पंतप्रधान नरेंद्र मोदी यांनी एन. चंद्राबाबू नायडू यांच्याशी दूरध्वनीवरून संवाद साधत मुख्यमंत्रीपदाची 15 वर्षे पूर्ण केल्याबद्दल त्यांचे अभिनंदन केले.
पंतप्रधानांनी नायडू यांच्या दूरदृष्टीपूर्ण नेतृत्वाचे आणि सुशासनाप्रती असलेल्या सातत्यपूर्ण बांधिलकीचे कौतुक केले. त्यांनी सांगितले की, राजकारणात इतकी वर्षे उलटूनही त्यांच्या कार्यात विकास आणि प्रशासनातील पारदर्शकता हे मुख्य मूल्य राहिले आहे. पंतप्रधानांनी 2000 च्या दशकाच्या सुरुवातीपासून सुरू झालेल्या त्यांच्या आणि नायडू यांच्या सहकार्याच्या आठवणींना उजाळा दिला, जेव्हा दोघेही मुख्यमंत्री होते. त्यांनी जनसेवेसाठी नायडू यांच्या अखंड समर्पणाचे कौतुक केले.
पंतप्रधानांनी आंध्र प्रदेशातील जनतेच्या प्रगती आणि कल्याणासाठी नायडू यांच्या पुढील प्रयत्नांसाठी शुभेच्छा दिल्या.
पंतप्रधानांनी एक्स या समाज माध्यमावर लिहिले आहे:
“मी आज चंद्राबाबू नायडू गारू यांच्याशी संवाद साधून मुख्यमंत्रीपदाची 15 वर्षे पूर्ण केल्याबद्दल त्यांचे अभिनंदन केले. त्यांच्या दूरदृष्टीपूर्ण दृष्टिकोनाने आणि चांगल्या शासनाप्रती बांधिलकीने त्यांच्या संपूर्ण राजकीय कारकिर्दीत सातत्य राखले आहे. आम्ही दोघेही मुख्यमंत्री असताना 2000 च्या दशकाच्या सुरुवातीपासून अनेक प्रसंगी एकत्र काम केले आहे. आंध्र प्रदेशच्या कल्याणासाठी ते ज्या उत्कटतेने कार्य करत आहेत, त्यासाठी त्यांना हार्दिक शुभेच्छा.
@ncbn”
Spoke to Chandrababu Naidu Garu and congratulated him on completing 15 years as Chief Minister. His futuristic vision and commitment to good governance have remained constant through his political career. I have worked closely with Chandrababu Garu on numerous occasions, starting…
— Narendra Modi (@narendramodi) October 11, 2025
ముఖ్యమంత్రిగా 15 సంవత్సరాలు పూర్తి చేసుకున్నందుకు చంద్రబాబు నాయుడు గారితో మాట్లాడి అభినందనలు తెలిపాను. ఆయన భవిష్యత్తు దృక్పథం మరియు సుపరిపాలన పట్ల నిబద్ధత రాజకీయ జీవితంలో స్థిరంగా ఉన్నాయి. 2000ల దశకం ప్రారంభంలో మేమిద్దరం ముఖ్యమంత్రులుగా ఉన్నప్పటి నుండి, అనేక సందర్భాల్లో…
— Narendra Modi (@narendramodi) October 11, 2025
