ভারতকী মেরিতাইম ব্লু ইকোনোমিগী ব্লুপ্রিন্ত অমা-‘অমৃত কাল ভিজন ২০৪৭’ হৌদোকখ্রে
লুপা করোর ২৩,০০০ হেনবগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
গুজরাতকী দিনদয়াল পোর্ত ওথোরিতিদা তুনা তেক্রা দিপ দ্রাফ তর্মিনেলগী উরেপ-উয়ুং তমখ্রে
মেরিতাইম সেক্তরদা মালেম অমসুং জাতিগী পার্তনরশিপকীদমক এম.ও.য়ু ৩০০ হেন্না কৎথোকখ্রে
“মালেমগী হোঙলক্লিবা ফিবম অসিদা, অনৌবা থাজবশিংগা লোয়ননা মালেম্না ভারত্তা য়েংলক্লি”
“নুংঙাই-য়াইফনবা হিথাংফমশিং অমসুং চাউখৎনবা হিথাংফমশিং হায়বা সরকারগী পান্দম্না মখোঙদগী হৌনা অওনবা কয়া পুরক্লে”
“ঐখোয়গী লাইৱাদি ‘মেক ইন ইন্দিয়া-মেক ফোর ৱার্ল্দ’ হায়নি”
“মশা-মউ ফবা মালেম অমা ওইহন্নবা ব্লু ইকোনোমিনা পাম্বৈ ওইগদবা তুংলমচৎ অমদা ঐখোয় চঙশিল্লি”
“লৈবাক অসিগী অফবা ইনফ্রাস্ত্রকচরশিংগী খুৎথাংদা মালেমগী ক্রুইজ হব অমা ওইনবা মায়কৈদা ভারত চঙশিল্লি”
“চাউখৎপা, মীওইশিং, গনতন্ত্র অমসুং দরকার ওইবা পুনশিনবা অসি শেন থাদরিবশিংগী খুদোংচাবা অমনি”

নমস্কার! মালেম শিনবা থুংবগী মফমশিংদগী লাক্লিবা মীথুংলেন, ঐহাক্কী কেবিনেতকী মরুপ, মহারাস্ত্র, গোৱাগী মুখ্য মন্ত্রী, উপ মুখ্য মন্ত্রী, শক্নাইরবা অতোপ্পা মীওই অমসুং ইবেম্মা অমদি ইবুংঙোশিং!

গ্লোবেল মেরিতাইম ইন্দিয়া সম্মিতকী অহুমশুবা মীফম অসিদা ঐহাক্না পুম্নমকপু তরাম্না ওকচরি। মসিগী মমাংদা ঐখোয়না ইং 2021দা উন্নখি, মতমদুদি মালেম পুম্ববু কোরোনানা ৱাহনবা মতম্নি। কোরোনাগী মতুংগী মালেম অসি মতৌ করম্বা ওইগনি হায়বা মতমদুদা কনা অমত্তনা খঙনবা নত্তে। অদুবু ঙসিদি, মালেমসিদা ঙসিদি অনৌবা ৱর্ল্দ ওর্দর অমা য়াকাইরক্লি, মসিগুম্বা অহোংবা নাইরক্লিবা অনৌবা ৱর্ল্দ ওর্দর অসিদা মালেম্না ভারত্তা থাজবা মিৎয়েংদা য়েংনরি। শেল-থুমগী শিংনবা কয়ানা কোইরবা মালেমসিদা ভারতকী শেন্মিৎলোন্না লেপ্তনা মপাঙ্গল কনখৎলক্লি। ভারতনা মালেমগী মকোক থোংবা শেন্মিৎলোন অহুমগী মনুংদা চনগদবা নুমিৎ অদু কুইদ্রবনি। মালেমগী খ্বাইদগী চাউবা লল্লোন ইতিক অসি সমুদ্রগী লম্বীদা পাংথোকই হায়বা ঐখোয় পুম্নমক্না খঙনরবনি। কোরোনাগী মতুংগী মালেমসিদা ঙসিদি থাজবা য়াবা অমসুং নীংহন্নবা লৈতবা সপ্লাই চেনগী তঙাই ফদবা লৈ। মরম অদুনা, গ্লোবেল মেরিতাইম ইন্দিয়া সম্মিতকী হন্দক্কী মীফম অসি য়াম্না মরু ওইরিবনি।

 

মরুপশিং,

ভারতকী মেরিতাইমগী তৌবা ঙম্বগী মতিক্না মপাঙ্গল লৈরকপা খুদিংগী লৈবাক অমসুং মালেম্না মসিদগী কান্নবা য়াম্না ফংই হায়বসি পুৱারীনা সাখীনি। ৱাখল্লোন অসিগা লোয়নদুনা, ঐখোয়না হৌখিবা চহি 9-10 অসিদা সেক্তর অসিবু মপাঙ্গল হেন্না কনখৎহন্নবা নীংথিনা থৌরাং য়াত্তুনা হোৎনদুনা লাক্লি। ভারতকী লুচিং মখাদা খোঙথাং অমা হন্দক্তা পায়খৎখ্রে, মসিনা 21শুবা চহি-চাগী মালেমগী মেরিতাইম ইন্দস্ত্রীবু শেমদোকপা ঙম্বগী মতিক লৈগনি। G20 সম্মিত মনুংদা ভারত-মিদ্দল ইস্ত-য়ুরোপ ইকোনোমিক কোরিদোরগী ৱাফমদা পুৱারী ওইবা মওংদা অমত্তা ওইনা য়ানবা পুরকখি। চহি কয়াগী মমাংদা সিল্ক রুতনা মালেমগী কারবারগী খোঙজেল হাপখি, লম্বী অসিনা লৈবাক কয়াগী চাউখৎ থৌরাংগী য়ুম্ফম ওইখি। অদুগা হন্দক্কী ইকোনোমিক কোরিদোর অসিনা রিজনেল অমসুং গ্লোবেল ত্রেদকী শক্তম হোংদোক্লগনি। নেক্স জেনেরেসন মেগা পোর্ত অমসুং ইন্তর্নেস্নেল কন্তেনর ত্রান্সশিপমেন্ত পোর্ত শেমগৎপা, ইথৎশিং চাউখৎহনবা, ইনলেন্দ ৱাতরৱেজ, মলতি মোদেল হব শেমগৎপা, মসিগুম্বা অচৌবা থবক কয়া খোঙথাং অসিগী মখাদা পায়খৎলগনি। কোরিদোর অসিনা ব্যুজিনেস কোস্ত হন্থহনগনি, লোজিস্তিক্স ইফিসিএন্সী হেনগৎকনি, অকোয়বগী ফিভমদা অকায়বা পীবা হন্থগনি অমসুং মশিং য়াম্লবা থবক কয়া অমসু লৈহনগনি। মসিনা ইনভেস্তরশিংগী মফমদা ভারতকা মরী লৈনদুনা মসিগুম্বা খোঙথাংগী শরুক অমা ওইবগী খুদোংচাবা কয়া অমা পীগনি।

মরুপশিং,

ঙসিগী ভারতনা মথংগী চহি 25তা চাউখৎপা ভারত অমা ওইহনবগী পান্দম থম্লি। ঐখোয়না সেক্তর খুদিংদা হান্না লৈরমদা অহোংবা কয়া পুরক্লি। ঐখোয়না মেরিতাইম ইনফ্রাস্ত্রকচরগী মপুং ওইবা ইকোসীস্তেম্বু মপাঙ্গল কনখৎহন্নবা লেপ্তনা হোৎনরি। হৌখিবা দিকেদ অমদা ভারতকী মরু ওইবা হিথাংফমশিংগী কেপাসিতীনা শরুক অনি হেনগৎখ্রে। কন্তেনর ভেসেলশিংগী তর্ন-অরাউন্দ তাইম অসি ঙসিদগী চহি 9-10গী মমাংদা, ইং 2014দা পুং 42 ওইরম্বনি, মসিনা হৌজিক, ইং 2023দা পুং 24 য়ৌদ্রে। পোর্ত কন্নেক্তিবিতীগী মপাঙ্গল লৈহন্নবা ঐখোয়না কিলোমীতর লিশিং কয়াগী অনৌবা শোরোক কয়া শেমখি। সাগরমালা প্রোজেক্তকী খুত্থাংদগী ঐখোয়গী সমুদ্র মপানগী মফমশিংগী ইনফ্রাস্ত্রকচর চাউখৎহল্লি। মসিগুম্বা হোৎনজমন কয়া অসিনা থবক পীবা অমসুং পুন্সি মহিং নুংঙাইবগী চাংবু শরুক অনি হেনগৎহনগনি।

 

মরুপশিং,

পোর্ত ফোর প্রোস্পেরিতী অমসুং পোর্ত ফোর প্রোগ্রেসকী ঐখোয়গী পান্দম্না গ্রাউন্দদা অহোংবা কয়া লেপ্তনা পুরক্লি। ঐখোয়গী থবকশিংনা পোর্ত ফোর প্রদক্তিবিতীগী মন্ত্রবুসু খুমাং চাউশিনহল্লি। শেন্মিৎলোনগী প্রদক্তিবিতী হেনগৎহন্নবা ঐখোয়গী সরকারনা লোজিস্তিক্স সেক্তরবু ইফেক্তিব অমসুং ইফিসিএন্ত ওইহল্লি। ভারতনা মশাগী কোস্তেল শিপ্পিং মোদপু মতমগা চুনহন্নবা হোৎনরি। হৌখিবা দিকেদ অমদা কোস্তেল কার্গোগী ত্রাফিকসু শরুক অনি হেনগৎখি। মসিনা মীয়ামদা কোস্ত ইফেক্তিব লোজিস্তিক্স ওপ্সন অমসু পীরি। ভারত্তা ইনলেন্দ ৱাতরৱেজকী চাউখৎ থৌরাংদা অহোংবা লাকপা উরে। হৌখিবা দিকেদতা নেস্নেল ৱাতরৱেজনা কার্গো শেন্নবগী মতৌদা চাউরাক্না শরুক 4গী শাহৌ লৌখি। ঐখোয়গী হোৎনজমনশিংনা হৌখিবা চহি 9দা ভারতকী লোজিস্তিক্স পরফোর্মেন্স ইন্দেক্সকী রেতিং য়াম্না ফগৎহনখি।

মরুপশিং,

জহাজ শাবা অমসুং শেম্বগী সেক্তরদা ঐখোয়না মিৎয়েং চঙলি। ঐখোয়গী লৈবাক অসিদা শাজবা এয়রক্রাফ কেরিয়র, INS বিক্রান্তনা ভারতকী তৌবা ঙম্বা অমসুং মপাঙ্গলগী খুদম ওইরি। মথংগী দিকেদতা ভারতনা জহাজ শাবা খ্বাইদগী মকোক থোংবা লৈবাক মঙাগী মনুং চল্লগনি। ঐখোয়গী মন্ত্রদি – মেক ইন ইন্দিয়া, মেক ফোর দি ৱর্ল্দ অসিনি। মেরিতাইম ক্লস্তরগী চাউখৎ থৌরাংগী খুত্থাংদা, ঐখোয়না জহাজ শাবা স্তেকহোলদরশিংবু অমত্তা ওইনা পুরক্নবা ইন্তিগ্রেতেদ এপ্রোচ অমগীদমক্তা থবক তৌরি। ঐখোয়না লাক্কদৌরিবা মতমশিংদা, ভারতকী তোঙান-তোঙানবা মফম কয়াদা জহাজ শাফম অমসুং শেম্বগী সেন্তর কয়া শেমগৎকদৌরি। শিপ রিসাইক্লিংগী হীরমদা ভারতনা হান্নদগী মালেমগী অনিশুবা থাক্তা লৈরবনি। ঐখোয়গী অচৌবা হিথাংফমশিংবু কার্বন ন্যুত্রেল ওইহন্নবগীদমক্তা ভারতনা মেরিতাইম সেক্তরদা নেত জিরো স্ত্রেতজীগী থবকসু পায়খৎলিবনি। ব্লু ইকোনোমী, গ্রীন প্লানেতনা মিদিয়ম ওইগদবা তুংগী মতম অমগী মাইকৈদা ঐখোয়না হৌজিক খোঙ থাংজিল্লিবনি।

 

মরুপশিং,

মালেমগী অচৌবা মেরিতাইম ওপরেতরশিংনা ভারত্তা লাকপা, ভারত্তগী ওপরেত তৌবা হায়বগী মতাংদা ভারতনা খোঙজেল য়াঙনা থবক তৌরি। গুজরাতকী মতমগা চুনরবা GIFT সিতীনা জহাজ লীজ তৌবগী থবকপু মরু ওইবা ফাইনেন্সিএল সর্ভিস অমগী মওংদা হৌদোকখ্রে। GIFT IFSCগী খুত্থাংদা জহাজ লীজ তৌবা কম্পেনীশিংদা মখল কয়াগী ওফর পীরি। মালেমগী জহাজ লীজ তৌবগী কম্পেনী 4না GIFT IFSCদা রেজিস্তর তৌবা অসিদা ঐহাক্না নুংঙাইবা ফাওই। সম্মিত অসিদা শরুক য়ানবগীদমক্তা লাক্লিবা জহাজ লীজ তৌবা কম্পেনীশিংনা GIFT IFSCগা মরী লৈনবীয়ু হায়জরি।

মরুপশিং,

ভারতকী শাংলবা সমুদ্র তোর্বান, মপাঙ্গল লৈবা রিভরিন ইকো-সীস্তেম অমসুং ইনাক খুল্লবা কলচরেল হেরিতেজ লৈজৈ। মসিনা অমত্তা ওইনা পুন্দুনা মেরিতাইম তুরিজমদা অনৌবা খুদোংচাবা পীবা ঙমগনি। ভারত্তা লৈরিবা চাউরাক্না চহি 5 শুরবা লোথল দোকয়ার্দ অসিদি মালেমগী হেরিতেজনি। মসিনা মওং অমদা শিপ্পিংগী হৌরকফম অমা ওইরিবনি। মসিগী ৱর্ল্দ হেরিতেজ অসিবু ঙাক শেন্নবগীদমক্তা লোথলদা নেস্নেল মেরিতাইম হেরিতেজ কমপ্লেক্স অমসু শারিবনি। লোথল অসি মুম্বাইদগী য়াম্না লাপ্পা নত্তে। মফমসিদা অমুক্তং ওইরবসু চৎপীয়ু হায়না ঐহাক্না পুম্নমক্কী মফমদা হায়জরি।

মরুপশিং,

মেরিতাইম তুরিজম্বু হেন্না খুমাং চাউশিলহন্নবগীদমক্তা ঐখোয়না মালেমগী খ্বাইদগী অহানবা রিভর ক্রুজ সর্ভিস অমা হৌদোকখ্রে। ভারতনা মশাগী হিথাংফম কয়াদা মসিগা মরী লৈনবা প্রোজেক্ত কয়াগীদমক্তা থবক পায়খৎলি। অনৌবা ইন্তর্নেস্নেল ক্রুজ তর্মিনেল অমা মুম্বাইদা শাগৎলি। ঐখোয়না হন্দক্কী চহিসিদা বিশাখাপত্নম অমসুং চেন্নৈদা মসিগুম্বা মোদর্ন ক্রুজ তর্মিনেল শাখ্রে। ভারতনা মশাগী স্তেত ওফ দি আর্ত ইনফ্রাস্ত্রকচরগী খুত্থাংদা গ্লোবেল ক্রুজ হব ওইনবা তুংলমচৎকী মাইকৈদা চঙশিল্লি।

মরুপশিং,

ভারত অসিদি দিভেলপমেন্ত, দেমোগ্রাফী, দেমোক্রেসী অমসুং দিমান্দগী নীংথিরবা কম্বিনেসন লৈবা খনগৎপা য়াবা লৈবাক খরগী মনুংদা অমা ওইরিবনি। মসিগুম্বা মওং-মতৌশিং অসিগা লোয়নদুনা, ভারতনা ইং 2047 ফাওবদা চাউখৎপা লৈবাক অমা ওইবগী পান্দমগা লোয়ননা চঙশিল্লিবা অসিদি অদোমগী অচৌবা খুদোংচাবা অমা ওইরিবনি। ঐহাক্না মালেমগী ইনভেস্তরশিংগী মফমদা ভারত্তা লাকপীয়ু, চাউখৎ থৌরাংগী লম্বীদা ঐখোয়গা খুৎশম্নদুনা চৎমিন্নসি হায়বা ৱাফম থমজরি। ঐখোয় অমত্তা ওইনা চৎমিন্নসি, অমত্তা ওইনা পুন্দুনা তুংগী অনৌবা মতম অমা শেমিন্নসি, পুম্নমকপু থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Made in India Netra, Pinaka Systems attract European, Southeast Asian interest

Media Coverage

Made in India Netra, Pinaka Systems attract European, Southeast Asian interest
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 20 জুন, 2024
June 20, 2024

Modi Government's Policy Initiatives Driving Progress and Development Across Diverse Sectors