشتہ پانچ برسوں کے دوران کے سی آر کے ساتھ کسی بھی اتحاد کی کوئی خبر نہیں ہے۔ مہاگٹھ بندھن نے ایک زبان ہوکر جو کچھ کہا ہے، کیا اس میں واقعی کوئی ٹھوس سچائی ہے؟ وہ آج بھی مختلف آوازوں میں بات کرتے ہیں۔ اپنے آپ کو بچانے کے لئے یہ لوگ حمایت کے طلب گار ہیں، اس لئے ایک دوسرے کے ہاتھ کو تھامے ہوئے ہیں۔‘‘
