पंतप्रधान नरेंद्र मोदी यांनी 19 नोव्हेंबर रोजी चिली प्रजासत्ताकचे राष्ट्राध्यक्ष गॅब्रिएल बोरिक फॉन्ट यांची ब्राझीलमधील रिओ दि जानेरो येथे जी -20 शिखर परिषदेच्या निमित्ताने भेट घेतली. ही त्यांची पहिली भेट होती.
दोन्ही नेत्यांनी द्विपक्षीय संबंधांवर चर्चा केली आणि सहकार्य मजबूत करण्यासाठी अनेक उपक्रम निश्चित केले. पंतप्रधानांनी डिजिटल सार्वजनिक पायाभूत सुविधा, आरोग्यसेवा, माहिती तंत्रज्ञान, विज्ञान आणि तंत्रज्ञान, अंतराळ, नवीकरणीय ऊर्जा तसेच संरक्षण क्षेत्रातील भारताच्या प्राबल्यावर प्रकाश टाकला, तसेच या क्षेत्रांमध्ये चिलीसोबत आपला अनुभव सामायिक करण्यासाठी भारताची तयारी दर्शवली.
दोन्ही बाजूंनी महत्त्वपूर्ण खनिज क्षेत्रात सहकार्य वाढवण्याला आणि परस्पर लाभासाठी एकत्र काम करण्याला सहमती दर्शविली. भारत-चिली प्राधान्य व्यापार कराराच्या (PTA) विस्तारानंतर व्यापार संबंधांमध्ये सतत वाढ होत असल्याबद्दल दोन्ही नेत्यांनी समाधान व्यक्त केल. तसेच, प्राधान्य व्यापार कराराचा आणखी विस्तार करण्यासाठी संधी शोधण्याचे मान्य केले. चिलीच्या उद्योग जगताला मदत करण्यासाठी उच्च दर्जाची आणि परवडणारी औषधी उत्पादने, अभियांत्रिकी वस्तू, ऑटोमोबाईल्स आणि रसायने पुरवण्यात भारताला नेहमीच स्वारस्य असल्याचे पंतप्रधानांनी सांगितले.
दोन्ही नेत्यांनी शिक्षण, संस्कृती आणि पारंपरिक ज्ञानाच्या क्षेत्रात सहकार्याच्या शक्यतांवरही चर्चा केली. यासोबतच, दोन्ही नेत्यांनी वारंवार संपर्कात राहण्याचे आणि सध्याचे द्विपक्षीय सहकार्य आणखी मजबूत करण्यावर सहमती दर्शवली.
Met the President of Chile, Mr. Gabriel Boric Font in Rio de Janeiro. India’s ties with Chile are getting stronger across various sectors. Our talks focused on how to deepen relations in pharmaceuticals, technology, space and more. It is gladdening to see Ayurveda gaining… pic.twitter.com/9TxtrbXnb1
— Narendra Modi (@narendramodi) November 19, 2024
Me reuní con el Presidente de Chile, el Sr. Gabriel Boric Font en Río de Janeiro. Los lazos de la India con Chile se están fortaleciendo en varios sectores. Nuestra conversación se centró en cómo profundizar las relaciones en los sectores farmacéuticos, tecnológicos y espaciales,… pic.twitter.com/Vj8Fng943E
— Narendra Modi (@narendramodi) November 19, 2024
