খুরুমজরি !
লৈবাক অসিগী শেল-থুম মন্ত্রী শ্রীমতী নির্মলা সীতারমনজী, শেল-থুমগী রাজ্য মন্ত্রী শ্রী পঙ্কজ চৌধরীজী, দোক্তর ভাগৱত করারজী. আর.বি.আই.গী গবর্নর শক্তিকান্তা দাসজী, বেঙ্কিং সেক্তরগী শক্নাইরবা পুম্নমক, ইন্দিয়ন ইন্দস্ত্রীগী ইকাইখুম্নজরবা খোঙলোই পুম্নমক, থৌরম অসিদা শরুক য়াবীরিবা অতৈ শক্নাইরবা পুম্নমক, ইবুংঙো অমসুং ইবেম্মশিং,
ঐনা মফম অসিদা হেক লাকখিবদা, ঐনা তাখিবা পুম্নমক অদু থাজবা পোক্লক্লে। হায়বদি ঐখোয়গী কনফিদেন্স লেবেল অদুক্কী মতিক ভাইব্রেন্ত ওইবা অসি, মসানা ওইথোকপা য়াবা ময়াম অমা ৱাশক্তা ওন্থোক্লি অমসুং পুন্না অমত্তা ওইনা চৎমিন্নরবদি ৱাশক অদু মপুং ফাহনবদা ঐ কুইনা চংগনি হায়বা থাজদে। লৈবাক অমা হেক্তগী চাউখৎ লম্বীদা অসিগুম্বা মতম অমা লাকই, লৈবাক অদুনা অনৌবা অমা পাংথোক্নবগীদমক অনৌবা ৱাশক অমা লৌবা মতমদা লৈবাক অপুনবা অদুগী পাঙ্গল অদু অদুগুম্বা ৱাশকশিং অদু মপুং ফাহন্নবা হোৎনবদা শরুক য়াই। নীং-খা তম্বগী খোঙজং য়াম্না কুইনা চৎথখি। ১৮৫৭তগীদি অখন্নবা মওংদা মসিবু পুৱারী ইবশিংনা পরেং অমদা লেংশিন্দুনা য়েংলম্মি। অদুবু ১৯৪২ অমসুং ১৯৩০ দান্দী মার্চ অমসুং ক্বিৎ ইন্দিয়া অনি অসি ঐখোয়দা লৈবাক অসিনা অহোংবা পুরক্নবা মুদ পোকহনখিবা তর্নিং পোইন্ত অমনি হায়বা য়াই। ৩০দা চোংখিবা অদুনা লৈবাক অপুনবা অসিদা ফিবম অমা শেমখি। অমসুং ৪২দা অতোপ্পা অমগা চোংখিবা অদুগী ফল ১৯৪৭তা ফংখি। হায়বদি ঐ মদুগী চোংখিবা অদুগী মরমদা হায়জরিবনি। নীং-খা তম্বগী চহি ৭৫ অমসুং হৌজিক ঐখোয় অসিগুম্বা ফিভম অমদা য়ৌরে মদুদি চোংননবগীদমক্তা লৈমাই চেৎলে তার্গেৎ লেপথোক্লে, চৎকদবদা ঙাইরে। অমসুং লাল কিলাদগী হায়খি, ওগস্ত ১৫দা হায়খি, মতম অসিমক্নি মতম অসিমক্নি। অদোম পুম্নমক নেস্নেল বিল্দিংগী মহায়জ্ঞা অসিগী অথোইবা স্তেকহোল্দরশিংনি অমসুং মরম অসিনা তুংলমচৎকী শেম-শাবশিং অদুগী মতাংদা অদোমগী ৱারী-ৱাতাই, মসিগী নুমিৎ নিনিগী ওইবা অদোমগী খন্ন-নৈনবা, অদোম্না উনদুনা রোদমেপ অমা খল্লমগনি, অদোম্না ৱারেপ লৌরম্লগনি। ঐহাক্না খঞ্জৈ ৱাফম পুম্নমক অসি মসানা য়াম্না মরুওইবা অমনি।
মরূপশা,
সরকারনা হৌখিবা চহি ৬-৭ অসিদা বেঙ্কিং সেক্তরদা তৌখিবা রিফোর্মশিং অদুনা, বেঙ্কিং সেক্তরগী মওং পুম্নমক্তা সপোর্ত তৌখি, মরম অদুদগী ঙসি লৈবাক অসিগী বেঙ্কিং সেক্তর য়াম্না অচেৎপা মওংদা লৈরে। অদোমসু মসি খঙবীরি মদুদি বেঙ্কশিংগী ফাইনান্সিএল হেল্থ হৌজিক হৌজিক য়াম্না ফগৎলবা ফিভমদা লৈরে। ২০১৪গী হান্নগী অৱাবশিং, শিংনবশিং, ঐখোয়না অমমমতা ওইনা লোইশিন্নবা লম্বী পুথোকখি। ঐখোয়না এন.পি.এ.শিংগী অৱাবশিংবু এদ্রেস তৌখি, বেঙ্কশিংবু রিকেপিতেলাইজ তৌখি, মখোয়গী মপাঙ্গল হেনগৎহনখি। ঐখোয়না আই.বি.সি.গুম্বশিং রিফোর্ম তৌখ্রে, কাংলোন কয়ামরুম শেমদোকখ্রে অমসুং দেব্ত রিকবরী ত্রিব্যুনেলবু মপাঙ্গল হাপখি। কোরোনাগী মতমদা লৈবাক অসিদা দেদিকেতেদ স্ত্রেস এসেৎ মেনেজমেন্ত ভর্তিকেল অমসু শেমখি। ৱারেপশিং অদুদগী ঙসি বেঙ্কশিংগী রিজোলুসন অমসুং রিকভরী হেন্না ফবা ওইরি, বেঙ্কশিংগী ফিভম চেৎসিল্লক্লি অমসুং ইনহেরেন্ত স্ত্রেংথ অমা মসিগী মনুংদা ফংলে।
মরূপশা
মসি শেল অমুক হন্না পুরক্নবা ঐখোয়গী হোৎনবা অদুনি। কাংলোনশিংগী মতেং লৌখি। দিপ্লোমেতিক চেনেলসু শিজিন্নখি অমসুং মেসেজসু য়াম্না ময়েক শেংই মদুদি মসি অমত্তা ঙাইরবা লম্বীনি, হল্লক্লো অমসুং থৌওং অসি ঙসিসু চৎথরি। নেস্নেল এসেৎ রিকন্সত্রক্সন কম্পেনী শেম্বদগী অমসুং লুপা করোর ৩০দগী হেনবা সরকারগী গরেন্তীদগী চাউরাক্না লুপা করোর লাখ ২গী স্ত্রেস এসেৎশিং লাক্কদৌরিবা মতম খরা অসিগী মনুংদা রিজোল্ব তৌবা য়াই হায়না পানরি। ঐখোয় ময়াম্না মসিসু উরি মদুদি পব্লিক সেক্তর বেঙ্কশিংগী কোন্সোলিদেসন্দগী বেঙ্কিং সেক্তর অপুনবগী ইফিকেসী হেনগৎলে অমসুং মার্কেৎতগী ফন্দ রাইজ তৌবদসু বেঙ্কশিংনা মতেং ফংলে।
মরূপশা,
মসি মায় পাক্নবসু খোঙথাং লৌখৎলে, তৌখিবা রিফোর্মশিং অদুনা ঙসি বেঙ্কশিংগী মফমদা অচৌবা অমসুং অচেৎপা কেপিতেল বেস শেম্লে। ঙসি বেঙ্কশিংগী মফমদা অফবা লিক্বুইদিতী লৈরে, এন.পি.এ.শিংগী প্রোবিজনিংগী বেকলোগ লৈত্রে। পব্লিক সেক্তর বেঙ্কশিংগী এন.পি.এ. ঙসি চহি ৫ অসিদা খ্বাইদগী তারে, কোরোনাগী মতম ওইজরবসু, শেনবা চহি অসিগী অহানবা তঙ্খাইদা ঐখোয়গী বেঙ্কশিংগী মপাঙ্গল কনবা অসিনা পুম্নমক্কী মিৎয়েং চিংশিল্লি। মরম অসিদগী ইন্তর্নেস্নেল এজেন্সীশিংসু ভারতকী বেঙ্কিং সেক্তরগী আউৎলুক অপগ্রেদ তৌরি।
মরূপশা,
ঙসি ভারতকী বেঙ্কশিংগী মপাঙ্গল অসি অদুক্কী মতিক হেনগৎলে মদুদি মসিনা লৈবাক অসিগী ইকোনোমীদা অনৌবা থৌনা হাপ্পদা, চাউনা পুশ অমা পীবদা, ভারতপু আত্মনির্ভর ওইহনবদা য়াম্না চাউবা থৌদাং য়াবা য়াই। ঐ ফেজ অসি ভারতকী বেঙ্কিং সেক্তরগী মাইলস্তোন অমা ওইনা লৌরিবনি। অদুবু অদোম্না উবীরমগনি, মাইলস্তোন অসি অমরোমদা ঐখোয়গী তুংগী খোঙচৎকী পোইন্ত অমসু ওইরিবনি। ঐ ফেজ অসি ভারতকী বেঙ্কশিংগী অনৌবা স্তার্তিং পোইন্ত অমা ওইনা উরি। অদোমগীদমক্তা মসি লৈবাক অসিদা ৱেল্থ ক্রিএতর্স অমসুং জোব ক্রিএৎর্সতা সপোর্ত তৌবগী মতম অদুনি। ঙসি মতম্না তাল্লি মদুদি হৌজিক ভারতকী বেঙ্ক মশাগী বেলেন্স শীৎকা লোইননা লৈবাক অসিগী বেলেন্স-শীৎপু হেনগৎহন্নবগীদমক্তসু প্রো-এক্তিব ওইনা থবক তৌরি। কস্তমরনা অদোমগী নাক্তা, অদোমগী ব্রাঞ্চতা লাকপা হায়না ঙাইদুনা লৈবীগনু। অদোমগী কস্তমরগী, কম্পেনীগী, এম.এস.এম.ই.শিংগী, তঙাইফদবশিংবু এনলাইজ তৌরগা, মখোয়গী মনাক্তা চৎকদবনি, মখোয়গীদমক্তা কস্তমাইজ সোলুসনশিং পীবা তাই। ঐনা খুদম পীখিবা অদুগুম্না মদুদি উত্তর প্রদেশকী বুন্দেলখন্দগী লমদমদা অমসুং তমিলনাদুগী দিফেন্স কোরিদোর অনি শাগনি। হৌজিক সরকারনা খোঙজেল য়াংনা মদুদা থবক তৌরি। মদুগী কোরিদোরগী অকোইবদা লৈরিবা বেঙ্কশিং ব্রাঞ্চাইজ ওইবরা।
মরূপশা,
অদোম এপ্রুবরনি অমসুং মাংদা লৈরিবনা এপ্লিকান্তনি, অদোম্না মপুনি অমসুং মাংদা লৈরিবা অসিনা পেতিস্নরনি, ৱাখল অসিবু থাদোক্তুনা হৌজিক বেঙ্কশিংনা পার্তনরশিপকী মোদেল লৌশিনবা তাই। অদোম্না বেঙ্ক ব্রাঞ্চকী থাক্তা পান্দম অসি লেপথোকপা য়াই মদুদি মখোয় মখোয়গী লমদমদা অনৌবা নহা ১০ নত্ত্রগা অপীকপা ওন্ত্রপ্রিনর ১০গা লোইননা পুন্দুনা, মখোয়গী ললোন-ইতিক হেনগৎহনবদা মতেং পাংগনি। ঐনা স্কুলদা তমলিঙৈদা, মতম অদুদা বেঙ্কশিং নত্ত্রগা নেস্নেলাইজেসন হায়বসি লৈরমদে। অমসুং মতম অদুদা ঐহাক ফজনা নীংশিংলি চহিদা য়ামদ্রবদা বেঙ্ক মীওইশিংনা অনিরক ঐখোয়দা স্কুলদা লাক্লম্মি, স্কুলদা অমসুং বেঙ্কতা একাউন্ত করিগী হাংগদৌরিবনো, অপীকপা অঙাংশিংবু কোনশিন্দুনা করিগী শেল কনগদৌরিবনো, মসি তাখি মরমদি মতমদুদা মদু সরকারগী ওইরমদে। মতমদুদা অদোম্না খনগনি মদুদি মসি ঐগী বেঙ্কনি, ঐহাক মসিগী মরমদা খনগনি। কম্পিতিসন অমসু লৈরম্মি অমসুং বেঙ্কিং হায়বদি ফাইনান্সিএল ৱর্ল্দগী বেঙ্কিং সেক্তরগী অচম্বা মীওইশিংদা ত্রেনিং পীবসু মরু ওইরম্মি। বেঙ্ক পুম্নমক্না থবক অসি তৌরম্মি, নেস্নেলাইজেসন তৌরবা মতুংদা মুদ হোংলক্লে। অদুবু ২০১৪দা বেঙ্কিংগী পাঙ্গল অসি ঐনা খঙদোক্তুনা ঐনা লাওথোকখি মদুদি ঐহাক জনধন একাউন্তকী মুবমেন্ত হৌদোক্কনি, ঐহাক লাইরবগী য়ুমথোংদা চৎতুনা মখোয়গী বেঙ্ক একাউন্ত হাংদোকহনগনি। ঐনা ঐগী ওফিসরশিংগা ৱারী শানবদা য়াম্না থাজনীংঙাই ওইবা ফিভম অমদি ওইরমদে। চিংনবা কয়া পোকখি মদুদি মসি করম্না ওইগনি, অদুনা ঐনা হায়খি মদুদি মতম অমদা বেঙ্ককী মীওইশিংনা স্কুলদা লাকখি। মীওই চাদা ৪০না বেঙ্ককা শম্নবা, চাদা ৬০না মপান্দা লৈবা, মসি করম্না ওইবা য়াদোইনো। ফরে, থবক পাংথোকপা হৌখি অমসুং বেঙ্কিং সেক্তরগী মীওইশিং, নেস্নেলাইজেসন তৌরবা বেঙ্কশিংগী মীয়াম, অচৌ অচৌবা ইন্দস্ত্রেলিস্তশিংগা ফম্মিন্নবগী হৈনবা লৈরবা মীওইশিং অদুনা লৈবাক্কী মাংদা পান্দম অমা থমখি মদুদি ঐখোয় জনধন একাউন্ত হাংদোক্কনি, ঐনা ঙসি চাউথোকচবগা লোইননা বেঙ্ক পুম্নমক্কী মতাংদা পনবা পামজৈ, বেঙ্ক পুম্নমক্কী অচৌ-পীশক শিন্মীশিংগী মতাংদা পঞ্জবা পাম্মি, মখোয়না মঙলান অসিবু মঙফাওনহনখি অমসুং জন-ধন একাউন্ত, ফাইনান্সিএল ইনক্লুজনগী তাইবঙদা মালেমগী মাংদা হেন্না ফবা খুদম ওইখি।
মরূপশা,
ঐ খঙই মদুদি বেঙ্কিং সিস্তেমগী হেল্থকীদমক্তা মসি য়াম্না মরু ওই মদুদি ভাইএবল প্রোজেক্তশিংদা শেল থাদবা। অদুবু মসিগা লোইননা, প্রোজেক্তশিংবু ভাইএবল ওইহনবদা ঐখোয় প্রো-এক্তিবকী থৌদাংসু লৌবা য়াই। ভাইএবিলিতীগী রীজন অমখক্তা লৈবা নত্তে। ঐখোয়গী বেঙ্ককী মরূপ-মপাংশিং, মখোয়না অতোপ্পা থবক অমা তৌবা য়াই। অদোম মসি তশেংনা খঙই মদুদি অদোমগী লমদমদা করম করম্বা ইকোনোমিক কেপাসিতী কয়াম্না লৈ। ব্রাঞ্চকী মিৎয়েংগী অকোইবগী মপান্দা মসি তৌদে। মখোয় লৈবাক অসিগী থৌনা অদু খঙই। ঙসি লুপা করোর ৫গী লোন অদোমদগী পুরগা চৎকদৌরিবা অসি, থমোইশেংনা মতম চানা শিংগদৌরি, অদোম্না মসিগী মতিক হেনগৎহনবদসু মতেং পাংবা ঙমগনি।
মরূপশা,
হৌখিবা মতম খরা অসিদা লৈবাক অসিদা অচৌ অচৌবা অহোংবা কয়া তৌখি, স্কিমশিং চৎনখি, মখোয়শিংদুদগী লৈবাক অসিদা দেতাগী অচৌবা পুল অমা শেমখি, মদুগী কান্নবা বেঙ্কিং সেক্তরনা লৌগদবনি। ঐনা জি.এস.তি.গী ৱাফম পল্লগদি ঙসি ললোন ইতিক্কী ত্রাঞ্জেক্সন, নুং-পান উনা পাংথোক্লে।
মরূপশা,
ঙসি লৈবাক অসিনা ফাইনান্সিএল ইনক্লুজন্দা অদুক্কী মতিক হোৎনরিবা অসিদা নাগরিকশিংগী প্রদক্তিব পোতেন্সিএলবু অনলোক তৌবা য়াম্না মরওই। অমসুং ঐহাক অনলোক তৌবা মফম অসিদা অহুম-মরিরক তাখ্রে। হৌজিক বেঙ্কিং সেক্তরমক্কী রিসর্চ অমদা চোংথোরকখি, মসি অদোম্মক্কী মায়কৈদগী লাকখিবনি মদুদি জনধন একাউন্ত অদুক্কী মতিক য়াম্না হাংবা রাজ্য অদুদা, অমসুং জনধন একাউন্ত অদুক্কী মতিক য়াম্না হিংদুনা লৈরিবা অদুদা, অদুগুম্বা জনধন একাউন্ত অদুদা লেপ্তনা থবক চৎথরি। বেঙ্কশিংগী রিপোর্ত্তা অনৌবা ৱাফম অমা পুদুনা লাক্লি অমসুং মদু তারুরগা ঐহাক ইথন্তা নুংঙাইবা পোকচৈ মদুদি বেঙ্ক রিপোর্তনা হায়রি মদুদি মরম অসিদগী ক্রাইম রেৎ হন্থরে। হায়বদি বেঙ্ককী মীওইশিংনা কৈদৌঙৈদসু খনবা ফাওবা খল্লম্লোই মদুদি ঐহাক পুলিসকী থবকসু তৌরিবনি, অদুবু বাই প্রদেক্তনি। হেল্দী সোসাইতী অমগী এৎমোস্ফিয়র শেম্লি। জনধন একাউন্ত অমনা কনাগুম্বা অমবু ক্রাইমকী তাইবঙদগী পুথোরক্লি, মসিদগী হেন্না চাউবা পুন্সিগী অথোইবা অদু করি অমমুক ওইগনি। মসিদগী চাউবা খুন্নাইগী থৌগল করি ওইগনি। হায়বদি বেঙ্কশিংগা মফম অদুগী মীয়ামগা কনেক্ত হেনগৎলকপদা, মীয়ামগীদমক্তা বেঙ্ককী থোং হাংদোরকপদা মদুগী ইতিল অদু মীয়ামগী পুন্সি হিংবগী মওংদসু মমি তাই। বেঙ্কিং সেক্তরগী পাঙ্গল অসি খঙজরদুনা ঐনা খল্লি মদুদি ঐখোয়গী বেঙ্কিং সেক্তরগী মরূপশিং মাংদা চখৎপা মতৌ তাই। ঐনা খঙই, মফম অসিদা ফম্লিবা মীয়াম, মখোয়গা মরী লৈনবা ৱাফম ঐ হায়জবা নত্তে মরমদি মফম অসিদা লাক্লিবা মীহুৎশিং অসিনা মখোয়গী ৱাফম ফোংদোকপীখ্রে, ঐহাক অতোপ্পগী মীহুৎশিংগী ৱাফম হায়জরিবনি। অদুবু তৌগদবদি বেঙ্কিং সেক্তরগীনি মরম অদুনা ঐগী ৱাফম পুম্নমক্কী সেন্তর পোইন্ত ঐগী বেঙ্কিং সেক্তরনি, মখোয়গী লিদরশিংনি। পব্লিক বেঙ্ক ওইরো নত্ত্রগা প্রাইবেৎ সেক্তরগী বেঙ্ক ওইরো, ঐখোয়না অদুক্কী মতিক নাগরিকশিংদা ইনভেস্ত তৌরিমখৈ, অদুক্কী মতিক অনৌবা থবক পীবা ঙমগনি, অদুক্কী মতিক লৈবাক অসিগী নহাশিংদা, নুপীশিংদা, ময়াই ওইবা থাক্কী মীওইশিংদা কান্নবা ফংগনি।
মরূপশা,
ঐখোয়না আত্মনির্ভর ভারত অভিয়ানগী মতমদা তৌখিবা রিফোর্মশিং অদুনা লৈবাক অসিদা অনৌবা ওইথোকপা য়াবশিংগী থোং হাংদোক্লে। ঙসি কোর্পোরেৎস অমসুং স্তার্তঅপ্সনা থাক অসিদা মাংদা চখৎলিবা অসি অঙকপনি। মসিদা ভারতকী এস্পিরেসন্সবু কলহন্নবা, ফন্দ তৌনবা, মখোয়দা ইনভেস্ত তৌনবা মসিদগ হেন্না ফবা মতম করি ওইবা য়াবগে মরূপশা? ভারত্তা অমসুং ৱাফম অসি ঐখোয়গী বেঙ্কিং সেক্তরবু ৱাখল তাহনবা তাই, ভারত্তা আইদিয়াশিং অসিদা ইনভেস্তমেন্ত তৌবগী মতম অদুনি, স্তার্ত অপ্সতা মতেং পাংবগী মতম অদুনি, স্তার্ত অপকী মনুংদা আইদিয়া অমা য়াওই। অদোম্না হংলবদি, মদু করিনো, মদু করিসু নত্তে, আইদিয়ানি।
মরূপশা,
অদোমদা রিসোর্সশিংগী অৱাৎপা অমত্তা লৈতে। অদোমদা দেতাগী অৱাৎপা অমত্তা লৈতে। অদোম্না পাম্বা রিফোর্মশিং অদু সরকারনা পীসু পীরে অমসুং মতুংদসু অসুম্মক তৌখিগনি। হৌজিক অদোম লৈবাক্কী ৱাশক্কা লোইননা, লৈবাক্কী পান্দম অদুগা লোইননা ইশাবু তাশিঞ্জদুনা মাংদা চখৎকদবনি। ঐঙোন্দা তমখি মদুদি মন্ত্রালয়শিং অমসুং বেঙ্কশিংবু অমত্তা ওইনা পুরক্নবগীদমক হৌজিক ঐখোয়গী চিয়রমেন্না পনবীখ্রে ৱেব বেজ প্রোজেক্ত ফাইন্দিং ত্রেকর শেম্নবা লেপখ্রে। অফবা ৱাফম্নি, মসিগী মরমদগী খুদোংচাবা য়াম্না হেনগৎলগনি, অদুবু মসিগী ঐগী সজেসন অমা লৈ, হোৎনবা অসি ফৈ অদুবু ঐখোয়না দাইনামিজম ওইবা পোর্তেল মক্তদা ইন্তর্ফেসগী মওংদা অনৌবা ইনিসিএতিব হাপচিল্লবদি মসি হেন্না ফবা ওইবা য়ারোইদরা। নীং-খা তম্বগী অমৃতকাল অসিদা, ভারতকী বেঙ্কিং সেক্তর বিগ থিঙ্কিং অমসুং ইনোবেতিব এপ্রোচকা লোইননা মাংদা চখৎকদবনি।
মরূপশা,
অতোপ্পা হিরম অমা লৈ মসিদা করিগুম্বা ঐখোয় থেংথরবদি ঐখোয় তুংদা লৈথহৌরগনি অমসুং মদুদি ফিনতেক্নি। ভারতকী মীয়ামগী অনৌবা পোৎশক খুদিংমক এদোপ্ত তৌবা ঙম্বগী থৌনা অসি অঙকপনি। ঙসি অদোম্না উবীরমলগনি মদুদি হৈ-রা য়োনবশিং, য়েঞ্ছাংনাপী য়োনবশিংনা QR Code পায়দুনা ফম্নরে অমসুং হায় অদোম শেল পীয়ু। লাইশঙদসু দোনেশন তৌবশিংনা QR Code থম্বীয়ু, য়াগনি। হায়বদি ফিনতেক্কী মায়কৈদা ফিভম অমা শেম্লে। ঐদি পাম্মি মদুদি বেঙ্ক ব্রাঞ্চ খুদিংমক্তা য়ামদ্রবদা রেগুলর কম্পিতিসন ১০০ শেম্বা, ঐ য়াম্না হায়বা নত্তে, ১০০% দিজিতেল ত্রাঞ্জেক্সন তৌবা ক্লাইন্ত লৈগনি অমসুং তোপকী মনুংদা ওইগনি। ঐনা পাম্মি অনৌবা ৱাখল্লোন অসিগা লোইননা অনৌবা ৱাশক অসিগা লোইননা চোংনবগী মতম অদুমক্নি। মফম শেম-শারে মরূপশা অমসুং ঐনা হন্না হন্না হায়রিবা মরুওইবা ৱাফমদি, বেঙ্ককী মীওইশিংদা কয়ারক হন্না হায়খ্রে ঐ অদোমগা লোইনরি। লৈবাক্কী কান্ননবগীদমক পুকশেল শেংনা তৌবা থবক্কীদমক অদোম ঐগী ৱাহৈ অসি ইশিন্দুনা থম্বীয়ু, ঐগী ভিদিও ক্লিপিং অসি অদোমগী নাক্তা থমজিনবীয়ু, ঐ অদোমগা লোইননা লৈজরি, ঐ অদোমগী নাক্তা লৈজরি, অদোমগীদমক্তনি। থমোই শেংনা, অচুম্বা মওংদা লৈবাক্কী কনানবগীদমক্তা তৌবা থবক্তা অশোইবসু অদুমক য়াওই, অসিগুম্বা অরুবা ফিভম লাক্লবদি ঐ চেকপল ওইনা লেপ্ননবা শেম-শাজরি। অদুবু হৌজিক লৈবাক অসি মাংদা পুখৎনবা ঐখোয় ঐখোয়গী থৌদাংশিং অদু য়াগদবনি। অসুক ফরবা অচেৎপা মফম লৈরবদা, অসুক চাউরবা তাঞ্জা লৈরবদা, অতিয়া শোকপগী ওইথোকপা লৈরবদা অমসুং ঐখোয়না খনবদা মতম মাংহল্লবদি ঐনা খল্লি মদুদি লাক্কদৌরিবা মীরোলশিংনা ঐখোয়বু খক ঙাকপীরোই।
ঐনা অদোমদা অদুক্কী মতিক য়াইফ-পাউজেল পীজরি!
থাগৎচরি !
