ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਅਤੇ ਮਾਰੀਸ਼ਸ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਪ੍ਰਵਿੰਦ ਕੁਮਾਰ ਜਗਨਨਾਥ 20 ਜਨਵਰੀ, 2022 ਨੂੰ ਸ਼ਾਮ ਲਗਭਗ 4:30 ਵਜੇ ਮਾਰੀਸ਼ਸ ਵਿੱਚ ਭਾਰਤ ਦੀਆਂ ਮਦਦ ਵਾਲੀਆਂ ਸੋਸ਼ਲ ਹਾਊਸਿੰਗ ਯੂਨਿਟਸ ਦੇ ਪ੍ਰੋਜੈਕਟ ਦਾ ਸੰਯੁਕਤ ਤੌਰ ’ਤੇ ਵਰਚੁਅਲੀ ਉਦਘਾਟਨ ਕਰਨਗੇ। ਦੋਨੋਂ ਪਤਵੰਤੇ ਮਾਰੀਸ਼ਸ ਵਿੱਚ ਸਿਵਲ ਸਰਵਿਸ ਕਾਲਜ ਅਤੇ 8 ਮੈਗਾਵਾਟ ਦੇ ਸੋਲਰ ਪੀਵੀ ਫਾਰਮ ਪ੍ਰੋਜੈਕਟ ਵੀ ਲਾਂਚ ਕਰਨਗੇ , ਜਿਨ੍ਹਾਂ ਨੂੰ ਭਾਰਤੀ ਵਿਕਾਸ ਸਹਾਇਤਾ ਦੇ ਤਹਿਤ ਚਲਾਇਆ ਜਾ ਰਿਹਾ ਹੈ ।
ਇਸ ਮੌਕੇ ਉੱਤੇ ਮੈਟਰੋ ਐਕਸਪ੍ਰੈੱਸ ਪ੍ਰੋਜੈਕਟ ਅਤੇ ਹੋਰ ਬੁਨਿਆਦੀ ਢਾਂਚਾ ਪ੍ਰੋਜੈਕਟਸ ਦੇ ਲਈ ਭਾਰਤ ਨਾਲ ਮਾਰੀਸ਼ਸ ਨੂੰ 190 ਮਿਲੀਅਨ ਅਮਰੀਕੀ ਡਾਲਰ ਦੀ ਲਾਈਨ ਆਵ੍ ਕ੍ਰੈਡਿਟ ( ਐੱਲਓਸੀ ) ਦੇਣ ਉੱਤੇ ਸਮਝੌਤਾ ਹੋਵੇਗਾ । ਨਾਲ ਹੀ ਛੋਟੇ ਵਿਕਾਸ ਪ੍ਰੋਜੈਕਟਾਂ ਦੇ ਲਾਗੂਕਰਨ ਉੱਤੇ ਸਹਿਮਤੀ ਪੱਤਰ (ਐੱਮਓਯੂ) ਦਾ ਵੀ ਅਦਾਨ- ਪ੍ਰਦਾਨ ਕੀਤਾ ਜਾਵੇਗਾ ।
