आपले महामहिम राष्ट्राध्यक्ष लुला,
दोन्ही देशांचे प्रतिनिधीमंडळ,
माध्यम प्रतिनिधींनो,
नमस्कार!
“बोआ तार्दे”!
राष्ट्राध्यक्ष लुला आणि त्यांच्या प्रतिनिधीमंडळाचे भारतात स्वागत करताना मला अत्यंत आनंद होत आहे.
गेल्या वर्षी ब्राझीलमध्ये आपण ज्या आत्मीयता आणि ऊबदार स्वागताने माझे स्वागत केले होते, त्याच भावनेने आज भारतात आपले अभिनंदन करीत आहे. हे माझ्यासाठी विशेष समाधानाचे कारण आहे. भारत आणि ब्राझीलमधील संबंधांना राष्ट्राध्यक्ष लूला यांच्या दूरदृष्टी आणि प्रेरणादायी नेतृत्वाचा दीर्घकाळ लाभ होत आला आहे.
गत काही वर्षांत मला त्यांची अनेकदा भेट घेण्याचा योग आला आहे. प्रत्येक भेटीत मला भारताविषयी त्यांची सखोल मैत्री आणि विश्वास जाणवला आहे. राष्ट्राध्यक्ष लूला यांच्या या भेटीमुळे ऐतिहासिक एआय इम्पॅक्ट समिटची शोभा वाढली आहे आणि आपल्या धोरणात्मक भागीदारीला नवचैतन्य मिळाले आहे. त्यांच्या मैत्रीबद्दल आणि दोन्ही देशांतील संबंधांप्रती असलेल्या बांधिलकीबद्दल मी राष्ट्राध्यक्षांचे आभार व्यक्त करतो.
मित्रहो,
आज झालेल्या चर्चांमध्ये आपण प्रत्येक क्षेत्रात समान उद्दिष्टे आणि समान आकांक्षा यांसह पुढे जाण्याबाबत सविस्तर विचारविनिमय केला.
ब्राझील हा लॅटिन अमेरिकेत भारताचा सर्वात मोठा व्यापार भागीदार आहे. पुढील पाच वर्षांत द्विपक्षीय व्यापार 20 अब्ज डॉलरपेक्षाही पुढे नेण्याचा आमचा निर्धार आहे. आपला व्यापार केवळ आकडेवारी नसून तो परस्पर विश्वासाचे प्रतीक आहे. राष्ट्राध्यक्षांसोबत आलेले मोठे उद्योग प्रतिनिधीमंडळ हाच विश्वास दर्शवते.
भारत-मर्कोसुर व्यापार कराराच्या विस्तारामुळे आपले आर्थिक सहकार्य अधिक बळकट होईल. तंत्रज्ञान आणि नवोन्मेष क्षेत्रातील सहकार्य दोन्ही देशांसाठी तसेच संपूर्ण ग्लोबल साउथसाठी महत्त्वपूर्ण आहे. ब्राझीलमध्ये डिजिटल सार्वजनिक पायाभूत सुविधांसाठी उत्कृष्टतेचे केंद्रस्थान स्थापन करण्याच्या कामात आपण सहकार्य करत आहोत, याचा मला आनंद आहे. कृत्रिम बुद्धिमत्ता, सुपरकॉम्प्युटर, सेमीकंडक्टर्स आणि ब्लॉकचेन यांसारख्या क्षेत्रांतील सहकार्यालाही आपण प्राधान्य देत आहोत. तंत्रज्ञान सर्वसमावेशक असावे आणि सामूहिक प्रगतीसाठी ते एक पूल ठरावे, अशी दोन्ही देशांची भूमिका आहे.
ऊर्जा सहकार्य हे आपल्या संबंधांचे एक भक्कम स्तंभ राहिले आहे. हायड्रोकार्बनसह नूतनीकरणीय ऊर्जा, इथेनॉल मिश्रण, शाश्वत विमान इंधन अशा विविध क्षेत्रांमध्ये आपण सहकार्याला अधिक गती देत आहोत. जागतिक जैव इंधन आघाडीमध्ये ब्राझीलचा सक्रिय सहभाग हरित भविष्याबाबतच्या आपल्या सामायिक बांधिलकीचे प्रतीक आहे.
ब्राझीलने आपत्ती-प्रतिरोधक पायाभूत सुविधा आंतरराष्ट्रीय मंच या उपक्रमाच्या सह-अध्यक्षपदाचा प्रस्ताव दिला आहे. या महत्त्वपूर्ण पुढाकाराबद्दल मी राष्ट्राध्यक्ष लुला यांचे मनःपूर्वक अभिनंदन करतो. या क्षेत्रातील ब्राझीलचा व्यापक अनुभव सीडीआरआय अधिक बळकट करण्यास मोलाचा ठरेल.
अत्यावश्यक खनिजे आणि महत्त्वाची खनिजे या संदर्भात झालेला करार बळकट आणि विश्वासार्ह पुरवठा साखळी उभारण्याच्या दृष्टीने एक मोठे पाऊल आहे. संरक्षण क्षेत्रातही आपले सहकार्य सातत्याने वाढत आहे. हे परस्परांतील विश्वास आणि धोरणात्मक समन्वयाचे उत्तम उदाहरण आहे. ही परस्पर लाभदायी भागीदारी आपण आणखी दृढ करत राहू.
कृषी आणि पशुपालन क्षेत्रात आपण भविष्यातील गरजांचा विचार करून सहकार्याला नवे आयाम देत आहोत. हवामान-प्रतिरोधक शेती, अचूक शेती आणि जैव खते यांसारख्या क्षेत्रांतील सहकार्यामुळे दोन्ही देशांची अन्नसुरक्षा अधिक बळकट होईल. ब्राझीलमध्ये तेलबिया, कडधान्ये आणि एकात्मिक शेतीसाठी उत्कृष्टता केंद्र स्थापन करण्याची योजना ही त्याच दिशेने टाकलेले महत्त्वाचे पाऊल आहे.
आरोग्य आणि औषधनिर्मिती क्षेत्रातही सहकार्याच्या मोठ्या संधी आहेत. भारतातून ब्राझीलला परवडणारी आणि दर्जेदार औषधे पुरवठा वाढवण्यावर आपण काम करू. तसेच ब्राझीलमध्ये आयुर्वेद आणि पारंपरिक औषधपद्धतीचा विस्तार करून सर्वांगीण आरोग्यसेवेला प्रोत्साहन दिले जाईल.
मित्रांनो,
जागतिक पातळीवर भारत आणि ब्राझील यांची भागीदारी प्रभावी आणि बळकट राहिली आहे. लोकशाही देश म्हणून आपण ग्लोबल साउथच्या प्राधान्यक्रमांना आणि अपेक्षांना पुढे नेण्यास कटिबद्ध आहोत. भारत आणि ब्राझील एकत्र काम करत असताना ग्लोबल साउथचा आवाज अधिक ठाम आणि आत्मविश्वासपूर्ण होतो.
प्रत्येक समस्येचे समाधान संवाद आणि कूटनीतीच्या माध्यमातूनच व्हावे, असा आपला ठाम विश्वास आहे. भारत आणि ब्राझील यांचे मत आहे की दहशतवाद आणि त्याला पाठिंबा देणारे घटक हे संपूर्ण मानवजातीचे शत्रू आहेत. सध्याच्या आव्हानांना सामोरे जाण्यासाठी जागतिक संस्थांमध्ये सुधारणा करणे अत्यंत आवश्यक आहे, यावरही आपली एकमत आहे. या दिशेने आपण संयुक्तपणे प्रयत्न करत राहू.
महोदय,
आपली ही भेट आपल्या धोरणात्मक भागीदारीला अधिक गती देईल आणि येत्या काळात सहकार्याच्या नव्या संधी निर्माण करेल, असा मला पूर्ण विश्वास आहे.
आपल्या या भेटीबद्दल आणि दृढ मैत्रीबद्दल मी पुन्हा एकदा मनःपूर्वक आभार व्यक्त करतो.
खूप-खूप धन्यवाद.
“मुईतो ऑब्रिगाडो!”
भारत और ब्राजील के संबंधों को राष्ट्रपति लूला की दूरदृष्टि और प्रेरक नेतृत्व का लंबे समय से लाभ मिलता रहा है।
— PMO India (@PMOIndia) February 21, 2026
बीते कुछ वर्षों में मुझे इनसे कई बार मिलने का सौभाग्य मिला है और हर मुलाकात के दौरान मैंने, भारत के प्रति इनकी गहरी मित्रता और विश्वास को महसूस किया है: PM @narendramodi
ब्राज़ील, लैटिन अमेरिका में भारत का सबसे बड़ा trade partner है।
— PMO India (@PMOIndia) February 21, 2026
हम आने वाले पाँच वर्षों में द्विपक्षीय व्यापार को 20 बिलियन डॉलर के पार ले जाने के लिए प्रतिबद्ध है।
हमारा व्यापार केवल आंकड़ा नहीं, विश्वास का प्रतिबिंब है: PM @narendramodi
Technology और innovation के क्षेत्र में हमारा सहयोग दोनों देशों के साथ-साथ, पूरे Global South के लिए महत्व रखता है।
— PMO India (@PMOIndia) February 21, 2026
मुझे खुशी है कि हम ब्राजील में Digital Public Infrastructure के लिए Centre of Excellence बनाने पर काम कर रहे हैं: PM @narendramodi
Critical Minerals और rare earths में जो समझौता हुआ है, वो resilient supply chains के निर्माण में एक बड़ा कदम है।
— PMO India (@PMOIndia) February 21, 2026
Defence के क्षेत्र में भी हमारा सहयोग निरंतर बढ़ रहा है। ये एक-दूसरे के प्रति भरोसे और रणनीतिक तालमेल का बेहतरीन उदाहरण है।
हम इस win-win partnership को आगे भी और…
When India and Brazil work together, the voice of Global South becomes stronger and more confident: PM @narendramodi
— PMO India (@PMOIndia) February 21, 2026
भारत और ब्राजील एकमत हैं कि आतंकवाद और उसके समर्थक पूरी मानवता के शत्रु हैं।
— PMO India (@PMOIndia) February 21, 2026
हम इस बात पर भी सहमत हैं कि वर्तमान समय की चुनौतियों से निपटने के लिए वैश्विक संस्थानों का reform अत्यंत आवश्यक है: PM @narendramodi
