“অম্মাগী মশেক-মঙাল অমসুং মহাক্কী থৌজাল ৱাহৈশিংনা ফোঙদোকপা ৱাগনি, ঐখোয়না মসি পুক্নিং খক্তদা ফাওগনি”
“নুংশিবা, মীগী অৱাবা খঙবা, থবক অমসুং কৎথোকপনা অম্মা শেম্বনি। মহাক ভারতকী অধ্যাতিক্কী চৎনবী লমজিংবীনি”
“হকশেল নত্ত্রগা লাইরিক-লাইশুগী লমদা ওইগেরা, অম্মাগী লমজিং মখাদা লৈবা লোয়শঙ খুদিংমক্না মীওইবা অমসুং খুন্নাইগী য়াইফনবা অনৌবা থবকশিং পায়খৎলি”
“মালেম শীনবা থুংনা অম্মাগী তুংইনবশিং লৈরি অমসুং মহাক্না মতম পুম্নমক্তা ভারতকী মিংচৎ অমসুং লৈবাক অসিগী তৌবা মপাঙ্গল কনখৎহল্লি”
“লায়চৎ মতুংগী ঙসিগী মালেম্না য়ানরবা ভারতকী মীওইবদা য়ুম্ফম ওইবা চাউখৎপগী থবক্কী মমি অমা অম্মানা ওইরে”

থবক অমসুং অধ্যাতিক্কী মশক ওইরবী অম্মা, মাতা অমৃতানন্দময়ী জিগী মফমদ ঐনা ইকায়খুম্নবা উৎচরি। মহাক্কী ৭০শুবা মপোক নুমিৎতা পুন্সি শাংবা অমসুং হকচাং ফবা পুন্সি অমা লৈনবা মাতা অমৃতানন্দময়ী জিগী মফমদা ঐনা য়াইফ-পাউজেল পীজরি। মালেম শীনবা থুংনা নুংশিবা অমসুং মীওইবগী অৱাবা খঙবা শন্দোক্নবা মহাক্কী মিসন মখা তানা খুমাঙ চাউশিন্নবা ঐনা থৌনিজরি। অম্মাগী তুংইনবশিং য়াওনা তোঙান-তোঙানবা শীনফমশিংগী মীওইশিং ঐনা  য়াইফ-পাউজেল পীজরি অমসুং থাগৎপা ফোঙদোকচরি।

মরুপশিং,
ঐ চহি ৩০ হেন্না অম্মাগা লোয়নরকখি। কুছতা য়ুহা হাখ্রবা মতুংদা মতম শাংনা ঐ মহাক্কা থবক তৌমিন্নখি। । অমৃতপুরিদা অম্মাগী চহি ৬০শুবা মপোক নুমিৎ থৌরম পাংথোকখিবা অদু নিংশিংলি। ঙসিগী থৌরম অসি হকথেংননা শরুক য়াবা ওইরম্লবদি ঐ হরাওগনি অমসুং নুংঙাইবা ফাওগনি। ঙসি ফাওবা, অম্মাগী মোমোন নোকপা মাইথোং অমসুং লুনা-চান্না তৌবা মতৌ অদু হান্নগুম লেংদনা লৈরি। হৌখিবা চহি ১০ অসিদা অম্মাগী থবক অমসুং মালেম শীনবা থুংনা মহাক্কী ইথিল অঙকপা ফংনা হেনগৎলক্লে। হৌখিবা চহিগী ওগস্ত থাদাদা  হরিয়ানাগী ফরিদবাদতা অমৃত হোস্পিতাল শঙ্গাখিবা অদু নিংশিংলি। অম্মাগী মশেক-মঙাল অমসুং মহাক্কী থৌজাল ৱাহৈশিংনা ফোঙদোকপা ৱাগনি, ঐখোয়না মসি পুক্নিং খক্তদা ফাওগনি।

মতম অদুদা অম্মাগীদমক ঐনা হায়খিবা অদু ঐ নিংশিংলি অমসুং ঙসি মদু অমুক হন্না হায়বা ঐনা পাম্মী- स्नेह-त्तिन्डे, कारुण्य-त्तिन्डे, सेवन-त्तिन्डे, त्याग-त्तिन्डे, पर्यायमाण अम्मा। माता अमृतानंन्दमयी देवी, भार-त्तिन्डे महत्ताय, आध्यात्मिक पारंपर्य-त्तिन्डे, नेरव-काशियाण। মসিনা হায়রি নুংশিবা, মীগী অৱাবা খঙবা, থবক অমসুং কৎথোকপনা অম্মা শেম্বনি। মহাক ভারতকী অধ্যাতিক্কী চৎনবী লমজিংবীনি।
মরুপশিং,

অম্মাগী থবকশিংগী অতোপ্পা মশক অমনা লৈবাক মনুং অমসুং মপান লৈবাকশিংদা অম্মাগী থবকশিং অমসুং লোয়শঙশিং য়োকখৎপা অসিনি। হকশেল নত্ত্রগা লাইরিক-লাইশুগী লমদা ওইগেরা, অম্মাগী লমজিং মখাদা লৈবা লোয়শঙ খুদিংমক্না মীওইবা অমসুং খুন্নাইগী য়াইফনবা অনৌবা থবকশিং পায়খৎলি। লৈবাক অসিদা লু-নানবগী খোঙজং হৌদোকপা মতমদা মসি মাইপাক্নবা অহানবা ওইনা মাংজিল থানবা থোরকখিবা মীওইশিংগী মনুংদা অম্মা য়াওখি। লু-নানবা হেনগৎহন্নবা গঙ্গাগী তোর্বানশিংদা তোইলেতশিং শানবা মহাক্না লুপা করোর ১০০ কৎখি। মালেম শীনবা থুংনা অম্মাগী তুংইনবশিং লৈরি অমসুং মহাক্না মতম পুম্নমক্তা ভারতকী মিংচৎ অমসুং লৈবাক অসিগী তৌবা মপাঙ্গল কনখৎহল্লি। ইথিল কল্লবা মতমদা, থবকশিংশু মপাঙ্গল কনখৎলকই।

মরুপশিং,

লায়চৎ মতুংগী ঙসিগী মালেম্না য়ানরবা ভারতকী মীওইবদা য়ুম্ফম ওইবা চাউখৎপগী থবক্কী মমি অমা অম্মানা ওইরে। হকচাংগী ফিবমদা মীমান্নদ্রবশিং য়াইফনবা মতম পুম্নমক্তা অম্মানা থবক তৌখি অমসুং তোল্লবশিংগী মীৎয়েং চঙখি। নুমিৎ খরনিগী মমাঙদা সংসদতা নারী শক্তি বন্দন অধিনিয়ম পাস তৌখ্রে। অম্মাগুম্বা মীওইনা ইথিল পীদুনা নুপীনা মাংজিল থাবা চাউখৎপা পুরক্নবা ভারত মাঙলোমদা চঙশিল্লি। মালেমদা শান্তি অমসুং চাউখৎপা পুরক্নবা অম্মাগী তুংইনবশিংনা মখা তানা থবক তৌগনি হায়বগী থাজবা ঐনা থম্লি। ঐনা অমুক হন্না, অম্মাগী চহি ৭০শুবা মপোক নুমিত্তা য়াইফ-পাউজেল পীজরি। মহাক পুন্সি শাংনা হিংসনু; মহাক হকচাং ফনা লৈসনু; মহাক মখা তানা মীওইবা খুন্নাইগী থবক তৌসনু। ঐখোয়দা অদোমগী নুংশিবগী থৌজাল মখা তানা হৈথনবা হায়জবগা লোয়ননা ঐগী ৱারোল মতাং অসিদা লোইশিঞ্জরে। অমুক হন্না অম্মাগী মফমদা ঐনা কোক নোঞ্জরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'

Media Coverage

PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'
NM on the go

Nm on the go

Always be the first to hear from the PM. Get the App Now!
...
Robust 8.4% GDP growth in Q3 2023-24 shows the strength of Indian economy and its potential: Prime Minister
February 29, 2024

The Prime Minister, Shri Narendra Modi said that robust 8.4% GDP growth in Q3 2023-24 shows the strength of Indian economy and its potential. He also reiterated that our efforts will continue to bring fast economic growth which shall help 140 crore Indians lead a better life and create a Viksit Bharat.

The Prime Minister posted on X;

“Robust 8.4% GDP growth in Q3 2023-24 shows the strength of Indian economy and its potential. Our efforts will continue to bring fast economic growth which shall help 140 crore Indians lead a better life and create a Viksit Bharat!”