প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৰাজ্যসভাত ৰাষ্ট্ৰপতিৰ ভাষণৰ ধন্যবাদসূচক প্ৰস্তাৱৰ উত্তৰ আগবঢ়ায়৷ তেওঁ কয় যে ৫ ট্ৰিলিয়ন ডলাৰৰ অৰ্থনীতিৰ লক্ষ্য অভিলাসী কিন্তু আমি ডাঙৰ চিন্তা কৰিব লাগিব আৰু আগুৱাই যাব লাগিব৷ “মই আপোনালোকক পুনৰ নিশ্চিত কৰিব বিচাৰো যে ভাৰতীয় অৰ্থনীতি শক্তিশালী৷ ভাৰতে সম্পূৰ্ণ গতি আৰু সম্ভাৱনীয়তাৰে ৫ ট্ৰিলিয়ন ডলাৰৰ অৰ্থনীতিৰ সপোন দেখিছে৷”, —প্ৰধানমন্ত্ৰীয়ে কয়৷
প্ৰধানমন্ত্ৰীয়ে উল্লেখ কৰে যে ৫ ট্ৰিলিয়ন ডলাৰৰ অৰ্থনীতিৰ সপোন সাৰ্থক কৰিবলৈ চৰকাৰে গাওঁ আৰু চহৰৰ আন্তঃগাথনি, ক্ষুদ্ৰ, অতি ক্ষুদ্ৰ আৰু মজলীয়া উদ্যোগ, বস্ত্ৰশিল্প, প্ৰযুক্তি আৰু পৰ্যটনৰ ওপৰত গুৰুত্ব দিছে৷ এই খণ্ডসমূহক আগুৱাই নিবলৈ কেইবাটাও পদক্ষেপ গ্ৰহণ কৰা হৈছে৷ মেক ইন ইণ্ডিয়াক গতি প্ৰদান কৰিবলৈ কৰ গাঁথনিকে ধৰি সকলো প্ৰক্ৰিয়া সৰল কৰা হৈছে৷ এই ব্যৱস্থাই দেশৰ নিৰ্মাণ খণ্ডলৈ নতুন উদ্যম কঢ়িয়াই আনিছে৷ বেংকৰ একত্ৰীকৰণ নীতিৰ ফলত ইতিমধ্যে ফলদায়ক পৰিণাম দেখিবলৈ পোৱা গৈছে৷
সৰু চহৰসমূহ নতুন ভাৰতৰ ভেটিঃ
প্ৰধানমন্ত্ৰীয়ে উল্লেখ কৰে যে দেশৰ সবাতোকৈ উচ্চাকাংক্ষী যুৱক-যুৱতীসকল সৰু চহৰত বাস কৰে, যিবোৰ হ’ল নতুন ভাৰতৰ ভেটি৷ “আজি ভাৰতৰ মুঠ ডিজিটেল লেনদেনৰ আধাৰো অধিক লেনদেন সৰু চহৰত হোৱা দেখা যায়৷ দেশত পঞ্জীভুক্ত হোৱা ষ্টাৰ্টআপৰ আধাৰো অধিক টায়াৰ-২, টায়াৰ-৩ চহৰত হৈ আছে৷ সেয়ে আমি টায়াৰ-২, টায়াৰ-৩ চহৰত দ্ৰুত গতিৰে আধুনিক আন্তঃগাথনি নিৰ্মাণত মনোনিৱেশ কৰিছো৷ ৰাষ্ট্ৰীয় ঘাইপথ আৰু ৰেল সংযোগ ক্ষীপ্ৰগতিৰে আগবাঢ়িছে৷”,—প্ৰধানমন্ত্ৰীয়ে কয়৷
২০২৪ৰ ভিতৰত পুনৰ ১০০ বিমানবন্দৰ
প্ৰধানমন্ত্ৰীয়ে কয় যে উড়ান আঁচনিৰ অধীনত শেহতীয়াকৈ ২৫০সংখ্যক যাত্ৰাপথ মুকলি কৰা হৈছে৷ ই দেশৰ ২৫০খন সৰু চহৰত বিমান সেৱা সহজলভ্য আৰু সুচল কৰি তুলিছে৷ “স্বাধীনতাৰ পৰা ২০১৪লৈ দেশত মাত্ৰ ৬৫টা কাৰ্যক্ষম বিমানবন্দৰ আছিল৷ যোৱা ৫বছৰত ই বৃদ্ধি হৈ এতিয়া ১০০ৰো অধিক বিমানবন্দৰ হৈছে৷ আমাৰ লক্ষ্য হ’ল ২০২৪ৰ ভিতৰত পুনৰ ১০০টা বিমানবন্দৰ মুকলি কৰা৷ ইয়াৰে অধিকাংশ টায়াৰ-২, টায়াৰ-৩ চহৰত নিৰ্মাণ হ’ব৷”, —প্ৰধানমন্ত্ৰীয়ে কয়৷
There is no question of thinking small.
— PMO India (@PMOIndia) February 6, 2020
Pessimism and gloom do not help us.
We talk about a five trillion dollar economy. Yes, the aim is ambitious but we have to think big and think ahead: PM @narendramodi
निराशा देश का भला कभी नहीं करती, इसलिए 5 ट्रिलियन डॉलर की इकोनॉमी की बात का सुखद परिणाम यह हुआ कि जो विरोध करते हैं, उन्हें भी 5 ट्रिलियन डॉलर की बात करनी पड़ती है। मानसिकता तो बदली है हमने: PM @narendramodi
— PMO India (@PMOIndia) February 6, 2020
आज छोटे स्थानों पर डिजिटल ट्रांजैक्शन सबसे ज्यादा देखने को मिल रहा है और आधुनिक इन्फ्रास्ट्रक्चर के निर्माण में भी टियर-2, टियर-3 शहर आगे बढ़ रहे हैं : PM @narendramodi
— PMO India (@PMOIndia) February 6, 2020
