पंतप्रधान नरेंद्र मोदी यांनी आज नवी दिल्ली येथे इंडिया एआय इम्पॅक्ट शिखर परिषदेच्या निमित्ताने मॉरिशसचे पंतप्रधान डॉ. नवीनचंद्र रामगुलाम यांची भेट घेतली. सप्टेंबर 2025 मध्ये त्यांच्या राज्य भेटीनंतर, पंतप्रधान रामगुलाम यांचा त्यांच्या चालू कार्यकाळातील हा दुसरा भारत दौरा आहे. अलिकडेच 9 फेब्रुवारी 2026 रोजी झालेल्या झालेल्या नेत्यांच्या दूरध्वनी संभाषणानंतर ही भेट झाली.
दोन्ही नेत्यांनी वर्धित धोरणात्मक भागीदारीची प्रगती आणि व्यापार आणि गुंतवणूक, सागरी सुरक्षा, आरोग्य, शिक्षण आणि डिजिटल सहकार्य यामधील बहुआयामी सहभागाचा आढावा घेतला. दोन्ही नेत्यांनी उदयोन्मुख तंत्रज्ञानाची वाढते महत्त्व ओळखून, समावेशक आणि शाश्वत विकासाला चालना देण्यासाठी कृत्रिम बुद्धिमत्ता आणि नवोन्मेष-नेतृत्वाखालील क्षेत्रांमध्ये सहकार्यावर विचारांची देवाणघेवाण केली.
मॉरिशसच्या विकास प्राधान्यांना पाठिंबा देण्यासाठी भारताने दिलेल्या विशेष आर्थिक पॅकेजच्या अंमलबजावणीचा नेत्यांनी आढावा घेतला. परस्पर विश्वास आणि प्रगतीसाठीची सामायिक बांधिलकी प्रतिबिंबित करणारे भारताच्या विकास भागीदारीचे मॉरिशस हे एक आदर्श उदाहरण असल्याचे पंतप्रधान मोदी यांनी अधोरेखित केले.
दोन्ही पंतप्रधानांनी भारताच्या ‘व्हिजन महासागर’ आणि ‘शेजारी राष्ट्र प्रथम’ धोरणांतर्गत भारत-मॉरिशस भागीदारीचे शाश्वत महत्त्व पुन्हा एकदा अधोरेखित केले. परस्पर समृद्धी आणि ग्लोबल साउथ च्या सामायिक प्राधान्यक्रमांना पुढे नेण्यात या भागीदारीचे योगदान महत्त्वपूर्ण असल्याचे त्यांनी नमूद केले.
दोन्ही नेत्यांनी द्विपक्षीय सहकार्य अधिक मजबूत करण्यासाठी तसेच हिंद महासागर प्रदेशात शांतता, स्थिरता आणि समृद्धीमध्ये योगदान देण्यासाठी निकट सहकार्य सुरू ठेवण्यास सहमती दर्शविली.
Delighted to meet Prime Minister of Mauritius, Dr. Navinchandra Ramgoolam. Reaffirmed our shared commitment to take our enhanced Strategic Partnership to new heights in AI, technology, culture and people-to-people ties.
— Narendra Modi (@narendramodi) February 20, 2026
Mauritius is a vital partner in India’s MAHASAGAR vision… pic.twitter.com/kfmFSWpt0t
