وزیر اعظم جناب نریندر مودی نے آج پردھان منتری مدرا یوجنا کے 10 برس مکمل ہونے کی ستائش کی اور اسے ’’اختیار دہی اور صنعت کاری ‘‘ کا سفر قرار دیا۔ انہوں نے کہا کہ صحیح حمایت کے ساتھ، بھارت کے لوگ حیرت انگیز کام انجام دے سکتے ہیں۔
اپنے آغاز کے بعد سے، مدرا یوجنا نے 33 لاکھ کروڑ روپے کے بقدر کے52 کروڑ سے زیادہ ضمانت سے مبرا قرضے تقسیم کیے ہیں، جس میں تقریباً 70فیصد قرض خواتین کو دیا گیا ہے اور 50فیصد ایس سی / ایس ٹی / او بی سی کاروباریوں کو فائدہ پہنچایاگیا۔ اس یوجنا نے پہلی مرتبہ کاروباری مالکان کو 10 لاکھ کروڑ روپے کے بقدر کے قرض کے ساتھ بااختیار بنایا ہے اور پہلے تین برسوں میں ایک کروڑ سے زیادہ ملازمتیں پیدا کی ہیں۔ بہار جیسی ریاستیں قائدین کے طور پر ابھری ہیں، جن میں تقریباً 6 کروڑ قرضوں کی منظوری دی گئی ہے، جس نے پورے ہندوستان میں کاروبار کے مضبوط جذبے کو ظاہر کیا ہے۔
زندگیوں کو تبدیل کرنے میں مدرا یوجنا کے اہم کردار کے بارے میں ایکس پر مائی گو انڈیا کی پوسٹ پر ردعمل ظاہر کرتے ہوئے، وزیر اعظم نے کہا؛
’’ #مدرا کے 10 برس اختیار دہی اور صنعت کاری سے متعلق رہے۔ اس نے یہ ظاہر کر دیا ہےکہ اگر صحیح حمایت فراہم کی جائے تو بھارت کےعوام حیرت انگیز کام انجام دےسکتے ہیں!‘‘
#10YearsofMUDRA has been about empowerment and enterprise. It has shown that given the right support, the people of India can do wonders! https://t.co/c3oaq0LMet
— Narendra Modi (@narendramodi) April 8, 2025
