নমোস্কার, অপ্নলোক ভালেয়া কুফালে আইসে ?
অসামগী চীফ মিনিস্তর হিমান্তা বিশ্বা শর্মা জি, মন্ত্রীমন্দলগী ঐগী মরুপ সর্বনন্দা জি সোনোৱাল জি, রামেশ্বর তেলি জি, অসাম সরকারগী মিনিস্তরশিং, মীয়ামগী মীহুৎশিং, অতোপ্পা শক্নাইরবশিং, অসামগী ঐগী ইনাওশিং অমসুং ইচলশিং।
ঐখোয়দা বর পীনবা অদোম মশিং য়াম্না লাক্লে। ঐগী অদোমগী মফমদা কোক নোন্দুনা তৌবীমল খঙবা উৎচরি। থৌরম অসি রাজ্য অসিগী তোঙান-তোঙানবা মফম ২০০দা মীওই লাখ ২ রোম ভিদিও কনফরেন্সকী খুৎথাংদা শরুক য়ারিবা হায়বা চীফ মিনিস্তরনা হায়বদগী খঙলে। ঐনা মখোয় তরাম্না ওকচরি অমসুং মসিগী তৌবীমল খঙবা উৎচরি। কোলাঘাতকী মীয়াম্না থাউমৈ লিশিং কয়া থান্দুনা তরাম্না ওকখিবা অমসুং মীয়াম্না মহাক নুংশিবা অসি মহাক্কী খ্বাইদগী মমল য়াম্লবা লন্নি। ঙসি ঐনা হকশেল, হাওশিং অমসুং পেত্রোলিয়ম সেক্তরশিংদা ঙসি লুপা করোর ১৭,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে অমসুং অসামগী চাউখৎপদা ইনোৎ পীরে। হায়রিবা চাউখৎ-থৌরাংগী প্রোজেকশিং অসিগীদমক ঐনা অসামগী মীয়ামদা হরাওবা ফোঙদোকচরি।
মরুপশিং,
ঙসি ঐ কাজিরঙ্গা নেসনেল পার্ক অমসুং মসিগী মহৌশাগী ফজবশিং য়াম্না নক্না য়েংবগী খুদোংচাবা অমা ফংলে। মসি তোপ-তোপ্পা নেসনেল পার্ক অমসুং তাইগর রিজার্ব অমনি অমসুং মসিগী পার্ক অসি য়ুনেস্কো ৱার্ল্দ হেরিতেচ সাইতকী মনুং চল্লে। কাজিরঙ্গা অসি উচেক য়েংবা পামজবশিংগী লাইরৈবাক অমনি। মচি অমা খক পানবা শামুগন্দাশিংগী চাদা ৭০ কাজিরঙ্গাদা ফংলি। পার্ক অসিদা শ্বাম্প দিয়ার,কৈ, শামু অমসুং ইরোইগুম্বা লম্লক্কী শাশিং উরকখি। মীরাইবদগী অমসুং মীফত্তশিংনা শা তানবদগী শামুগন্দাশিং খুদোংথিনিঙাই ওইরকপনি অমসুং ২০১৩ দা রাইনো ২৭ হাৎখিবগী থৌদোক লৈখ্রে। সরকারনা হোৎনবদগী ২০২২দা রাইনো অমদা শাদানবশিংনা হাৎখিদে। কাজিরঙ্গাগী সনা ফুদোংবা থৌরমদা অসামগী মীয়ামদা হরাওবা ফোঙদোকচরি। মীওই খুদিংমক নেসনেল পার্ক অসি য়েংবীয়ু। ঐনা কাজিরঙ্গাগী পুখিবা নিংশিংবশিং অসি ঐগী পুন্সি চুপ্পা লৈহৌরগনি।
মরুপশিং,
ঙসি ঐ বীর লাচিত বোরফুকানগী মীতম অমা মাইখুম হাংদোক্নবা খুদোংচাবা অমা ফংলে। বীর লাচিত ফুকান অসামগী থৌনা অমসুং অচেৎপা ফিরেপকী খুদমনি। ঐখোয়না নিউ দিল্লিদা ২০০২দা নিউ দিল্লিদা মহাক্কী ৪০০শুবা মপোক কুমওন থৌরম পাংথোকখি। ঐনা অমুক হন্না অথৌবা লান্মী অসিগী মফমদা কোক নোঞ্জরি।
মরুপশিং,
হেরিতেচ অমসুং চাউখৎপা হায়বসি ঐখোয়গী দবল ইঞ্জিন সরকারগী লাইৱানি। হেরিতেচ ঙাক-শেনবগা লোয়ননা দবল ইঞ্জিন সরকারনা রাজ্য অসি চাউখৎনবা য়াংনা থবক পায়খৎলি। বিকাস ভি ঔর বিরাসাত ভি অসি ঐখোয়গী দবল ইঞ্জিন সরকারগী লাইৱানি। ইনফ্রাস্ত্রকচর, হকশেল অমসুং ইনর্জি সেক্তরশিংদা অসাম য়াংনা চাউখৎলে। এ.আই.আই.এম.এস, তিনসুকিয়া মেদিকেল কলেজ, সিব সাগর মেদিকেল কলেজ অমসুং জোরহাত্তা কেন্সর হোস্পিতালনা অসাম অসি অৱাং-নোংপোক শীনবা থুংবগী মেদিকেলগী মফম অমা ওইহল্লগনি।
মরুপশিং,
ঙসি পি.এম উর্জা গঙ্গা য়োজনাগী মখাদা বরাউনি-গুৱাহাতি পাইপলাইন লৈবাক মীয়ামদা কৎথোক্লে। পাইপলাইন অসিনা নোর্থইস্তর্ন গ্রিদকা নেসনেল গ্রিদকা শম্নহনগনি অমসুং য়ুম লাখ ৩০ অমসুং সি.এন.জি স্তেসন ৬০০ হেনবদা গ্যাস পীগনি অমসুং বিহার, নোংচুপ বেঙ্গল অমসুং অসামগী জিলা ৩০ হেনবগী মীওইশিংদা কান্নবা পীগনি।
মরুপশিং,
ঙসি দিগবোই রিফাইনরি অমসুং গুৱাহাতি রিফাইনরি কেপাসিতি হেনগৎহনবগী প্রোজেক শঙ্গারে। অসামগী রিফাইনরশিংগী কেপাসিতি হেনগৎহন্নবা মীয়াম্না মতম কয়াগী মমাঙদগী তকশিন্দুনা লাকখিবা অদু মমাঙগী সরকারশিংনা মীরাইখি। হৌজিক পাল্লিবা সরকার অসিনা হোৎনবদগী অসামদা রিফাইনরিশিং অপুনবা কেপাসিতি শরুক অনি হেনগৎলে অমসুং নুমালিগর রিফাইনরিগী কেপাসিতি শরুক অহুম হেনগৎলে। চাউখৎহন্নবগী অকনবা ৱাখল লৈরবা মতমদা মফম অমগী চাউখৎ-থৌরাং য়াংনা পায়খৎলি।
মরুপশিং,
ঙসি অসামগী ইমুং লাখ ৫.৫ মখোয়গী পাক্কাগী য়ুমশিং ফংনবা মঙলান অদু মঙফাওনরে। রাজ্য অসিগী ইমুং লাখ ৫.৫ মখোয়না পামজবা অমসুং মখোয় মশাগী য়ুমদা হোঙজিনখিবা অদু অদোমগী সেবা তৌবা ঙম্বগী ঐগী পুন্সিদা খ্বাইদগী লাইবক ফবনি।
ইনাওশিং অমসুং ইচলশিং,
কংগ্রেস সরকারগী মতমদা, মীয়াম্না য়ুম অমা খক ফংনবা মতম কয়া ৱাংনা ঙাইনখি। হৌজিক ঐখোয়গী সরকারনা নোংমা খক্তদা অসামা য়ুম লাখ ৫.৫ ফংহল্লে। হায়রিবা য়ুমশিং অসি শুপ্নগী ফক্লাং মরিনা খাজিনবা য়ুমশিং নত্তে, য়ুমশিং অসিদা তোইলেতশিং, গ্যাস কন্নেক্সন, মৈ অমসুং তোতি ঈশিং য়াওরে। হৌজিক ফাওবদা ইমুং লাখ ১৮দা অসিগুম্বা য়ুমশিং ফংহনখ্রে। পি.এম অৱাস য়োজনাগী মখাদা শাখিবা য়ুমশিং অসিগী অয়াম্বা শরুক নুপীশিংদা মিংদা লৈবদা অপেনবা ফাওই। হৌজিক ঐগী ইমাশিং অমসুং ইচলশিং য়ুমশিংগী য়ুম্বুরেম্বী ওইরে। হায়বদি মখোয় মশাগী য়ুমশিং নুপী লাখ কয়াগী মমিংদা পাল্লে।
মরুপশিং,
অসামগী নুপী খুদিংমক্কী পুন্সি হিংবদা লাইহন্নবা অমসুং শেন হেন্না তুংশিন্নবা ঐখোয়গী সরকারনা থবক কয়া পায়খৎলে। ঙরাং মালেমগী নুপীশিংগী নুমিত্তা গ্যাস সিলিন্দর অমদা লুপা ১০০ মমল তানবা ৱারেপ লৌখ্রে। অয়ুস্মান কার্দশিংনা নুপীশিংদা কান্নবা পীরে। জল জিবন মিসনগী মখাদা অসামদা ইমুং লাখ ৫০ তোতি ঈশিং ফংলে। অমৃত সরোভার কেম্পেনগী মখাদা ঐনা কোফি তেবল বুক অমা ফোঙবগী খুদোংচাবা ফংলে। অমৃত সরোভার অভিয়ানগী মখাদা রাজ্য অসি অমৃত সরোভর লিশিং অহুম শেমগৎলে। লৈবাক অসিদা নুপী করোর ৩ লাখপতি দিদি ওইহন্নবা থবক পায়খৎলে। অসামগী নুপী লাখ কয়া কেম্পেন অসিগী কান্নবা ফংলে। অসামগী লাখপতি দিদিশিং ঙসিগী থৌরম অসিদা শরুক য়ারি হায়বা চীফ মিনিস্তরনা হায়বদগী খঙলে। লাখপতি দিদিশিং অসি থাগৎপা ফোঙদোকচরি। করিগুম্বা থৌশিলশিং চুম্লবদি অমসুং মীচম মীয়াম শরুক য়ারবদি, অচৌবা অহোংবা লাকপা অদু অদোম উগনি, লৈবাক শীনবা থুংবগী খুঙ্গংশিংদা লাখপতি দিদিশিং শেমগৎপা হায়বসি মোদীগী গরেন্তিনি।
মরুপশিং,
২০১৪গী মতুংদা অসামদা পুৱারি ওইনা অওনবশিং লাকখ্রে। অসামদা লম লৈজদবা য়েলহৌমী লাখ ২.৫ হেনবদা লম ফংহনখ্রে অমসুং চা থাফমশিংগী শিন্মী লাখ ৮ রোম বেঙ্কগা শম্নহন্দুনা মখোয়গী বেঙ্ক একাউন্তশিংদা সরকারগী কান্নবশিং ফংহনখ্রে। মিদলমেনশিংগী মফম অমতা পীদ্রে। অহানবা ওইনা, সরকারনা মখোয়গী খোল্লাউ তাবীরে হায়বা লায়রবনা খল্লে অমসুং তারিবা অদু বি.জে.পি সরকারনি।
মরুপশিং,
বিকসিত ভারত অমগীদমক অৱাং-নোংপোক চাউখৎপা হায়বসি য়াম্না মরুওই। অৱাং-নোংপোক শীনবা থুংনা মহাক্কী ইমুং-মনুংনি হায়না মোদীনা খল্লি। মরম অদুনা ঐখোয়না চহি কয়া পন্দুনা লৈরক্লবা প্রোজেকশিংদা মীৎয়েং চঙলিবনি। সারাঘাই থোং, ধোলা-সাদিয়া থোং, বোগীবিল থোং শারে, ভারাক ভেল্লি ফাওবা রেলৱে ব্রোদ গেজ য়ৌরে, জোগিপারাদা মল্তি-মোদাল লোজিস্তিক্স পার্ক শাগৎলে, ব্রাহ্মাপুত্রা তুরেল মথক্তা অনৌবা থোং অনি শারে অমসুং অৱাং-নোংপোক্তা ঈশিংগী লম্বী ১৮ লৈরে। হায়রিবা প্রোজেকশিং অসিনা লমদম অসিদা অনৌবা খুদোংচাবা কয়া পীরে। হন্দক পাংথোকখিবা মন্ত্রীমন্দলগী মীফমদা অনৌবা মওং অমদা উন্নাতি স্কিম পাকথোক-চাউথোকপা অয়াবা পীখ্রে। মন্ত্রীমন্দলনা লিমোনগী এম.এস.পি হেনগৎহনবদগী রাজ্য অসিগী লিমোন থাবা লৌমীশিংশু কান্নবা ফংলগনি।
মরুপশিং,
ঐগী থবকশিং অসিগী মরক্তা ওপোজিসন্না করি তৌরি? লৈবাক অসি লান্না লমজিংলিবশিংনা করি তৌরি ? হৌজিক, কংগ্রেস অমসুং মসিগী মরুপশিংনা মোদী চৈরি, মোদীগী ইমুং-মনুং অমা লৈতে হায়না চৈরি। মসিগী চৈবা অসিগী পাউখুম পীনবা লৈবাক পুম্বা লেপখৎলক্লে। লৈবাক শীনবা থুংবনা হায়রি- ঐ মোদীগী ইমুং-মনুংগী মীওইনি, ঐ মোদীগী ইমুং-মনুংগী মীওইনি, ঐ মোদীগী ইমুং-মনুংগী মীওইনি, ঐ মোদীগী ইমুং-মনুংগী মীওইনি। মসিগী নুংশিবা অসি বরনি। ভারতমচা করোর ১৪০ অসি মহাক্কী ইমুং-মনুংনি হায়না খনবদগী মীয়াম্না মোদী নুংশিবনি অমসুং মহাক্না অহিং-নুংথিল অনিমক মীয়ামগী থবক তৌরি। ঙসিগী থৌরম অসিদা মদুগী থাজবা অদু উরে। ঙসিগী চাউখৎ-থৌরাংগী প্রোজেকশিংগীদমক অদোম অমুক হন্না নুংঙাইবা ফোঙদোকচরি। অদোমগী খুৎশিং থাংগৎলগা ঐগা লোয়ননা হায়মিন্নসি-
ভারত মাতা কি জয় !
খোঞ্জেল অসি ঙসি অৱাং-নোংপোক শীনবা থুংনা য়ৌহনগদবনি।
ভারত মাতা কি জয় !
ভারত মাতা কি জয়
লাখপতি দিদিগী খোঞ্জেল হৌহনগদবনি।
ভারত মাতা কি জয় !
ভারত মাতা কি জয় !
ভারত মাতা কি জয় !
অদোম থাগৎচরি।
