মধ্য প্রদেশকী রাজ্যপাল, শ্রী মঙ্গুভাই পতেলজী, মধ্য প্রদেশকী মুখ্য মন্ত্রী শিবরাজ সিংহ চোহানজী, কেন্দ্রগী রেলৱেজ মন্ত্রী, শ্রী অশ্বিনি ভৈস্নবজী, অমসুং মফম অসিদা তিনবীরিবা অতোপ্পা দিগ্নিতরীশিং অমসুং ইচিল-ইনাওশিং,
ঙসি অসি মধ্য প্রদেশকী ভোপাল অমসুং লৈবাক পুম্বগী ওইনা মাইপাকপগী পুৱারী অমদি তুংলমচৎকী য়াইফরবা নুমিৎ অমনি। ভোপালগী নীংথিনা শেমগৎলবা রেৱেজ স্তেসন অসিদা লাকপা মীওই খুদিংমক্না মতমগা চুনবা অমসুং ভারতকী রেলৱেজকী অফবা তুংলমচৎ অমা উবা ফংলগনি। ভোপালগী পুৱারী ওইহৌরগদবা রেলৱে স্তেসন অসি রিনোভেৎ তৌবা খক্তা নত্তনা গীন্নোর্গরগী মহারানী কমলাপাতিজীগী মমিং লৌদুনা থোনখিবা অসিনা মসিগী মরু ওইবা অসিসু হেনগৎহনখি। গোন্দৱানাদা থম্লিবা ইকাই খুম্নবা অসিনা ভারতকী রেলৱেজকী মরু ওইবা হেনগৎহনখি। মসি ঙসি লৈবাক অসিনা জনজাতিয়া গৌরব দিৱাস পালন তৌরিবা মতম অসিগা চান্ননা থোক্লরে। ঐহাক্না মধ্য প্রদেশকী ইচিল-ইনাওশিং মরু ওইনা ত্রাইবেল মীয়ামদা নুংঙাইবা ফোঙদোকচরি।
মরুপশিং,
ঙসি ভোপাল-আনী কমলাপতি – বরখেরা সেক্সন, ইলেক্ত্রিফাইতৌরবা গুনা-গ্বালিয়রস সেক্সন, ইলেক্ত্রিফাই তৌরবা অমসুং গোজ কনভর্তেদ ওইবা ফতেহাবাদ চন্দ্রাৱতীগঞ্জ – উজ্জেন অমসুং মথেলা – নিমারখেরী সেক্সনগী অহুমশুবা লাইনগী প্রোজেক্তশিং শঙ্গাখি। খুদোংচাবশিং অসিনা মধ্য প্রদেশকী য়াম্না চিনবা রেল লম্বীশিংগী মনুংদা অমা ওইরিবা অসিদা পীরিবা প্রেসর হন্থহল্লগনি অমসুং লমকোইবা অমসুং লাইফমশগা মরী লৈনবা মরু ওইবা মফমশিংগী কন্নেক্তিবিতী হেনগৎহল্লগনি। মহাকালগী সহর উজ্জেন অমসুং লৈবাক অসিগী খ্বাইদগী লুনানবগী খঙনরিবা সহর, ইন্দোরগী মরক্তা মেমু সর্ভিস হৌবগা লোয়ননা নুংতি-নুমিৎ খুদিংগী চত্থোক-চৎশিন তৌরিবা মীয়ামদা হকথেংননা কান্নবা ফংহল্লগনি। হৌজিক, ইন্দোরগী মীয়াম্না মহাকাল চৎলুরবা মতুংদা মতম চানা হল্লকপা ঙম্লগনি অমসুং নুমিৎ খুদিংগী চত্থোক-চৎশিন তৌরিবা কর্মচারিশিং, ললোন-ইতিক তৌরিবশিং অমসুং শিন্মী ইচিল-ইনাওশিংদা য়াম্না খুদোংচাবা পীরগনি।
ইচিল-ইনাওশিং,
কনাগুম্বা অমনা ভারত অসি করম্না হোংলক্লি অমসুং মঙলানশিং করম্না মঙফাওনরি হায়বা অসি য়েংনবগীদমক ভারতকী ৱেলৱেজ অসি অফবা খুদম অমা ওইরি। চহি তরুক-তরেৎ ফাওবগী মমাংদা ত্রেবেলরশিংনা ভারতকী রেলৱেজকী মতাংদা অকিবা পোক্নরম্মি। মী চিনবা অমসুং অমোৎপা স্তেসনশিং, ত্রেনশিংগী মতম শাংনা ঙাইবা, স্তেসনশিংদা ফম্নবা মফমশিং নীংথিনা লৈতবা অমসুং চানা-থক্নবগী খুদোংচাবা লৈতবা, অমোৎপা ত্রেনশিং, সেক্যুরিতী ৱাৎপা, মীয়াম্না মখোয়গী বেগশিং শো লোনশিন্নবা চেনশিং পুবা অমসুং এক্সিদেন্তশিংগী অকিপা পোকপা। মতম অদুদা রেলৱেজ হায়বদা ৱাখলদা হায়রিবশিং অসি খল্লকই। মসিগী ইমেজ অসি ৱাখলদা থোরকই। ফীভম অসিদা অহোংবা পুরক্কনি হায়বগী মীয়ামদা লৈরিবা থাজবা অদু মাংলকপগী ফীভম অদু য়ৌরকখি। মীয়াম্না মসি অদুমক অসুম্না মখা চত্থরক্কনি হায়না খল্লম্মি। অদুবু লৈবাক অসিনা মাগী ফিরেপশিং অসি থুংহন্নবা থমোয় শেংনা মোবিলাইজ তৌরকপা মতমদা ফীভম অসি ফগৎলকখি অমসুং অহোংবা লাকখি। ঐখোয়না চহি খরা অসিদা মসি উবা ফংলে।
মরুপশিং,
লৈবাক অসিগী মীচম মীয়ামদা মতমগা চুনবা এক্সপরিয়েন্স পীনবা ঐখোয়না কন্না হোৎনরিবা অসিগী ফলশিং উবা ফংলক্লে। থা খরগী মমাংদা লৈবাক অসিদা অমসুং মালেমনা গুজরাত্তা গান্ধিনগর রেলৱে স্তেসনগী অনৌবা শক্লোন উবা ফংখি। ঙসি, রানী কমলাপতি রেলৱেজ স্তেসনগী শক্লোন্দা ভোপালদা অহানবা আই.এস.ও. সে্তিফাই তৌরবা অমসুং অহানবা পি.পি.পি. মোদেলদা য়ুম্ফম ওইবা রেলৱে স্তেসন জাতি মীয়ামদা খুৎশিন্নখ্রে। মতম অমদা এয়রপোর্তশিংদা ফংলম্বা খুদোংচাবা অদু হৌজিক্তি রেলৱে স্তেসনশিংদসু ফংলে। মতমগা চুনবা তোইলেৎ, অফবা চানা থক্নবা, শোপ্পিং কম্প্লেক্সশিং, হোতেলশিং, ম্যুজিয়ম, গেমিং জোনশিং, হোস্পিতালশিং, মোলশিং, স্মার্ত পার্কিং অসিনচিংবা খুদোংচাবশিং অসি মফম অসিদা শেমগৎলি। ত্রেনশিং ঙাইরিঙৈ মতমদা পেসেঞ্জর চামানা পুন্না কোনকোর্সদা ফম্বা য়ারগনি অমসুং প্লেতফোর্ম পুম্নমক কোনকোর্স অসিগী শম্নহনখি। মরম অসিনা পেসেঞ্জরশিংনা অরেম্বদা চেন্থোক-চেনশিন তৌবগী মথৌ তাররোই।
ইচিল-ইনাওশিং,
লৈবাক অসিগী তেক্স থিরিবা মীচম প্রজা অমসুং মিদল ক্লাসনা মতম চুপ্পদা অসিগুম্বা ইনফ্রাস্ত্রকচর অমসুং খুদোংচানশিং অসিগী আশা তৌদুনা লাকখি। মসি তেক্সপেয়রবু তশেংনা ইকাই খুম্নবা উৎপনি। মসি ভি.আই.পি. কলচরদগী ই.পি.আই. এভরী পর্সন ইস ইম্পোর্তেন্ত হায়বা মোদেল অদুগী অওনবা অমনি। রেলৱেজ স্তেসনশিংগী অপুনবা ইকোসিস্তেমদা অওনবা পুরক্নবা রেলৱেজ স্তেসন ২০০ হেন্না রিনোভেৎ তৌখ্রে।
মরুপশিং,
ভারতনা তুংলমচৎকীদমক মশাবু শেম-শাজরি অমসুং আত্মনির্ভর ভারতকী ফিরেপকা লোয়ননা অচৌবা পান্দমশিং থম্লি। ঙসি ভারতনা মতমগা চুনবা ইনফ্রাস্ত্রকচরদা চাউনা ইনভেস্তমেন্তশিং তৌবতা নত্তনা প্রোজেক্তশিং অসি থিন্থবা তৌদনবা অমসুং অপনবা লৈতনবা হোৎনরি। হন্দক্তা হৌদোকখিবা পি.এম. গতি শক্তি নেস্নেল মাস্তর প্লান অসিনা ফিরেপ অসি থুংহনবদা লৈবাক অসিগী মতেং ওইরগনি। গতি শক্তি নেস্নেল মাস্তর প্লান অসিনা ইনফ্রাস্ত্রকচরগা মরী লৈনবা সরকারগী পোলিসীশিং, অচৌবা প্রোজেক্তশিংগী পোরম য়াৎপা নত্ত্রগা মখোয়বু ইম্প্লিমেন্ত তৌবা ওইরবসু মসিনা মীপুম খুদিংমকপু লমজিংলগনি। ঐখোয়না মাস্তর প্লান অসিগী য়ুম্ফম থোল্লবা মতমদা লৈবাক অসিগী রিসোর্সশং অসি নীংথিনা শীজিন্নবা ঙম্লগনি। সরকারনা পি.এম.গতি শক্তি নেস্নেল মাস্তর প্লানগী মখাদা তোঙান-তোঙানবা মন্ত্রালয়শিংবু প্লেতফোর্ম অমা খক্তগী মখাদা পুরক্লগনি। বিভাগ খুদিংমক্না মতম চানা তোঙান-তোঙানবা প্রোজেক্তশিংগী মতাংদা ই-পাও ফংনবা সিস্তেম দিবেলপ তৌখ্রে।
মরুপশিং,
রেলৱেজ স্তেসনশিংগী অমুক হন্না দিবেলপ তৌনবগী কেম্পেন অসি ফেসিলিতীশিংগী খক্তা নত্তে অদুবু মসি গতিশক্তি নেস্নেল মাস্তর প্লানগী শরুক অমসু ওইরি। অসিগুম্বা ইনফ্রাস্ত্রকচর প্রোজেক্তশিংগী কেম্পেন অসি নীংতম্বা ফংখিবগী য়াইফরবা মতম অসিদা ওইবা অসিনা লৈবাক অসিগী চাউখৎ-থৌরাংদা অমুক্তা ওইখিদ্রিবা মওংদা ইনোৎ হাপ্লগনি। ইনোৎ অসি মল্তিমোদেল কন্নেক্তিবিতী অমসুং হোলিস্তিক ইনফ্রাস্ত্রকচর অমগীদমক্তনি। খুদম ওইনা এপ্রোচ তৌবা রোদ অমগা লোয়ননা রানী কমলাপতি রেলৱে স্তেসন অসি শম্নহনখি। অচৌবা পার্কিংগী খুদোংচাবশিং শেমগৎখি। মসিগী ভোপাল মেত্রোগা কন্নেক্তিবিতী লৈহল্লগনি। স্তেসন অসিদা বস মোদ ফংহনবগা লোয়ননা রেলৱে স্তেসন অসি ইন্তিগ্রেৎ তৌনবা নাকল অনিমক্তা বি.আর.তি.এস.লেন্সশিং থম্লি। লায়না অমসুং অপনবা লৈতনা চত্থোক-চৎশিন তৌবা য়ান্নবা অমসুং অতোপ্পা লোজিস্তিক্সকীদমক থবকশিং পাইখৎলি। মসিনা ভারতকী মীচম প্রজাশিংদা ইজ ওফ লিবিং ফংহল্লগনি। রেলৱেজকী প্রোজেক্ত কয়াগা গতিশক্তি নেস্নেল মাস্তর প্লানগা লিঙ্ক তৌরিবা অসিদা ঐহাক্না নুংঙাইবা পোকই।
মরুপশিং,
মতম অমদা রেলৱে ইনফ্রাস্ত্রকচর প্রোজেক্তশিং অসি প্লান তৌরবা মতুং থবক ওইনা পাঙথোকপদা চহি কয়া চংলমখি। থা খুদিংগী ঐহাক্না প্রগতি মীফমশিংদা প্রোজেক্ত খুদিংমক্কী খোঙজেল য়েংশিল্লি। অদোম্না তাবদা ঙক্কনি, চহি ৩০-৪০গী মমাংদা লাউথোকখিবা রেলৱেজকী প্রোজেক্ত খরা ঐঙোন্দা রিভ্যু তৌনবা লাকখি। অদুবু চহি ৪০গী মতুংদা চেদা চখৈ অমা ফাওবা চিংলমখিদে। থবকশিং অসি হৌজিক ঐহাক্না লোইনা তৌবা মথৌ তারি অমসুং মসি ঐহাক্না লোইশিনগনি হায়না মীয়ামদা থাজবসু পীরি। অদুবু ঙসি করিগুম্বা ভারতকী রেলৱেজকী অনৌবা প্রোজেক্তশিং প্লান তৌবদা খোঙজেল য়াংশিল্লি অমসুং মখোয়বু মতম চানা লোইশিন্নবা হেন্না লুম্নসু লৌরি।
ইস্তর্ন অমসুং ৱেস্তর্ন দেদিকেতেদ ফ্রৈৎ কোরিদোরশিং অসি মসিগী য়াম্না ফবা খুদম অমা ওইরি। ইনফ্রাস্ত্রকচর প্রোজেক্তশিং অসিনা চহি কয়া লোইশিনবা ঙমদনা লৈরকপা লৈবাক অসিগী ত্রান্সপোর্তেসন্দা অহোংবা পুরকপা ঙম্বগী মতিক-ময়াই চেনবা উবা ফংলি। অদুবু হৌখিবা চহি তরুক-তরেৎ অসিদা লম্বী কি.মি. ১১০০ হেন্না শেম্বা লোইশিনখ্রে অমসুং লেমহৌরিবা শরুক অসিসু খোঙজেল য়াংনা শেমগৎলি।
মরুপশিং,
চপ মান্নবা থবক্কী খোঙজেল অসি ঙসিদি অতোপ্পা প্রোজেক্তশিংদসু উবা ফংলে। হৌখিবা চহি তরেৎ অসিদা চহি খুদিংগী ত্রেক্কী চাংচৎতা কিলোমীতর ২৫০০ কম্মিসন তৌরি অদুগা মদুগী মমাংগী চহিশিংদা চাউরাক্না কিলোমীতর ১৫০০ মুক ওইরম্মি। রেলৱে ত্রেকশিংদা ইলেক্ত্রিফিকেসনগী তৌবগী খোংজেল অসি মমাংগা চাংদম্নবদা শরুক ৫ হেল্লে। মধ্য প্রদেশতসু রেলৱেজগী প্রোজেক্ত ৩৫গী মনুংদা কে.এম. ১১২৫গী প্রোজেক্ত কম্মিসন তৌখ্রে।
মরুপশিং,
লৈবাক অসিগী চাওখৎলক্লিবা রেলৱে ইনফ্রাস্ত্রকচর অসিনা লৌমীশিং, মহৈরোয়শিং, ব্যুজিনেসমেনশিং অমসুং ওন্তপ্রিনোরশিংদা খুদোংচাবা ফংহল্লি। ঙসিদি কিসান রেলশিংগী খুত্থাংদা লৈবাক অসিগী মনুং হঞ্জিনবা মফমশিংদা লৌমীশিংনা মখোয়গী পোত্থোকশিং য়ৌহনবা ঙমলে। রেলৱেজনসু মসিগী লৌমীশিং অসিদা ফ্রৈত ত্রান্সপোর্তেসন্দা দিস্কাউন্ত কয়ামরুম পীরি। মসিনা অপীকপা লৌমীশিংদা কান্নবা কয়ামরুম পীরি। মখোয়না অনৌবা খৈথেলশিং অমসুং অনৌবা কেপাসিতীশিং ফংলে।
মরুপশিং,
ইন্দিয়ন রেলৱেজ অসি অরাপ্পা মফমশিং শম্নহন্নবা পাম্বৈ অমখক্তা নত্তে অদুবু মসিনা লৈবাক অসিগী চৎন-লোনচৎ, তুরিজম অমসুং লাইফমশিং শম্নহন্নবা মরুওইবা পাম্য়ৈ অমসুনি। ইন্দিয়ন রেলৱেজগী মসিগী তৌবা ঙম্বা অসি নিংখা-তম্লবা মতুং চহি দিকেদ কয়াগী মতুংদা য়াম্না চাওনা ফুদোরক্লি। মমাংদা রেলৱেজ অসি তুরিজমদা শিজিন্নরম্লবসু মদু প্রিমিয়ম ক্লবতা কনফাইন তৌরম্মি।
অহানবা ওইনা অহোংবা মমলদা মীচম প্রজাশিংদা তুরিজম অমসুং লাইফমশিং চৎনবা খুদোংচা পীখ্রে। রমায়ন সর্কিত ত্রেন অসি অসিগুম্বা মতমগা অনৌবা খোঙথাং অমনি। মসিগী ত্রেন অসি লৈবাক অসিগী মীয়াম্না পাম্নরি।
অথুবা মতমদা রমায়ন এক্সপ্রেস ত্রেন অহেনবা খরা লৈবাক অসিগী তোঙান তোঙানবা মফমশিংদগী চেনবা হৌরগনি। মীয়াম্না ভিস্তাদোম ত্রেনশিংগী নুংঙাইবা অদুগী মহাউ লৌরি। ইন্দিয়ন রেলৱেজগী ইনফ্রাস্ত্রকচর, ওপরেসন অমসুং এপ্রোচনচিংবা লম কয়ামরুমদা চাওনা অওনবা পুরক্লে। ব্রোদ গেজ নেতৱর্কতগী অনমেন গেতশিং লৌথোকখিবা অসিনা খোংজেল য়াংখৎহল্লে অমসুং এক্সিদেন্ত থোকপগী চাং য়াম্না হন্থহল্লে। ঙসিদি সেমি হাই স্পীদ ত্রেনশিং অসি রেল নেতৱর্ক্কী শরুক অমা ওইরে। নিংখা-তম্বগী অমৃত মহোতসবতা লাক্কদৌরিবা চহি অনি অসিদা অনৌবা বন্দে ভারত ত্রেন ৭৫ লৈবাক শিনবা থুংনা চেন্নবা রেলৱেজনা শেম শারি। অতোপ্পা ৱাহৈ অমদা ইন্দিয়ন রেলৱেজনা হান্নগী হেরিতেজ অসি মতম চুনবা মওংদা ওন্থোক্লি।
মরুপশিং,
অফবা ইনফ্রাস্ত্রকচর হায়বসি ভারতকী অপাম্বা খক্তা নত্তে মথৌ তাবসুনি। মসি ৱাখল্লোন অসিগা লোয়ননা ঐখোয়গী সরকারনা রেলৱেজ য়াওনা ইনফ্রাস্ত্রকচর প্রোজেক্ত লিশিং কয়াদা মমাংদা অমুক্তা তৌখিদ্রিবা মওংদা ইনভেস্তমেন্ত কয়া থাদরি। মতমগা চুনরবা ভারতকী ইনফ্রাস্ত্রকচর অসিনা লৈবাক অসিগী প্রজাশিংদা মরোমদোম লেপচবগী ৱারেপশিং লেপ্পা লৈতনা লৌহল্লগনি হায়না ঐহাক্না থাজবা থম্লি।
মোরদর্ন রেলৱে স্তেসন অসিগা লোয়ননা অনৌবা রেলৱে সর্ভিস কয়ামরুম অসিগীদমক অমুক্কা হন্না নখোয় পুক্নমকপু থাগৎপা ফোঙদোকচরি। ঐহাক্না রেলৱেজগী অপুনবা তীমবু মসিগী অহোংবা পুরক্নবা হোৎনদুনা অনৌবা ইনোৎ অমগা লোয়ননা অহোংবা পুরকখিবগীদমক থাগৎপা ফোঙদোকচরি। খুরুমজরি। পুম্নমকপু থাগৎচরি। খুরুমজরি!
