ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆଜି ଅର୍ଥମନ୍ତ୍ରୀଙ୍କ ଦ୍ୱାରା ଘୋଷଣା କରାଯାଇଥିବା ପଦକ୍ଷେପଗୁଡ଼ିକ ଅର୍ଥନୈତିକ କାର୍ଯ୍ୟକଳାପକୁ ତ୍ୱରାନ୍ୱିତ କରିବା, ଉତ୍ପାଦନ ଓ ରପ୍ତାନିକୁ ପ୍ରୋତ୍ସାହିତ କରିବା ଏବଂ ନିଯୁକ୍ତି ସୃଷ୍ଟିରେ ସହାୟକ ହେବ । ଏଥିସହ ଛୋଟ ପିଲା, ଚାଷୀ, କ୍ଷୁଦ୍ର ଉଦ୍ୟୋଗୀ ଓ ଆତ୍ମନିଯୁକ୍ତ ଲୋକମାନଙ୍କ ସ୍ୱାସ୍ଥ୍ୟ ସୁବିଧା ଲାଗି ନିଆଯାଇଥିବା ପଦକ୍ଷେପଗୁଡ଼ିକ ଉପରେ ମଧ୍ୟ ସେ ଉଲ୍ଲେଖ କରିଛନ୍ତି ।
ଅନେକ ଟ୍ୱିଟ୍ ମାଧ୍ୟମରେ ପ୍ରଧାନମନ୍ତ୍ରୀ କହିଛନ୍ତି, ‘‘ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ଆଜି ଘୋଷିତ ପଦକ୍ଷେପଗୁଡ଼ିକ ଦ୍ୱାରା ବିଶେଷ ଭାବେ ସେବା ଅଭାବ ଥିବା ଅଞ୍ଚଳଗୁଡ଼ିକରେ ସ୍ୱାସ୍ଥ୍ୟ ସୁବିଧା ବଢ଼ିବ, ଚିକିତ୍ସା ଭିତ୍ତିଭୂମିରେ ଘରୋଇ ନିବେଶକୁ ପ୍ରୋତ୍ସାହନ ମିଳିବ ଏବଂ ଗୁରୁତ୍ୱପୂର୍ଣ୍ଣ ମାନବସମ୍ବଳରେ ବୃଦ୍ଧି ଘଟିବ । ଏଥିରେ ଆମ ପିଲାମାନଙ୍କ ପାଇଁ ସ୍ୱାସ୍ଥ୍ୟ ସୁବିଧାଗୁଡ଼ିକୁ ସୁଦୃଢ଼ କରିବା ଉପରେ ଜୋର ଦିଆଯାଇଛି ।
ଆମ ଚାଷୀମାନଙ୍କ ସହାୟତା ଲାଗି ଗୁରୁତ୍ୱ ପ୍ରଦାନ କରାଯାଇଛି । ଏମିତି ଅନେକ ପଦକ୍ଷେପ ଘୋଷଣା କରାଯାଇଛି, ଯାହା ସେମାନଙ୍କ ଚାଷ ବାବଦ ଖର୍ଚ୍ଚ କମାଇବ, ସେମାନଙ୍କ ଆୟ ବୃଦ୍ଧି କରିବ ଏବଂ କୃଷି ସଂକ୍ରାନ୍ତ କାର୍ଯ୍ୟକଳାପରେ ନମନୀୟତା ଓ ସ୍ଥାୟିତ୍ୱକୁ ସମର୍ଥନ ଦେବ ।
ଆମ କ୍ଷୁଦ୍ର ଉଦ୍ୟୋଗୀ ଓ ଆତ୍ମନିଯୁକ୍ତ ଲୋକମାନଙ୍କୁ ସେମାନଙ୍କ କାରବାର କାର୍ଯ୍ୟକଳାପକୁ ସୁଚାରୁ ଭାବେ ଜାରି ରଖିବା ଓ ତାହାର ସମ୍ପ୍ରସାରଣକୁ ସକ୍ଷମ ବନାଇବା ନିମନ୍ତେ ସହାୟତା ଘୋଷଣା କରାଯାଇଛି ।
ଏହି ପଦକ୍ଷେପଗୁଡ଼ିକ ଦ୍ୱାରା ଆର୍ଥିକ କାର୍ଯ୍ୟକଳାପ ଗତିଶୀଳ ହେବ, ଉତ୍ପାଦନ ଓ ରପ୍ତାନି ବଢ଼ିବ ଏବଂ ନିଯୁକ୍ତି ସୃଷ୍ଟି ହେବ । ପରିଣାମ କୈନ୍ଦି୍ରକ ବିଦୁ୍ୟତ ବିତରଣ ଯୋଜନା ଓ ପିପିପି ପ୍ରକଳ୍ପ ଏବଂ ସମ୍ପତ୍ତି ମୁଦ୍ରୀକରଣ ପାଇଁ ବ୍ୟବସ୍ଥିତ ପ୍ରକ୍ରିୟାଗୁଡ଼ିକ ସଂସ୍କାର ଲାଗି ଆମ ସରକାରଙ୍କ ନିରନ୍ତର ପ୍ରତିବଦ୍ଧତାକୁ ପ୍ରଦର୍ଶିତ କରୁଛି ।’’
The measures will help to stimulate economic activities, boost production & exports and generate employment.
— Narendra Modi (@narendramodi) June 28, 2021
Result linked Power Distribution Scheme and streamlined processes for PPP projects and Asset Monetisation demonstrates our Government’s continuing commitment to reforms.
Importance has been given to helping our farmers. Multiple initiatives have been announced which reduce their costs, increase their incomes & support greater resilience and sustainability of agricultural activities.
— Narendra Modi (@narendramodi) June 28, 2021
