খুরুমজরি!
থৌরম অসিদা ঐখোয়গী ইনাকসিদা লৈবিরিবা লোকসভাগী ইকাইখুম্নরবা প্রসিদেন্ত শ্রী ওম বিরলাজী, রাজ্যসভাগী ইকাইখুম্নজরবা ভাইস-প্রসিদেন্ত শ্রী হরিৱংসজী, হিমাজল বিধানসভাগী প্রসিদেন্ত শ্রী বিপিন সিংহ হরমারজী, লৈবাক অসিগী তোঙান-তোঙানবা হাউসকী প্রিসাইদিং ওফিসরশিং, অমসুং লেংশিনবিরিবা ইকাইখু্নরবা-খুম্নরবীশিং!
প্রিসাইদিং ওফিসরশিংগী অথোইবা কমফরেন্স অসি চহী খুদিংগী অনৌবা ৱা খন্নবা অমসুং অমসুং ৱাশকশিংগা লোয়ননা পাংথোকই। চহী খুদিংগী মীফম অসিদা লৈবাক অসিদা লৈবাক অসিগী পার্লিয়ামেন্তরী সিস্তেম অসি খোংজেল য়াংশিলহনবা, অনৌবা থৌনা হাপ্পা অমৃত অমা নত্রগা অমদি থোরকই। ঙসি মসিগী অসিগুম্বা তৌবা অসি চহী চামা ফাজিল্লকপা অসিসু য়াম্না নুংঙাই। মসি ঐখোয় পুম্বগী লাইবক ফবনি অমসুং ভারতকী দেমোক্রেসি অসি হেন্না চাউথোরকপগী মওংনি। ঐহাক্না মসিগী অথোইবা তাঞ্জা অসিদা অদোম পুম্নমকপু, লৈবাক অসিগী সংসদ অমসুং বিধানসভাশিংগী মীহুৎশিংবু অমসুং ইরৈচাশিং পুম্নমক্কী মফমদসু য়াইফ-পাউজেল পীজরি।
মরূপশা,
ভারতগী ওইনদি দেমোক্রেসী অসি শুপ্নতগী সিস্তেম নত্তে। দেমোক্রেসী ভারতকী মচৎনি, ভারতকী মহৌশানা য়াওজরক্লবনি। অদোমগী মসিগী খোংচৎ অসি মরম অসিনসু হেন্না মরুওইরে মরমদি মতম অসিদা ভারতনা নিং-খা তম্বগী চহী ৭৫ শুরকপগী থৌরম পাংথোক্নরি, অমৃত মহোত্সব পাংথোক্নরি। মসিগী মতাং চানবা অসিনা মসিগী থৌরম অসি হেন্না থোইদোক-হেন্দোকহল্লি, মসিগা লোয়ননা ঐখোয়গী ইথৌদাং অসি শরুক কয়া হেনগৎহল্লি।
মরূপশা,
লাক্কদবা চহীশিংদা লৈবাক অসিগী অনৌবা পন্দোনশিং য়ৌনবা তৌগদবনি, থোইদোকপা পান্দম ফংনবা তৌগদবনি। মসিগী ৱাশক অসি 'পুন্না হোৎনমিন্নবা' নমক্না মপুং ফাহনগনি। অমসুং দেমোক্রেসীদা ভারত ফেদরেল সিস্তেমদা ঐখোয়না 'পুন্না থবক হোৎনমিন্নবা' হায়বগী ৱাফম হায়বা মতমদা রাজ্য খুদিংমক্কী থৌদাং অসি মহাক্কী অচৌবা ওইফম ওই। লৈবাক অসিনা হৌখিবা চহীশিংদা ফংখিবশিং অসিদা রাজ্যশিংনা নিংথিনা থবক পাংথোকপনা চাউনা থৌদাং লৌই। অৱাং-নোংপোক্কী চহী কয়াগী প্রোব্লেমশিংগী লোইশিনবা ওইরো নত্রগা চহী কয়াদগী পন্দুনা লৈরিবা চাউখৎনবগী তোঙান-তোঙানবা প্রোজেক্তশিংবু লোইশিনবা ওইরো অসিগুম্বা থবক কয়া অমা চহি কয়াসিদা লৈবাক অসিনা তৌরি, পুন্না হোৎনমিন্নদুনা তৌরি। হৌজিক খ্বাইদগী অচৌবা খুদম হায়ববু কোরোনাবু লান্থেংনবা অসিমক্নি। লৈবাক অসিনা রাজ্য পুম্নক্কা লোয়ননা পুন্না চুংশিন্নদুনা লান্থেংমিন্নরিবা অসি পুৱারীগী ওইবনি। ঙসি ভারতনা বেক্সিন দোজ করোর ১১০ কাপথোক্তুনা য়াম্লবা মশিং ক্রোস তৌখ্রে। ওইথোক্লোই খল্লম্বা অদুসু ওইথোরক্লি। মরম অসিনা ঐখোয়গী তুংলমচৎকী 'অমৃতগী ৱাশক' ওইরবা মংলান ওইরিবা অসিসু ঐখোয়না মপুং ফাহনগনি। লৈবাক অমসুং রাজ্যশিংনা অমত্তা ওইনা চুংশিন্নরগা মসি মপুং ফাহনগদৌরিবনি। মতম অসি মায় পাকপশিং অদু মখা তানা ওইহনবদুনি। ये ওইদবশিং অদুবুসু ওইহন্নবা তৌবনি। অমসুং মসিগা লোয়ননা অনৌবা ৱাখল্লোনগা লোয়ননা অনৌবা ভিজনগা লোয়ননা ঐখোয়না তুংলমচৎ অসিগীদমক্তা অনৌবা চৎন-কাংলোনশিংসু শেমগদবনি। ঐখোয়গী হাউসকী মমাংঙৈদগী তৌনরকপশিং অমসুং সিস্তেমশিংগী মওং-মতৌ অদুনা ভারতকী ওইবা ওইরো, ঐখোয়গী চৎন-পথাপশিং, ঐখোয়গী ৱায়েল-পথাপ অদুদা ভারতকী ওইবগী ৱাখল্লোন অদু 'এক ভারত, শ্রেস্থ ভারত' কী ৱাশক অদু হেন্না ফগৎহনবা ওইরো অমসুং খ্বাইদগী মরুওইনা হাউসতা ঐখোয়গী ইশাগী লমচৎ-শাজৎ অদু ভারতকী মতিক-ময়াইশিংগী মতুং ইন্না ওইরো, মসি ঐখোয় পুম্নমক্কী ইথৌদাংনি। মায়কৈ অসিদা ঐখোয়না হৌজিকসু য়াম্না থবক তৌবগী তাঞ্জা লৈরি।
মরূপশা,
ঐখোয়গী লৈবাক অসি খেৎনবনা থল্লি। চহি লিশিং কয়াগী চাউখৎপগী খোংচৎ অসিদা ঐখোয়না মসিগী ৱাফম অসিসু এদোপ্ত তৌখ্রে নিংথিরবা খেৎনবশিংগী মরক অসিদা, অপুনবগী ফজবা ৱাখল্লোনগী ইচেল চেল্লি। অপুনবগী অমত্তা ওইবা ৱাখল্লোনগী ইচেল অসিনা ঐখোয়গী খেৎনবশিংবু নিংথিনা মশক থোকহল্লিবনি অমসুং ঙাক-শেল্লিবনি। ঙসিগী হোংলক্লিবা মতম অসিদা ঐখোয়গী হাউসশিংগী থোইদোকপা থৌদাংদি লৈবাক অসি অমত্তা ওইনা পুনশিন্নবা অমসুং অমত্তা ওইবগী মরি অসিদা তোঙানবা খোঞ্জেল অমা হেক থোরক্লবা অদু ওইরবদি চেকশিনবা তাবনি। খেৎনবশিং অসি ইপানাৎ-ইপুনাৎ ওইবা মওংদা চাউথোকচহনবা ফংদুনা লৈরবা, ঐখোয়না ঐখোয়গী খেৎনবশিংগী কুহ্মৈ পাংথোক্নরবা, ঐখোয়গী হাউসশিং অসিনা মসিগী পাউজেল অসিসু লেপ্তনা অদুনা পীদুনা লৈহনগদবনি।
মরূপশা,
তত্তনা লীদরশিংগী মতাংদা, মীয়ামগী মীহুৎশিংগী মতাংদা মীওই খরনা লীদরশিং অসি রাজনীতিগী কোইরাও-লাউনবা, শমদোক-শমজিন, চিংথোক-চিংশিন্দদং তৌবগী মওং ওইনা লৈবদৌনা তৌহল্লে। অদুবু অদোম্না মুন্না খন্দুনা য়েংবীরগদি রাজনীতিগী দলশিংদা রাজনীতিদগী তোঙান্না, মশাগী মতম, মপুন্সি অদু মীয়ামগী থৌগল তৌদুনা লেনজবা অসিগুম্বা মীয়ামগী মীহুৎশিংসু য়াওগনি। মখোয়গী থৌগল তৌবা অদুগী ৱাখল্লোন অদুনা রাজনীতিদা মীয়ামগী অনিংবা, থাজবা অদু হেন্না ফগৎহল্লি। অসিগুম্বা মীহুৎশিং অসিদা ৱাফম অমত্তং কৎচগে। ঐখোয়না ঐখোয়গী হাউসশিংদা খেৎনবা কয়া থম্মি, খুদম ওইনা প্রাইবেৎ বিল পুথৃরকপদা মতম কয়া অমা কায়থোকই, হাউস খরদনা জীরো অৱরগী মতম কাইথোকই। চহী অমদা নুমীৎ ৩-৪ অসি হাউস অমদা, হাউস অমদা নুমীৎ নিনি হায়না খুন্নাইগীদমক্তা অফবা খরা তৌবগী, ঐখোয়গী মীহুৎশিংগী এক্সপরিএন্স অদু তানবগী, মশাগী খুন্নাইগী তৌবগী মতাংদা লৈবাক অসিদা খংহনবগী নুমীৎ থম্বা য়াই। অদোম্না য়েংবীয়ু, মসিনা মীহুৎ অসিগা লোয়ননা অতোপ্পা মীশিংনা কয়াদা তম্বা ফংগনি। রাজনীতিগী রাজমীতিগী লমদা য়াম্না ক্রিএতিব ওইবা থৌদাং অমা লৈবা অদু মশক হেন্না থোকহনগদবনি। অসিগুম্বা মশক থোকপা থবকশিং অসিদা মাইপুননা হোৎনরিবশিং অদুগীশিংশু রাজনীতিদগী লাপথোক্নবা হোৎনবগী মওং অসি হেনগৎনরক্লি। মসিগী মহুত্তা অসিগুম্বা ৱাখল্লোন অসিগুম্বা থৌগল তৌরিবা মীশিং অসি রাজনীতিগা শমজিন্নরবদি রাজনীতি অসিসু হেন্না মপুং ফারগনি। অদুগা ঐহাক্না খল্লি মদুদি অপীকপা কমিতী অমা শেম্লবা, অসিগুম্বা এক্সপরিএন্সশিংগী সমন্দা স্ক্রীনিং তৌরবা, ভেরিফাই তৌরবা অদুগা কমিতীনা মীনা কয়া লৈহনগদগে হায়বদু লেপ্লবা। অদোম্না খনবীয়ু ক্বালিতেতিব ওইনা য়াম্না থুনা হোংগনি। অদুগা ঐহাক খংই মদুদি লৈরিবা প্রিসাইদিং ওফিসরশিং অসিনা ফর-ফরবা পোৎ কয়া থিদুনা পুথোরক্নবগী ৱাফম অসি নিংথিনা খংলমগনি। অদুগা ঐহাক্না খল্লি মদুদি অসিগুম্না থৌরম পাংথোকপা অসিনা অতৈ মীহুৎশিংনা রাজনীতিদগী হেন্না রাজনীতিদগী তোঙানবা করিগুম্বা খরা তৌনবগী ইথীল ফংগনি হায়না অমসুং মসিগা লোয়ননা লৈবাক অসিনসু অসিগুম্না হোৎনবগী মতাংদা খংনবগী খুদোংচাবা ফংলগনি।
মরূপশা,
ঐখোয়না ক্বালিতী দিবেৎ অসিবু শৌগৎপা হেনগৎহন্নবগীদমক্তা মথৌ তাবা অনৌবা মওংজা তৌবা য়াই। দিবেত্তা ভেল্যু এদিসন করম তৌবগে, ক্বালিতেতিব দিবেৎ অসি লেপ্তনা অনৌবা স্তেন্দর্দশিং অদু মতৌ করম্না ফংগদগে হায়বা খংগনি। ঐখোয়না ক্বালিতী দিবেৎ অসিসু তোঙান্না মতম অমা নাইনবগী খন্নবা য়াবরা? অসিগুম্বা দেকোরমগী, সেরিয়স ওইবা অসি ঙাক্না চৎনবা রাজনীতিগী ওইবা চয়েৎনবা অমত্তা লৈতনবা তৌগদবনি। মায়কৈ অমরোমদা মসি হাউসকী নিংথিবা মতম ওইহনসি, নিংথিবা নুমীৎ ওইহনসি। ঐহাক হায়জরিবসি নুতীগী নত্তে, করিগুম্বা মতমদনা পুং অমা, করিগুম্বদনা নুমীৎ তংখাই, করিগুম্বা মতমদনা নোংমা তৌদুনা ঐখোয়না অসুম্না তৌবা য়াগদরা? নিংথিবা নুমীৎ, অফবা দিবেৎ, ক্বালিতী দিবেৎ, ভেল্যু এদিসন তৌরিবা দিবেৎ অসি নুতীগী রাজনীতি তৌদবা দিবেৎ।
মরূপশা,
লৈবাক অসিদা সংসদ নত্রগা বিধানসভাগী অনৌবা থবক হৌবা মতমদা মীহুৎশিং অসি অনম্বনা অহানবা ওইনা য়াওবা ওইনা তৌই হায়বসি অদোম্না নিংথিনা খংবিরে। হায়বদি রাজনীতিদা অহোংবা কয়াদি লেপ্তনা লাকই, লেপ্তনা অনৌবা মীশিংনা অনৌবা থৌনানাদা তাঞ্জা পী। অদুগা মীয়াম্না হোৎনবদগী হাউসতসু মতম পুম্নমক্তা তগৎ-তগৎ তেকপা, অনৌবা অনৌবা থৱায় তাবা, অনৌবা থৱায় য়াওবা লাকই। ঐখোয়না মসিগী অনৌবা মওং অসিদা অনৌবা থবক তৌবগী সিস্তেমদা লৈহনবা চংই। মসিগীদমক্তা মরুওইরিবদি অনৌবা মীহুৎশিংনা হাউসকা মরি লৈনবা সিস্তেমেতিক ত্রেনিং পীসি, হাউসকী কাইদবা ফীবম অমসুং চৎন-পথাপশিংগী মতাংদা মখোয়দা হায়বিসি। ঐখোয়না পার্তীদা লেপ্তনা দাইলোগ পীনবদা লুম্না লৌবা তাবনি, রাজনীতিগী অনৌবা পেরামিতরসু শেমগদবনি। মসিদা অদোম প্রিসাইদিং ওফিসরশিংগী থৌদাং অসি য়াম্না চাওই।
মরূপশা,
ঐখোয়গী মাংদা হেন্না লুম্না লৌগদবা অসি হাউস অসি প্রদক্তিব ওইনা চংশিহনবগীসুনি। মসিগীদমক্তা হাউসতা দিসিপ্লিনগী মথৌ তাবা অদুগুম্না লেপ্নখিবা চৎন-পথাপকী কম্মিৎমেন্তসুনি। ঐখোয়গী ৱায়েল-পথাপ অসিগী পাক-শনবা অসি মহাক্কী মীয়ামগী য়াইফনবা চুমদ্রিংনা মরি লৈনরবতদা ওইরক্কনি। অদুগা মসিগীদমক্তা হাউসকী ৱাহন্থোক লৈবা ৱা খন্নবা অসি য়াম্না মথ তাই। মরুওইনা হাউসতা নহা ওইরিবা মীহুৎশিংদা, থবক মায় পাক্না পাংথোক্নিংবা মফমশিংদগী লাকপা মীহুৎশিংদা, নুপীশিংদা হেন্না খুদোংচাবা পীগদবনি। ঐখোয়গী কমিতীশিংদসু মতৌ অসিগুম্না হেন্না প্রেক্তিকেল ওইবা অমসুং মতমসিগা চুননবা খনগদবনি। মসিনা ঐখোয়গীদমক্তা লৈবাক্কী খুদোংচাদবশিং অমসুং মদু কোকহন্নবা খংবদা লাইবদা নত্তনা অনৌবা আইদিয়াশিংসু হাউসতা য়ৌগনি।
মরূপশা,
অদোম পুম্নমক্না খংবিরে মদুদি হৌখিবা চহীশিংদা ৱন নেসন ৱন রেসন কার্দ', 'ৱন নেসন ৱন মোবিলিতী কার্দ' অসিগুম্বা সিস্তেমশিং অসি চৎনহল্লি। মতৌ অসিগুম্না ঐখোয়গী মীশিংসু কন্নেক্ত তৌনরক্লি অমসুং লৈবাকপুম্বনসু অমত্তা ওইবা এক্সপরিএন্স অমা ফংলক্লি, লৈবাক অসি অৱাংদগী খারোমদা, নোংপোক্তগী নোংচুপ্লোমদা কাচিন-কোয়া য়ৌনা শম্নবগুম্লে। বিধানসভাপুম্বা অমসুং রাজ্যপুম্বা মসিগী অমৃতকী মতম অসিদা মসিগী কেম্পেন অসিদা অনৌবা পন্দোন লোম্না পুখৎপা ঐহাক্না পাম্মি। ঐহাক্না ৱাখল্লোন 'ৱন নেসন ৱন লেজিস্লেতিব প্লেৎফোর্ম' অসি ওইথোকপা য়াগদৌরিবরা, শুপ্নতগী ঐখোয়গী পার্লিয়ামেন্তরী সিস্তেম অসিদা তেক্নোলোজিকেল ওইনা খংফ-ফহনবদা নত্তনা লৈবাক অসিগী দেমোক্রেতিক য়ুনিৎশিং অদু শম্নননবগীসু থবক তৌবা অসি। ঐখোয়গী হাউসশিংগী ওইনা রিসোর্স পুম্বা মসিগী পোর্তেল অসিদা ফংহন্নবা, কেন্দ্র অমসুং রাজ্যগী লেজিস্লেচরশিং অসি চে য়াওদনা থবক তৌবা, লোকসভাগী ইকাইখুম্নরবা প্রসিদেন্ত অমসুং রাজ্য সভাগী ভাইস-প্রসিদেন্তকী লিচিংখাদা অদোম প্রিসাইদিং ওফিসরশিংনা মসিগী সিস্তেম অসি খুমাং চাউশিলহনবা য়াই। ঐখোয়গী সংসদ অমসুং মন্দল অচৌবশিংগী লাইব্রেরীশিংসু দিজিতাইজ তৌনবা অমসুং ওনলাইন্দা ফংহন্নবগীদমক্তা থবকশিংদা হেন্না য়াংশিলহনবা তাবনি।
মরূপশা,
নিং-খা তম্বগী অমৃতকী মতম অসিদা ঐখোয়না য়াংনা নিং-কা তম্বগী চহী ১০০ শুবরোমদা চংশিল্লক্লি। অদোমগী চহী ৭৫ শুবগী খোংচৎ অসি মতম অসি খুনা-য়াংনা হোংলে হায়বগী সাক্ষীনি। মথংগী চহী ২৫ অসি ভারতকীদমক্তা য়াম্না মরুওইবনি। চহী ২৫ গী মতুংদা চহী ১০০ গী থৌরম পাংথোক্কদৌরি। অমসুং মরম অসিনা অমৃতগী মতম অসি মসিগী চহী ২৫ গী য়াম্না মরুওইবনি। মসিদা ঐখোয়না লাইশোন অমখক ঐখোয়না থৌনা লৈনা, কত্থোকপগা লোয়ননা, ইথৌদাংনি খন্না মায় পাক্না শোনবা য়াবরা। ঐহাক্কী মীৎয়েংদা মসিগী লাইশোন অসি - ইথৌদাং, ইথৌদাং, ইথৌদাংনা ইথৌদাংনি। হাউসতসু ইথৌদাংগী ৱা, হাউসতগী পাওজেল পীবা অসিসু ইথৌদাংগী ওইবা, মীহুৎশিংগী খোঞ্জালদা ইথৌদাংগী মনম চেলহনবা, মখোয়গী লমচত্তসু মখোয়গী ইথৌদাংগী মওং-মতৌ, মমাংঙৈদগী চৎনরকপা ওইবা পুন্সি মহিং ওইরো, ৱাখল খন্দোক-খঞ্জিন্দসু ইথৌদাংনা হেন্না লুনা লৌবা মীহুৎশিংগী মীফমদা ৱা খন্দোক-খঞ্জিন্দা, সোলুসন্দা ৱাফম খুদিংমক্তা ইথৌদাংনা খ্বাইদগী হেন্না লৌবা ওইবা শুপ্নতগী ইথৌদাংগী ৱা ওইবা, ইথৌদাংগী ৱাখল্লোন চেনবা ওইগদবনি। মথংগী চহী ২৫ দা ঐখোয়গী থবক তৌবগী মওংগী এঙ্গল খুদিংমক্তা ইথৌদাং অসি খ্বাইদগী হেন্না লুম্না লৌগদবনি। হাউশিংদগী মসিগী পাউজেল অসি পীবা মতমদা সংবিধান্নসু ঐখোয়দা মসি হায়রি, হাউসতা হন্না-হন্না হায়বা মতমদা মসিগী ইথীল অসি লৈবাক্কী নাগরিক খুদিংমক্তা য়ৌগনি। লৈবাক অসি হৌখিবা চহী ৭৫ দা য়াম্না য়াংনা খুমাং চাউশিল্লিবা অসিদা মসিদগী শরুক কয়া অমা হেন্না লৈবাক অসিনা খুমাং চাউশিন্নবগী লাইশোন অসিদি- ইথৌদাং। ইরৈচা করোর চামগা কুন্থ্রাগী ইথৌদাং অসি অথোইবা ৱাশক অমা মপুং ফাহন্নবগীদমক্তা ঙসি পার্লিয়ামেন্তরী সিস্তেম অসিগী চহী ১০০ গী থৌরাং অসিগীদমক্তা অদোম পুম্নমকপু য়াইফ-পাউজেল পীজরি, অদোমগী ঙসিগী সমিৎ অসি য়াম্না মায় পাকপা, ২০৪৭ দা লৈবাক অসি কদোমদা পুগদবনো, হাউসতা করি থৌদাং লৌগনি, মসিগী মরিক চুম্বা আউতলাইনগা লোয়ননা অদোম মপমসিদগী চৎকনি হায়না ঐহাক্না থাজৈ। লৈবাক অসিগী মপাঙ্গল য়াম্না হেনগৎলগনি। ঐহাক্না অমুক হন্না অদোম পুম্নমক্তা হন্না-হন্না য়াইফ-পাউজেল পীজরি, হন্না-হন্না থাগৎচরি।
