ସେୟାର
 
Comments
People want to be rid of evils like corruption and black money existing within the system: PM Modi
NDA Government’s objective is to create a transparent and sensitive system that caters to needs of all: PM Modi
We are working to fulfill the needs of the poor and to free them from all the problems they face: PM Modi
Mudra Yojana is giving wings to the aspirations of our youth: PM Modi
Non-Performing Asset (NPA) is the biggest liability on the NDA Government passed on by the economists of previous UPA government: PM Modi
We are formulating new policies keeping in mind the requirements of people; we are repealing old and obsolete laws: PM Modi
Major reforms have been carried out in the last three years in several sectors: PM Modi

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଫିକ୍କିର 90ତମ ସାଧାରଣ ବୈଠକର ଉଦ୍ଘାଟନୀ ଅଧିବେଶନରେ ଉଦବୋଧନ ଦେଇଥିଲେ ।

ଏହି ଅବସରରେ ସେ 1927ରେ ଫିକ୍କିର ପ୍ରତିଷ୍ଠା ହେବା ସମୟର ସ୍ମରଣ କରାଇ ଦେଇ କହିଥିଲେ ଯେ ସେତେବେଳେ ଭାରତୀୟ ଶିଳ୍ପ ଜଗତ ବ୍ରିଟିଶ ସରକାରଙ୍କ ଦ୍ୱାରା ଗଠନ କରାଯାଇଥିବା ସାଇମନ କମିଶନଙ୍କୁ ବିରୋଧ କରିଥିଲା । ସେ କହିଥିଲେ ଯେ ସେ ସମୟରେ ଭାରତୀୟ ଶିଳ୍ପଜଗତ ଦେଶର ହିତ ପାଇଁ ସମାଜର ଅନ୍ୟ ବର୍ଗ ସହ ହାତ ମିଳାଇଥିଲା ।



ପ୍ରଧାନମନ୍ତ୍ରୀ କହିଥିଲେ ଯେ ବର୍ତ୍ତମାନ ମଧ୍ୟ ସେପରି ସମୟ ଆସିଛି ଯେତେବେଳେ ଦେଶର ଜନସାଧାରଣ ଦେଶ ପ୍ରତି ସେମାନଙ୍କ ଉତ୍ତରଦାୟିତ୍ୱ ନିର୍ବାହ କରିବା ଲାଗି ଆଗେଇ ଆସୁଛନ୍ତି । ସେ କହିଥିଲେ ଯେ ଲୋକମାନଙ୍କ ଆଶା ଓ ଆକାଂକ୍ଷା ବଳରେ ଦୁର୍ନୀତି ଏବଂ କଳାଧନ ପରି ଦେଶର ଆଭ୍ୟନ୍ତରୀଣ ସମସ୍ୟା ସମାଧାନ ହୋଇପାରିବ । ସେ କହିଥିଲେ ଯେ ରାଜନୈତିକ ଦଳ ଏବଂ ଶିଳ୍ପ ଜଗତ ଦେଶର ଆବଶ୍ୟକତା ତଥା ଲୋକମାନଙ୍କ ଭାବନା ପ୍ରତି ଧ୍ୟାନ ଦେବା ସହ ତଦନୁଯାୟୀ କାର୍ଯ୍ୟ କରିବା ଉଚିତ ।

ପ୍ରଧାନମନ୍ତ୍ରୀ କହିଥିଲେ ଯେ ସ୍ୱାଧୀନତା ପରଠାରୁ ଅନେକ କିଛି ହାସଲ ହୋଇଛି, ତଥାପି କେତେକ ଆହ୍ୱାନ ମଧ୍ୟ ମୁଣ୍ଡ ଟେକିଛି । ପ୍ରତିଷ୍ଠା ହୋଇଥିବା ବ୍ୟବସ୍ଥା, ବ୍ୟାଙ୍କ ଏକାଉଣ୍ଟ, ଗ୍ୟାସ ସଂଯୋଗ, ବୃତ୍ତି, ପେନସନ ଆଦି ଆବଶ୍ୟକତା ପାଇଁ ଗରିବ ଲୋକମାନଙ୍କୁ ସଂଘର୍ଷ କରିବାକୁ ପଡ଼ିଛି । ସେ କହିଥିଲେ ଯେ କେନ୍ଦ୍ର ସରକାର ଲୋକମାନଙ୍କ ଏହି ସଂଘର୍ଷର ଅନ୍ତ ଘଟାଇବା ଦିଗରେ କାର୍ଯ୍ୟ କରୁଛନ୍ତି ଏବଂ ଏପରି ଏକ ବ୍ୟବସ୍ଥା ପ୍ରତିଷ୍ଠା ପାଇଁ କାର୍ଯ୍ୟ କରୁଛନ୍ତି ଯାହା ପାରଦର୍ଶୀ ତଥା ସମ୍ବେଦନଶୀଳ ହୋଇଥିବ । ସେ କହିଥିଲେ ଯେ ଜନଧନ ଯୋଜନା ଏହାର ଏକ ଉଦାହରଣ ଏବଂ କେନ୍ଦ୍ର ସରକାର “ସହଜ ଜୀବନଧାରଣ” ପ୍ରତି ଗୁରୁତ୍ୱ ଦେଉଛନ୍ତି । ସେ ମଧ୍ୟ ଉଜ୍ଜ୍ୱଳା ଯୋଜନା, ସ୍ୱଚ୍ଛ ଭାରତ ମିଶନ ଅଧୀନରେ ଶୌଚାଳୟ ନିର୍ମାଣ ଏବଂ ପ୍ରଧାନମନ୍ତ୍ରୀ ଆବାସ ଯୋଜନା ବିଷୟରେ ଉଲ୍ଲେଖ କରିଥିଲେ । ସେ କହିଥିଲେ ଯେ ସେ ଦାରିଦ୍ର୍ୟକୁ ଅନୁଭବ କରିଛନ୍ତି ଏବଂ ଗରିବ ଓ ଦେଶର ଆବଶ୍ୟକତାକୁ ବୁଝି କାର୍ଯ୍ୟ କରିବା ଦରକାର ବୋଲି ଜାଣିଛନ୍ତି । ଉଦ୍ୟୋଗୀଙ୍କୁ ସହଜ ଋଣ ଯୋଗାଣ ପାଇଁ ଉଦ୍ଦିଷ୍ଟ ମୁଦ୍ରା ଯୋଜନା ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ ।

 

ପ୍ରଧାନମନ୍ତ୍ରୀ କହିଥିଲେ ଯେ କେନ୍ଦ୍ର ସରକାର ବ୍ୟାଙ୍କିଙ୍ଗ ବ୍ୟବସ୍ଥାକୁ ସୁଦୃଢ଼ କରିବା ଦିଗରେ କାର୍ଯ୍ୟ କରୁଛନ୍ତି । ସେ କହିଥିଲେ ଯେ ଏନପିଏ ସମସ୍ୟା ଉତ୍ତରାଧିକାର ସୂତ୍ରରେ ଏ ସରକାରଙ୍କୁ ପ୍ରାପ୍ତ ହୋଇଛି । ସେ କହିଥିଲେ, ବର୍ତ୍ତମାନ ଆର୍ଥିକ ନିୟାମକ ଏବଂ ଜମା ସୁରକ୍ଷା (ଏଫଆରଡିଆଇ) ବିଲ ସମ୍ପର୍କରେ ଗୁଜବ ପ୍ରସାର କରାଯାଉଛି । ସେ କହିଥିଲେ ଯେ ସରକାର ଏକାଉଣ୍ଟଧାରୀଙ୍କ ସ୍ୱାର୍ଥ ସୁରକ୍ଷା ଦିଗରେ କାର୍ଯ୍ୟ କରୁଛନ୍ତି, କିନ୍ତୁ ଏହାର ବିପରୀତ କେତେକ ଗୁଜବ ପ୍ରସାର କରାଯାଉଛି । ସେ କହିଥିଲେ ଯେ ଫିକ୍କି ଭଳି ସଂଗଠନ ନିକଟରେ ଏପରି ପ୍ରସଙ୍ଗରେ ସଚେତନତା ସୃଷ୍ଟି କରିବାର ଦାୟିତ୍ୱ ରହିଛି । ସେହିପରି ଜିଏସଟିକୁ ଅଧିକ ଫଳପ୍ରଦ କରିବାରେ ଫିକ୍କିର ମଧ୍ୟ ବଡ ଭୂମିକା ରହିଛି । ସେ କହିଥିଲେ, ଅଧିକରୁ ଅଧିକ ବ୍ୟବସାୟକୁ ଜିଏସଟି ଅଧୀନରେ ପଞ୍ଜିକୃତ କରାଇବା ଲାଗି ସରକାର ପ୍ରୟାସ କରୁଛନ୍ତି । ସେ କହିଥିଲେ ବ୍ୟବସ୍ଥା ଯେତେ ଅଧିକ ବ୍ୟବସ୍ଥିତ ହେବ, ଗରିବ ସେତେ ଅଧିକ ଲାଭ ପାଇପାରିବେ । ଏହାଦ୍ୱାରା ବ୍ୟାଙ୍କରେ ସହଜ ଋଣ ଉପଲବ୍ଧ ହେବ, ଲଜିଷ୍ଟିକ୍ସର ମୂଲ୍ୟ ହ୍ରାସ ପାଇବ, ଯାହାଦ୍ୱାରା ବ୍ୟବସାୟରେ ପ୍ରତିଦ୍ୱନ୍ଦ୍ୱିତା ବୃଦ୍ଧି ପାଇବ । ମୁଁ ଭାବୁଛି କ୍ଷୁଦ୍ର ବ୍ୟବସାୟୀଙ୍କ ମଧ୍ୟରେ ବ୍ୟାପକ ମାତ୍ରାରେ ସଚେତନତା ସୃଷ୍ଟି ଲାଗି ଫିକ୍କି ନିକଟରେ କିଛି ଯୋଜନା ରହିଛି ବୋଲି ସେ ଉଲ୍ଲେଖ କରିଥିଲେ । ବିଲ୍ଡରମାନେ ସାଧାରଣ ଲୋକଙ୍କୁ ଶୋଷଣ କରିବା ମାମଲାରେ, ଆବଶ୍ୟକତା ସ୍ଥଳେ, ଫିକ୍କି ନିଶ୍ଚିତ ଭାବେ ସ୍ୱର ଉତ୍ତୋଳନ କରିବା ଉଚିତ ବୋଲି ପ୍ରଧାନମନ୍ତ୍ରୀ କହିଥିଲେ ।

ୟୁରିଆ, ବସ୍ତ୍ର, ବେସାମରିକ ବିମାନ ଚଳାଚଳ ଓ ସ୍ୱାସ୍ଥ୍ୟ ଆଦି କ୍ଷେତ୍ରରେ ନିଆଯାଇଥିବା ନୀତିଗତ ନିଷ୍ପତ୍ତି ଏବଂ ଏହାଦ୍ୱାରା ମିଳିଥିବା ସୁଫଳ ସମ୍ପର୍କରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ପ୍ରତିରକ୍ଷା, ନିର୍ମାଣ, ଖାଦ୍ୟ ପ୍ରକ୍ରିୟାକରଣ ଆଦି କ୍ଷେତ୍ରରେ ନିଆଯାଇଥିବା ସଂସ୍କାର ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ । ସେ କହିଥିଲେ ଯେ ଏସବୁ ପଦକ୍ଷେପର ଫଳସ୍ୱରୂପ ବିଶ୍ୱ ବ୍ୟାଙ୍କ “ଇଜ୍ ଅଫ ଡୁଇଂ ବିଜନେସ” ମାନ୍ୟତାରେ ଭାରତର ସ୍ଥାନ 142ରୁ ଉପରକୁ ଉଠି 100ରେ ପହଁଚିଛି । ଅର୍ଥବ୍ୟବସ୍ଥାକୁ ସୁଦୃଢ଼ କରିବା ଲାଗି ନିଆଯାଇଥିବା ଅନ୍ୟସବୁ ପଦକ୍ଷେପ ସମ୍ପର୍କରେ ମଧ୍ୟ ସେ ଉଲ୍ଲେଖ କରିଥିଲେ । ସେ କହିଥିଲେ ଯେ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ନିଯୁକ୍ତି ସୁଯୋଗ ସୃଷ୍ଟିରେ ସହାୟକ ହୋଇଛି ।

ପ୍ରଧାନମନ୍ତ୍ରୀ କହିଥିଲେ ଯେ ଖାଦ୍ୟ ପ୍ରକ୍ରିୟାକରଣ, ଷ୍ଟାର୍ଟଅପ, କୃତ୍ରିମ ବୁଦ୍ଧି (Artificial Intelligence), ସୌର ଶକ୍ତି, ସ୍ୱାସ୍ଥ୍ୟସେବା ଆଦି କ୍ଷେତ୍ରର ବିକାଶରେ ଫିକ୍କିର ଭୂମିକା ଗୁରୁତ୍ୱପୂର୍ଣ୍ଣ । ଏମଏସଏମଇ କ୍ଷେତ୍ର ପାଇଁ ଥିଙ୍କଟ୍ୟାଙ୍କ ବା ଚିନ୍ତନମଣ୍ଡଳୀ ଭୂମିକାରେ କାର୍ଯ୍ୟ କରିବା ଲାଗି ସେ ଫିକ୍କିକୁ ଆହ୍ୱାନ କରିଥିଲେ ।

Click here to read the full text speech

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
20ଟି ଫୋଟଚିତ୍ର 20 ବର୍ଷର ସେବା ଓ ସମର୍ପଣର ବ୍ୟାଖ୍ୟା କରୁଛି
Explore More
ଦିୱାଲୀ ଅବସରରେ ଜମ୍ମୁ-କଶ୍ମୀର ନୌଶେରାରେ ଭାରତୀୟ ସଶସ୍ତ୍ରବାହିନୀର ସୈନିକମାନଙ୍କ ସହିତ ପ୍ରଧାନମନ୍ତ୍ରୀଙ୍କ ମତବିନିମୟ

ଲୋକପ୍ରିୟ ଅଭିଭାଷଣ

ଦିୱାଲୀ ଅବସରରେ ଜମ୍ମୁ-କଶ୍ମୀର ନୌଶେରାରେ ଭାରତୀୟ ସଶସ୍ତ୍ରବାହିନୀର ସୈନିକମାନଙ୍କ ସହିତ ପ୍ରଧାନମନ୍ତ୍ରୀଙ୍କ ମତବିନିମୟ
Indian economy shows strong signs of recovery, upswing in 19 of 22 eco indicators

Media Coverage

Indian economy shows strong signs of recovery, upswing in 19 of 22 eco indicators
...

Nm on the go

Always be the first to hear from the PM. Get the App Now!
...
Social Media Corner 7th December 2021
December 07, 2021
ସେୟାର
 
Comments

India appreciates Modi Govt’s push towards green growth.

People of India show immense trust in the Govt. as the economic reforms bear fruits.