নাগরনারদা এন.এম.দি.সি স্তিল লিমিতেৎকী স্তিল প্লান্ত মীয়ামদা কৎথোকখ্রে
জগদালপুর রেলৱে স্তেসন ফগৎহন্নবা উরেপ-উয়ুং তমখ্রে
ছতিসগরদা তোঙান-তোঙানবা রেল অমসুং লম্বীগী প্রোজেকশিং উরেপ-উয়ুং তমখ্রে অমসুং মীয়ামদা খুৎশীন্নখ্রে তারোকি-রাইপুর দেমু ত্রেন সর্বিস লমথাখ্রে
“লৈবাক অসিগী রাজ্য খুদিংমক, জিলা খুদিংমক অমসুং খুঙ্গং খুদিংমক চাউখৎলবা মতমদা চাউখৎলবা ভারত অমগী মঙলান অদু মঙফাওনবা ঙমগনি”
“চাউখৎলবা ভারতকীদমক তুংগী দরকার ওইবশিংগী মতুংইন্না ফিজিকেল, সোসিএল অমসুং দিজিতেল ইনফ্রাস্ত্রকচর শেমগৎকদবনি”
“অচৌবা স্তিল পুথোকপা রাজ্য অমা ওইবগী কান্নবশিং ছতিসগরনা ফংলি”
“বস্তরদা শাবা স্তিলনা ঐখোয়গী লান্মীগী মপাঙ্গল কনখৎহনগনি অমসুং দিফেন্স এক্সপোর্ততা ভারত অচৌবা শরুক য়াগনি”
“অমৃত ভারত স্তেসন য়োজনাগী মখাদা ছতিসগরগী স্তেসন ৩০ হেন্না শেমগৎলি”
“ছতিসগরগী মীয়ামগী পুন্সি হিংবদা লাইহন্নবা সরকারনা পায়খৎপা য়াবা থবকশিং পায়খৎলি”
অচৌবা স্তিল পুথোকপা রাজ্য অমা ওইবগী কান্নবশিং ছতিসগরনা ফংলি। ঙসি নাগরনারদা খ্বাইদগী নৌবা স্তিল প্লান্ত অমা শঙ্গারে।
জগদালপুর অমসুং দান্তেৱারাগী মরক্তা রেল লাইন দবল ওইহনবা অসিনা পোৎ-চৈ পুথোক-পুশিনগী খরচ হন্থহনগনি অমসুং চৎথোক-চৎশিন লাইহনগনি।

জয় জোহার!

ছতিসগরগী রাজ্যপাল বিশ্বভুসন হরিচন্দন, ঐখোয়গী সংসদকী ঐগী মরুপশিং, এম.এল.এশিং, এম.পিশিং, জিলা পরিষদ, তালুকা পরিষদকী মীহুৎশিং, ইবুংঙো অমসুং ইবেম্মাশিং!

লৈবাক অসিগী রাজ্য খুদিংমক, জিলা খুদিংমক অমসুং খুঙ্গং খুদিংমক চাউখৎলবা মতমদা চাউখৎলবা ভারত অমগী মঙলান অদু মঙফাওনবা ঙমগনি। হায়রিবা ৱাশকশিং অসি থবক ওইনা পাংথোক্নবা ঙসি লুপা করোর ২৭,০০০ রোমগী প্রোজেকশিং হৌদোকপনি। চাউখৎ-থৌরাংগী প্রোজেকশিং অসিগীদমক ঐনা ছতিসগরগী মীয়াম থাগৎপা ফোঙদোকচরি।

 

ঐগী ইমুং-মনুংগী মীওইশিং,

চাউখৎলবা ভারতকীদমক তুংগী দরকার ওইবশিংগী মতুংইন্না ফিজিকেল, সোসিএল অমসুং দিজিতেল ইনফ্রাস্ত্রকচর শেমগৎকদবনি। হান্নদগী শরুক তরুক হেনগৎতুনা, চহি অসিদা ইনফ্রাস্ত্রকচরগী লুপা করোর লাখ ১০ কাইথোক্লে।

মরুপশিং,

রেল, লম্বী, এয়রপোর্ত, পৱার প্রোজেকশিং, ত্রান্সপোর্তেসন, লায়রবশিং য়ুম, মহৈলোয়শঙশিং অমসুং হোস্পিতালশিং শাবদা স্তিল য়াম্না মরুওই। স্তিল পুথোকপদা লৈবাক অসি অত্মানির্ভর ওইনবা হৌখিবা চহি ৯দা সরকারনা থবক কয়া পায়খৎলে। অচৌবা স্তিল পুথোকপা রাজ্য অমা ওইবগী কান্নবশিং ছতিসগরনা ফংলি। ঙসি নাগরনারদা খ্বাইদগী নৌবা স্তিল প্লান্ত অমা শঙ্গারে। প্লান্ত অসিদগী পুথোরকপা স্তিলনা লৈবাক অসিগী ওতোমোবাইল, ইঞ্জিনিয়ারিং অমসুং দিফেন্স মেনুফেকচরিং সেক্তরশিংদা অনৌবা থৌনা অমা পীরগনি। বস্তরদা শাবা স্তিলনা ঐখোয়গী লান্মীগী মপাঙ্গল কনখৎহনগনি অমসুং দিফেন্স এক্সপোর্ততা ভারত অচৌবা শরুক য়াগনি। স্তিল প্লান্ত অসিনা বাস্তর অমসুং  মসিগা নক্নবা মফমশিংগী নহারোল ৫০,০০০ রোম থবক ফংনবগী খুদোংচাবা পীরগনি। বস্তরগুম্বা এস্পিরেসনেল জিলাশিং চাউখৎনবা কেন্দ্র সরকারনা পায়খৎলিবা থবকশিংদা অনৌবা স্তিল প্লান্ত অসিনা অনৌবা ইনোৎ পীরগনি। মসিগীদমক ঐনা ছতিসগরগী বস্তরগী নহারোলশিং থাগৎপা ফোঙদোকচরি।

 

মরুপশিং,

হৌখিবা চহি ৯দা কেন্দ্র সরকারনা লম্বী-থোং শেমগৎনবা অখন্নবা মীৎয়েং চঙদুনা লাক্লি। ছতিসগরদা ইকোনোমিক কোরিদোর অমসুং অনৌবা হায়ৱেশিং লৈরে। ২০১৪গা চাংদম্নবদা ছতিসগরগী রেলৱে বজেৎ অসি শরুক ২০ হেনগৎলে। নিংতম্বা ফংলবা চহি কয়াগী মতুংদা তারোকিনা অনৌবা রেলৱে লাইন অমা খুদোল ফংলে। অনৌবা দেমু ত্রেন অমনা তারোকি শম্নদুনা লৈবাক অসিগী রেলৱে মেপ্তা য়াওরে। মসিনা ত্রাইবেলশিং চৎথোক-চৎশিন অমসুং লৌউ-শিংউ অমসুং উমংগী পোৎথোকশিং পুথোক-পুশিন তৌবদা লাইহল্লগনি। মসিনা কোনুং ওইরিবা রাইপুর ফাওবা চৎপদা লাইহল্লগনি। জগদালপুর অমসুং দান্তেৱারাগী মরক্তা রেল লাইন দবল ওইহনবা অসিনা পোৎ-চৈ পুথোক-পুশিনগী খরচ হন্থহনগনি অমসুং চৎথোক-চৎশিন লাইহনগনি। হায়রিবা রেলৱে প্রোজেকশিং অসিনা সেক্তর অসিদা মশিং য়াম্লবা অনৌবা থবকশিং ফংহল্লগনি।

মরুপশিং,

ছতিসগরগী রেলৱে ত্রেকশিং চাদা ১০০ ইলেক্ত্রিক ফংহনবদা ঐ হরাওই। মসিনা ত্রেনগী খোঙজেল হেনগৎহনবা ঙমগনি অমসুং ছতিসগরগী নুংশিং শেংনবা থম্বদা মতেং পাংগনি। ছতিসগরদা রেল নেতৱার্ক মৈ ফংহনবা লোইরবা মতুংদা, রাজ্য অসিদা বন্দে ভারত ত্রেনশু চেনবা হৌরে।

 

মরুপশিং,

লাক্লিবা চহি খর অসিদা ছতিসগরগী রেলৱে স্তেসনশিং সরকারনা অমুক হন্না শেমগৎলগনি। অমৃত ভারত স্তেসন য়োজনাগী মখাদা ছতিসগরগী স্তেসন ৩০ হেন্না শেমগৎনবা মশক খঙদোক্লে। মসিগী মনুংদা স্তেসন ৭ অমুক হন্না শেমগৎনবা উরেপ-উয়ুং তমখ্রে। থবক অসিদা বিলাসপুর, রাইপুর, দুর্গ স্তেসন অমসুং ঙসিগী জগদালপুর স্তেসন য়াওরে। তুংদা জগদালপুর স্তেসন অসি সহরগী মরুওইবা মফম অমা ওইরগনি অমসুং পেসেঞ্জরশিংগী খুদোংচাবাশিং শেমগৎলগনি। হৌখিবা চহি ৯দা রাজ্য অসিগী স্তেসন ১২০দা লেম্না ৱাই-ফাইগী খুদোংচাবা ফংহল্লে।

 

মরুপশিং,

ছতিসগরগী মীয়ামগী পুন্সি হিংবদা লাইহন্নবা সরকারনা পায়খৎপা য়াবা থবকশিং পায়খৎলি। ঙসিগী প্রোজেকশিং অসিনা মখা তানা চাউখৎপগী খোঙজেল য়াংখৎহনগনি, অনৌবা থবক কয়া পীগনি অমসুং রাজ্য অসিদা অনৌবা উদোগশিং লিংখৎনবা পুক্নিং থৌগৎকনি। ছতিসগরগী চাউখৎপগী খোঙচত্তা সরকারনা মখা তানা মতেং পাংগনি হায়না ঐনা থাজবা পীরি। লৈবাক অসিগী মরাইবক হোঙহনবদা রাজ্য অসিনা মরুওইবা থৌদাং লৌগনি। ঙসিগী প্রোজেকশিং অসিগীদমক ঐনা ছতিসগরগী মীয়ামদা নুংঙাইবা ফোঙদোকচরি।

মসিগী অপীকপা থৌরম অসি সরকারগী থৌরম অমনি, মরম অদুনা ঐনা অদোমগী মতম য়াম্না লৌররোই। মিনিত ১০গী মনুংদা, অতোপ্পা মীয়ামগী থৌরম অমদা ঐনা ছতিসগরগী মীয়ামগী হিরম কয়াদা ৱা ঙাংগনি। মফম অদুদা ঐনা ছতিসগরগী মীয়ামগা লোয়ননা চাউখৎ-থৌরাংগী ৱাফম কয়া ফোঙদোক্কনি। থৌরম অসিদা রাজ্যপাল শরুক য়ারি। রাজ্য অসিগী মহুৎশীন্দুনা থৌরম অসিদা শরুক য়াবনি। ছতিসগরগী চাউখৎ-থৌরাংগীদমক রাজ্যপালনা থৱায় য়াওনা হোৎনরি। মীয়াম পুম্নমক অমুক হন্না থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How Kibithoo, India’s first village, shows a shift in geostrategic perception of border space

Media Coverage

How Kibithoo, India’s first village, shows a shift in geostrategic perception of border space
NM on the go

Nm on the go

Always be the first to hear from the PM. Get the App Now!
...
PM announces ex-gratia for the victims of Kasganj accident
February 24, 2024

The Prime Minister, Shri Narendra Modi has announced ex-gratia for the victims of Kasganj accident. An ex-gratia of Rs. 2 lakh from PMNRF would be given to the next of kin of each deceased and the injured would be given Rs. 50,000.

The Prime Minister Office posted on X :

"An ex-gratia of Rs. 2 lakh from PMNRF would be given to the next of kin of each deceased in the mishap in Kasganj. The injured would be given Rs. 50,000"