Quote“লৌউ-শিংউ মন্ত্রী অমগী থৌদাংশিং অসি শুপ্নগী ইকনোমীগী সেক্তর অমা য়েংশিনবা খক্তা নত্তনা মীওইবা খুন্নাইগী তুংলমচৎ শাফনা থম্নবা মাইকৈদা চংশিনবসু য়াওরি”
Quote“ভারতকী পোলিসী অসি ‘বেক তু বেসিক্স’ অমসুং ‘মার্চ তু ফ্যুচর’গী ফ্যুজন অমনি”
Quote“ঐখোয়না শ্রী অন্না মিল্লেৎপু ঐখোয়গী চোইসকী চীঞ্জাক অমা ওইহল্লসি”
Quote“মালেমগী তোঙান-তোঙানবা শরুকশিংগী ত্রেদিস্নেল প্রেক্তিসশিংনা রিজেনরেতিব এগ্রিকলচরগীদমক অলতর্নেতিবশিং দিবেলপ তৌনবা ঐখোয়দা ইথিল পীবা য়াই”
Quote“ভারতকী জি২০না লৌউ-শিংউগী মরু ওইবশিংনা ঐখোয়গী ‘ৱান আর্থ’ অসিবু ফগৎহন্নবা, ‘ৱান ফেমিলী’ মনুংদা ইং-চীকপা পুরকপা অমসুং ‘ৱান ফ্যুচর’ অমগীদমক আশাগী মঙাল পীবা হায়বা অসিদা মীৎয়েং চংলি”

এক্সেলেন্সীশিং, ইবেম্মা অমদি ইবুঙোশিং, খুরুমজরি!

ঐনা ময়াম পুম্নমকপু ভারত্তা তরাম্না ওকচরি‍। লৌউ-শিংউ হায়বসি মীওইবা খুন্থোক্লোনগী থৱায়নি‍। মরম অসিনা, লৌউ-শিংউগী মন্ত্রী ওইনা অদোমগী থৌদাংসি শেন্মিৎলোনগী শরুক অমা শেন্নবখক্তা নত্তে‍। অদোম্না মীওইবা খুন্নাইগী তুংলমচৎকী অচৌবা থৌদাং অমা য়াদুনা চৎলিবনি‍। মালেমগী ওইনা লৌউ-শিংউবনা মীওই বিলিয়ন ২.৫কী পুন্সি হিংনবগী লম্বী পীরি‍। মালেমগী খা থংবা শরুক্তা, লৌউ-শিংউনা জি.দি.পি.গী চাদা ৩০ রোম ওইরি, অমদি তৌনরিবা থবকশিংগী চাদা ৬০ হেন্না পুরি‍। অদুগা ঙসি, সেক্তর অসিদা শিংনবা কয়া থেংনরি‍। লাইচৎনা মরম ওইরগা অপনবা পীখিবা সপ্লাই চেন অসিবু জিও-পোলিতিকেলগী উংখৎনবশিংনা হেন্না শোকচিনহল্লি‍। অইং অশাগী খল হোংলকপনা ঈশিং নুংশিৎকী শাথিবা ফীভম হেন্না তোয়না মায়োক্নহল্লি‍। হায়রিবা শিংনবশিং অসি মালেমগী খা থংবা শরুক্তনা অয়াম্বা থেংনরি‍।

মরূপশিং,

ভারতনা অসিগুম্বা মরুওইখ্রবা হীরম অসিদা করি করি তৌরিবগে হায়বগী মতাঙদা ঐ পাউদমজগে‍। ঐখোয়গী খুজিল থৌরাংদি তঙায়ফদবদা হঞ্জিল্লকপা অমদি তুংলমচৎকী মায়কৈদা চঙশিনবা হায়রিবা অনিসিনা তোৎনরগা শেম্বা থৌরাংনি‍। ঐখোয়না মহৌশাগী লৌউ-পথাপ অমদি তেক্নোলোজীনা মথৌ হাপ্পা লৌউ-পথাপ অনিমক য়োকখৎলি‍। ভারত পুম্বদগী লৌমীশিংনা হৌজিক মহৌশাগী লৌউ-পথাপ পায়খৎলি‍। মখোয়না খুৎশেমগী হার অমদি তিলহাৎ হিদাকশিং শীজিন্নদে‍। মখোয়না থম্লিবা মীৎয়েঙদি মালেম ইমা অসিবু হান্নগী ফীভমদা হঞ্জিনহল্লকপা, লৈপাক লৈহাউগী ফীভম ঙাক শেন্দুনা থম্বা, ‘পর দ্রোপ মোর ক্রোপ’ পুথোকপা, অমদি ওর্গানিক হার অমসুং পেস্ত মেনেজমেন্ত সোলুসন্দনি‍। অমরোমদা, ঐখোয়গী লৌমীশিংনা চাথোক হেনগৎহন্নবা তেক্নোলোজীবু ইচঙ থৌনা শীজিন্নরি‍। মখোয়না মখোয়গী লৌফমশিংদা নুংশা মঙালগী মৈ পুথোক্লি অমদি শীজিন্নরি‍। মখোয়না থাগদবা মহৈ মরোং মরম চুম্না খন্ননবা সোইল হেল্থ কার্দ শীজিন্নরি অমদি ন্যুত্রিএন্ত চাইনবা অমদি মৈ মরোং শেন্ননবা দ্রোন শীজিন্নরি‍। অসুম্না পুনশিন্নরগা চঙশিনবসিনা লৌউ-শিংউগী লমদা লৈরিবা তোঙান তোঙানবা ইসুশিংগী ৱাখৈ পুরক্নবগী খ্বায়দগী ফবা পাম্বৈনি হায়না ঐনা থাজৈ‍।

মরূপশিং,

অদোমসু খঙবিরে, ইং ২০২৩ অসি ইন্তরনেস্নেল ইয়র ওফ মিল্লেৎ ওইনা পাঙথোক্লি‍। মসিগী মমি, চনানগী, নৎত্রগা ঐখোয়না ভারত্তা কৌনবা মমিং শ্রী অন্নগী মথেল কয়াগা লোয়ননা হায়দরবাদতা অদোম্না উবা ফংবিগনি‍। হায়রিবা সুপরফুদ অসি চাবদা হকচাঙদা কান্নবতা নত্তনা, মশি থাবদা ঈশিং য়াম্না চঙদবা, হার য়াম্না চঙদবা অমদি তিন তাগন্দবা ওইবনা ঐখোয়গী লৌমীশিংগী শেন্থোক হেনগৎহনবদা মতেং পাংই‍। হোয় চনান হায়বসি অনৌবদি নত্তে‍। মখোয়সি চহি লিশিং কয়াদগী থানদুনা লাক্লবনি‍। অদুবু কৈথেল অমদি লৈবা য়োনবগী থৌওংনা ঐখোয়গী অপাম্বদা ইতিল য়াম্না পীখিবনা ঐখোয়না লমদমসিদা মহৌশাদগী থাদুনা লাক্লবা মহৈ মরোংশিংগী মমল কাউথোক্লুই‍। ঐখোয়না শ্রী অন্ন চনানবু ঐখোয়না পামজবা চীঞ্জাক অমা ওইহল্লসি‍। ঐখোয়না লেপ্লিবা খোঙফমসিগী শরুক য়মা ওইনা, ভারতনা ইন্সতিত্যুৎ ওফ মিল্লেৎ রিছর্চ অমা সেন্তর ওফ এক্সেলেন্স অমা ওইনা – চনানগী মতাঙদা খ্বায়দগী ফবা থৌওং, থিজন হুমজিনবগী মহৈ অমদি তেক্নোলোজীশিং শেয়র তৌননবা শেমগৎলি‍।

মরূপশিং,

ঐনা ময়ামগী মফমদা মতৌ করম্না মালেমগী ফুদ সিক্যুরিতীগী পান্দম ফংবা ঙম্নবা অপুনবা থবক পায়খৎকদগে হায়বসিগী মতাঙদা খন্নবিনবা ৱাফম থমজরি‍। ঐখোয়না শোত্থহৌরবা লৌমীশিংদা মীৎয়েঙ থম্লগা তুং কোইগদবা অমদি পুম্নমক কোনশিনবা চীঞ্জাক্ক সিস্তেম শেমগৎনবা লম্বী থিমিন্নবা তাই‍। অমরোমদা, লৈপাক লৈহাউ ফনা থম্নবা, মহৈ মরোং মশা ফনা থম্নবা অমদি চাথোক লৈহন্নবা লৌউ-শিংউগী থৌওংশিং পায়খৎপা তাই‍। মালেমগী তোঙান তোঙানবা মফমশিংদগী মহৌশাগী ওইবা লৌউ-পথাপশিংনা রিজেনেরেতিব লৌউ-শিংউগী ওইবা অতোপ্পা পাম্বৈ অমা শেমগৎপদা পুক্নিং থৌগৎপা য়াই‍। ঐখোয়গী লৌমীশিংবু ইনোভেসন অমদি দিজিতেল তেক্নোলোজীগী মতেঙনা মপাঙ্গল হাপ্পা মথৌ তাই‍। ঐখোয়না মালেমগী খা থংবা শরুক্তা লৈরিবা শোত্থহৌরবা অপীকপা লৌমীশিংনা লায়না পু-থাংবা ঙমগদবা পাম্বৈশিং পুথোকপা তাই‍। লৌউ-শিংউ অমদী চীঞ্জাক মাঙহনবগী চাং হন্থহন্দুনা ফত্ত-হৌদিদগী লন-থুম শেম্নবগী থৌওংদা শেল অমদি মতম থাদবগী থৌওংশিং অথুবা মতমগী মনুংদা মথৌ তারি‍।

মরূপশিং,

লৌউ-শিংউগী লমদা ভারতকী জি২০গী প্রাইওরিতীশিংদি ঐখোয়গী ‘মালেম অমা’ অসিগী ফীভম ফগৎহনবা, ঐখোয়গী ‘ইমুং অমা’ অসিদা পুকচেল খোইজেল তিন্নবা পুরকপা অমদি তরং তরংবা ‘তুংলমচৎ অমা’ হায়বসিগী থাজবা পীবা অসিনি‍। অদোম্না “দেকান হায় লেবেল প্রিন্সিপল্স ওন ফুদ সিক্যুরিতী এন্দ ন্যুত্রিসন”, অমদি চনান অমসুং অতোপ্পা মহৈ মরোংশিংগী ওইবা “মহারিশি” থৌরাং হায়রিবা অচঙবা পাম্বৈ অনিগী মতাঙদা থবক চঙশিল্লি হায়বা খঙবদা ঐ নুংঙাইবা ফাওই‍। হায়রিবা থৌরাং অনিসিদা শৌগৎপা হায়বসি পুম্নমক কোনশিনবা, তুং কোইগদবা, অমদি খাঙবা কনবা লৌউ-শিংউগী থৌরাংদা শৌগৎপগী ৱারোল অমনি‍। অদোম্না খন্ন-নৈনগদৌরিবা অসিদা ঐনা ময়ামগী মফমদা মায় পাক্নবগী পাউজেল পীজরি‍।

থাগৎচরি‍।

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • दिग्विजय सिंह राना September 20, 2024

    हर हर महादेव
  • Reena chaurasia September 03, 2024

    मोदी
  • Reena chaurasia September 03, 2024

    बीजेपी
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻✌️
  • ज्योती चंद्रकांत मारकडे February 11, 2024

    जय हो
  • Devaraj July 02, 2023

    Bharat Mata Ki Jai Thank you very much to the Honorable Prime Minister for declaring this as the International Year of Small Grains. I am happy to say that I have planted rye in my one acre land.
  • SHIVANAND R. NAVINALE June 25, 2023

    Bharat bhagya Vidhata Modiji
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
What Is

Media Coverage

What Is "No Bag Day" In Schools Under National Education Policy 2020
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to distribute over 51,000 appointment letters under Rozgar Mela
July 11, 2025

Prime Minister Shri Narendra Modi will distribute more than 51,000 appointment letters to newly appointed youth in various Government departments and organisations on 12th July at around 11:00 AM via video conferencing. He will also address the appointees on the occasion.

Rozgar Mela is a step towards fulfilment of Prime Minister’s commitment to accord highest priority to employment generation. The Rozgar Mela will play a significant role in providing meaningful opportunities to the youth for their empowerment and participation in nation building. More than 10 lakh recruitment letters have been issued so far through the Rozgar Melas across the country.

The 16th Rozgar Mela will be held at 47 locations across the country. The recruitments are taking place across Central Government Ministries and Departments. The new recruits, selected from across the country, will be joining the Ministry of Railways, Ministry of Home Affairs, Department of Posts, Ministry of Health & Family Welfare, Department of Financial Services, Ministry of Labour & Employment among other departments and ministries.