ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତା 22 ଓ 23 ତାରିଖ (ସେପ୍ଟେମ୍ବର) ଦୁଇଦିନ ଧରି ତାଙ୍କ ସଂସଦୀୟ ନିର୍ବାଚନ ମଣ୍ଡଳୀ ବାରଣାସୀକୁ ଗସ୍ତ କରିବେ ।
ପ୍ରଧାନମନ୍ତ୍ରୀ ଏହି ଗସ୍ତ କାଳରେ ଭିତ୍ତିଭୂମି, ରେଳବାଇ, ବୟନଶିଳ୍ପ, ଆର୍ଥିକ ସଂପୃକ୍ତିକରଣ, ପରିବେଶ ସୁରକ୍ଷା ଓ ପରିମଳ, ପଶୁପାଳନ, ସଂସ୍କୃତି ଓ ଆଧ୍ୟାତ୍ମିକତା ସଂପର୍କୀତ ବିଭିନ୍ନ କାର୍ଯ୍ୟକ୍ରମରେ ଭାଗ ନେବେ ।
ପ୍ରଧାନମନ୍ତ୍ରୀ ଗସ୍ତର ପ୍ରଥମ ଚରଣରେ ବାରଣାସୀ ସଂସଦୀୟ ନିର୍ବାଚନ ମଣ୍ଡଳୀର ବଡ ଲାଲପୁରଠାରେ ଦୀନ ଦୟାଲ ହସ୍ତକଳା ସଙ୍କୁଳ ନାମକ ଏକ ହସ୍ତଶିଳ୍ପ ବ୍ୟବସାୟ ସୁଗମ୍ୟ କେନ୍ଦ୍ର ଲୋକାର୍ପଣ କରିବେ । ଏହି ସ୍ଥାନରେ ନିର୍ମିତ ହୋଇଥିବା ହସ୍ତକଳା ସଙ୍କୁଳ କେନ୍ଦ୍ରକୁ ସେ ବୁଲି ଦେଖିବେ । ଶ୍ରୀ ନରେନ୍ଦ୍ର ମୋଦୀ ଦ୍ୱିତୀୟ ପର୍ଯ୍ୟାୟରେ ଭିଡିଓ ଲିଙ୍କ ଜରିଆରେ ମହାମନା ଏକ୍ସପ୍ରେସକୁ ପତାକା ଦେଖାଇ ଶୁଭାରମ୍ଭ କରିବେ । ମହାମନା ଏକ୍ସପ୍ରେସ ବାରଣାସୀରୁ ଗୁଜରାଟର ସୁରତ ଏବଂ ବଦୋଦରା ପର୍ଯ୍ୟନ୍ତ ଚଳାଚଳ କରିବ ।
ସେହି ସ୍ଥାନରେ ପ୍ରଧାନମନ୍ତ୍ରୀ ବାରଣାସୀ ସହର ପାଇଁ କେତେକ ବିକାଶ ପ୍ରକଳ୍ପର ଶିଳାନ୍ୟାସ ସହ ଲୋକାର୍ପଣ ମଧ୍ୟ କରିବେ । ପ୍ରଧାନମନ୍ତ୍ରୀ ଏହି ସମାବେଶରେ ଉତ୍କର୍ଷ ବ୍ୟାଙ୍କର ନୂତନ ସେବାକୁ ଉଦଘାଟନ କରିବେ ଏବଂ ଏହି ବ୍ୟାଙ୍କର ମୁଖ୍ୟାଳୟ ନିର୍ମାଣ କାର୍ଯ୍ୟର ଆଧାରଶିଳା ରଖିବେ । ସୂକ୍ଷ୍ମ ଉଦ୍ୟୋଗକୁ ଅର୍ଥ ଲଗାଣ ପାଇଁ ଉଦ୍ଦିଷ୍ଟ ମାଇକ୍ରୋଫାଇନାନ୍ସ କ୍ଷେତ୍ରରେ ଉତ୍କର୍ଷ ବ୍ୟାଙ୍କ ନିୟୋଜିତ ଅଛି ।
ପ୍ରଧାନମନ୍ତ୍ରୀ ଜଳ ଆମ୍ବୁଲାନ୍ସ ସେବା ଏବଂ ଜଳ ଶବ ବାହନ ସେବାକୁ ଭିଡିଓ ଲିଙ୍କ ଜରିଆାରେ ବାରଣାସୀ ଲୋକଙ୍କ ପାଇଁ ସମର୍ପିତ କରିବେ ।
22 ତାରିଖ ସଂଧ୍ୟାରେ ପ୍ରଧାନମନ୍ତ୍ରୀ ବାରଣାସୀର ଐତିହାସିକ ତୁଳସୀ ମାନସ ମନ୍ଦିର ପରିଦର୍ଶନ କରିବେ । ସେଠାରେ ସେ ରାମାୟଣ ଆଧାରିତ ଏକ ଡାକ ଟିକଟ ଉନ୍ମୋଚନ କରିବେ । ଏହା ପରେ ପରେ ପ୍ରଧାନମନ୍ତ୍ରୀ ଦୁର୍ଗା ମାତାଙ୍କ ମନ୍ଦିରକୁ ଯିବେ ।
ସେପ୍ଟେମ୍ବର 23 ତାରିଖ ଦିନ ପ୍ରଧାନମନ୍ତ୍ରୀ ସହେନଶାହାପୁର ଗ୍ରାମରେ ଏକ ପରିମଳ ସୁରକ୍ଷା କାର୍ଯ୍ୟକ୍ରମରେ ଅଳ୍ପ ସମୟ ପାଇଁ ଭାଗ ନେବେ । ତା ପରେ ପ୍ରଧାନମନ୍ତ୍ରୀ ପଶୁଧନ ଆରୋଗ୍ୟ ମେଳା ବୁଲି ଦେଖିବେ । ପରିଶେଷରେ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ ଓ ସହରାଂଚଳ) ର ହିତାଧିକାରୀମାନଙ୍କୁ ପ୍ରମାଣପତ୍ର ଆବଣ୍ଟନ ସହ ପ୍ରଧାନମନ୍ତ୍ରୀ ଏକ ଜନସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।
PM Modi to inaugurate Deendayal Hastkala Sankul – a trade facilitation centre for handicrafts during his Varanasi visit
PM Narendra Modi to flag off the Mahamana Express between Varanasi and Vadodra
Varanasi: PM Modi to inaugurate banking services of the Utkarsh Bank
PM Narendra Modi to visit the historic Tulsi Manas Temple, release a postal stamp on Ramayana
Varanasi: PM Narendra Modi to lay foundation stone for development projects, visit Pashudhan Arogya Mela
