पंतप्रधान नरेंद्र मोदी यांनी विविध सरकारी कार्यक्रम आणि दौऱ्यांमध्ये आपल्याला मिळालेल्या भेटवस्तूंचा ऑनलाइन लिलाव सुरु झाल्याचे सांगून नागरिकांना लिलावात सक्रियपणे सहभागी होण्याचे आवाहन केले आहे. या लिलावातून मिळणारी रक्कम, गंगा नदीचे संवर्धन आणि पुनरुज्जीवनासाठी भारताचा महत्वाकांक्षी कार्यक्रम असलेल्या ‘नमामि गंगे’ उपक्रमासाठी वापरली जाईल, असे त्यांनी नमूद केले आहे.
पंतप्रधानांनी X वर पोस्ट केले आहे:
वेगवेगळ्या कार्यक्रमांदरम्यान मला मिळालेल्या विविध भेटवस्तूंचा ऑनलाइन लिलाव गेले काही दिवस सुरू आहे. या लिलावात भारताची संस्कृती आणि सर्जनशीलता प्रतिबिंबित करणाऱ्या अत्यंत चित्तवेधक कलाकृतींचा समावेश आहे. लिलावातून मिळणारी रक्कम नमामि गंगे उपक्रमासाठी वापरली जाईल. आपण या लिलावात जरूर सहभागी व्हा.
pmmementos.gov.in”
Over the past few days, the online auction for the various gifts I have received during my different programmes has been underway. The auction includes very interesting works which illustrate the culture and creativity of India. The proceeds from the auction will go towards… pic.twitter.com/ONOq88XOXZ
— Narendra Modi (@narendramodi) September 24, 2025
