ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆତ୍ମନିର୍ଭର ଭାରତକୁ ନେଇ ସବୁଠାରୁ ବଡ ପରବର୍ତ୍ତନ ହେଉଛି ପ୍ରବୃତ୍ତି, କାର୍ଯ୍ୟ ଏବଂ ପ୍ରତିକ୍ରିୟା ଯାହାକି ଆଜିର ଯୁବପୀଢିଙ୍କ ମନୋବଳ ସହିତ ସମାନ । ସେ ଆଜି ଆସାମର ତେଜପୁର ବିଶ୍ୱବିଦ୍ୟାଳୟର 18ତମ ସମାବର୍ତ୍ତନ ଉତ୍ସବକୁ ଭିଡିଓ କନଫରେନ୍ସିଂ ମାଧ୍ୟମରେ ସମ୍ବୋଧନ କରିଥିଲେ ।
ପ୍ରଧାନମନ୍ତ୍ରୀ ଆତ୍ମନିର୍ଭର ଅଭିଯାନ ସଂକ୍ରାନ୍ତରେ ବିସ୍ତୃତ ଭାବେ ଧାରଣା ଦେଇଥିଲେ । ସେ ସ୍ପଷ୍ଟ କରିଛନ୍ତି ଯେ ଏହି ଆନ୍ଦୋଳନ ସମ୍ବଳ, ଉପଲବ୍ଧ ଭିତ୍ତିଭୂମି, ଜ୍ଞାନକୌଶଳ ଓ ଅର୍ଥନୈତିକ ଏବଂ ରଣନୀତି ଶକ୍ତିର ସବୁଠାରୁ ବଡ ପରିବର୍ତ୍ତନ ହେଉଛି ପ୍ରବୃତ୍ତି, କାର୍ଯ୍ୟ ଏବଂ ପ୍ରତିକ୍ରିୟା ଯାହା ବର୍ତ୍ତମାନର ଯୁବପୀଢିଙ୍କ ମନୋବଳ ସହିତ ସମାନ ଅଟେ ।
ପ୍ରଧାନମନ୍ତ୍ରୀ କହିଛନ୍ତି ଯେ ଆଜିର ଯୁବ ଭାରତୀୟଙ୍କ ନିକଟରେ ଆହ୍ୱାନକୁ ଗ୍ରହଣ କରିବାର ବିଭିନ୍ନ ଉପାୟ ରହିଛି । ସମ୍ପ୍ରତି ଅଷ୍ଟ୍ରେଲିଆରେ ଯୁବ ଭାରତୀୟ କ୍ରିକେଟ୍ ଦଳର ପ୍ରଦର୍ଶନକୁ ଉଦାହରଣ ଭାବେ ସେ ନିଜର ମତ ରଖିଥିଲେ । ଭାରତୀୟ କ୍ରିକେଟ୍ ଦଳ ଅନେକ ଆହ୍ୱାନର ସମ୍ମୁଖୀନ ହୋଇଥିଲେ । ସେମାନେ ପରାଜୟର ସମ୍ମୁଖୀନ ହୋଇଥିଲେ ମଧ୍ୟ ଦ୍ରୁତଗତିରେ ସେଥିରୁ ମୁକୁଳି ପରବର୍ତ୍ତୀ ମ୍ୟାଚ୍କୁ ଜିଣିଥିଲେ । ଆଘାତ ସତ୍ତ୍ୱେ ଖେଳାଳିମାନେ ନିଜର ନିଷ୍ଠା ପ୍ରଦର୍ଶନ କରିଥିଲେ । କଠିନ ପରିସ୍ଥିତିରେ ନିରାଶ ହେବା ପରିବର୍ତ୍ତେ ଆହ୍ୱାନକୁ ନିଜ ମୁଣ୍ଡକୁ ନେଇ ଏହାର ସମାଧାନ ଖୋଜିଥିଲେ । ଏହି ଖେଲାଳିମାନେ ଅନଭିଜ୍ଞ ଥିଲେ ମଧ୍ୟ ସେମାନଙ୍କର ମନୋବଳ ଦୃଢ଼ ଥିଲା ଏବଂ ମିଳିଥିବା ସୁଯୋଗର ସେମାନେ ସଦ୍ବ୍ୟବହାର କରିଥିଲେ । ନିଜର ପ୍ରତିଭା ଓ ସ୍ୱଭାବ ସହିତ ଗୋଟିଏ ଉନ୍ନତ ଦଳକୁ ପରାସ୍ତ କରିଥିଲେ ।
ପ୍ରଧାନମନ୍ତ୍ରୀ ଜୋର୍ ଦେଇ କହିଛନ୍ତି ଯେ ଆମ ଖେଳାଳିଙ୍କ ଏହି ଚମତ୍କାର ପ୍ରଦର୍ଶନ କେବଳ କ୍ରୀଡ଼ା କ୍ଷେତ୍ର ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ନୁହେଁ । ପ୍ରଦର୍ଶନରୁ ଶ୍ରୀ ମୋଦି ଗୁରୁତ୍ୱପୂର୍ଣ୍ଣ ଶିକ୍ଷା ତାଲିକାଭୁକ୍ତ କରିଥିଲେ । ପ୍ରଥମେ ଆମର ଦକ୍ଷତା ଉପରେ ବିଶ୍ୱାସ ଏବଂ ଆତ୍ମବିଶ୍ୱାସ ରହିବା ଆବଶ୍ୟକ, ଦ୍ୱିତୀୟରେ ଏକ ସକରାତ୍ମକ ମାନସିକତା ଭଲ ଫଳାଫଳ ଦେଇଥାଏ । ତୃତୀୟ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ ଶିକ୍ଷା ସଂକ୍ରାନ୍ତରେ ପ୍ରଧାନମନ୍ତ୍ରୀ କହିଛନ୍ତି ଯଦି ଜଣେ ଦୁଇଟି ବିକଳ୍ପର ସମ୍ମୁଖୀନ ହୁଏ, ଗୋଟିଏ ସୁରକ୍ଷିତ ଓ ଅନ୍ୟ ବିକଳ୍ପଟି କଷ୍ଟସାଧ୍ୟ ବିଜୟ ହୁଏ ତେବେ ନିଶ୍ଚିତ ଭାବରେ ବିଜୟର ବିକଳ୍ପ ଅନୁସନ୍ଧାନ କରିବାକୁ ପଡ଼ିବ । ବେଳେ ବେଳେ ବିଫଳତାରେ କୌଣସି କ୍ଷତି ହୁଏ ନାହିଁ ଏବଂ ରିକ୍ସ ନେବାକୁ ବାରଣ କରିବା ଉଚିତ୍ ନୁହେଁ । ଆମକୁ ସକ୍ରିୟ ଏବଂ ନିର୍ଭୀକ ହେବା ଜରୁରୀ । ଯଦି ଆମେ ବିଫଳତାର ଭୟ ଏବଂ ଅନାବଶ୍ୟକ ଚାପକୁ ଦୂର କରିବା ତେବେ ଆମେ ନିର୍ଭୀକ ଭାବେ ଉଭା ହେବା । ପ୍ରଧାନମନ୍ତ୍ରୀ ଛାତ୍ରଛାତ୍ରୀମାନଙ୍କୁ କହିଛନ୍ତି ଯେ ଆତ୍ମବିଶ୍ୱାସୀ ଏବଂ ଲକ୍ଷ୍ୟ ପ୍ରତି ଉତ୍ସର୍ଗୀକୃତ ଏହି ନୂତନ ଭାରତ କେବଳ କ୍ରିକେଟ୍ ପଡ଼ିଆରେ ନୁହେଁ, ତୁମେମାନେ ସମସ୍ତେ ଏହି ଚିତ୍ରର ଗୋଟିଏ ଅଂଶ ।
