एआय इम्पॅक्ट समिटच्या पार्श्वभूमीवर क्रोएशियाचे पंतप्रधान आंद्रे प्लेंकोविच यांनी आज पंतप्रधान नरेंद्र मोदी यांची भेट घेतली.
पंतप्रधान नरेंद्र मोदी यांच्या निमंत्रणावरून आंद्रे प्लेंकोविच 18-21 फेब्रुवारी 2026 दरम्यान आयोजित करण्यात आलेल्या एआय इम्पॅक्ट समिटमध्ये सहभागी होण्यासाठी भारत दौऱ्यावर आले आहेत. क्रोएशियाच्या पंतप्रधानांनी भारताला दिलेली ही पहिलीच भेट आहे. दोन्ही नेत्यांनी व्यापार आणि गुंतवणूक, विज्ञान आणि तंत्रज्ञान, कनेक्टिव्हिटी, सांस्कृतिक देवाणघेवाण आणि परस्परांच्या नागरिकांमधील संबंध यासह विस्तृत क्षेत्रांमध्ये द्विपक्षीय सहकार्य मजबूत करण्याच्या मार्गांवर चर्चा केली. ऐतिहासिक भारत-ईयू एफटीएच्या निष्कर्षाचे स्मरण करून त्यांनी द्विपक्षीय व्यापाराला चालना देण्यासाठी कराराची लवकर अंमलबजावणी करण्याचे आवाहन केले. परस्पर हिताच्या प्रादेशिक आणि जागतिक मुद्द्यांवरही विचारांची देवाणघेवाण झाली. दोन्ही देशांच्या जनतेच्या उज्ज्वल भविष्यासाठी कृत्रिम बुद्धिमत्ता आणि उदयोन्मुख तंत्रज्ञानाचा वापर करण्यावर दोन्ही बाजूंनी भर दिला.
भारताच्या योग आणि आयुर्वेदाच्या समृद्ध परंपरेबद्दल क्रोएशियाची रुची आणि विश्वास, याची पंतप्रधान मोदी यांनी प्रशंसा केली.
पंतप्रधान नरेंद्र मोदी यांनी जून 2025 मध्ये क्रोएशियाला ऐतिहासिक भेट दिली होती. भारतीय पंतप्रधानांची ही पहिलीच क्रोएशिया भेट होती.
Held fruitful discussions with the Prime Minister of Croatia, Mr. Andrej Plenković. We discussed how to add momentum to our bilateral partnership in areas such as technology, innovation, shipbuilding, blue economy and boosting connectivity through the IMEEC corridor. Also… pic.twitter.com/lGI1pKHIVI
— Narendra Modi (@narendramodi) February 18, 2026
Održao sam produktivan razgovor s predsjednikom Vlade Republike Hrvatske, g. Andrejem Plenkovićem. Razmotrili smo mogućnosti dodatnog osnaživanja našeg bilateralnog partnerstva, s posebnim naglaskom na produbljivanje suradnje u područjima tehnologije, inovacija, brodogradnje te… pic.twitter.com/AQ6gaHw1fE
— Narendra Modi (@narendramodi) February 18, 2026
