ମାନ୍ୟବର ପ୍ରଧାନମନ୍ତ୍ରୀ ମେଲୋନି,
ଉଭୟ ଦେଶର ପ୍ରତିନିଧି ମଣ୍ଡଳୀ,
ଗଣମାଧ୍ୟମର ବନ୍ଧୁଗଣ,
ନମସ୍କାର!
ଇଟାଲୀର ପ୍ରଧାନମନ୍ତ୍ରୀ ମେଲୋନିଙ୍କର ପ୍ରଥମ ଭାରତ ଗସ୍ତ ଅବସରରେ , ମୁଁ ତାଙ୍କୁ ଏବଂ ତାଙ୍କ ପ୍ରତିନିଧି ମଣ୍ଡଳୀକୁ ସ୍ୱାଗତ ଜଣାଉଛି । ଗତ ବର୍ଷ ସେଠାରେ ଅନୁଷ୍ଠିତ ହୋଇଥିବା ନିର୍ବାଚନରେ ଇଟାଲୀର ନାଗରିକମାନେ ତାଙ୍କୁ ପ୍ରଥମ ମହିଳା ଏବଂ ସର୍ବ କନିଷ୍ଠ ପ୍ରଧାନମନ୍ତ୍ରୀ ଭାବରେ ମନୋନୀତ କରିଥିଲେ । ଏହି ଐତିହାସିକ ସଫଳତା ପାଇଁ , ସମସ୍ତ ଭାରତୀୟଙ୍କ ପକ୍ଷରୁ ମୁଁ ତାଙ୍କୁ ବହୁତ ବହୁତ ଶୁଭେଚ୍ଛା ପ୍ରଦାନ କରୁଛି ଏବଂ ଅଭିନନ୍ଦନ ଜଣାଉଛି । ସେ କାର୍ଯ୍ୟଭାର ଗ୍ରହଣ କରିବାର କିଛି ଦିନ ପରେ ବାଲି ଠାରେ ଅନୁଷ୍ଠିତ ଜି -୨୦ ସମ୍ମିଳନୀରେ ଆମର ପ୍ରଥମ ସାକ୍ଷାତ ହୋଇଥିଲା ।
ବନ୍ଧୁଗଣ,
ଆଜି ଆମର ଆଲୋଚନା ଅତ୍ୟନ୍ତ ଉପଯୋଗୀ ଏବଂ ଅତ୍ୟନ୍ତ ଅର୍ଥପୂର୍ଣ୍ଣ ଥିଲା । ଚଳିତ ବର୍ଷ ଉଭୟ ଭାରତ ଏବଂ ଇଟାଲୀ ଦ୍ୱିପାକ୍ଷିକ ସମ୍ପର୍କର ୭୫ ତମ ବାର୍ଷିକୀ ପାଳନ କରୁଛନ୍ତି । ଏବଂ ଏହି ଅବସରରେ ଆମେ ଭାରତ - ଇଟାଲୀ ମଧ୍ୟରେ ସହଭାଗୀତାକୁ ରଣନୀତିପୂର୍ଣ୍ଣ ଭାଗୀଦାରୀତାର ମାନ୍ୟତା ଦେବା ନିମନ୍ତେ ନିଷ୍ପତ୍ତି ନେଇଛୁ । ଆମେ ଆମର ଅର୍ଥନୈତିକ ସମ୍ପର୍କକୁ ଆହୁରି ମଜବୁତ କରିବା ଉପରେ ଆମେ ଗୁରୁତ୍ୱାରୋପ କରିଛୁ । ଆମର “ମେକ୍ ଇନ୍ ଇଣ୍ଡିଆ” ଏବଂ “ଆତ୍ମନିର୍ଭର ଭାରତ” ଅଭିଯାନ ଭାରତରେ ବୃହତ୍ ପରିମାଣରେ ନିବେଶ ନିମନ୍ତେ ସୁଯୋଗକୁ ଉନ୍ମୁକ୍ତ କରୁଛି । ନବୀକରଣ ଯୋଗ୍ୟ ଶକ୍ତି, ସବୁଜ ଉଦ୍ଜାନ, ଆଇଟି, ସେମିକଣ୍ଡକ୍ଟର, ଟେଲିକମ୍ ଏବଂ ମହାକାଶ ଭଳି କ୍ଷେତ୍ରରେ ସହଯୋଗ ବୃଦ୍ଧି ଉପରେ ଆମେ ବିଶେଷ ଗୁରୁତ୍ୱ ପ୍ରଦାନ କରିଛୁ । ଆଜି ଆମେ ଭାରତ ଏବଂ ଇଟାଲୀ ମଧ୍ୟରେ ଏକ ଷ୍ଟାର୍ଟଅପ୍ ବ୍ରିଜ୍ ପ୍ରତିଷ୍ଠା କରିବାକୁ ଘୋଷଣା କରୁଛୁ ଏବଂ ଏହି ନିଷ୍ପତ୍ତିକୁ ଆମେ ସ୍ୱାଗତ କରୁଛୁ ।
ବନ୍ଧୁଗଣ,
ଏମିତି ଆଉ ଏକ କ୍ଷେତ୍ର ଅଛି, ଯେଉଁଥିରେ ଉଭୟ ଦେଶ ଏକ ନୂତନ ଅଧ୍ୟାୟ ଆରମ୍ଭ କରୁଛନ୍ତି ଏବଂ ତାହା ହେଉଛି ପ୍ରତିରକ୍ଷା ସହଯୋଗର କ୍ଷେତ୍ର । ଭାରତରେ ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ସହ - ଉତ୍ପାଦନ ଏବଂ ସହ - ବିକାଶ ପାଇଁ ସୁଯୋଗ ସୃଷ୍ଟି ହେଉଛି, ଯାହା ଉଭୟ ଦେଶ ପାଇଁ ଲାଭଦାୟକ ହୋଇପାରେ । ଆମେ ମଧ୍ୟ ଉଭୟ ଦେଶର ସେନା ବାହିନୀ ମଧ୍ୟରେ ନିୟମିତ ଭାବରେ ମିଳିତ କାର୍ଯ୍ୟକ୍ରମ ଏବଂ ତାଲିମ ପାଠ୍ୟକ୍ରମ ଆୟୋଜନ କରିବାକୁ ନିଷ୍ପତ୍ତି ନେଇଛୁ । ଆତଙ୍କବାଦ ଏବଂ ବିଚ୍ଛିନ୍ନତାବାଦ ବିରୋଧରେ ଲଢ଼େଇରେ ଭାରତ ଏବଂ ଇଟାଲୀ କାନ୍ଧରେ କାନ୍ଧ ମିଶାଇ କାର୍ଯ୍ୟ କରୁଛନ୍ତି । ଏହି ସହଯୋଗକୁ କିପରି ଅଧିକ ମଜବୁତ କରାଯିବ ସେ ବିଷୟରେ ଆମେ ବିସ୍ତୃତ ଭାବରେ ଆଲୋଚନା କରିଛୁ ।
ବନ୍ଧୁଗଣ,
ଭାରତ ଏବଂ ଇଟାଲୀ ମଧ୍ୟରେ ଶହ ଶହ ବର୍ଷ ପୁରୁଣା ସାଂସ୍କୃତିକ ସମ୍ପର୍କ ଏବଂ ଲୋକ ମାନଙ୍କ ମଧ୍ୟରେ ସମ୍ପର୍କ ରହିଛି । ବର୍ତ୍ତମାନ ସମୟର ଆବଶ୍ୟକତା ଅନୁଯାୟୀ , ଏହି ସମ୍ପର୍କ ଗୁଡିକୁ ଏକ ନୂତନ ଆକାର ଏବଂ ନୂତନ ଶକ୍ତି ଦେବା ଉପରେ ଆମ ଭିତରେ ଏକ ବିଚାର ବିମର୍ଶ ହୋଇଥିଲା । ପ୍ରବାସ ଏବଂ ଗତିଶୀଳ ଭାଗୀଦାରୀତା ଚୁକ୍ତି ଉପରେ ଦୁଇ ଦେଶ ମଧ୍ୟରେ ଚାଲିଥିବା ଆଲୋଚନା ବିଶେଷ ଭାବରେ ଗୁରୁତ୍ୱପୂର୍ଣ୍ଣ । ଏହି ଚୁକ୍ତିନାମାର ପ୍ରାରମ୍ଭିକ ସିଦ୍ଧାନ୍ତ ଆମର ଲୋକ - ଲୋକଙ୍କ ସମ୍ପର୍କକୁ ଆହୁରି ସୁଦୃଢ଼ କରିବ । ଆମେ ମଧ୍ୟ ଦୁଇ ଦେଶର ଉଚ୍ଚଶିକ୍ଷା ପ୍ରତିଷ୍ଠାନ ଗୁଡିକ ମଧ୍ୟରେ ସହଯୋଗକୁ ପ୍ରୋତ୍ସାହିତ କରିବା ଉପରେ ଗୁରୁତ୍ୱାରୋପ କରିଛୁ । ଭାରତ ଏବଂ ଇଟାଲୀ ମଧ୍ୟରେ ସମ୍ପର୍କର ୭୫ ତମ ବାର୍ଷିକୀ ପାଳନ କରିବା ନିମନ୍ତେ ଆମେ ଏକ କାର୍ଯ୍ୟ ଯୋଜନା କରିବାକୁ ନିଷ୍ପତ୍ତି ନେଇଛୁ । ଏହା ମାଧ୍ୟମରେ ଉଭୟ ଦେଶର ବିବିଧତା, ଇତିହାସ, ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା, ନବସୃଜନ, କ୍ରୀଡା ଏବଂ ଉଭୟ ଦେଶର ସଫଳତାକୁ ଏକ ବିଶ୍ୱ ସ୍ତରୀୟ ମଂଚରେ ପ୍ରଦର୍ଶନ କରିବା ନିମନ୍ତେ ସମର୍ଥ ହୋଇ ପାରିବ ।
ବନ୍ଧୁଗଣ,
କୋଭିଡ ମହାମାରୀ ଏବଂ ୟୁକ୍ରେନ ବିବାଦ ଯୋଗୁଁ ସୃଷ୍ଟି ହୋଇଥିବା ଖାଦ୍ୟ, ଇନ୍ଧନ ଏବଂ ସାର ସଙ୍କଟ ଫଳରେ ସମସ୍ତ ଦେଶ ପ୍ରଭାବିତ ହୋଇଛନ୍ତି । ବିକାଶଶୀଳ ଦେଶ ମାନଙ୍କ ଉପରେ ଏସବୁର ବିଶେଷ ରୂପରେ ନକାରାତ୍ମକ ପ୍ରଭାବ ପଡିଛି । ଆମେ ଏହି ବିଷୟରେ ଆମର ସହଭାଗୀ ଚିନ୍ତା ପ୍ରକଟ କରିଛୁ । ଏହି ସମସ୍ୟାର ସମାଧାନ ପାଇଁ ମିଳିତ ପ୍ରୟାସ ଉପରେ ଗୁରୁତ୍ୱାରୋପ କରିଛୁ । ଭାରତର ଜି ୨୦ ଅଧ୍ୟକ୍ଷତା ସମୟରେ ଆମେ ମଧ୍ୟ ଏହି ବିଷୟ ଉପରେ ପ୍ରାଥମିକତା ଦେଉଛୁ ।
ୟୁକ୍ରେନ ବିବାଦର ଆରମ୍ଭରୁ ଭାରତ ସ୍ପଷ୍ଟ କରିଛି ଯେ , ଏହି ବିବାଦ କେବଳ କଥାବାର୍ତ୍ତା ଏବଂ କୂଟନୈତିକ ଆଲୋଚନା ମାଧ୍ୟମରେ ସମାଧାନ ହୋଇ ପାରିବ । ଏବଂ ଭାରତ କୌଣସି ଶାନ୍ତି ପ୍ରକ୍ରିୟାରେ ସହଯୋଗ କରିବାକୁ ସମ୍ପୂର୍ଣ୍ଣ ରୂପେ ପ୍ରସ୍ତୁତ । ଭାରତ - ପ୍ରଶାନ୍ତ ମହାସାଗରୀୟ ପଦକ୍ଷେପରେ ଇଟାଲୀର ସକ୍ରିୟ ଅଂଶଗ୍ରହଣକୁ ମଧ୍ୟ ଆମେ ସ୍ୱାଗତ କରୁଛୁ । ଏହା ଅତ୍ୟନ୍ତ ଆନନ୍ଦଦାୟକ ବିଷୟ ଯେ , ଇଟାଲୀ ଭାରତ - ପ୍ରଶାନ୍ତ ମହାସାଗରୀୟ ପଦକ୍ଷେପରେ ଯୋଗ ଦେବାକୁ ନିଷ୍ପତ୍ତି ନେଇଛି । ଏହା ଦ୍ୱାରା ଆମେ ଭାରତ - ପ୍ରଶାନ୍ତ ମହାସାଗରୀୟ ପଦକ୍ଷେପରେ ଆମର ସହଯୋଗ ବୃଦ୍ଧି କରିବା ପାଇଁ ଗୁରୁତ୍ୱପୂର୍ଣ୍ଣ ବିଷୟ ଗୁଡିକୁ ଚିହ୍ନଟ କରି ପାରିବା । ବୈଶ୍ୱିକ ବାସ୍ତବିକତା ଗୁଡିକୁ ଉନ୍ନତ ଉପାୟରେ ପ୍ରଦର୍ଶିତ କରିବା ନିମନ୍ତେ ବହୁପକ୍ଷୀୟ ସଂସ୍ଥାନରେ ପରିବର୍ତ୍ତନର ଆବଶ୍ୟକତା ରହିଛି । ଆମେ ଏହି ବିଷୟ ଉପରେ ମଧ୍ୟ ବିଚାର ବିମର୍ଶ କରିଥିଲୁ ।
ଆଜି ସନ୍ଧ୍ୟାରେ ଆପଣ ମୁଖ୍ୟ ଅତିଥି ଭାବରେ ରାଇସିନା ସଂଳାପରେ ଯୋଗ ଦେବେ । ଆମେ ସମସ୍ତେ ସେଠାରେ ଆପଣଙ୍କ ବକ୍ତବ୍ୟ ଶୁଣିବା ପାଇଁ ବହୁତ ଉତ୍ସୁକ । ଆପଣଙ୍କର ଏହି ଭାରତ ଗସ୍ତ ପାଇଁ ଏବଂ ଆମର ଉପଯୋଗୀ ଆଲୋଚନା ନିମନ୍ତେ ଆପଣଙ୍କୁ ଏବଂ ଆପଣଙ୍କ ପ୍ରତିନିଧି ମାନଙ୍କୁ ଅନେକ ଅନେକ ଧନ୍ୟବାଦ ।
ସ୍ୱୀକରଣ - ଏହା ହେଉଛି ପ୍ରଧାନମନ୍ତ୍ରୀଙ୍କ ମନ୍ତବ୍ୟର ଆନୁମାନିକ ଅନୁବାଦ । ମୂଳ ଟିପ୍ପଣୀ ହିନ୍ଦୀରେ ପ୍ରଦାନ କରା ଯାଇଥିଲା ।
इस वर्ष भारत और इटली अपने द्विपक्षीय संबंधों की 75वीं वर्षगाँठ मना रहे हैं।
— PMO India (@PMOIndia) March 2, 2023
और इस अवसर पर हमने भारत-इटली साझेदारी को Strategic Partnership का दर्जा देने का निर्णय लिया है: PM @narendramodi
हमने अपने आर्थिक संबंधों को और सुदृढ़ करने पर जोर दिया।
— PMO India (@PMOIndia) March 2, 2023
हमारे “Make in India” और “आत्मनिर्भर भारत” अभियान से भारत में निवेश के अपार अवसर खुल रहे हैं: PM @narendramodi
हमने Renewable Energy, Green Hydrogen, IT, semiconductors, telecom, space जैसे क्षेत्रों में सहयोग बढ़ाने पर विशेष जोर दिया।
— PMO India (@PMOIndia) March 2, 2023
भारत और इटली के बीच एक Startup Bridge की स्थापना की आज घोषणा हो रही है, जिसका हम स्वागत करते हैं: PM @narendramodi
आतंकवाद और अलगाववाद के खिलाफ लड़ाई में भारत और इटली कंधे से कंधा मिला कर चल रहे हैं।
— PMO India (@PMOIndia) March 2, 2023
हमने इस सहयोग को और मज़बूत करने पर विस्तारपूर्वक चर्चा की: PM @narendramodi
भारत और इटली के संबंधों की 75वीं वर्षगाँठ मनाने के लिए हमने एक Action Plan बनाने का निर्णय लिया।
— PMO India (@PMOIndia) March 2, 2023
इससे हम दोनों देशों की विविधता, इतिहास, science and technology, innovation, sports और अन्य क्षेत्रों में उपलब्धियों को वैश्विक पटल पर showcase कर सकेंगे: PM @narendramodi
यूक्रेन संघर्ष के शुरुआत से ही भारत ने यह स्पष्ट किया है कि इस विवाद को केवल डायलॉग और डिप्लोमेसी के ज़रिये ही सुलझाया जा सकता है।
— PMO India (@PMOIndia) March 2, 2023
और भारत किसी भी शांति प्रक्रिया में योगदान देने के लिए पूर्ण रूप से तैयार है: PM @narendramodi
हम Indo-Pacific में इटली की सक्रीय भागीदारी का भी स्वागत करते हैं।
— PMO India (@PMOIndia) March 2, 2023
यह बहुत ख़ुशी की बात है कि इटली ने Indo-Pacific Ocean Initiative में शामिल होने का निर्णय लिया है।
इससे हम Indo-Pacific में अपना सहयोग बढ़ाने के लिए ठोस विषयों की पहचान कर सकेंगे: PM @narendramodi
