ଦକ୍ଷିଣ କୋରିଆ ରାଷ୍ଟ୍ରପତିଙ୍କ ଭାରତ ଗସ୍ତ ଅବସରରେ ପ୍ରଧାନମନ୍ତ୍ରୀଙ୍କ ଦ୍ଵାରା ମିଳିତ ପ୍ରେସ ବିବୃତି

ମହାମହିମ ରାଷ୍ଟ୍ରପତି ମୁନ,

ଉପସ୍ଥିତ ସମସ୍ତ ଅତିଥି ବୃନ୍ଦ,

ଗଣମାଧ୍ୟମର ସାଥୀଗଣ,

ରାଷ୍ଟ୍ରପତି ମୁନଙ୍କ ଭାରତକୁ ପ୍ରଥମ ସରକାରୀ ଯାତ୍ରାରେ ତାଙ୍କର ସ୍ୱାଗତ କରିବା ମୋ ପାଇଁ ଅତ୍ୟନ୍ତ ଖୁସିର କଥା  ।

ପ୍ରାୟ ଏକ ବର୍ଷ ପୂର୍ବେ ମୋର ପ୍ରଥମ ଥର ପାଇଁ ରାଷ୍ଟ୍ରପତି ମୁନଙ୍କ ସହିତ ହମବର୍ଗରେ ଜି-20 ଶିଖର ସମ୍ମିଳନୀରେ ସାକ୍ଷାତ ହୋଇଥିଲା  । ସେତେବେଳେ ମୁଁ ତାଙ୍କୁ ଭାରତ ଆସିବା ପାଇଁ ଆମନ୍ତ୍ରିତ କରିଥିଲି । ଆଜି ସଂପୂର୍ଣ୍ଣ ବିଶ୍ୱ କୋରିଆ ଉପଦ୍ୱୀପରେ ହେଉଥିବା ବିଭିନ୍ନ ଘଟଣାକ୍ରମକୁ ଅତି ଆଗ୍ରହର ସହ ଦେଖୁଛି । ଏଭଳି ସ୍ଥିତିରେ ସେ ନିଜର ବ୍ୟସ୍ତବହୁଳ କାର୍ଯ୍ୟକ୍ରମ ମଧ୍ୟରେ ଭାରତ ଯାତ୍ରା ପାଇଁ ସମୟ ବାହାର କରିଛନ୍ତି । ଏବଂ ସେଥିପାଇଁ ମୁଁ ତାଙ୍କୁ ସ୍ୱତନ୍ତ୍ର ଭାବେ ଅଭିନନ୍ଦନ କରୁଛି  ।

ବନ୍ଧୁଗଣ,

ବୋଧହୁଏ ବହୁତ କମ ଲୋକ ଜାଣିଥିବେ ଯେ ଭାରତ ଏବଂ କୋରିଆ ମଧ୍ୟରେ ଏକ ପ୍ରକାରର ପାରିବାରିକ ସଂପର୍କ ରହିଛି  । ଶହ ଶହ ବର୍ଷ ପୂର୍ବେ ଅଯୋଧ୍ୟାର ଜଣେ ରାଜକୁମାରୀ, ପ୍ରିନ୍ସେସ ସୁରୀ-ରତ୍ନାଙ୍କ ବିବାହ କୋରିଆର ରାଜାଙ୍କ ସହ ହୋଇଥିଲା । ଏବଂ ଆପଣମାନଙ୍କୁ ଜାଣି ଆଶ୍ଚର୍ଯ୍ୟ ଲାଗିବ ଯେ ଆଜି ମଧ୍ୟ କୋରିଆରେ ଲକ୍ଷ ଲକ୍ଷ ଲୋକ ନିଜକୁ ତାଙ୍କ ବଂଶଧର ଭାବେ ବିବେଚନା କରନ୍ତି  । ଆଧୂନିକ ଯୁଗରେ ମଧ୍ୟ ଭାରତ ଏବଂ କୋରିଆର ମଜବୁତ ସଂପର୍କ ରହିଛି  । କୋରିଆରେ ଯୁଦ୍ଧ ସମୟରେ, ଭାରତର ପାରାଚୁଟ ଫିଲ୍ଡ ଆମ୍ବୁଲାନ୍ସ ୟୁନିଟର କାର୍ଯ୍ୟକୁ ଏବେବି ପ୍ରଶଂସା କରାଯାଉଛି  ।

ବନ୍ଧୁଗଣ,

କୋରିଆ ଜନରାଜ୍ୟର ଆର୍ଥିକ ଏବଂ ସାମାଜିକ ପ୍ରଗତି ବିଶ୍ୱରେ ଏକ ଅସାଧାରଣ ଉଦାହରଣ  । କୋରିଆର ଜନମାନସ ଦେଖାଇ ଦେଇଛନ୍ତି ଯେ ଯଦି କୌଣସି ଦେଶ ଦୃଢ ଲକ୍ଷ୍ୟ ଏବଂ ଉଦ୍ଦେଶ୍ୟ ପ୍ରତି ପ୍ରତିଶୃତିବଦ୍ଧ ହୁଅନ୍ତି ତେବେ ଅସମ୍ଭବ ଲାଗୁଥିବା ଲକ୍ଷ୍ୟକୁ ମଧ୍ୟ ସମ୍ଭବ କରାଯାଇପାରିବ ।

କୋରିଆର ଏହି ପ୍ରଗତି ଭାରତ ପାଇଁ ମଧ୍ୟ ପ୍ରେରଣାଦାୟୀ । ଏବଂ ଏହା ଖୁସିର ବିଷୟ ଯେ କୋରିଆର କଂପାନୀଗୁଡିକ ଭାରତରେ କେବଳ ଅଧିକରୁ ଅଧିକ ପୁଞ୍ଜିନିବେଶ କରିବା ସହିତ ମେକ ଇନ ଇଣ୍ଡିଆ ମିଶନରେ ନିଜକୁ ସାମିଲ କରି ଭାରତରେ ରୋଜଗାର ସୁଯୋଗ ସୃଷ୍ଟି କରିଛନ୍ତି । କୋରିଆର କଂପାନୀଗୁଡିକର ଉତ୍ତମଗୁଣବତ୍ତା ପ୍ରତି ପ୍ରତିଶୃତିବଦ୍ଧତା ପାଇଁ ଭାରତର ଘରେ ଘରେ କୋରିଆର ଉତ୍ପାଦ ତଥା ସାମଗ୍ରୀ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି  ।

ବନ୍ଧୁଗଣ,

ଆଜିର ଏହି ଆଲୋଚନାରେ ଆମେ କେବଳ ଦ୍ୱିପାକ୍ଷିକ ସଂପର୍କର ସମୀକ୍ଷା କରିବା ସହିତ କ୍ଷେତ୍ରୀୟ ଏବଂ ବୈଶ୍ୱିକ ସମସ୍ୟା ଉପରେ ନିଜର ମତ ମଧ୍ୟ ଖୋଲାଖୋଲି ଭାବେ ରଖିଛୁ  । ମୁଁ ଭାବୁଛି ଯେ ନୀତିଗତ ସ୍ତରରେ ଭାରତର  ଏକ୍ଟ ଇଷ୍ଟ ପଲିସି ବା ପ୍ରାଚ୍ୟମୁଖୀ ନୀତି ଏବଂ କୋରିଆ ଜନରାଜ୍ୟର ନୂତନ ଦକ୍ଷିଣମୁଖୀ ନୀତି ବାNew Southern Strategyରେ ଏକାଭିମୁଖୀତା ରହିଛି । ଭାରତ ଓ କୋରିଆ ଜନରାଜ୍ୟ ମଧ୍ୟରେ ସଂପର୍କ ତାଙ୍କ New Southern Strategyର ଏକ ଆଧାର ସ୍ତମ୍ଭ ଭାବେ ପରିଗଣିତ ହେଉଥିବାରୁ ମୁଁ ରାଷ୍ଟ୍ରପତି ମୁନଙ୍କ ଏହି ବିଚାରକୁ ହାର୍ଦ୍ଦିକ ସ୍ୱାଗତ କରୁଛି  ।

ଆମ ଆଲୋଚନାର ପରିଣାମ ସ୍ୱରୁପ ଏକ ଭବିଷ୍ୟଦୃଷ୍ଟି ବକ୍ତବ୍ୟ (vision statement) ଜାରି କରାଯାଉଛି ।  ଆମର ଲକ୍ଷ୍ୟ ଦୁଇ ଦେଶ ମଧ୍ୟରେ ସ୍ୱତନ୍ତ୍ର ରଣନୈତିକ ଯୋଜନାକୁ ଆହୁରି ମଜବୁତ କରିବା ଏହି ସଂପର୍କର ଏକ ସ୍ତମ୍ଭରେ ଆମର ଆର୍ଥିକ ଏବଂ ବ୍ୟବସାୟିକ ସଂପର୍କ ରହିଛି  । ଆଜି କିଛି ସମୟ ପରେ ଦୁଇ ଦେଶର ପ୍ରମୁଖ ସିଇଓଙ୍କ ସହିତ ଆଲୋଚନା କରାଯିବ  । ମୋର ଆଶା ଯେ ଆମ ବ୍ୟବସାୟ ଏବଂ ପୁଞ୍ଜିନିବେଶ ସମ୍ପର୍କିତ ଯୋଗସୂତ୍ରକୁ ଆହୁରି ଅଧିକ ମଜବୁତ କରିବା ପାଇଁ ଆମକୁ ଅନେକ ଉତ୍ତମ ପରାମର୍ଶ ମିଳିପାରିବ  ।

ମୁଁ ଅତ୍ୟନ୍ତ ଖୁସି ଯେ ଆମେ ଆମ ସୁପରିକଳ୍ପିତ ଆର୍ଥିକ ସହଭାଗି ରାଜିନାମାକୁ ଉନ୍ନତ କରିବା ଦିଗରେ Early Harvest Package ଆରମ୍ଭ କରିପାରିଛୁ  । ଦୁଇ ଦେଶର ସଂପର୍କ ଏବଂ ସୁଦୂର ଭବିଷ୍ୟତ ଓ ବିଶ୍ୱରେ ହେଉଥିବା ପ୍ରଯୁକ୍ତି ବିଦ୍ୟାର ଦୃତ ପରିବର୍ତ୍ତନକୁ ଦୃଷ୍ଟି ଦେଇ ଆମେ ନବସୃଜନ ସହଯୋଗ କେନ୍ଦ୍ରର ପ୍ରତିଷ୍ଠା ଏବଂ ଭବିଷ୍ୟତ ରଣନୈତିକ ଗୋଷ୍ଠୀ ଗଠନ ପାଇଁ ନିଷ୍ପତ୍ତି ନେଇଛୁ  ।

ବନ୍ଧୁଗଣ,

କୋରିଆ ଉପଦ୍ୱୀପର ଶାନ୍ତି ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ, ସଠିକ ମାର୍ଗରେ ପରିଚାଳିତ କରିବା ପାଇଁ ଏବଂ ପ୍ରଗତି ପାଇଁ ମୁନ ପ୍ରଶଂସାର ପାତ୍ର । ମୋର ଏହା ବିଶ୍ୱାସ ଯେ ଯେଉଁ ସକାରାତ୍ମକ ବାତାବରଣ ସୃଷ୍ଟି ହୋଇଛି,ତାହା ରାଷ୍ଟ୍ରପତି ମୁନଙ୍କ କଠିନ ପରିଶ୍ରମର ପରିଣାମ  । ଏହି ପ୍ରଗତି ପାଇଁ ମୁଁ ରାଷ୍ଟ୍ରପତି ମୁନଙ୍କୁ ଅଭିନନ୍ଦନ ଜଣାଉଛି  । ଆଜିର ଆଲୋଚନାରେ ମୁଁ ତାଙ୍କୁ କହିଛି ଯେ ପୂର୍ବୋତ୍ତର ଏବଂ ଦକ୍ଷିଣ ଏସିଆରେ ଅଣୁଅସ୍ତ୍ର ପ୍ରସାରର ଭିତିରି ସମ୍ପର୍କ ଭାରତ ପାଇଁ ମଧ୍ୟ ଚିନ୍ତାର ବିଷୟ ହୋଇଛି । ଏଥିପାଇଁ, ଏହି ଶାନ୍ତି ପ୍ରକ୍ରିୟାର ସଫଳତାରେ ଭାରତ ମଧ୍ୟ ଏକ ଅଂଶୀଦାର  ।

ଚିନ୍ତା ହ୍ରାସ କରିବା ପାଇଁ ଆବଶ୍ୟକ ସହଯୋଗ ଆମେ ନିଶ୍ଚିତ ରୂପେ କରିବୁ । ଏବଂ ଏଥିପାଇଁ, ଆମେ ନିଜ ପରାମର୍ଶ ଏବଂ ସମନ୍ୱୟର ଗତିକୁ ଆହୁରି ବୃଦ୍ଧି କରିବା ପାଇଁ ନିଷ୍ପତ୍ତି ନେଇଛୁ । ସଚିବ ସ୍ତରରେ 2+2ଆଲୋଚନା ଏବଂ ମନ୍ତ୍ରୀ ସ୍ତରରେ ଯୁଗ୍ମ କମିଶନ ଆଗାମୀ ସାକ୍ଷାତଗୁଡିକରେ ଏହି ସଂପର୍କରେ ଅନେକ ଗୁରୁତ୍ୱପୂର୍ଣ୍ଣ ହେବ  ।

ବନ୍ଧୁଗଣ,

ପୁନର୍ବାର ରାଷ୍ଟ୍ରପତି ମୁନ, ତାଙ୍କ ଧର୍ମ ପତ୍ନୀ ଏବଂ ପ୍ରତିନିଧିମଣ୍ଡଳର ସମସ୍ତ ପ୍ରତିନିଧିମାନଙ୍କୁ ଭାରତରେ ହାର୍ଦ୍ଦିକ ସ୍ୱାଗତ ଜଣାଉଛି । ଆଗାମୀ ଦିନରେ ତାଙ୍କର ସମସ୍ତ ଶାନ୍ତି ପ୍ରଚେଷ୍ଟାଗୁଡିକର ସଫଳତା ପାଇଁ ମୁଁ ନିଜ ତରଫରୁ ଏବଂ 125 କୋଟି ଭାରତୀୟଙ୍କ ତରଫରୁ ଅନେକ ଅନେକ ଶୁଭକାମନା  ଜଣାଉଛି ।

ପୁଣି ଥରେ ସାକ୍ଷାତ ହେବ,

ଅନେକ ଅନେକ ଧନ୍ୟବାଦ  ।

कोरिया गणराज्य की प्रगति विश्व में अपने आप में एक अनूठा उदाहरण है। कोरिया के जनमानस ने दिखाया है कि यदि कोई देश एक समान vision और उद्देश्य के प्रति वचनबद्ध हो जाता है तो असंभव लगने वाले लक्ष्य भी प्राप्त किए जा सकते हैं। कोरिया की यह प्रगति भारत के लिए भी प्रेरणादायक है: PM

— PMO India (@PMOIndia) July 10, 2018

यह बहुत प्रसन्नता का विषय है कि कोरिया की कंपनियों ने भारत में न सिर्फ़ बड़े स्तर पर निवेश किया है, बल्कि हमारे Make in India mission से जुड़ कर भारत में रोजगार के अवसर भी पैदा किया हैं: PM

— PMO India (@PMOIndia) July 10, 2018

भारत की Act East Policy और कोरिया गणराज्य की New Southern Strategy में स्वाभाविक एकरसता है। मैं राष्ट्रपति मून के इस विचार का हार्दिक स्वागत करता हूँ कि भारत और कोरिया गणराज्य के संबंध उनकी New Southern Strategy का एक आधार स्तम्भ हैं: PM

— PMO India (@PMOIndia) July 10, 2018

हमारी बातचीत के परिणामस्वरूप एक vision statement जारी किया जा रहा है। हमारा focus अपनी Special Strategic Partnership को मजबूत करने पर है।
इस relationship का एक स्तम्भ हमारे आर्थिक और व्यापारिक संबंध हैं: PM

— PMO India (@PMOIndia) July 10, 2018