ମହାମହିମ, ପ୍ରଧାନମନ୍ତ୍ରୀ ଅନୱର ଇବ୍ରାହିମ
ଉଭୟ ଦେଶର ପ୍ରତିନିଧିଗଣ,
ଗଣମାଧ୍ୟମର ବନ୍ଧୁଗଣ,
ନମସ୍କାର!
ସଲାମ ପାଗୀ ( ସୁପ୍ରଭାତ)
ପ୍ରଥମେ, ମୁଁ ମୋର ଘନିଷ୍ଠ ବନ୍ଧୁ ପ୍ରଧାନମନ୍ତ୍ରୀ ଅନୱର ଇବ୍ରାହିମଙ୍କୁ ତାଙ୍କର ହୃଦୟସ୍ପର୍ଶୀ ଓ ଭବ୍ୟ ସ୍ୱାଗତ ପାଇଁ ସହୃଦୟତାର ସହିତ କୃତଜ୍ଞତା ଜଣାଉଛି। ଗତ ବର୍ଷ, ମୁଁ ଏସିଆନ୍ ଶିଖର ସମ୍ମିଳନୀ ପାଇଁ ମାଲେସିଆ ଯାତ୍ରା କରିପାରି ନଥିଲି। କିନ୍ତୁ ମୁଁ ମୋର ପ୍ରିୟ ବନ୍ଧୁଙ୍କୁ ପ୍ରତିଶ୍ରୁତି ଦେଇଥିଲି ଯେ, ମୁଁ ଯଥାଶୀଘ୍ର ମାଲେସିଆ ଗସ୍ତ କରିବି। ଆଜି, ୨୦୨୬ର ମୋର ପ୍ରଥମ ବିଦେଶ ଯାତ୍ରାରେ, ମୁଁ ମାଲେସିଆ ଆସିଛି।
ବନ୍ଧୁଗଣ,
ଭାରତ ଓ ମାଲେସିଆ ମଧ୍ୟରେ ସମ୍ପର୍କ ଅତ୍ୟନ୍ତ ଗଭୀର ଓ ଅତୁଟ। ଆମେ ସମୁଦ୍ରପଥର ପଡ଼ୋଶୀ। ଶତାବ୍ଦୀ ଧରି, ଆମର ଦୁଇ ଦେଶର ଲୋକଙ୍କ ମଧ୍ୟରେ ଗଭୀର ଏବଂ ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ରହିଆସିଛି। ଆଜି, ମାଲେସିଆ ବିଶ୍ୱର ଦ୍ୱିତୀୟ ସର୍ବାଧିକ ଭାରତୀୟ ବଂଶୋଦ୍ଭବ ଜନସଂଖ୍ୟା ବିଶିଷ୍ଟ ଦେଶ। ଆମ ଦୁଇ ଦେଶର ସଭ୍ୟତା ସମାନ ସାଂସ୍କୃତିକ ଐତିହ୍ୟ ଏବଂ ଗଣତାନ୍ତ୍ରିକ ମୂଲ୍ୟବୋଧରେ ଆଧାରିତ।
ବନ୍ଧୁଗଣ,
ଗତ କିଛି ବର୍ଷ ଧରି ଆମର ସମ୍ପର୍କ ନୂତନ ଗତି ହାସଲ କରିଛି। ମୋର ବନ୍ଧୁ ପ୍ରଧାନମନ୍ତ୍ରୀ ଅନୱର ଇବ୍ରାହିମ ଏଥିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
ଶକ୍ତି, ଭିତ୍ତିଭୂମି ଏବଂ ଉତ୍ପାଦନ କ୍ଷେତ୍ରରେ ଆମର ସହଯୋଗ ଯଥେଷ୍ଟ ମଜଭୁତ ହୋଇଛି। ଡିଜିଟାଲ ଅର୍ଥନୀତି, ଜୈବପ୍ରଯୁକ୍ତିବିଦ୍ୟା ଓ ଆଇଟି କ୍ଷେତ୍ରରେ ପାରସ୍ପରିକ ନିବେଶ ବୃଦ୍ଧି ପାଇଛି। ପର୍ଯ୍ୟଟନ ଏବଂ ଲୋକ-ଲୋକ ମଧ୍ୟରେ ସମ୍ପର୍କ ମଧ୍ୟ ଆହୁରି ନିବିଡ଼ ହୋଇଛି। ଏହି ସଫଳତାଗୁଡ଼ିକ ଦ୍ୱାରା ଅନୁପ୍ରାଣିତ ହୋଇ, ଆଜି ଆମେ ଆମର ସହଭାଗୀତାରେ ଅଭୂତପୂର୍ବ ଗତି ଏବଂ ଗଭୀରତା ଆଣିବାକୁ ନିଷ୍ପତ୍ତି ନେଇଛୁ।
ବନ୍ଧୁଗଣ,
ସୁରକ୍ଷା କ୍ଷେତ୍ରରେ, ଆମେ ଆତଙ୍କବାଦ ବିରୋଧୀ ପଦକ୍ଷେପ, ଗୁପ୍ତ ସୂଚନା ଆଦାନପ୍ରଦାନ ଏବଂ ସାମୁଦ୍ରିକ ସୁରକ୍ଷାରେ ସହଯୋଗକୁ ଆହୁରି ସୁଦୃଢ଼ କରିବୁ। ଆମେ ପ୍ରତିରକ୍ଷା ସହଯୋଗକୁ ମଧ୍ୟ ଆହୁରି ବିସ୍ତୃତ ଓ ସାମଗ୍ରିକ କରିବୁ।
ଏଆଇ ଓ ଡିଜିଟାଲ ପ୍ରଯୁକ୍ତିବିଦ୍ୟା ସହିତ, ଆମେ ସେମିକଣ୍ଡକ୍ଟର, ସ୍ୱାସ୍ଥ୍ୟ ଓ ଖାଦ୍ୟ ସୁରକ୍ଷା କ୍ଷେତ୍ରରେ ଆମ ସହଭାଗୀତାକୁ ଆହୁରି ଆଗକୁ ବଢ଼ାଇବୁ। ଆଜି ଆୟୋଜିତ ସିଇଓ ଫୋରମ୍, ବାଣିଜ୍ୟ ଓ ନିବେଶ ପାଇଁ ନୂତନ ସୁଯୋଗ ଆଣିଦେଇଛି। ଆମେ ରଣନୈତିକ ବିଶ୍ୱାସ ମାଧ୍ୟମରେ ଅର୍ଥନୈତିକ ପରିବର୍ତ୍ତନ ପାଇଁ ପଥ ପ୍ରଶସ୍ତ କରିବୁ।
ବନ୍ଧୁଗଣ,
ଗତକାଲି, ମୋତେ ମାଲେସିଆର ଭାରତୀୟ ପ୍ରବାସୀମାନଙ୍କ ସହିତ ଭେଟିବାର ସୁଯୋଗ ମିଳିଥିଲା। ପ୍ରଧାନମନ୍ତ୍ରୀ ଅନୱର ଇବ୍ରାହିମ ମଧ୍ୟ ତାଙ୍କ ଉପସ୍ଥିତି ମାଧ୍ୟମରେ ସମ୍ମିଳନୀର ଗରିମାକୁ ଆହୁରି ବୃଦ୍ଧି କରିଥିଲେ। ୩୦ ଲକ୍ଷ ପ୍ରବାସୀ ଭାରତୀୟଙ୍କ ଏହି ‘ଜୀବନ୍ତ ସେତୁ’ (ଲିଭିଂ ବ୍ରିଜ୍) ଆମର ସବୁଠାରୁ ବଡ଼ ଶକ୍ତି। ସେମାନଙ୍କ କଲ୍ୟାଣ ପାଇଁ ନିଆଯାଇଥିବା ପଦକ୍ଷେପ ଆମର ସମ୍ପର୍କକୁ ଏକ ମାନବିକ ଭିତ୍ତିଭୂମି ପ୍ରଦାନ କରେ।
ମାଲେସିଆରେ ଭାରତୀୟ ଶ୍ରମିକଙ୍କ ସୁରକ୍ଷା ପାଇଁ ସାମାଜିକ ସୁରକ୍ଷା ଚୁକ୍ତିନାମା, ପର୍ଯ୍ୟଟନ ପାଇଁ ଗ୍ରାଟିସ୍ ଇ-ଭିସା ଏବଂ ମାଲେସିଆରେ ଡିଜିଟାଲ୍ ପେମେଣ୍ଟ ଇଣ୍ଟରଫେସ୍ ୟୁପିଆଇ କାର୍ଯ୍ୟକାରୀ ଆଦି ସମସ୍ତ ପଦକ୍ଷେପ ଦୁଇ ଦେଶର ନାଗରିକମାନଙ୍କ ଜୀବନକୁ ଅଧିକ ସରଳ କରିବ। କାରଣ ଯେକୌଣସି ସହଭାଗୀତା ସେତେବେଳେ ସଫଳ ହୁଏ ଯେତେବେଳେ ତାହାର ଲାଭ ସିଧାସଳଖ ଭାବରେ ଲୋକଙ୍କ ପାଖରେ ପହଞ୍ଚିଥାଏ।
ବନ୍ଧୁଗଣ,
ଭାରତ ଓ ମାଲେସିଆ ମଧ୍ୟ ତାମିଲ ଭାଷା ପ୍ରତି ଏକ ସମାନ ପ୍ରେମ ଦ୍ୱାରା ଆବଦ୍ଧ ହୋଇଛନ୍ତି। ମାଲେସିଆରେ ତାମିଲ ଭାଷାର ସୁଦୃଢ଼ ଓ ସ୍ପନ୍ଦନଶୀଳ ଉପସ୍ଥିତି ଶିକ୍ଷା, ଗଣମାଧ୍ୟମ ଏବଂ ସାଂସ୍କୃତିକ ଜୀବନରେ ସ୍ପଷ୍ଟ ପରିଲକ୍ଷିତ ହୋଇଥାଏ। ମୁଁ ନିଶ୍ଚିତ ଯେ, ଆଜିର ଅଡିଓ-ଭିଜୁଆଲ୍ ଚୁକ୍ତିନାମା ଚଳଚ୍ଚିତ୍ର ଓ ସଙ୍ଗୀତ, ବିଶେଷକରି ତାମିଲ ଚଳଚ୍ଚିତ୍ର ମାଧ୍ୟମରେ ଆମର ହୃଦୟକୁ ଆହୁରି ନିକଟତର କରିବ।
ଆମେ ଆମର ଯୁବପିଢ଼ିଙ୍କ ମଧ୍ୟରେ ବିଶ୍ୱବିଦ୍ୟାଳୟ ଆଦାନ-ପ୍ରଦାନ, ଷ୍ଟାର୍ଟ-ଅପ୍ ସଂଯୋଗ ଓ ଦକ୍ଷତା ବିକାଶ ପାଇଁ ସୁଯୋଗଗୁଡ଼ିକୁ ମଧ୍ୟ ଆହୁରି ବଢ଼ାଇବୁ। ଆମର ବଢି ଚାଲିଥିବା ସମ୍ପର୍କକୁ ସମର୍ଥନ କରିବା ପାଇଁ, ଆମେ ମାଲେସିଆରେ ଏକ ନୂତନ କନସୁଲେଟ୍ ମଧ୍ୟ ଖୋଲିବାକୁ ଯାଉଛୁ।
ବନ୍ଧୁଗଣ,
ଇଣ୍ଡୋ-ପ୍ରଶାନ୍ତ ମହାସାଗରୀୟ କ୍ଷେତ୍ର ଏକ ବିଶ୍ୱ ଅଭିବୃଦ୍ଧି ଇଞ୍ଜିନ୍ ଭାବରେ ଉଭା ହେଉଛି। ଆମେ, ଏସିଆନ୍ ସହିତ, ସମଗ୍ର ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ବିକାଶ, ଶାନ୍ତି ଏବଂ ସ୍ଥିରତା ପାଇଁ ପ୍ରତିବଦ୍ଧ। ଭାରତ ଏସିଆନ୍ କେନ୍ଦ୍ରୀୟତାକୁ ପ୍ରାଥମିକତା ଦେଉଛି। ମାଲେସିଆର ସଫଳ ଏସିଆନ୍ ଅଧ୍ୟକ୍ଷତା ପାଇଁ, ମୁଁ ପୁନର୍ବାର ସହୃଦୟତାର ସହିତ ଅଭିନନ୍ଦନ ଜଣାଉଛି।
ମାଲେସିଆ ଭଳି ବନ୍ଧୁତ୍ୱପୂର୍ଣ୍ଣ ଦେଶଗୁଡ଼ିକର ସହଯୋଗ ସହିତ, ଭାରତ ଏସିଆନ୍ ସହିତ ସମ୍ପର୍କକୁ ଆହୁରି ବିସ୍ତାର କରିବ। ଆମେ ସହମତ ହୋଇଛୁ ଯେ, ଏସିଆନ୍–ଭାରତ ବାଣିଜ୍ୟ ଚୁକ୍ତିନାମା, ‘ଆଇଟିଗା’ (AITIGA) ର ସମୀକ୍ଷା ଶୀଘ୍ର ସମାପ୍ତ କରାଯିବା ଆବଶ୍ୟକ।
ବନ୍ଧୁଗଣ,
ଆଜି ଆମେ ଆଞ୍ଚଳିକ ଓ ବିଶ୍ୱସ୍ତରୀୟ ପ୍ରସଙ୍ଗ ଉପରେ ଏକ ଅର୍ଥପୂର୍ଣ୍ଣ ଆଲୋଚନା ମଧ୍ୟ କରିଛୁ। ବିଶ୍ୱବ୍ୟାପୀ ଅସ୍ଥିରତାର ଏହି ପରିବେଶରେ, ଭାରତ ଓ ମାଲେସିଆ ମଧ୍ୟରେ ବଢ଼ୁଥିବା ବନ୍ଧୁତା ଉଭୟ ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଆମେ ଏହି ମତ ଦେଇଥାଉ ଯେ, ଆଜିର ଆହ୍ଵାନଗୁଡ଼ିକୁ ସମାଧାନ କରିବା ପାଇଁ ବିଶ୍ୱସ୍ତରୀୟ ସଂସ୍ଥାଗୁଡ଼ିକର ସଂଶୋଧନ ଅତ୍ୟାବଶ୍ୟକ। ଆମେ ଶାନ୍ତି ପାଇଁ ସମସ୍ତ ପ୍ରୟାସକୁ ନିରନ୍ତର ସମର୍ଥନ କରିବୁ। ଆତଙ୍କବାଦ ଉପରେ ଆମର ସନ୍ଦେଶ ସ୍ପଷ୍ଟ:
କୌଣସି ଦ୍ୱୈତ ମାନଦଣ୍ଡ ନାହିଁ। କୌଣସି ଆପୋଷ ବୁଝାମଣା ନାହିଁ।
ମହାମହିମ,
ଭାରତ-ମାଲେସିଆ ସମ୍ପର୍କ ପ୍ରତି ଆପଣଙ୍କ ପ୍ରତିବଦ୍ଧତାକୁ ଆମେ ଗଭୀର ଭାବେ ସ୍ୱୀକାର ଓ ପ୍ରଶଂସା କରୁଛୁ। ଆସନ୍ତୁ, ଆମେ ଏକାଠି ମିଶି ଆପଣଙ୍କର ସମୃଦ୍ଧ ମାଲେସିଆର ସ୍ୱପ୍ନ ଏବଂ ଆମର ବିକଶିତ ଭାରତ ପାଇଁ ଥିବା ସଂକଳ୍ପକୁ ସାକାର କରିବା।
ପୁଣି ଥରେ, ଆପଣଙ୍କ ବନ୍ଧୁତା, ଆପଣଙ୍କ ଭବ୍ୟ ସ୍ୱାଗତ ଓ ଆପଣଙ୍କ ଆତିଥ୍ୟ ପାଇଁ ଆପଣଙ୍କୁ ହୃଦୟର ଗଭୀରତାରୁ ବହୁତ ବହୁତ ଧନ୍ୟବାଦ। ଆମେ ଆପଣଙ୍କୁ ଭାରତରେ ସ୍ୱାଗତ କରିବାକୁ ଆତୁର ଭାବରେ ଅପେକ୍ଷା କରିଛୁ।
ଆପଣଙ୍କୁ ବହୁତ ବହୁତ ଧନ୍ୟବାଦ।
ଜୁମ୍ପା ଲାଗି !
भारत और मलेशिया के संबंध विशेष हैं।
— PMO India (@PMOIndia) February 8, 2026
हम maritime neighbours हैं। सदियों से हमारे लोगों के बीच गहरे और आत्मीय रिश्ते रहे हैं।
आज मलेशिया, भारतीय मूल की आबादी वाला दुनिया का दूसरा सबसे बड़ा देश है।
हमारी सभ्यताएँ, साझा सांस्कृतिक विरासत और लोकतांत्रिक मूल्यों से जुड़ी हुई हैं:…
Security के क्षेत्र में, हम counter-terrorism, intelligence sharing और maritime security में सहयोग मजबूत करेंगे।
— PMO India (@PMOIndia) February 8, 2026
हम रक्षा सहयोग को भी और व्यापक बनाएंगे।
AI और digital technologies के साथ-साथ, हम semiconductor, health और food security में साझेदारी को आगे बढ़ाएंगे: PM…
मलेशिया में भारत के workers के संरक्षण के लिए social security agreement, tourism के लिए ग्रैटिस e-visa और डिजिटल पेमेंट इंटरफेस UPI का मलेशिया में लागू होना... ये सभी कदम, दोनों देशों के नागरिकों के जीवन को सरल बनाएंगे: PM @narendramodi
— PMO India (@PMOIndia) February 8, 2026
भारत और मलेशिया को तमिल भाषा के प्रति साझा प्रेम भी जोड़ता है।
— PMO India (@PMOIndia) February 8, 2026
मलेशिया में तमिल की मजबूत और जीवंत उपस्थिति शिक्षा, मीडिया और सांस्कृतिक जीवन में दिखाई देती है: PM @narendramodi
Indo-Pacific क्षेत्र विश्व की growth engine के रूप में उभर रहा है।
— PMO India (@PMOIndia) February 8, 2026
हम आसियान के साथ पूरे Indo-Pacific क्षेत्र में विकास, शांति और स्थिरता के लिए प्रतिबद्ध हैं।
भारत आसियान centrality को प्राथमिकता देता है: PM @narendramodi
हमारा साझा मत है कि आज के challenges का समाधान करने के लिए, Global institutions का reform जरूरी है।
— PMO India (@PMOIndia) February 8, 2026
हम शांति के सभी प्रयासों का समर्थन करते रहेंगे।
और आतंकवाद पर हमारा संदेश स्पष्ट है: No double standards. No compromise: PM @narendramodi
