এক্সেলেন্সীশিং,
ঐহাক্না অদোম খ্বাই খীবিকপু অহানবা ইন্দিয়া-সেন্ত্রেল এসিয়া সম্মিত্তা তরাম্না ওকচরি।
ভারত অমসুং সেন্ত্রেল এসিয়াগী মরক্তা লৈরিবা দিপ্লোমেতিক মরীনা মশক থোক্লবা চহি ৩০ মপুং ফারে।
ঐখোয়না খুৎশম্নরিবা অসিনা হৌখিবা দিকেদ অহুমদা মায় পাকপা কয়া ফংখ্রে।
অদুগা হৌজিক্কী লুরবা তাঞ্জা অসিদা ঐখোয়না লাক্কদৌরিবা চহিশিংগীদমক্তা অশানবা মিৎয়েং য়েংবগী তঙাই ফদবা লৈরে। ঐখোয়না অহোংবা নাইবা মালেমসিদা, ঐখোয়গী মীয়ামগী, মরু ওইনা নহা ওইরিবা চারোন শুরোনগী, অপাম্বা কয়া ফংহনগদবা মিৎয়েং অমা য়েংবগী মথৌ তারে।
এক্সেলেন্সীশিং,
ভারতনা বাই-লেতরেল থাক্তা, সেন্ত্রেল এসিয়া লৈবাক খুদিংমক্কা অফবা মরী লৈ।
এক্সেলেন্সীশিং,
কাজাখস্তানা ভারতকী ইনর্জী সেক্যুরিতীগী মতাংদা ভারতকী মরু ওইবা পার্ত্নর ওইরে। ঐহাক্না কাজাখস্তান্দা হন্দক্তা মীওই কয়াগী পুন্সি মাঙখিবা অমসুং লন-থুমদা অমাঙ অতা কয়া থোকখিবদা নুংঙাইতবা ফোংদোক্লি।
ঐখোয়গা উজবেকিস্তানগা খুৎশম্নবা হেনগৎলক্লিবা অসিদসু ঐখোয়গী রাজ্য সরকারশিংনা এক্তিব পার্ত্নর ওইরি। মসিদা ঐহাক্কী ইশাগী রাজ্য, গুজরাতসু য়াওরি।
ঐখোয়না এজুকেসন অমসুং হাই-অলতিচুদ রিসর্চকী মতাংদা ক্রীগিজতানগা এক্তিব পার্ত্নরশিপ অমা লৈনরি। ভারতকী মহৈরোই লিশিং কয়ানা মফমসিদা মহৈ তম্লি।
তাজিকিস্তানগা ওইনসু, ঐখোয়না মখোয়গা সেক্যুরিতীগী মতাংদা মতম শাংনদগী তেংবাংনদুনা লাক্লি। অমসুং, মসিবু ঐখোয়না লেপ্পা লৈতনা মপাঙ্গল কনখৎহল্লি।
তুর্কেমেনিস্তান অসিসু ভারতনা রিজনেল কন্নেক্তিবিতীগী মতাংদা য়েংলিবা মিৎয়েং অসিগী মরু ওইবা শরুক অমা ওইরি অমসুং থৌওং অসি ঐখোয়না অশগাবাত এগ্রীমেন্ততা শরুক য়াবসিদা উবা ফংলি।
এক্সেলেন্সীশিং,
ঐখোয় খুদিংনা রিজনেল সেক্যুরিতীগী মতাংদা মান্নবা ৱাখল্লোন লৈ। ঐখোয়না অফঘানিস্তানগী চাউখৎ-থৌরাংগী মতাংদসু য়াম্না লুনা লৌরি।
হীরম অসিগা মরী লৈননা, ঐখোয় মশেল তেংবাংনবা হায়বসি রিজনেল সেক্যুরিতী অমসুং স্তেবিলিতীগীদমক্তা য়াম্না মরু ওইবা হেনগৎলক্লি।
এক্সেলেন্সীশিং,
ঙসিগী সম্মিৎকী মরু ওইবা পান্দম অহুম লৈ।
অহানবা, ভারত অমসুং সেন্ত্রেল এসিয়াগগী মরক্তা খুৎশম্নবা অসি লমদমসিগী সেক্যুরিতী অমসুং নুংঙাই য়াইফবগীদমক্তা য়াম্না তঙাই ফদে হায়বসি ময়েক শেংনহনবনি।
ভারতকী মিৎয়েংদগী ওইনা ঐহাক্না মিৎয়েং চঙনীংবদি ভারতনা অমত্তা ওইবা অমসুং তংদু লৈতাবা য়ুম্লোন্নবা লৈবা হায়বা মঙলান অমা মঙলিবা অসিদা সেন্ত্রেল এসিয়া অসি য়াম্না মরু ওই হায়বসিনি।
অনিশুবা পান্দম অসিনা ঐখোয়গী খুৎশম্নরিবা অসিদা কান্নবা মওং-মতৌ অমা লৈহনবনি। মসিনা তোঙান-তোঙানবা থাক অমসুং তোঙানবা স্তেকহোলদরশিংগী মরক্তা মতম চানা পাউ ফাওনবগী ফ্রেমৱর্ক অমা শেমগৎকনি।
অদুগা অহুমশুবা অসিদি ঐখোয়গী খুৎশম্নরিবা অসিগী মিৎয়েং শানবা থৌরাং অমা শেম্বনি।
হায়রিবশিং অসিগী খুত্থাংদা, ঐখোয়না মথংগী চহি ৩০গী রিজনেল কন্নেক্তিবিতী অমসুং খুৎশম্নবগী পুন্না পায়খৎমিন্নবা য়াবা থৌওং অমা পাংথোকমিন্নবা ঙমগনি।
এক্সেলেন্সীশিং,
ঐহাক্না অদোম খ্বাই পুম্নমকপু ইন্দিয়া-সেন্ত্রেল এসিয়া সম্মিৎকী অহানবা মীফম অসিদা অমুক্কা হন্না তরাম্না ওকচরি।
