ভারত মাতা কি জয় !
ভারত মাতা কি জয় !
ফম্বাক্তা লেংশিল্লিবা উত্তর প্রদেসগী চীফ মিনিস্তর শ্রী য়োগী অদিত্যানাথ জি, দিপুতি চীফ মিনিস্তর শ্রী কেসব প্রসাদ মৌর্যা জি, ভারতীয় জনাতা পার্তিগী স্তেৎ প্রসিদেন্ত অমসুং লেজিসলেতিপ কাউন্সিলগী মেম্বর শ্রী ভুপেন্দ্র চৌধুরি জি, উত্তর প্রদেসকী ইকায়খুম্নরবা মিনিস্তরশিং, এম.পিশিং, অতোপ্পা শক্নাইরবশিং অমসুং অজামগরগী ঐগী নুংশিরবা ইনাওশিং অমসুং ইচলশিং ।
ঙসি, অজামগরগী থৱান্মিচাক য়াম্না ঙাল্লে। করিগুম্বা দিল্লিদা থৌরম অমা পাংথোকপা মতমদা অতোপ্পা রাজ্যশিংনা শরুক য়াবা মতম অমা লৈরম্মী। ঙসি অজামগরদা থৌরম অমা পাংথোক্লি অমসুং লৈবাক অসিগী তোঙান-তোঙানবা মফমশিংগী মীওই লিশিং কয়া ঐখোয়গী থৌরম শরুক য়ারে। ঐখোয়গা থৌরম শরুক য়ারিবা মীওই লিশিং কয়া ঐনা তরাম্না ওকচরি অমসুং য়াইফ-পাউজেল পীজরি।
থৌরমশিং দিল্লিদা পাংথোকপগী মহুত্তা অজামগরগুম্বা মফমশিংদা পাংথোক্লে। চাউখৎত্রিবা লমশিংগী মরক্তা য়াওরম্বা অজামগর, ঙসিদি চাউখৎপগী অনৌবা পন্দুব অমা ইরে। ঙসি অজামগরদা লুপা করোর ৩৪,০০০ রোমগী প্রোজেক খর শঙ্গারে, খরগীনা উরেপ-উয়ুং তম্লে। লুপা করোর ৯৮০০ হেনবগী লৈবাক শীনবদা থুংবগী এয়রপোর্ত ১৫গী অনৌবা তর্মিনেল বিল্দিংশিং শঙ্গাখ্রে অমসুং উরেপ-উয়ুং তমখ্রে। পুনে, কোলহাপুর, গ্বালিয়র, জবলপুর, দিল্লি, লাখনৌ, অলিগর, অজামগর, চিত্রাকুত, মোরাদবাদ, শ্রাবাস্তি অমসুং এদামপুর এয়রপোর্তশিংগী অনৌবা তর্মিনেল বিল্দিং ১২ শঙ্গারে। কাদাপা, হুববাল্লী অমসুং বেলাগাবি এয়রপোর্তশিংগী অনৌবা তর্মিনেল বিল্দিং অহুমশু উরেপ-উয়ুং তম্লে। এয়রপোর্তশিং য়াংনা লোইশিনবগী খুদম ওইনা শুপ্নগী থা ১৬ তা গ্বালিয়র তর্মিনেল লোইশিনখ্রে। মসিগী থবক অসিনা মথক্তা চৎথোক-চৎশিন তৌবা হেন্না লাইহল্লগনি অমসুং লৈবাক অসিগী মীচম মীয়াম লাইনা মথক্তা চৎপা ঙমহল্লগনি।
মরুপশিং,
লাউথোকখিবা প্রোজেকশিং সরকারনা মতম চানা লোইশিনবা অসিনা হায়রিবা প্রোজেকশিং অসি মীখলগী য়েংলবা পায়খৎপনি হায়না মরাল শীরে। মোদী অসি তোঙানবা পোৎশক অমনা শাবনি হায়না মীয়াম্না উরে। বিকসিত ভারত অমা শেমগৎনবা ঐ চোকথবা লৈতনা থবক তৌরি। ঙসি এয়রপোর্ত, হায়ৱে, রেলৱে ইনফ্রাস্ত্রকচর, ইজুকেসন, ঈশিং অমসুং মহৌশাগী অকোয়বগী ফিবমগা মরী লৈনবা প্রোজেকশিং অনৌবা ইনোৎ অমা ফংলে। অজামগর অসি ‘অনজনম’ ‘বিকাস কা গরহ’(চাউখৎপগী মফম অমা) ওইরগনি। এয়রপোর্ত, হোস্পিতাল অমসুং মেদিকেল কলেজ লৈদুনা,অজামগর মখা তানা য়ুম্নোন্নরিবা অচৌবা সহরশিংগী মখা পোল্লরোই।
মরুপশিং,
হৌখিবা চহি ১০দা মমাঙদা লৈরম্বা পেনহলবা অমসুং শাগৈগী রাজনিগী মহুত্তা লমদম অসিদা চাউখৎপগী রাজনিতি উবা ফংলে। মসিগী ফিবম অসি চীফ মিনিস্তর শ্রী য়োগী অদিত্যনাথকী লুচিংবা মখাদা অনৌবা খোঙজেল অমা লাকখিবনি। উত্তর প্রদেসকী চাউখৎতবা মফমশিংনি হায়না মীরাইরম্বা অলিগর, মোরাদবাদ, অজামগর, শ্রাবাস্তিগুম্বা সহরশিং য়াংনা চাউখৎলকপদগী এয়র কন্নেক্তিবিতি লৈরে। ঐখোয়গী সরকারনা মীয়ামগী য়াইফ-থৌরাংগী স্কিমশিং মেত্রো সহরশিংগী ৱাংমদগী অপীকপা সহরশিং অমসুং খুঙ্গংশিংদা য়ৌহল্লে… মসিগা চপ মান্ননা, অনৌবা ইনফ্রাস্ত্রকচরগী থবকশিং ঐখোয়না অপীকপা তাউনশিংদশু য়ৌহল্লে। অপীকপা সহরশিংশু অচৌবা মেত্রোশিংগুম্বা এয়রপোর্তশিং অমসুং অফবা হায়ৱেশিং শেমগৎনবা চপ মান্নবা হকশিং লৈ। ঐখোয়না তয়র ২ অমসুং তয়র ৩ সহরশিং মপাঙ্গল কনখৎহন্দুনা মখা তানা সহর শেমগৎপগী থবকশিং চৎথরি।
মরুপশিং,
লমদম অমা চাউখৎহনবদা লম্বী-থোং অমসুং ইনফ্রাস্ত্রকচর য়াম্না মরুওই। সিতাপুর, সাহজাহানপুর, গাজিপুর অমসুং প্রায়াগ্রাজগুম্বা জিলাশিং শম্নবা তোঙান-তোঙানবা রেলৱে প্রোজেকশিং শঙ্গারে অমসুং উরেপ-উয়ুং তম্লে। অজামগর, মাউ অমসুং বালিয়া রেলৱে প্রোজেক কয়া খুদোল ওইনা ফংলে। প্রধান মন্ত্রী গ্রাম সরক য়োজনাগী মখাদা খুঙ্গংগী ইনফ্রাস্ত্রকচর শেমগৎনবা সরকারনা থবক পায়খৎলে। নোংপোক থংবা উত্তর প্রদেসকী লৌমীশিং অমসুং নহারোলশিংগী লম্বী-থোং ফগৎহন্নবা প্রধান মন্ত্রী গ্রাম সরক য়োজনাগী মখাদা কিমি ৫০০০ হেনবগী লম্বীশিং শঙ্গারে।
মরুপশিং,
লৌমীশিংগী পোৎথোকশিং চুনবা মমল ফংনবা সরকারনা থবক পায়খৎলে। চু য়াওনা তোঙান-তোঙানবা মহৈ-মরোংশিংগী এম.এস.পি হেনগৎলে। ঙসি, চু থাবা লৌমীশিংগী এম.এস.পি চাদা ৮ হেনগৎতুনা, কুইন্তল অমদা লুপা ৩৪০ য়ৌরে। লমদম অসিগী চু থাবা লৌমীশিংনা পুৱারিগী ওইবা খুদোংচাদবা কয়া মায়োক্নদুনা লাক্লিবা অসি কোকহন্নবা সরকারনা থবক কয়া পায়খৎলে। চু থাবা লৌমীশিংগী লুপা করোর লিশিং কয়াগী শেনফম পীথোক্তনা লৈরকপা অদু ঐখোয়গী সরকারনা মখোয়দা মতম চানা পীথোক্লে। বাইওগ্যাস অমসুং ইথানোলগী লমদা অওনবা কয়া পুরক্লে। পি.এম কিষান সম্মান নিধিগী মখাদা, অজামগরগী লৌমী লাখ ৮ রোম লুপা করোর ২,০০০ ফংলে।
মরুপশিং,
য়াংনা চাউখৎপা ঙম্নবা পুকচেল শেংবা লৈঙাক লৈবা দরকার ওই। মমাঙদা অমুক্তা ওইখিদ্রিবা চাউখৎপা পুরক্নবা পুকচেল শেংবা লৈঙাক তঙাইফদে। শেঞ্জা-থুমজা মুৎথৎনবা অমসুং অরোন-অথুপ লৈতবা লৈঙাক লৈহন্নবা ঐখোয়গী সরকারনা থবক পায়খৎলে। নোংপোক থংবা উত্তর প্রদেসতা সরকারনা পায়খৎলিবা থবকশিংনা অওনবা পুরকপা ঙম্লগনি। মহারাজ সুহেলদেব রাজকিয়া বিশ্বাবিদ্যলয় লিংখৎপা অমসুং অতোপ্পা থবকশিংনা নহারোলশিংদা শক্তি পীরগনি অমসুং লমদম অসিগী লাইরিক-লাইশু তম্বগী লমদা অওনবা পুরক্লগনি।
মরুপশিং,
উত্তর প্রদেসনা লৈবাক অসিগী রাজনিতি অমসুং চাউখৎপগী মাইওন লেপ্লি। রাজ্য অসি চাউখৎপগা লৈবাক অসি চাউখৎপগী লম্বীগা মান্নরি। দবল ইঞ্জিন সরকার লাকপদগী, য়ু.পিগী শক্তম অমসুং মরাইবক অনিমক হোংলে। ঙসি উত্তর প্রদেস কেন্দ্রগী স্কিমশিং পায়খৎপদা থবক খ্বাইদগী ফজবা রাজ্যশিংগী মরক্তা য়াওরে। হৌখিবা চহি খর অসিদা য়ু.পিদা শিংথাবা য়ানা শেন থাদরে অমসুং নহারোলশিংদা খুদোংচাবা কয়া পীগদবা ইনফ্রাস্ত্রকচরশিং শেমগৎলে অমসুং মশিং য়াম্লবা খুদোংচাবশিং শেমগৎলে। রেকোর্দ ওইনা শেন থাদরকপা, গ্রাউন্দ-ব্রিক্কিং থৌরমশিং পাংথোকপ অমসুং এক্সপ্রেসৱে নেতৱার্কশিং অমসুং হায়ৱেশিং পাকথোক-চাউথোকপদগী য়ু.পিগী মিংচৎ হেনগৎলে। লো অমসুং ওর্দরগী ফিবম ফগৎহন্নবা রাজ্য সরকারনা মীৎয়েং চঙলিবা অসিগী থাগৎপা ফোঙদোকচরি। অযোধ্যা ধামদা পুৱারি ওইনা রাম মন্দির শঙ্গারে।
ঙসিগী চাউখৎ-থৌরাংগী থবকশিংগীদমক ঐনা লমদম অসিগী মীয়াম হরাওবা ফোঙদোকচরি। অদোমগী মোবাই ফোনশিং লৌথোকপীয়ু অমসুং ফ্লাসলাইত থাবীয়ু। চাউখৎপগী কুহ্মৈ অসি ঐখোয় হরাওবা ফোঙদোক্লসি। বিকসিত ভারত অমগী ৱাশক অসি বিকসিত অজামগরগী ৱাশক্নি। ঐগা লোয়ননা হায়মিন্নসি-
ভারত মাতা কি জয় !
ভারত মাতা কি জয় !
ভারত মাতা কি জয় !
অদোম থাগৎচরি!
