ରାଷ୍ଟ୍ରପତିଙ୍କ ଅଭିଭାଷଣର ଧନ୍ୟବାଦ ପ୍ରସ୍ତାବ ଉପରେ ପ୍ରଧାନମନ୍ତ୍ରୀ ଗୁରୁବାର ରାଜ୍ୟସଭାରେ ବକ୍ତବ୍ୟ ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି 5 ଟ୍ରିଲିୟନ ଡଲାର ଅର୍ଥବ୍ୟବସ୍ଥାର ମହତ୍ୱାକାଂକ୍ଷୀ ଲକ୍ଷ୍ୟ ହାସଲ କରିବାକୁ ହେଲେ ଆମକୁ ବୃହତ ଚିନ୍ତା କରି ଆଗେଇବାକୁ ପଡିବ । ମୁଁ ଆପଣମାନଙ୍କୁ ଆଶ୍ୱସ୍ତ କରୁଛି, ଭାରତର ଅର୍ଥବ୍ୟବସ୍ଥା ସୁଦୃଢ଼ ରହିଛି । ଭାରତ ତୀବ୍ର ଗତି ତଥା ପୂର୍ଣ୍ଣ ଦକ୍ଷତାର ସହ 5 ଟ୍ରିଲିୟନ ଡଲାର ଅର୍ଥବ୍ୟବସ୍ଥା ସ୍ୱପ୍ନର ପିଛା କରୁଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।
5 ଟ୍ରିଲିୟନ ଡଲାର ଅର୍ଥବ୍ୟବସ୍ଥା ସ୍ୱପ୍ନ ପୂରଣ କରିବାକୁ ସରକାର ଗାଁ ଓ ସହରର ଭିତ୍ତିଭୂମି, ଏମଏସଏମଇ, ବୟନ, ପ୍ରଯୁକ୍ତି ଓ ପର୍ଯ୍ୟଟନକୁ ଗୁରୁତ୍ୱ ଦେଉଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ଏସବୁ କ୍ଷେତ୍ରକୁ ଆଗେଇ ନେବା ଲାଗି ଅନେକଗୁଡ଼ିଏ ପଦକ୍ଷେପ ନିଆଯାଇଛି । ମେକ୍ ଇନ୍ ଇଣ୍ଡିଆକୁ ତ୍ୱରାନ୍ୱିତ କରିବାକୁ ଟିକସ ବ୍ୟବସ୍ଥା ଭଳି ସମସ୍ତ ପ୍ରକ୍ରିୟାକୁ ସରଳୀକୃତ କରାଯାଇଛି । ଏସବୁ ପଦକ୍ଷେପ ଦ୍ୱାରା ନିର୍ମାଣ କ୍ଷେତ୍ରରେ ଦେଶରେ ନୂଆ ଉତ୍ସାହ ସୁନିଶ୍ଚିତ ହେବ । ବ୍ୟାଙ୍କ କ୍ଷେତ୍ରରେ ବିଲୟ ନୀତି ସାର୍ଥକ ପରିଣାମ ଦେବା ଆରମ୍ଭ କଲାଣି ।
ଛୋଟ ସହର ନୂଆ ଭାରତର ଆଧାର
ଦେଶର ଅଧିକାଂଶ ଆକାଂକ୍ଷୀ ଯୁବ ପିଢ଼ି ଛୋଟ ସହରରେ ରହୁଛନ୍ତି ଯାହା ନୂଆ ଭାରତର ଆଧାର । ଏବେ ଦେଶର ଅର୍ଦ୍ଧାଧିକ ଡିଜିଟାଲ ନେଣଦେଣ ଛୋଟ ସହରଗୁଡ଼ିକରେ ହେଉଛି । ଦେଶରେ ପଞ୍ଜିକୃତ ହୋଇଥିବା ଅର୍ଦ୍ଧେକ ଷ୍ଟାର୍ଟ ଅପ ଟାୟାର- 2 ଓ ଟାୟାର- 3 ସହରରେ ରହିଛି । ସେଥିପାଇଁ ଆମେ ଟାୟାର-2 ଓ ଟାୟାର-3 ସହରରେ ତୀବ୍ର ଗତିରେ ଅତ୍ୟାଧୁନିକ ଭିତ୍ତିଭୂମି ନିର୍ମାଣକୁ ଗୁରୁତ୍ୱ ଦେଉଛୁ । ରାଜପଥ ଓ ରେଳ ଯୋଗାଯୋଗର ଦ୍ରୁତ ଉନ୍ନତି ହେଉଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।
2024 ସୁଦ୍ଧା ଅଧିକ 100 ବିମାନବନ୍ଦର
ନିକଟରେ ଉଡାନ୍ ଯୋଜନା ଅଧୀନରେ 250ତମ ବିମାନ ମାର୍ଗ ଉନ୍ମୋଚିତ ହୋଇଛି । ଏହା ଭାରତର 250ଟି ଛୋଟ ସହରକୁ ବିମାନ ଯାତ୍ରା ଶସ୍ତା ଓ ସୁଲଭ କରିଛି । ସ୍ୱାଧୀନତା ପରଠାରୁ 2014 ପର୍ଯ୍ୟନ୍ତ ଦେଶରେ ମାତ୍ର 65ଟି କାର୍ଯ୍ୟକ୍ଷମ ବିମାନ ବନ୍ଦର ଥିବା ବେଳେ ଗତ ପାଞ୍ଚ ବର୍ଷରେ ଏହି ସଂଖ୍ୟା 1 ଶହରୁ ଅଧିକ ହୋଇଛି । 2024 ସୁଦ୍ଧା 100ଟି ଅଧିକ ବିମାନ ବନ୍ଦର ଟାୟାର-2 ଓ ଟାୟାର-3 ସହରରେ ବିକଶିତ କରିବାର ଲକ୍ଷ୍ୟ ରହିଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।
There is no question of thinking small.
— PMO India (@PMOIndia) February 6, 2020
Pessimism and gloom do not help us.
We talk about a five trillion dollar economy. Yes, the aim is ambitious but we have to think big and think ahead: PM @narendramodi
निराशा देश का भला कभी नहीं करती, इसलिए 5 ट्रिलियन डॉलर की इकोनॉमी की बात का सुखद परिणाम यह हुआ कि जो विरोध करते हैं, उन्हें भी 5 ट्रिलियन डॉलर की बात करनी पड़ती है। मानसिकता तो बदली है हमने: PM @narendramodi
— PMO India (@PMOIndia) February 6, 2020
आज छोटे स्थानों पर डिजिटल ट्रांजैक्शन सबसे ज्यादा देखने को मिल रहा है और आधुनिक इन्फ्रास्ट्रक्चर के निर्माण में भी टियर-2, टियर-3 शहर आगे बढ़ रहे हैं : PM @narendramodi
— PMO India (@PMOIndia) February 6, 2020
