ସେୟାର
 
Comments
“ଯେତେବେଳେ ଆମେ ଦେଖୁଛେ ସମାଜର ପ୍ରତ୍ୟେକ ସ୍ତରରେ ଆମର ପୁଅ, ଝିଅ ଓ ଭଉଣୀମାନେ ଦେଶ ଗଠନରେ ଯୋଗଦାନ ଦେଉଛନ୍ତି, ଲାଗେ ଯେ ଏହା ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କ ଭଳି ମହାନ ବ୍ୟକ୍ତିଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି”
“ଯେତେବେଳେ ସରକାର ସବକା ସାଥ, ସବକା ବିକାଶ, ସବକା ବିଶ୍ୱାସକୁ ଭିତ୍ତିକରି ସରକାରୀ ଯୋଜନାଗୁଡିକୁ ଲୋକଙ୍କ ପାଖକୁ ନିଅନ୍ତି ଓ ସବକା ପ୍ରୟାସ ଦେଶକୁ ବିକାଶ ପଥରେ ଆଗେଇ ନିଏ, ଆମେ ଏକ ସାମୁହିକ ସମାଜ ଗଠନରେ ଆଗେଇ ଚାଲୁ”
“ଆମ ସମ୍ବିଧାନ ଆମକୁ ଅନେକ ଅଧିକାର ଦେଇଛି । ଆମେ ସାଧୁତାର ସହ ଆମର କର୍ତ୍ତବ୍ୟ ସମ୍ପାଦନ କଲେ ସେହି ଅଧିକାରଗୁଡିକର ସୁରକ୍ଷା କରିପାରିବା”
“ଯେ କୌଣସି ସ୍ଥାନରେ କେହି ନା କେହି ହଇରାଣ ହେଉଥିବା ଦେଖିଲେ ଏହା ବିରୁଦ୍ଧରେ ନିଜର ସ୍ୱର ଉତ୍ତୋଳନ କର । ଏହା ଆମର ଦେଶ ଓ ସମାଜ ପ୍ରତି କର୍ତ୍ତବ୍ୟ”
“ଯଦି କେହି କାହାକୁ କେବଳ ରାଜନୈତିକ ପ୍ରତିଦ୍ୱନ୍ଦ୍ୱୀ ଦୃଷ୍ଟିରୁ ହିଂସାଦ୍ୱାରା ଭୟଭୀତ କରାଏ, ତା ହେଲେ ଏହା ଅନ୍ୟର ଅଧିକାର ଉଲ୍ଲଂଘନ ବୋଲି ବିବେଚନା କରାଯିବ । ସେ ଦୃଷ୍ଟିରୁ ଏହା ଆମର କର୍ତ୍ତବ୍ୟ ଯେ ଯଦି ହିଂସାତ୍ମକ ଭାବନା ଓ ଅରାଜକତା ସମାଜର ଯେକୌଣସି ସ୍ଥାନରେ ଦେଖାଗଲେ ଆମକୁ ଏହାକୁ ବିରୋଧ କରିବାକୁ ପଡିବ”

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗର ଶ୍ରୀଧାମ ଠାକୁରନଗର ଠାକୁରବାଡ଼ିଠାରେ  (୨୯.୩.୨୨) ଦିନ ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କ ୨୧୧ତମ ଜୟନ୍ତୀ ଉପଲକ୍ଷେ ଅନୁଷ୍ଠିତ ମତୁଆ ଧର୍ମମେଳାକୁ ଦୃଶ୍ୟଶ୍ରାବ୍ୟ ସମ୍ମିଳନୀ ଜରିଆରେ ସମ୍ବୋଧନ କରିଛନ୍ତି ।

ପ୍ରଧାନମନ୍ତ୍ରୀ କିପରି ମାର୍ଚ୍ଚ ୨୦୨୧ରେ ବଙ୍ଗଳା ଦେଶର ଓରାକାଣ୍ଡୀ ଠାକୁରବାଡ଼ି ଓ ୨୦୧୯ ଫେବୃଆରୀରେ ଠାକୁରନଗର ପରିଦର୍ଶନ କରି ତାଙ୍କର ଭକ୍ତିଅର୍ଘ୍ୟ ଅର୍ପଣ କରିଥିଲେ ତାର ସ୍ମରଣ କରିଥିଲେ । ମତୁଆ ଧର୍ମମେଳାର ଗୁରୁତ୍ୱ ଉପରେ ଆଲୋକପାତ କରି କିପରି ମତୁଆ ପରମ୍ପରା ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କ ଦ୍ୱାରା ଆରମ୍ଭ କରାଯାଇଥିଲା ଓ ପରେ ଗୁରୁଚାନ୍ଦ ଠାକୁରଜୀ ଓ ବୋରୋ ମା ଏହାକୁ ଆଗକୁ ନେଇଥିଲେ ସେ ବର୍ଣ୍ଣନା କରିଥିଲେ ।

ପ୍ରଧାନମନ୍ତ୍ରୀ ମଧ୍ୟ ତାଙ୍କ ମନ୍ତ୍ରୀମଣ୍ଡଳ ସହଯୋଗୀ ଶ୍ରୀ ଶାନ୍ତନୁ ଠାକୁର ଏହି ମହାନ ପରମ୍ପରାକୁ ଆଗେଇ ନେବାରେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି ତାହାର ଅବତାରଣା କରିଥିଲେ ।

ମହାମେଳା ଏକ ଭାରତ ଶ୍ରେଷ୍ଠ ଭାରତର ପ୍ରତିଫଳନ ବୋଲି ଶ୍ରୀ ମୋଦୀ କହିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଆମର ସଂସ୍କୃତି ଓ ସଭ୍ୟତା ଏହାର ନିରବିଚ୍ଛିନ୍ନ ପ୍ରବାହ ଯୋଗୁଁ ମହାନ ହୋଇରହିଛି । ଏହାର ଆତ୍ମ ଜାଗରଣ ଏକ ପ୍ରାକୃତିକ ପ୍ରକ୍ରିୟା । ମତୁଆ ଗୋଷ୍ଠୀର ସମାଜ ସେବା ଉପରେ ମନ୍ତବ୍ୟ ଦେଇ ପ୍ରଧାନମନ୍ତ୍ରୀ ସ୍ୱଚ୍ଛତା ପାଇଁ ନବଭାରତର ଉଦ୍ୟମ, ଦେଶର ଝିଅମାନଙ୍କ ସ୍ୱାସ୍ଥ୍ୟ ଓ ଆତ୍ମବିଶ୍ୱାସ ଉପରେ କହିଥିଲେ । ଯେତେବେଳେ ଆମେ ଦେଖୁ ଯେ, ସମାଜର ପ୍ରତ୍ୟେକ ସ୍ତରରେ ଆମର ପୁଅ, ଝିଅ ଓ ଭଉଣୀମାନେ ଦେଶ ଗଠନରେ ଯୋଗଦାନ ଦେଉଛନ୍ତି, ଲାଗେ ଯେ ଏହା ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କ ଭଳି ମହାନ ବ୍ୟକ୍ତିଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଯେତେବେଳେ ସରକାର ସବକା ସାଥ, ସବକା ବିକାଶ, ସବକା ବିଶ୍ୱାସକୁ ଭିତ୍ତିକରି ସରକାରୀ ଯୋଜନା ଗୁଡିକୁ ଲୋକମାନଙ୍କ ପାଖକୁ ନିଅନ୍ତି ଓ ସବକା ପ୍ରୟାସ ଦେଶକୁ ବିକାଶ ପଥରେ ଆଗେଇ ନିଏ, ସେତେବେଳେ ଆମେ ଏକ ସାମୂହିକ ସମାଜ ଗଠନ ଦିଗରେ ଆଗେଇ ଚାଲୁ । ଶ୍ରୀ ଶ୍ରୀ ହରିଚାନ୍ଦ ଠାକୁରଜୀଙ୍କ ବିଭୁପ୍ରେମ ସହ କର୍ତ୍ତବ୍ୟବୋଧର ସ୍ମରଣ କରି ପ୍ରଧାନମନ୍ତ୍ରୀ ସାଧାରଣ ଜୀବନରେ କର୍ତ୍ତବ୍ୟର ଭୂମିକା ଉପରେ ଗୁରୁତ୍ୱ ଆରୋପ କରିଥିଲେ । ଆମକୁ କର୍ତ୍ତବ୍ୟବୋଧକୁ ଦେଶର ବିକାଶର ମୌଳିକ ପଦକ୍ଷେପ ଭାବେ ନେବାକୁ ପଡିବ । ଆମର ସମ୍ବିଧାନ ଆମକୁ ଅନେକ ଅଧିକାର ଦେଇଛି । ଆମେ ନିଷ୍ଠାପର ଭାବେ ଆମର କର୍ତ୍ତବ୍ୟ ସମ୍ପାଦନ କଲେ ସେହି ଅଧିକାରଗୁଡିକର ସୁରକ୍ଷା କରିପାରିବା ବୋଲି ପ୍ରଧାନମନ୍ତ୍ରୀ କହିଥିଲେ ।

ସମାଜର ପ୍ରତ୍ୟେକ ସ୍ତରରୁ ଦୁର୍ନୀତି ହଟାଇବା ପାଇଁ ସଚେତନତା ସୃଷ୍ଟି କରିବାକୁ ପ୍ରଧାନମନ୍ତ୍ରୀ ମତୁଆ ଗୋଷ୍ଠୀଙ୍କୁ ଆହ୍ୱାନ ଦେଇଥିଲେ । ଯେ କୌଣସି ସ୍ଥାନରେ କେହି ନା କେହି ହଇରାଣ ହେଉଥିବା ଦେଖିଲେ ଏହା ବିରୁଦ୍ଧରେ ନିଜର ସ୍ୱର ଉତ୍ତୋଳନ କର । ଏହା ଆମର ଦେଶ ଓ ସମାଜ ପ୍ରତି କର୍ତ୍ତବ୍ୟ ବୋଲି ପ୍ରଧାନମନ୍ତ୍ରୀ କହିଥିଲେ । ପ୍ରଧାନମନ୍ତ୍ରୀ ଆହୁରି କହିଥିଲେ ଯେ ରାଜନୀତିକ କାର୍ଯ୍ୟକଳାପରେ ଅଂଶ ଗ୍ରହଣ କରିବା ଆମର ଗଣତାନ୍ତ୍ରିକ ଅଧିକାର । ମାତ୍ର ରାଜନୀତିକ ବିରୋଧାଭାଷ ଯୋଗୁଁ ଯଦି କେହି କାହାରିକୁ ହିଂସା ଦ୍ୱାରା ଭୟଭୀତ କରାଏ, ତେବେ ଏହା ଆମର ଅଧିକାର ଉଲ୍ଲଂଘନ ବୋଲି ବିବେଚନା କରାଯିବ । ସେହି ଦୃଷ୍ଟିରୁ ଏହା ଆମର କର୍ତ୍ତବ୍ୟ  ଯେ ଯଦି ହିଂସାତ୍ମକ ଭାବନା ଓ ଅରାଜକତା ସମାଜର ଯେ କୌଣସି ସ୍ଥାନରେ ଦେଖାଦିଏ ଆମକୁ ଏହାର ବିରୋଧ କରିବାକୁ ହେବ ।

ପ୍ରଧାନମନ୍ତ୍ରୀ ସ୍ୱଚ୍ଛତା, ଭୋକାଲ ଫର ଲୋକାଲ ଓ ଦେଶ ପ୍ରଥମ ମନ୍ତ୍ର ଉପରେ ଗୁରୁତ୍ୱ ଆରୋପ କରିଥିଲେ ।

 

ସମ୍ପୂର୍ଣ୍ଣ ଅଭିଭାଷଣ ପଢିବା ପାଇଁ ଏଠାରେ କ୍ଲିକ କରନ୍ତୁ

Share beneficiary interaction videos of India's evolving story..
Explore More
ପ୍ରଧାନମନ୍ତ୍ରୀଙ୍କ ‘ପରୀକ୍ଷା ପେ ଚର୍ଚ୍ଚା’ ପିଏମ୍ ମୋଦୀଙ୍କ ସହ

ଲୋକପ୍ରିୟ ଅଭିଭାଷଣ

ପ୍ରଧାନମନ୍ତ୍ରୀଙ୍କ ‘ପରୀକ୍ଷା ପେ ଚର୍ଚ୍ଚା’ ପିଏମ୍ ମୋଦୀଙ୍କ ସହ
Carpenter’s son, tea-stall owner’s daughter, the Khelo India stars who figured in PM Narendra Modi’s Mann ki Baat

Media Coverage

Carpenter’s son, tea-stall owner’s daughter, the Khelo India stars who figured in PM Narendra Modi’s Mann ki Baat
...

Nm on the go

Always be the first to hear from the PM. Get the App Now!
...
ଜି -୭ ଶିଖର ସମ୍ମିଳନୀ ଅବସରରେ ଆର୍ଜେଣ୍ଟିନାର ରାଷ୍ଟ୍ରପତିଙ୍କ ସହ ପ୍ରଧାନମନ୍ତ୍ରୀଙ୍କ ବୈଠକ
June 27, 2022
ସେୟାର
 
Comments

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୬ ଜୁନ୍‍ ୨୦୨୨ରେ ମୁନିଚ ଠାରେ ଜି-୭ ଶିଖର ସମ୍ମିଳନୀ ଅବସରରେ ଆର୍ଜେଣ୍ଟିନାର ରାଷ୍ଟ୍ରପତି ମାନ୍ୟବର ଶ୍ରୀ ଆଲବର୍ଟୋ ଫର୍ଣ୍ଣାଡେଜ୍‍ଙ୍କୁ ଭେଟିଛନ୍ତି ।

ଦୁଇ ନେତାଙ୍କ ମଧ୍ୟରେ ଏହା ପ୍ରଥମ ଦ୍ୱିପାକ୍ଷିକ ବୈଠକ ଥିଲା । ସେମାନେ ୨୦୧୯ ରେ ପ୍ରତିଷ୍ଠିତ ଦ୍ୱିପାକ୍ଷିକ ରଣନୀତିକ ଭାଗିଦାରୀର କାର୍ଯ୍ୟ ଅଗ୍ରଗତିର ସମୀକ୍ଷା କରିଥିଲେ । ବାଣିଜ୍ୟ ଏବଂ ପୁଞ୍ଜି ବିନିଯୋଗ ସହିତ ବିଭିନ୍ନ ପ୍ରସଙ୍ଗ ବିଶେଷ କରି ଔଷଧ, ଦକ୍ଷିଣ-ଦକ୍ଷିଣ ସହଯୋଗ, ଜଳବାୟୁ କାର୍ଯ୍ୟଯୋଜନା, ଅକ୍ଷୟ ଶକ୍ତି, ଆଣବିକ ଔଷଧ, ବୈଦ୍ୟୁତିକ ଗତିଶୀଳତା, ପ୍ରତିରକ୍ଷା ସହଯୋଗ, କୃଷି ଏବଂ ଖାଦ୍ୟ ସୁରକ୍ଷା, ପାରମ୍ପାରିକ ଔଷଧ, ସାଂସ୍କୃତିକ ସହଯୋଗ ତଥା ଆନ୍ତର୍ଜାତୀୟ ସଂସ୍ଥାଗୁଡ଼ିକରେ ସମନ୍ୱୟ ଉପରେ ଆଲୋଚନା ହୋଇଥିଲା । ଏହି କ୍ଷେତ୍ରଗୁଡିକରେ ସେମାନଙ୍କର ଦ୍ୱିପାକ୍ଷିକ ଯୋଗଦାନକୁ ବୃଦ୍ଧି କରିବାକୁ ଉଭୟ ପକ୍ଷ ସହମତ ହୋଇଥିଲେ ।