রাধে রাধে, শ্রী কৃষ্ণ,
থৌরম অসিদা শরুক য়ারিবা ইকায় খুম্ননীংঙাই ওইরবা সন্ত, উত্তর প্রদেশকী রাজ্যপাল অনন্দী বেন পতেল, মুখ্য মন্ত্রী শ্রীমান য়োগী অদিত্যনাথজী, ঐখোয়গী দেপ্যুতী মুখ্য মন্ত্রী অনিমক, মন্ত্রীমন্দলগী অতোপ্পা মন্ত্রীশিং, মথুরাগী এম.পি. ইচল হেমা মালিনীজী অমসুং ঐহাক্কী নুংশিরবা ব্রজবাশীশিং!
ঐহাক্না খ্বাইদগী অহানবমক্তদা অদোম্না ঐহাকপু ঙাকপীনবা হায়জরি, মরমদি, ঐহাক্না রসস্থানগী মীখলগী মীফম অমা য়াওজরুবনি, মদুদগী থেংখ্রে। ঐহাক মফমদুদগী লাক্লিবনি। ঐহাক্না ঙসি ব্রজগী দর্শন ফংজবসি লাইবক ফবনি খঞ্জৈ, ব্রজবাশীশিংগা উন্নবসু ফংজরে। মসিগী ব্রজ অসিদি ঐখোয়গী “শ্যামা শ্যামজু”গী ইশাগী মফম্নি। ব্রজ ‘লালজী’ অমসুং ‘লারলীজী’গী নুংশিনবগী তসেংনবা শাফোংনি। মালেমদা পাম্নরিবা রস অসিসু ব্রজগী রস অসিনি। ব্রজগী রস-রস খুদিংদা রাধা রানী শাগোন্নরিবনি। মফমসিগী হীরম খুদিংদা কৃষ্ণ য়াওরিবনি। মরম অদুনা ঐখোয়গী স্কৃপচরশিংদা অসুম্না ইরম্লিবনি – সপ্ত দ্বিপেশু য়ত তীর্থ, ভ্রমনাত চ য়ত ফলম, প্রাপয়তে চ অধিঙ্ক তস্মাত, মথুরা ভ্রমনিয়তে।। মসিনা হায়বদি, মালেমগী তীর্থ য়াত্রা খুদিংদা ফংবা নুংঙাইবা অদুদগী হেন্না, মথুরা অমসুং ব্রজগী য়াত্রানা হেল্লি হায়বনি। ঙসিগী ব্রজ রস মহোৎসব অমসুং সন্ত মীরাবাইজীগী 525শুবা মপোক কুমওনগী থৌরমগী খুত্থাংদা ঐহাক্না ব্রজদা লাক্তুনা অদোমগা উন্নবগী খুদোংচাবা অমসু ফংজরে। ঐহাক্না ব্রজগী ভগ্বান কৃষ্ণ অমসুং রাধা রানীগী মফমদা থম্মোই শেংনা ইকোক নোঞ্জরি। ঐহাক্না মীরাবাইজী অমসুং ব্রজগী সন্তশিংগী খুয়াখাদা ইকায় খুম্নবা উৎচরি। ঐহাক্না এম.পি. হেমা মালিনীজীগী মফমদসু ইকায় খুম্নবা উৎচরি। মহাক অসি এম.পি. অমা ওইবখক নত্তনা মহাক্তি ব্রজগসু অমত্তা ওইরবনি। মহাক্না এম.পি. অমা ওইনা ব্রজ রস মহোৎসব শীনবদা মশাগী মতম পুম্নমক কত্থোকপগা লোয়ননা মহাক মশামকপুসু ভগ্বান কৃষ্ণদা লুপচদুনা থৌরম অসি মায় পাক্না শীন-লাঙনবা কন্না হোৎনবীরি।
ঐহাক্কী ইমুংগী মীওইশিং,
ঐহাক্কী ওইনা, থৌরম অসি অতোপ্পা মরম অমগীসু অখন্নবা ওই। ভগ্বান কৃষ্ণদগী হৌরগা মীরাবাই ফাওবদা, গুজরাত অমসুং ব্রজগী তোপ-তোপ্পা মরী অমা লৈ। মথুরাগী কানহানা গুজরাতখক্তদা দ্বার্কাদিশ ওইবনি। রাজস্থান্দগী হৌরকখিবী অমসুং মথুরাগী লৈরক খুল্লক খুদিংবু মীনুংশিনা থলহনখিবী সন্ত মীরাবাইজীনা মহাক্কী অরোইবা মতম্বু গুজরাতকী দ্বার্কাদা লেনখি। মীরাবাইগী লাইনিং অসিদি ব্রিন্দাবন য়াওদনা ওইথোক্লোই। ব্রিন্দাবনবু নীংজবনা মবুক্নিং শুমহৎখিদুনা, মীরাবাইনা অসুম্না হায়রম্মি – আলী রী মোহে লোগে ব্রিন্দাবন নীকো...ঘর-ঘর তুলসী ঠাকুর পুজা, দর্শন গোবিন্দজী কী। মরম অদুনা, গুজরাতকী মীয়াম্না উত্তর প্রদেশ অমসুং রাজস্থান শিনবা থুংবদা শন্দোক্লিবা ব্রজদা চৎপগী খুদোংচাবা ফংজবা খুদিংগী মসিবু দ্বার্কাদিশকী থৌজালনি খন্নরি। ভগ্বান দ্বার্কাদিশনা থৌজানবীদুনা ঐহাকপু ইমা গঙ্গানা কৌবীরকখি। মদুদগী হৌনা, ঐহাক্না ইং দগী অদোমগী সেবাগীদমক্তা কত্থোকচদুনা অদোমগী নাক্তা লৈজরক্লিবনি।
ঐহাক্কী ইমুংগী মীওইশিং,
সন্ত মীরাবাইগী 525শুবা মপোক অসিদি পোকপগী নুমিৎ খক্তা নত্তনা ভারতপু নুংশিবগী নাৎ অমসুং চৎনবীগী নুংঙাইবা ফোংদোকপনি। নর অমসুং নরায়ন, জীব অমসুং শিব, ঈশ্বর অমসুং মহাকপু নিংজরিবা খুদিংমক অমত্তনি হায়না খনবা ৱাখল্লোনগী নুংঙাইবা ফোংদোকপনি। মীরাবাইনা রাজস্থান কৌবা কত্থোকপগী লমদমদগী হৌরকপনি। 84 ‘কোস’ ব্রজ মন্দল অসিদি উত্তর প্রদেশ অমসুং রাজস্থান অনিমক্কী শরুক অমনি। মীরাবাইনা ভারতকী কনসিয়সনেসপু থৱাই চেৎপা অমসুং স্পিরিচুএলিজমগা লোয়ননা য়োকখৎপীখি। মহাক্কী মসিগুম্বা থৌদোক অসিনা রাজস্থানগী মীয়াম্না ভারতকী নাৎ অমসুং কন্সিয়সনেসপু ঙাকথোক্তুনা ফক্লাংগুম্না লেপ্লিবা অসিগা লোয়ননা ভারতকী ভক্তি চৎনবীগা লোয়ননা ভারতকী মথৌনা অমসুং কত্থোকপশিংবু ঐখোয়দা নীংশিংহল্লি।
ঐহাক্কী ইমুংগী মীওইশিং,
ঐখোয়গী ভারতনা ইওন কয়াদগী নারী শক্তিবু নীংজদুনা লাক্লি মসিবু অতৈদগী হেন্না নীংথিনা খঙলিবদি ব্রজবাসীশিংনি। কনহৈয়াগী লমদম অসিদা, মীওই অমবু ইকায় খুম্নবা, তরাম্না ওকপা অমসুং ৱারি শাবা খুদিংদা “রাধে রাধে” হায়দুনা হৌই। কৃষ্ণগী মিংলেন অসি মমাংদা রাধা হাপ্লবখক্তদা মপুং ফাই। মসিগুম্বা ৱাখল্লোন অসিদি নুপীশিংনা লৈবাক শেম্বগী থৌওংদা য়াবা থৌদাং অমসুং খুন্নাইনা তুংলমচত্তা চঙশিন্নবা লম্বী য়াৎলিবা অসিনা মরম ওইরগনি অমসুং মীরাবাইনা মসিগী চুনরবা খুদম অমা ওইরে।
মরুপশিং,
নুপীগী নুংগী পাঙ্গলনা মালেম পুম্ববু লমজিংবগী মতিক লৈ হায়না মীরাবাইনা মতমদুগী লুরবা মতমশিংদা উৎখি। সন্ত মীরাবাইদি খুন্নাইবু শেমদোকপী অথোইবী মীওই অমসু ওইরম্মি। মহাক্কী ৱারোলশিংনা ঐখোয়দা ঙসিসু লম্বী তাকপীরি। মহাক্না ঐখোয়না ইশাগী ভেল্যুগা মরী তৎনদনা লৈগদবনি, স্তেরিওতাইপ্তা ঐখোয়না পুন্দুনা লৈগদবা নত্তে হায়না মহাক্না ঐখোয়দা তাকপীরম্মি।
মরুপশিং,
ভারতকী কন্সিয়সনেসনা মপাঙ্গল শোন্থরকপা অমসুং মসিদা লান্দারকপা খুদিংদা, লৈবাক্কী শরুক অমদগী শাফোংলকপা ইনর্জী সোর্স অমনা মতম পুম্বদা লমজিংবগী চৎনবী লৈদুনা লাকখি। মঙাল পীবা মীওই খরনা লান্মী ওইখি অমসুং অতোপ্পা খরনা লাইনীংবা ওইখিবা ঙাক্তনি। খা ভারতকী অলাবর অমসুং নায়নর সন্ত অমসুং অচার্য় রামানুজাচার্য়; অৱাং ভারতকী তুলসিদাস, কবির্দাস, রবিদাস অমসুং সুর্দাস; পঞ্জাবতগী গুরু নানক দেব, নোংপোক মাইকৈদগী বেঙ্গলগী চৈতন্ন্য মহাপ্রভু; নোংচুপ মাইকৈদগী গুজরাতকী নরসিনহ মেহতা অমসুং মহারাস্ত্রগী তুকারাম অমদি নামদেবকুম্বা সন্তশিংনা মসিগী খুদম্নি। মখোয়না য়ানীংদবা ফোংদোকপগী লম্বী য়াৎলম্বগা লোয়ননা ভারতপুসু নৌনা শেমদোকখি। মখোয়গী লোল অমসুং চৎনবীনা অতোপ্পশিংদগী খেন্নজরবসু, মখোয়গী পাউজেলদি অমত্তনি অমসুং মখোয়না লৈবাক পুম্ববু মখোয়গী থাজবা অমসুং লৌশিংনা পুন্সিন্দুনা থমখি।
মথুরা অসিদি “ভক্তি আন্দোলন”গী মশা কয়াগী পুনফম অমা ওইদুনা লাক্লি অমসুং লৈবাক্কী মফমদা অনৌবা কন্সিয়সনেস হাপ্পীরম্বা মালুকদাস, চৈতন্ন্য মহাপ্রভু, মহাপ্রভু বল্লবচার্য়া, স্বামী হরিদাস অমসুং স্বামী হিথ হরিবন্স মহাপ্রভুগী খুদম ঐখোয়গী মাঙদা লৈরে। মসিগী ভক্তী জৈগ্য অসিবু ঙসিদি ভগ্বান কৃষ্ণগী থৌজালদগী মখা চত্থদুনা লাক্লি।
ভারতকী অরিবা মতমগী নীংথিরবা চৎনবীগী মতাংদা খঙদ্রবা মীওইশিংনা মীখা পোনবগী ৱাখল্লোন্দগী মপান থোক্লকপা ঙমদবনা মরম ওইদুনা মথুরাদা মিৎয়েং চঙফম থোকপা চঙবা ঙমদবা অমসুং ব্রজবু চাউখৎপগী মঙাল ফংহনবা ঙমদনা লাকখিবা অসিদা ঐহাক্না নুংঙাইতবা পোকই। হৌজিক চৎলিবা অমৃত কালগী মতমসিদা, লৈবাক অসিনা মীখা পোনবগী ৱাখল্লোন্দগী অহানবা ওইনা মপান থোক্লক্লে। লাল কিলাগী ফম্বাক্তগী পাঞ্চ প্রনগী ৱাশক কয়াসু শক্নখ্রে। অনৌবা শক্তম পীরবা কাশী বিশ্বানাথ ধাম, কেদার নাথ ধাম, শ্রী রাম মন্দির অমা শঙ্গারক্কদৌরিবা অসিনা শাফু পীদুনা মথুরা অমসুং ব্রজবু চাউখৎ থৌরাংগী ইচেলদগী কৈদৌনুংদা লাপথোকহল্লোই। ব্রজগী চাউখৎ থৌরাংগীদমক্তা “উত্তর প্রদেশ ব্রজ তীর্থ বিকাস পরিশদ” শেমখিবা অসিদা ঐহাক্না নুংঙাইবা ফাওই। কাউন্সিল অসিনা লাইনীংবশিংগী নুংঙাইনবা অমসুং লাইনীংফমশিংগী চাউখৎনবগীদমক্তা থবক কয়া অমসু পাংথোক্লি।
মসিগী অপুনবা মফম অসি কানহাগী “লীলা”গা মরী লৈনৈ অমসুং তোঙান-তোঙানবা রাজ্যশিংদা তাবা মথুরা, বৃন্দাবন, ভারতপুর, করোলী, আগ্রা, ফিরোজাবাদ, কসগঞ্জ, পলৱাল, বল্লবগরনা মসিগী খুদম্নি। ভারত সরকারনা মসিগী অপুনবা মফমশিংবু তোঙান-তোঙানবা রাজ্যশিংগা খুৎশম্নদুনা চাউখৎহন্নবা হোৎনরি।
ব্রজগী লমদম অমসুং লৈবাক অসিদা লাক্লিবা চাউখৎ থৌরাংগী অহোংবা অসিদি পথাপ্তা লাকপা অহোংবখক নত্তনা ভারতকী মীকপ থোক্লক্লিবা কন্সিয়সনেসকী অহোংবা নাইবা মতৌগী খুদম অমনি। ভারতনা অনৌবা মপোক অমা পোকপা খুদিংগী, মদুগী মরুমদা ভগ্বান কৃষ্ণগী থৌজাল লৈবা হায়বগী মহাভারতনা খুদম অমা ওইরিবনি। অমসুং লৈবাক অসিনা মশাগী ৱারেপ ফংদুনা চাউখৎপা ভারত অমা শোইদনা ওইহনগনি।
রাধে রাধে, জয় শ্রী কৃষ্ণ!
