ମହାମହିମ, ପ୍ରଧାନମନ୍ତ୍ରୀ ମିତ୍ସୋଟାକିସ୍,
ଉଭୟ ଦେଶର ପ୍ରତିନିଧି ମଣ୍ଡଳୀ,
ଉପସ୍ଥିତ ଗଣମାଧ୍ୟମର ବନ୍ଧୁଗଣ,
ନମସ୍କାର!
ସର୍ବପ୍ରଥମେ ଗ୍ରୀସ୍ର ଜଙ୍ଗଲରେ ନିଆଁ ଲାଗିବା ଭଳି ଦୁଃଖଦ ଘଟଣାରେ ପ୍ରାଣ ହରାଇଥିବା ଲୋକମାନଙ୍କୁ ମୁଁ ଏବଂ ଭାରତର ସମସ୍ତ ଜନସାଧାରଣଙ୍କ ତରଫରୁ ସମବେଦନା ଜଣାଉଛି ।
ଏହା ସହିତ ଆମେ ଆହତ ଲୋକ ମାନଙ୍କର ଆଶୁ ଆରୋଗ୍ୟ କାମନା କରୁଛୁ ।
ବନ୍ଧୁଗଣ,
ଗ୍ରୀସ୍ ଓ ଭାରତ - ଏହା ଏକ ପ୍ରାକୃତିକ ପୁନର୍ମିଳନ
-ପୃଥିବୀର ଦୁଇଟି ପ୍ରାଚୀନ ସଭ୍ୟତା ମଧ୍ୟରେ,
- ପୃଥିବୀର ଦୁଇଟି ପ୍ରାଚୀନ ଗଣତାନ୍ତ୍ରିକ ବିଚାରଧାରା ମଧ୍ୟରେ ଏବଂ
- ବିଶ୍ୱର ଦୁଇଟି ପ୍ରାଚୀନ ବାଣିଜ୍ୟିକ ଓ ସାଂସ୍କୃତିକ ସମ୍ପର୍କ ମଧ୍ୟରେ ।
ବନ୍ଧୁଗଣ,
ଆମ ସମ୍ପର୍କର ମୂଳଦୁଆ ଯେତିକି ପୁରାତନ ସେତିକି ମଜଭୁତ ମଧ୍ୟ ।
ବିଜ୍ଞାନ, କଳା ଓ ସଂସ୍କୃତି - ଆମେ ସବୁ କ୍ଷେତ୍ରରେ ପରସ୍ପର ଠାରୁ ଶିଖିଛୁ ।
ଆଜି ଭାରତ - ପ୍ରଶାନ୍ତ ମହାସାଗରୀୟ କ୍ଷେତ୍ରରେ ହେଉ କିମ୍ବା ଭୂମଧ୍ୟସାଗରୀୟ କ୍ଷେତ୍ରରେ ଭୂ - ରାଜନୈତିକ, ଅନ୍ତର୍ଜାତୀୟ ଏବଂ ଆଞ୍ଚଳିକ ପ୍ରସଙ୍ଗରେ ଆମ ଭିତରେ ଉତ୍ତମ ସମନ୍ୱୟ ରହିଛି ।
ଦୁଇ ପୁରୁଣା ବନ୍ଧୁଙ୍କ ପରି ଆମେ ପରସ୍ପରର ଭାବନାକୁ ବୁଝିଥାଉ ଏବଂ ସେସବୁକୁ ସମ୍ମାନ ଦେଇଥାଉ ।
ଦୀର୍ଘ ୪୦ ବର୍ଷର ବ୍ୟବଧାନ ପରେ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କର ଏହା ହେଉଛି ପ୍ରଥମ ଗ୍ରୀସ ଗସ୍ତ ।
ତଥାପି ମଧ୍ୟ ଆମ ସମ୍ପର୍କର ଗଭୀରତା ହ୍ରାସ ପାଇ ନାହିଁ, କିମ୍ବା ଆମ ସମ୍ପର୍କର ଉଷ୍ମତା କମ୍ ହୋଇ ନାହିଁ ।
ସେଥିପାଇଁ , ଆଜି ଗ୍ରୀସ୍ର ପ୍ରଧାନମନ୍ତ୍ରୀ ଏବଂ ମୁଁ ଭାରତ - ଗ୍ରୀସ୍ ମଧ୍ୟରେ ଭାଗିଦାରୀତାକୁ ଏକ "ରଣନୈତିକ" ସ୍ତରକୁ ନେବାକୁ ନିଷ୍ପତ୍ତି ନେଇଛୁ ।
ପ୍ରତିରକ୍ଷା ଏବଂ ନିରାପତ୍ତା, ଭିତ୍ତିଭୂମି, କୃଷି, ଶିକ୍ଷା, ନୂତନ ଏବଂ ଉଦୀୟମାନ ପ୍ରଯୁକ୍ତି ବିଦ୍ୟା ଏବଂ ଦକ୍ଷତା ବିକାଶ କ୍ଷେତ୍ରରେ ଆମର ସହଯୋଗକୁ ବିସ୍ତାର କରି ଆମେ ଆମର ରଣନୈତିକ ଭାଗିଦାରୀକୁ ସୁଦୃଢ଼ କରିବୁ ବୋଲି ନିଷ୍ପତ୍ତି ନେଇଛୁ ।
ବନ୍ଧୁଗଣ,
ପ୍ରତିରକ୍ଷା ଓ ନିରାପତ୍ତା କ୍ଷେତ୍ରରେ , ସାମରିକ ସମ୍ପର୍କ ସହିତ ପ୍ରତିରକ୍ଷା ଶିଳ୍ପକୁ ପ୍ରୋତ୍ସାହନ ଦେବାକୁ ଆମେ ସହମତ ହୋଇଛୁ ।
ଆଜି ଆମେ ଆତଙ୍କବାଦ ଏବଂ ସାଇବର ନିରାପତ୍ତା ବିଷୟରେ ମଧ୍ୟ ଆଲୋଚନା କରିଛୁ ।
ଆମେ ନିଷ୍ପତ୍ତି ନେଇଛୁ ଯେ , ଆମର ଜାତୀୟ ସୁରକ୍ଷା ପରାମର୍ଶଦାତା ସ୍ତରରେ ମଧ୍ୟ ଆଲୋଚନା ପାଇଁ ଏକ ସଂସ୍ଥାଗତ ପ୍ଲାଟଫର୍ମ ରହିବା ଉଚିତ୍ ।
ପ୍ରଧାନମନ୍ତ୍ରୀ ଏବଂ ମୁଁ ସହମତ ଯେ , ଆମର ଦ୍ୱିପାକ୍ଷିକ ବାଣିଜ୍ୟ ଦ୍ରୁତ ଗତିରେ ବୃଦ୍ଧି ପାଉଛି ଏବଂ ଆଗକୁ ଅଭିବୃଦ୍ଧିର ପ୍ରଚୁର ସମ୍ଭାବନା ରହିଛି ।
ତେଣୁ , ୨୦୩୦ ସୁଦ୍ଧା ଆମର ଦ୍ୱିପାକ୍ଷିକ ବାଣିଜ୍ୟକୁ ଦ୍ୱିଗୁଣିତ କରିବାକୁ ଲକ୍ଷ୍ୟ ରଖାଯାଇଛି ।
ଆଜି, କିଛି ମୁହୂର୍ତ୍ତରେ ପ୍ରଧାନମନ୍ତ୍ରୀ ଏକ ବ୍ୟବସାୟିକ ବୈଠକ ଆୟୋଜନ କରିବେ ।
ଏଥିରେ , ଆମେ ଉଭୟ ଦେଶର ବ୍ୟବସାୟିକ ପ୍ରତିନିଧିଙ୍କ ସହ କିଛି ନିର୍ଦ୍ଦିଷ୍ଟ କ୍ଷେତ୍ର ଉପରେ ଆଲୋଚନା କରିବୁ ।
ଆମେ ବିଶ୍ୱାସ କରୁ ଯେ , ଆମର ଉଭୟ ଦେଶ ମଧ୍ୟରେ ବାଣିଜ୍ୟ ଏବଂ ନିବେଶକୁ ପ୍ରୋତ୍ସାହିତ କରି ଆମେ ଆମର ଶିଳ୍ପ ଏବଂ ଅର୍ଥନୈତିକ ସହଯୋଗକୁ ଏକ ନୂତନ ସ୍ତରକୁ ନେଇ ପାରିବା ।
ଆଜି କୃଷି କ୍ଷେତ୍ରରେ ସହଯୋଗ ପାଇଁ ଏକ ରାଜିନାମା ସ୍ୱାକ୍ଷରିତ ହୋଇଛି ।
ଏହି ବୁଝାମଣା ଦ୍ୱାରା ଆମେ କେବଳ କୃଷି ଓ ବିହନ ଉତ୍ପାଦନ ନୁହେଁ ବରଂ ଗବେଷଣା, ପଶୁପାଳନ ଏବଂ ପଶୁସମ୍ପଦ ଉତ୍ପାଦନ କ୍ଷେତ୍ରରେ ମଧ୍ୟ ପରସ୍ପରକୁ ସହଯୋଗ କରି ପାରିବା ।
ବନ୍ଧୁଗଣ,
ଦୁଇ ଦେଶ ମଧ୍ୟରେ କୁଶଳୀ ପ୍ରବାସନକୁ ସୁଗମ କରିବା ପାଇଁ ଆମେ ଖୁବ୍ ଶୀଘ୍ର ଏକ ପ୍ରବାସନ ଏବଂ ମୋବିଲିଟି ପାର୍ଟନରସିପ୍ (ଗତିଶୀଳତା ଭାଗୀଦାରୀ) ଚୁକ୍ତି କରିବାକୁ ନିଷ୍ପତ୍ତି ନେଇଛୁ ।
ଆମର ବିଶ୍ୱାସ ଯେ ଆମର ପ୍ରାଚୀନ କାଳର ପ୍ରଥା ଅନୁସାରେ ଲୋକ – ଲୋକ ମଧ୍ୟରେ ସମ୍ପର୍କକୁ ଏକ ନୂତନ ରୂପ ଦେବାକୁ ହେଲେ ଆମକୁ ସହଯୋଗ ବୃଦ୍ଧି କରିବାକୁ ହେବ ।
ଆମେ ଆମ ଅନୁଷ୍ଠାନ ଗୁଡ଼ିକ ମଧ୍ୟରେ ସାଂସ୍କୃତିକ ଏବଂ ଶୈକ୍ଷିକ ଆଦାନପ୍ରଦାନକୁ ପ୍ରୋତ୍ସାହିତ କରିବୁ ।
ବନ୍ଧୁଗଣ,
ଆମେ ଜାତୀୟ ଏବଂ ଅନ୍ତର୍ଜାତୀୟ ପ୍ରସଙ୍ଗଗୁଡିକ ଉପରେ ମଧ୍ୟ ଆଲୋଚନା କରିଥିଲୁ ।
ଗ୍ରୀସ୍ ଭାରତ - ୟୁରୋପୀୟ ସଂଘ ବାଣିଜ୍ୟ ଓ ପୁଞ୍ଜି ନିବେଶ ଚୁକ୍ତିକୁ ସମର୍ଥନ ଜଣାଇଛି ।
ୟୁକ୍ରେନ ମାମଲାରେ ଉଭୟ ଦେଶ କୂଟନୀତି ଏବଂ ପାରସ୍ପରିକ ଆଲୋଚନାକୁ ସମର୍ଥନ କରନ୍ତି ।
ମିଳିତ ଜାତିସଂଘ ଏବଂ ଅନ୍ୟାନ୍ୟ ଆନ୍ତର୍ଜାତିକ ମଞ୍ଚରେ ସହଯୋଗ ପାଇଁ ମୁଁ ଗ୍ରୀସକୁ ଧନ୍ୟବାଦ ଜଣାଉଛି ।
ଭାରତର ଜି- ୨୦ ଅଧ୍ୟକ୍ଷତା ସମ୍ପର୍କରେ ଶୁଭେଚ୍ଛା ଓ ପ୍ରୋତ୍ସାହନ ପାଇଁ ମୁଁ ଗ୍ରୀସ୍ର ପ୍ରଧାନମନ୍ତ୍ରୀଙ୍କ ନିକଟରେ କୃତଜ୍ଞ ।
ବନ୍ଧୁଗଣ,
ଆଜି ମୋତେ ଗ୍ରାଣ୍ଡ କ୍ରସ୍ ଅଫ୍ ଦ ଅର୍ଡର ଅଫ୍ ଅନର ପ୍ରଦାନ କରିଥିବାରୁ ମୁଁ ହେଲେନିକ୍ ରିପବ୍ଲିକ୍ର ଜନସାଧାରଣ ଏବଂ ରାଷ୍ଟ୍ରପତିଙ୍କୁ ଆନ୍ତରିକ ଭାବେ ଧନ୍ୟବାଦ ଜଣାଉଛି ।
ମୁଁ ୧୪୦ କୋଟି ଭାରତୀୟଙ୍କ ତରଫରୁ ଏହି ପୁରସ୍କାର ଗ୍ରହଣ କରି କୃତଜ୍ଞତା ଜଣାଉଛି ।
ଭାରତ ଏବଂ ଗ୍ରୀସର ମିଳିତ ମୂଲ୍ୟବୋଧ ହେଉଛି ଆମର ଦୀର୍ଘ ଏବଂ ବିଶ୍ୱସ୍ତ ଭାଗିଦାରୀର ମୂଳଦୁଆ ।
ଗଣତନ୍ତ୍ରର ମୂଲ୍ୟବୋଧ ଓ ଆଦର୍ଶକୁ ପ୍ରତିଷ୍ଠା ଓ ସଫଳତାର ସହ କାର୍ଯ୍ୟକାରୀ କରିବାରେ ଉଭୟ ଦେଶର ଐତିହାସିକ ଅବଦାନ ରହିଛି ।
ମୁଁ ଦୃଢ଼ ଭାବରେ ବିଶ୍ୱାସ କରେ ଯେ ଭାରତୀୟ କଳା ଏବଂ ଗ୍ରୀକୋ - ରୋମାନ କଳାର ଏକ ସୁନ୍ଦର ମିଶ୍ରଣ ଗାନ୍ଧାର କଳା ପରି ଭାରତ ଏବଂ ଗ୍ରୀସ୍ ମଧ୍ୟରେ ବନ୍ଧୁତା ମଧ୍ୟ ସମୟର ପ୍ରସ୍ତରରେ ନିଜର ଅବିସ୍ମରଣୀୟ ଛାପ ଛାଡିବ ।
ଗ୍ରୀସର ଏହି ସୁନ୍ଦର ଏବଂ ଐତିହାସିକ ସହରରେ ଆଜି ମୋତେ ଏବଂ ମୋ ପ୍ରତିନିଧି ଦଳକୁ ପ୍ରଦାନ କରାଯାଇଥିବା ଆତିଥ୍ୟ ପାଇଁ ମୁଁ ପୁଣି ଥରେ ଶ୍ରୀ ପ୍ରଧାନମନ୍ତ୍ରୀ ଏବଂ ଗ୍ରୀସ୍ର ଲୋକମାନଙ୍କୁ ହୃଦୟରୁ ଧନ୍ୟବାଦ ଜଣାଉଛି ।
ଆପଣଙ୍କୁ ବହୁତ ବହୁତ ଧନ୍ୟବାଦ ।
ଟିପ୍ପଣୀ - ଏହା ହେଉଛି ପ୍ରଧାନମନ୍ତ୍ରୀଙ୍କ ପ୍ରେସ୍ ବିବୃତିର ଆନୁମାନିକ ଅନୁବାଦ । ମୂଳ ପ୍ରେସ୍ ବିବୃତି ହିନ୍ଦୀରେ ପ୍ରଦାନ କରାଯାଇଥିଲା ।
ग्रीस और भारत- ये एक स्वाभाविक मिलन है
— PMO India (@PMOIndia) August 25, 2023
-विश्व की दो पुरातन सभ्यताओं के बीच,
-विश्व के दो पुरातन लोकतान्त्रिक विचारधाराओं के बीच, और
-विश्व के पुरातन व्यापारिक और सांस्कृतिक संबंधों के बीच: PM @narendramodi
आज हमारे बीच Geo-political , International और Regional विषयों पर बेहतरीन तालमेल है- चाहे वो इंडो-पैसिफ़िक में हो या मेडीटिरेनियन में।
— PMO India (@PMOIndia) August 25, 2023
दो पुराने मित्रों की तरह हम एक दूसरे की भावनाओं को समझते हैं और उनका आदर करते हैं: PM @narendramodi
40 वर्षों के लंबे अंतराल के बाद भारत के किसी प्रधानमंत्री का ग्रीस आना हुआ है।
— PMO India (@PMOIndia) August 25, 2023
फिर भी, ना तो हमारे संबंधों की गहराई कम हुई है, ना ही रिश्तों की गर्मजोशी में कोई कमी आई है: PM @narendramodi
दोनों देशों के बीच skilled migration को सुगम बनाने के लिए, हमने जल्द ही एक माइग्रैशन एण्ड मोबिलिटी partnership एग्रीमेंट करने का निर्णय लिया।
— PMO India (@PMOIndia) August 25, 2023
हमारा मानना है कि अपने प्राचीन people to people संबंधों को नया रूप देने के लिए हमें सहयोग बढ़ाना चाहिए: PM @narendramodi
ग्रीस ने India-EU trade और इनवेस्टमेंट एग्रीमेंट पर अपना समर्थन प्रकट किया।
— PMO India (@PMOIndia) August 25, 2023
यूक्रेन के मामले में, दोनों देश Diplomacy और Dialogue का समर्थन करते हैं: PM @narendramodi
मैं हेलेनिक Republic के लोगों और राष्ट्रपति जी का हार्दिक धन्यवाद करता हूँ कि आज उन्होंने मुझे “Grand Cross of the Order of Honour” से सम्मानित किया।
— PMO India (@PMOIndia) August 25, 2023
140 करोड़ भारतीयों की ओर से मैंने यह पुरस्कार स्वीकार किया और अपना आभार व्यक्त किया: PM @narendramodi
