शेअर करा
 
Comments

जपानचे परराष्ट्र मंत्री तोशीमित्सू मोटेगी आणि संरक्षण मंत्री टारो कोनो यांनी आज पंतप्रधान नरेंद्र मोदी यांची भेट घेतली. हे दोन्ही मंत्री भारत-जपान यांच्या परराष्ट्र आणि संरक्षण मंत्रालयांच्या बैठकसत्रांच्या नवी दिल्लीत होणाऱ्या उद्घाटनाच्या बैठकीत (2+2), जपानचे प्रतिनिधित्व करणार आहेत.

पंतप्रधान नरेंद्र मोदी यांनी दोन्ही मंत्र्यांचे स्वागत केले. जपान येथे ऑक्टोबर 2018 मध्ये जपान येथे झालेल्या 13 व्या भारत-जपान वार्षिक शिखर परिषदेत पंतप्रधान नरेंद्र मोदी आणि जपानचे पंतप्रधान शिंजो आबे या दोघांनी घेतलेल्या निर्णयानुसार, परराष्ट्र आणि संरक्षण क्षेत्रात दोन्ही देशांचे संबंध अधिक दृढ करण्यासाठी दोन्ही बाजूंनी सुरु होत असलेल्या प्रयत्नांविषयी पंतप्रधानांनी समाधान व्यक्त केले. या बैठकीमुळे दोन्ही देशातील राजनैतिक, संरक्षण आणि सुरक्षा सहकार्य अधिक मजबूत होईल असा विश्वास पंतप्रधानांनी व्यक्त केला.

भारत आणि जपानच्या नात्यामध्ये सर्वांगीण प्रगतीचे महत्व अधोरेखित करत या सहकार्याचा लाभ दोन्ही देशातील जनतेला तसेच या आशियाई प्रदेशाला होईल, असे पंतप्रधान म्हणाले. या नियमित उच्चस्तरीय बैठका म्हणजे दोन्ही देशातील घट्ट आणि मजबूत नाते याचेच द्योतक आहे, असे पंतप्रधान यावेळी म्हणाले.

दोन्ही देशांमधील द्विपक्षीय संबंध अधिक दृढ व्हावेत अशी आपली आणि जपानचे पंतप्रधान शिन्जो आबे यांची इच्छा आहे, असे मोदी म्हणाले. पुढच्या महिन्यात भारतात होणाऱ्या भारत-जपान वार्षिक शिखर परिषदेसाठी शिन्जो आबे यांचे स्वागत करण्यास आपण उत्सुक आहोत, असे पंतप्रधान म्हणाले. भारत-प्रशांत महासागर परिसरात शांतता, स्थैर्य आणि समृद्धी नांदण्यासाठी भारत आणि जपानमधील संबंध अत्यंत महत्वाचे आहेत, असे पंतप्रधान म्हणाले. भारताच्या Act East Policy म्हणजे पूर्वेकडील देशांविषयीच्या धोरणाचा, दोन्ही देशांमधले संबंध हा पाया असल्याचा उल्लेख पंतप्रधानांनी केला.

Inspire India's Olympians! #Cheers4India
Modi Govt's #7YearsOfSeva
Explore More
चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी

लोकप्रिय भाषण

चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी
Over 44 crore vaccine doses administered in India so far: Health ministry

Media Coverage

Over 44 crore vaccine doses administered in India so far: Health ministry
...

Nm on the go

Always be the first to hear from the PM. Get the App Now!
...
केंद्रीय राखीव पोलीस दलाच्या स्थापना दिनानिमित्त पंतप्रधानांकडून सीआरपीएफ कर्मचाऱ्यांना शुभेच्छा
July 27, 2021
शेअर करा
 
Comments

सीआरपीएफ म्हणजेच केंद्रीय राखीव पोलीस दलाच्या स्थापना दिनानिमित्त पंतप्रधान श्री. नरेंद्र मोदी यांनी सीआरपीएफच्या  कर्मचाऱ्यांना शुभेच्छा दिल्या आहेत.

 एका ट्विटमध्ये पंतप्रधान म्हणाले," स्थापना दिवसाबद्दल  केंद्रीय राखीव पोलीस दलाच्या सर्व शूर कर्मचाऱ्यांना आणि त्यांच्या कुटुंबियांना शुभेच्छा. केंद्रीय राखीव पोलीस दल शौर्य आणि  कर्तव्यतत्परतेसाठी ओळखले जाते. भारताच्या सुरक्षा यंत्रणेत या दलाची  महत्त्वपूर्ण भूमिका आहे.  राष्ट्रीय ऐक्यासाठी  त्यांचे योगदान प्रशंसनीय आहे.''