ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଡେନମାର୍କର ପ୍ରଧାନମନ୍ତ୍ରୀ ମାନ୍ୟବର ସୁଶ୍ରୀ ମେଟେ ଫ୍ରେଡେରିକସେନ୍ଙ୍କ ଟେଲିଫୋନ୍ ଯୋଗେ ଆଲୋଚନା କରିଛନ୍ତି ।
ଦ୍ୱିତୀୟ ଥର ପାଇଁ ଡେନମାର୍କର ପ୍ରଧାନମନ୍ତ୍ରୀ ଭାବରେ ନିଯୁକ୍ତ ହୋଇଥିବାରୁ ପ୍ରଧାନମନ୍ତ୍ରୀ ଫ୍ରେଡେରିକସେନ୍ଙ୍କୁ ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ ।
ଦୁଇ ନେତା ଭାରତ-ଡେନମାର୍କ ସବୁଜ ରଣନୀତି ଭାଗିଦାରୀ ଅଗ୍ରଗତିର ସମୀକ୍ଷା କରିଥିଲେ । ସମ୍ପ୍ରତି ଉଚ୍ଚ ସ୍ତରୀୟ ଆଦାନ ପ୍ରଦାନ ଏବଂ ବଢୁଥିବା ସହଯୋଗରେ ସେମାନେ ସନ୍ତୋଷ ବ୍ୟକ୍ତ କରିଥିଲେ ।
ପ୍ରଧାନମନ୍ତ୍ରୀ ଜାରି ରହିଥିବା ଜି -୨୦ ରେ ଭାରତର ଅଧ୍ୟକ୍ଷତା ଏବଂ ଏହାର ପ୍ରମୁଖ ଅଗ୍ରାଧିକାର ଉପରେ ପ୍ରଧାନମନ୍ତ୍ରୀ ଫ୍ରେଡେରିକସେନ୍ଙ୍କୁ ସୂଚନା ଦେଇଛନ୍ତି । ପ୍ରଧାନମନ୍ତ୍ରୀ ଫ୍ରେଡେରିକସେନ୍ ଭାରତର ପଦକ୍ଷେପକୁ ପ୍ରଶଂସା କରିଥିଲେ ଏବଂ ଡେନମାର୍କର ପୂର୍ଣ୍ଣ ସମର୍ଥନ ଜଣାଇଥିଲେ ।
ଦୁଇ ନେତା ଆସନ୍ତା ବର୍ଷ ୨୦୨୪ ରେ ଭାରତ-ଡେନମାର୍କ ସମ୍ପର୍କର ୭୫ ତମ ବାର୍ଷିକୀ ପାଳନ କରିବାକୁ ସହମତ ହୋଇଥିଲେ ଏବଂ ସେମାନଙ୍କ ସମ୍ପର୍କକୁ ଅନ୍ୟାନ୍ୟ କ୍ଷେତ୍ରରେ ଦୃଢ କରିବାକୁ ସହମତ ହୋଇଥିଲେ ।
