ঙসি রিলিস তৌখিবা ইন্দিপেন্দেন্ত এপ্রাইজেল রিপোর্ত অমদা, য়ুনাইতেদ নেসন্স দিবলপমেন্ত প্রোগ্রাম(য়ু.এন.দি.পি.) ইন্দিয়ানা এস্পিরেস্নেল দিস্ত্রিক্স প্রোগ্রামবু(এ.দি.পি.)‘দিবলপমেন্ত স্তেতস্তা মরম কয়া অমনা রিজনেল দিস্পেরিতীশিং লৈরিবা অতোপ্পা লৈবাকশিংগীদমক খ্বাইদগী ফরবা প্রেক্তিস ওইনা শিজিন্ননবগীদমক’ ‘লোকেল এরিয়া দিবলপমেন্তগী মাই পাক্লবা মোদেল অমনি হায়না’ থাগৎখ্রে৷
এ.দি.পি.গী মখাদা য়াম্না কন্না হোৎনরিবশিং অসিনা অথাকপা মফমদা লৈরিবশিং অমসুং লেফত ৱিঙ্গ এক্সত্রিমিজম্না শোকহল্লবা মীওইশিং য়াওনা মমাংগী মতমদা মীরাইরুরবা জিলাশিং ‘হৌখিবা চহি অহুম অসিদা হান্না অমুক্তা তৌখিদ্রিবা মওংদা হেন্না চাওখৎপা অমসুং য়াইফবা পুরকপা ঙমখ্রে’ হায়না রিপোর্ত অসিনা পল্লি৷ এ.পি.দি.না ‘শোত্থদুনা লৈরিবা জিলাশিংগী মরক্তা কা হেন্না মাই পাক্না চাওখৎপা পুরকপা ঙমখ্রে’৷
রিপোর্ত অদু ঙসি য়ু.এন.দি.পি. ইন্দিয়া রিসাইদেন্ত রিপ্রজেন্তেতিব স্কোদা নোদানা নিতি আয়োগকী ভাইস চিয়রমেন দা. রজিব কুমার অমসুং সি.ই.ও. অমিতাভ কান্তদা খুৎশিন্নখ্রে৷ মসিদা এস্পিরেস্নেল দিস্ত্রিক্স প্রোগ্রামগী প্রোগ্রেস অদু রেকোর্দ তৌরি অমসুং মখাতানা চাওখৎপা পুরক্নবগীদমক রিকম্মেন্দেসনশিং শেম্লি৷ রিপোর্ত অসি পব্লিক্লী ফংলিবা দাতাগী ক্বান্তিতেতিব এনালাইসিসকী মতুং ইন্না অমসুং দিস্ত্রিক মেজিস্ত্রেতশিং, সেন্ত্রেল প্রভারি ওফিসরশিং, দিস্ত্রিক ফেল্লোশিং অমসুং অতোপ্পা দিবলপমেন্ত পার্তনরশিং য়াওনা তোঙান তোঙানবা স্তেকহোল্দরশিংগা খন্নরবা মতুংদা শেম্বনি৷
এ.দি.পি.গী মরু ওইবা সেক্তর ৫দা- হেল্থ অমসুং ন্যুত্রিসন; এজুকেসন; এগ্রীকল্চর অমসুং ৱাতর রিসোর্চেস; বেসিক ইনফ্রাস্ত্রকচর; অমসুং স্কিল দিবলপমেন্ত অমসুং ফাইনান্সিয়েল ইনক্লুজনদা য়ু.এন.দি.পি.না নৈনরিবা অসিনা প্রোগ্রাম অসি হায়রিবা জিলাশিং অসিদা চাওখৎপা পুরক্নবা হোৎনবদা কেতেলিস্ত অমা ওইনা মথৌ তৌরে হায়না খঙবা ঙমখি৷ রিপোর্ত অসিগী মতুং ইন্না, হেল্থ অমসুং ন্যুত্রিসন, এজুকেসন, এগ্রীকল্চর অমসুং ৱাতর রিসোর্চশিং য়াম্না চাওনা ফিভম ফহনখ্রে অমসুং অতোপ্পা ইন্দিকেতরশিংনা ফিভম খরা ফনা লৈরবসু মখাতানা ফিভম ফহনবগী তঙাই ফদবা লৈরি৷
এস্পিরেস্নেল জিলাশিং অমসুং মখোয়গী কাউন্তরপার্তশিংগী মরক্তা চাংদম্নবা মতমদা এ.দি.শিংনা নন-এ.দি.শিংবু আউতপর্ফোর্ম তৌরে হায়না ফংখ্রে৷ হেল্থ অমসুং ন্যুত্রিসনগী সেক্তরশিংদা অমসুং ফাইনান্সিয়েল ইনক্লুজনদা, হোম দেলিভরীশিংগী ৯.৬% হেন্না স্কিল বর্থ এতেন্দেন্ত অমনা পাংথোক্লি; অরুবা এনেমিয়া লৈবা মীরোনবী নুপী ৫.৮% হেন্না লাইয়েংলি; দাইরিয়া নারিবা অঙাং ৪.৮% হেন্না লাইয়েংলি; মীরোনবী নুপী ৪.৫% হেনবনা মখোয়গী অহানবা ত্রিমেস্তরগী মনুংদা এন্তিনেতেল কেয়রগীদমক রেজিস্তর তৌখ্রে;, অমসুং প্রধান মন্ত্রী জীবন জ্যোতি বিমা য়োজনা, প্রধান মন্ত্রী সুরক্সা বিমা য়োজনা অমসুং প্রধান মন্ত্রী জন-ধন য়োজনাগী মখাদা মথংশিৎনা মীওই লাখ অমদা ৪০৬ অমসুং ৮৪৭ হেন্না এনরোল তৌখ্রে অমসুং মীওই ১৫৮০ হেন্না একাউন্ত হাংখ্রে৷ য়ু.এন.দি.পি.না বিজাপুর অমসুং দন্তেৱাদাদা ‘মেলরিয়া মুখ বাস্তার অভিয়ন’ রিকম্মেন্দ তৌখ্রে, মসিনা হায়রিবা জিলাশিং অসিদা মথংশিৎনা মেলরিয়াগী থৌদোক ৭১% অমসুং ৫৪% হন্থহন্দুনা এস্পিরেস্নেল জিলাশিং অসিদা পাংথোক্লিবা খ্বাইদগী ফরবা প্রেক্তিসশিং ওইরি৷
রিপোর্ত অসিগী মতুং ইন্না, প্রোগ্রাম অসিনা লেপ্পা লৈতনা হেল্থ অমসুং ন্যুত্রিসনদা মীৎয়েং থম্বা অসিনা কোবিদ ক্রাইসিস অসি মাই পাক্না লান্থেংনবা মতমদা মখোয়দা মতেং পাংলে হায়না জিলাশিং অসিনসু ফোংদোরকখ্রে৷ খুদম ওইনা হায়রবদা, ‘ওরিশাগী মালকনগিরি জিলা অসি য়ুমথংনরিবা রাজ্য ছত্তিশগর অমসুং আন্ধ্র প্রদেশকা য়াম্না নক্ননা লৈরুবনা অহানবা লোকদাউনগী মতমদা রাজ্য অসিদা হল্লক্লিবা তোঙান তোঙানবা মাইগ্রেন্ত ৱার্করশিংগী এন্ত্রী পোইন্ত অমা ওইখ্রে৷ মখোয়গী নৌনা শারিবা ইনফ্রাস্ত্রকচর অদু মাইগ্রেন্তশিং অসিগী ইন্সতিত্যুস্নেল ক্বারেন্তিন সেন্তরশিং শিজিন্ননবা দিস্ত্রিক ওফিসিয়েলশিংনা ক্লেম তৌখ্রে৷’
রিএল-তাইম দাতা য়েংশিনবা, ,সরকারগী প্রোগ্রামশিং অমসুং স্কিমশিং পুনশিনবা অমসুং সবস্তেন্সিয়েল মার্জিনশিংনা এস্পিরেস্নেল দিস্ত্রিক্স প্রোগ্রামগী কান্নবশিং ফংলিবা অসিনা ইনিসিয়েতিব অসি মাই পাকহন্নবগী অচৌবা মচাকশিংনি হায়না ফোংদোকখ্রে৷
গোলশিং অমসুং তার্গেৎশিং অসি ফংবা ঙম্নবা রাজ্য অমসুং লোকেল সরকারশিং, দিবলপমেন্ত পার্তনরশিং অমসুং সিতিজনশিং য়াওনা স্তেকহোল্দর পুম্নমক অমতা ওইনা পুন্না পুনশিন্নবা প্রোগ্রাম অসিগী অখন্নবা কোলাবোরেতিব নেচর অদু রিপোর্ত অসিনা রিকোগনাইজ তৌই৷ মসিগী য়াম্না মরু ওইবা পিল্লর অসিনা দিস্ত্রিক কম্মিশনারশিংনা মখোয় মখোয়গী জিলাশিংদা পঞ্চায়তশিং, ফেথ অমসুং কম্ম্যুনিতী লিদরশিং অমসুং দিবলপমেন্ত পার্তনরশিংগা খুৎশম্নদুনা ‘অকনবা কোবিদ-১৯ রেস্পোন্স অমা শেম্বা অমসুং লাইনা-লাইচৎ অসিগী চেলেঞ্জশিং’ অসি থেংনবা ঙম্লিবনি৷
প্রোগ্রাম অসিদা প্রধান মন্ত্রী শ্রী নরেন্দ্র মোদী য়াওনা লৈবাক অসিগী মকোক থোংবা পোলিতিকেল লিদরশিপনা উৎলিবা মমল নাইদ্রবা থৌদাং অদু রিপোর্ত অসিনা পল্লি৷ ২০১৮দা প্রোগ্রাম অসি হেক লোঞ্চ তৌরকপদগী হৌদুনা, পি.এম.না দিস্ত্রিক কল্লেক্তরশিংনা ফিল্দ লেবেলদা মখোয়না খ্বাইদগী হেন্না ঙমজবা থৌদাং অদু য়ৌনা উৎথোক্নবা মখোয়গী পুক্নিং চিংশিনখ্রে৷
এ.দি.পি. এপ্রোচকী ৩সি.শিং‘কনবর্জেন্স, কম্পিতিসন অমসুং কোলাবোরেসন’ অসি এক্সপ্লোর তৌরদুনা, সিলোস্তা তৌরম্বা অদু সিনক্রোনাইস প্লানিংদা পুশিল্লক্তুনা কনবর্জেন্সতা মরু ওইনা মীয়েং চংলকপা অমসুং প্রোগ্রাম অসিগী তার্গেৎশিং অসি ফংবা ঙম্নবা লৈরিবা সাসন অসিগী মতাংদা ইন্তরভ্যু অয়াম্বনা হেন্না মীৎয়েং থম্লি হায়না রিপোর্ত অসিনা পল্লি৷ মতৌ অসিগুম্না, প্রোগ্রাম অসিগী তার্গেৎশিং অসি ফংবা ঙম্নবা হেল্থদী কম্পিতিসন শেমগৎপদা অমসুং য়েংশিনবদা ‘কম্পিতিসন’ এস্পেক্তসু কান্নৈ হায়বসি খঙবা ঙমখ্রে৷ হোৎনরিবশিং অমসুং প্রোগ্রেস অদু ত্রেক তৌবদা মসিনা জিলাশিং অসিগী মোতিবেতিং ফেক্তর অমসু ওইরি৷
প্রোগ্রাম অসিনা জিলাশিং অসিগী তেক্নিকেল অমসুং এদমিনিস্ত্রেতিব কেপাসিতীশিং হেন্না মপাঙ্গল লৈহল্লি অদুমওইনমক দেদিকেতেদ পর্সোনেল খুদম ওইনা জিলা পুম্নমক্তা এস্পিরেস্নেল দিস্ত্রিক ফেল্লোশিং নত্রগা তেক্নিকেল সপোর্ত য়ুনিতশিং থমদুনা নত্রগা তেক্নিকেল এক্সপর্তাইস, স্কিলস ত্রেনিং ফংহন্নবগীদমক দিবলপমেন্ত পার্তনরশিংগা খুৎশম্নদুনা কেপাসিতী শেমগৎপদা হেন্না মীৎয়েং চংবগী তঙাই ফদবা লৈ হায়না রিপোর্ত অসিনা পল্লি৷
প্রোগ্রাম অসিগী চেম্পিয়ন্স ওফ চেঞ্জ দেশবোর্দতা ফোংলিবা দেল্তা রেঙ্কিংশিং অদু রিপোর্ত অসিনা এপ্রিসিয়েত তৌরি৷ মসিনা থৌনা হাপ্লিবা কম্পিতিতিব অমসুং দাইনামিক কল্চর অসিনা হৌখিবা চহি অহুম অসিদা কা হেন্না হন্থনা পর্ফোর্ম তৌরম্বা জিলা কয়া অমা(বেজলাইন রেঙ্কিংগী মতুং ইন্না) মখোয় মখোয়গী স্তেন্দর্দশিং হেন্না মাই পাক্না ফহনবা ঙমখ্রে৷ সিমদেগা(ঝর্খন্দ), চান্দাউলি(উত্তর প্রদেশ), সোনভদ্রা(উত্তর প্রদেশ) অমসুং রাজগার্হ(মধ্য প্রদেশ)শিংনা প্রোগ্রাম অসি হেক হৌরকপদগী খ্বাইদগী হেন্না চাওখৎলকপা মফমশিং ওইরি৷
প্রোগ্রাম অসিগী মখাদা লৌখৎলিবা তোঙান তোঙানবা ইনিসিয়েতিব কয়া অমবু খ্বাইদগী ফবা প্রেক্তিসনি হায়না রিপোর্ত অসিনা রিকম্মেন্দ তৌরি৷ মখোয়শিং অদুগী মনুংদা গোল মার্ত পনবা য়াই, অসাম গোলপরা জিলা অসিগী রুরেল, ইথনিক অমসুং এগ্রারিয়ন প্রদক্তশিং অদু নেস্নেল অমসুং গ্লোবেল মার্কেৎতা পুখৎনবা’ জিলা অসিগী এদমিনিস্ত্রেসন্না লোঞ্চ তৌখিবা ই-কম্মর্জ পোর্তেল অমনি৷ ইনিসিয়েতিব অসিনা ব্রিক-অমসুং-মোর্তার দুকানগী ক্লতচশিংদগী লৌমীশিং অমসুং রিতেলরশিং রিলিস তৌরকপনা কোবিদ-১৯ লোকদাউনগী মতমদা মরু ওইনা কান্নহল্লে৷ গোলপরাগী চেং অমুবা অসি পোর্তেল অসিদা পাম্নবা ওইরি—অমসুং মসিনা লৌমীশিংদা শেন্দোং য়াম্না লৈহনবা ঙম্মী হায়বা অসিসু উৎখ্রে৷ মতৌ অসিগুম্না, উত্তর প্রেদেশকী চান্দাউলি জিলানা অমুবা চেং অসি মার্কেৎতা য়াম্না দিমান্দ লৈবা অমসুং শেন্দোং য়াম্না ফংবা ঙম্বা অসিনা অমুবা চেং অসি থাদুনা এক্সপরিমেন্ত তৌননবা ৱারেপ্নখ্রে৷ প্রোজেক্ত অদু মাই পাকপা অমা ওইখি অমসুং হৌজিক্তি ক্বালিতী য়াম্না লৈবা অমুবা চেং অসি ওস্ত্রেলিয়া অমসুং ন্যু জিলেন্দদা এক্সপোর্ত তৌরি৷
থেংনরিবা চেলেঞ্জশিং অমসুং পীরক্লিবা সজেসনশিং অসি য়েংলগা, জিলা অয়াম্বনা থেংনরিবা নত্রগা সেচুরেতেদ ওইগদৌরবা ইন্দিকেতর খরা খুম ওইনা বেসিক ইনফ্রাস্ত্রচরগী ইন্দিকেতর অমা ওইরিবা ‘য়ুমথোংশিংদা মৈ ফংহনবা’ অসি য়েংশিনবা দরকার ওই হায়না স্তেকহোল্দরশিংনা ফোংদোকখ্রে হায়না রিপোর্ত অসিনা পল্লি৷
এস.দি.জি.শিংগী বাইতেল কোর ওইরিবা-“কনা অমতা চিথহন্দবা” হায়রিবা প্রিন্সিপল অসিদা এ.দি.পি. অসি এলাইন তৌই হায়না রিপোর্ত অসিনা পল্লি৷ অৱাংবা থাক্তা পোলিতিকেল কম্মিতমেন্ত উৎলকপা অসিনা প্রোগ্রাম অসি অথুবা মতমদা মাই পাকপা ঙমখিবনি৷
ময়াম অসিগী মথক্তা, প্রোগ্রাম অসিগী পোজিতিব ইমপেক্ত অদু রিপোর্ত অসিনা এপ্রিসিয়েত তৌই৷ ইভালুয়েসন অসিগী ফাইন্দিংশিং অসিগী মতুং ইন্না, প্রোগ্রাম অসিনা মাই পাক্লিবা অসি অতোপ্পা সেক্তরশিং অমসুং জিলাশিংগী ওইনসু হেন্না চাওথোকহনগদবনি অমসুং শন্দোক্কদবনি হায়না রিকম্মেন্দ তৌরি৷
লৈবাক অসিদা লৈরিবা প্রজাশিংগী লিবিং স্তেন্দর্দশিং অসি ফহন্নবা অমসুং ময়াম পুম্নমক চাওখৎপা মাইকৈদা পুরকপা ঙম্নবা, “সবকা সাথ সবকা বিকাস” সরকারনা হোৎনরিবা অসিগী শরুক অমা ওইনা ২০১৮গী জানুৱারী থাদা প্রধান মন্ত্রীনা এস্পিরেস্নেল দিস্ত্রিক্স প্রোগ্রাম অসি লোঞ্চ তৌখি৷
