नेदरलँड्सचे पंतप्रधान मार्क रुटे यांनी आज पंतप्रधान नरेंद्र मोदी यांच्याशी दूरध्वनीवरुन बातचीत केली.
पंतप्रधान मोदी यांना निवडणुकीत मिळालेल्या यशाबद्दल पंतप्रधान रुटे यांनी त्यांचे अभिनंदन केले आणि त्यांना पंतप्रधानपदाच्या ऐतिहासिक अशा तिसऱ्या कार्यकाळासाठी शुभेच्छा दिल्या.
पंतप्रधान रुटे यांच्या शुभेच्छांबद्दल आभार व्यक्त करत पंतप्रधान मोदी यांनी दोन्ही देशांच्या दरम्यान असलेले दृढ संबंध आणखी बळकट करण्यासाठी पंतप्रधान रुटे यांनी दाखवलेल्या व्यक्तिगत स्वारस्याची प्रशंसा केली.
दोन्ही नेत्यांनी भारत आणि नेदरलँड्स यांच्या दरम्यान असलेले विशेष आणि मौल्यवान संबंध यावेळी अधोरेखित केले.
यावेळी दोन्ही देशांतील सामान्य लोकांच्या कल्याणासाठी दोन्ही देशांमध्ये असलेले द्विपक्षीय संबंध आणखी बळकट करण्यासाठी काम करत राहण्याच्या वचनबद्धतेला पंतप्रधान मोदी यांनी दुजोरा दिला.
Spoke to PM Mark Rutte @MinPres. Thank him for his warm felicitations. Netherlands is a valued and trusted partner. Looking forward to further advancing our ties to new heights.
— Narendra Modi (@narendramodi) June 5, 2024
