রাস্ত্রপতি মেক্রোন,
য়োর এক্সেলেন্সীশিং,
G7কী ফ্রান্সকী প্রসিদেন্সীনা ইনক্লুসিব অমসুং সস্তেনেবল গ্রোথতা অখন্নবা মরুওইবা পীবদা ঐহাক নুংঙাইবা ফাওই। মালেম অসিনা শিংনবশিং অমসুং তংদাংবা লৈতবা ফিভম কয়া মায়োক্নরিবা মতম অসিদা, ফোরম অসিদগী পীরক্লিবা পাউজেল অসি মীওইবা জাতি খুদিংমক্কী য়াইফনবা অমসুং তুংলমচৎকীদমক য়াম্না মরু ওই।
ঙসিদি, গ্রোথকী ৱাহং অসি GDP নত্রগা ত্রেদকী খুজিং খক্তদা য়ুম্ফম ওইদ্রে। অচৌবা ৱাহংদি: অসিগুম্বা শাহৌ লাকপপদগী কনানা কান্নবা ফংবগে? মসিদা কনা য়াওরিবনো? অমসুং মসিনা করম্বা মায়কৈদা চৎলিবনো?
মরুপশিং,
ভারতকী এক্সপরিয়েন্সনা তাক্লি মদুদি পুন্না চাউখৎমিন্নবা অসি অনিংবা-অপাম্বা অমদগী অশেংবা অমা ওইনা ওন্থোকপা য়াই। ভারতনা খুমাং চাউশিল্লকপা মতমদা, মীওইবা জাতিগী শরুক তরুক থোকপগী অমা খুমাং চাউশিল্লকই। মরম অদুনা, ভারতকী গ্রোথকী ৱারী অসি শেনমিৎলোন চাউখৎপগী ৱারী খক্তা নত্তে। মসি মীপুম খুদিংমক্কীদমক ইনক্লুজন, স্কেল অমসুং দেমোক্রেতিক এম্পাৱরমেন্তকী ৱারীনি।
হৌখিবা চহি ১২ অসিদা, ভারতনা “সবকা সাথ, সবকা বিকাস, সবকা বিশ্বাস, সবকা প্রয়াস”কী লমজিং-লমতাকপা ৱাখল্লোনদা য়ুম্ফম ওইদুনা খুমাং চাউশিল্লি। মসি ঐখোয়গী মালেমগী ওইবা থৌদাংগী লমজিং-লমতাকপসু ওইরি।
ভারতনা G20গী প্রসিদেন্সী ওইরিঙৈদা ঐখোয়না মালেম পুম্বদা “ৱান অর্থ, ৱান ফেমিলী, ৱান ফ্যুচর”গী পাউজেল পীখি। মসি ইচম-চম্বা স্লোগান কক্তমক নত্তে; মসি মালেম পুম্ববু ইমুং অমখক্তনি হায়না লৌরিবা ঐখোয়গী সিভিলাইজেসনগী ওইবা ইথোসপু ফোঙদোকপনি।
অসিগুম্বা ৱাখল্লোন অসিগা লোয়ননা ঐখোয়না পুৱারী ওইরবা ইন্দিয়া-মিদল ইস্ত-য়ুরোপ ইকোনোমিক কোরিদোর (IMEC) স্ত্রেতেজিক কোরিদোর অসিনা এসিয়া, মিদল ইস্ত অমসুং য়ুরোপপু শম্নহল্লি অমসুং মসিনা ললোন-ইতিকপু খুমাং চাউশিলহল্লগনি, সপ্লাই চেনশিং মপাঙ্গল কনখৎহল্লগনি, অমসুং পার্তনর লৈবাকশিংদা ইনভেস্তমেন্ত, থবক পীবা, অমসুং ইনোবেসনগী অনৌবা খুদোংচাবশিং ফংহল্লগনি। ঙসিদি, অসিগুম্বা ইনিসিয়েতিবশিং অসি হেন্না খুমাং চাউশিলহনবগী তঙাইফদবা লৈরে - লোকেল ওনরশিপ, ত্রান্সপরেন্ত ফাইনান্সিং, অমসুং মতম শাংনা সস্তেনেবিলিতী লৈহনবগী ময়েক শেংবা ভিজন য়াওবা ইনিসিয়েতিবশিং।
মরুপশিং,
নোংচুপ থংবা এসিয়াদা ওইরিবা অৱাবা অসিনা মরম ওইদুনা পোৎ-চৈ, ফর্তিলাইজর অমসুং অচা-অথক্কী সপ্লাই চেনদা থোকহনবা অশোয়বা অসিনা মতম খরগী ওইনা গ্লোবেল সাউথতা শাথীবা শাফু অমা পীদুনা লৈগনি। ঐখোয়না ইন্তর্নেস্নেল সোলিদরিতী মপাঙ্গল কনখৎহনবদা তশেংনা থাজবা থম্লবদি, খ্বাইদগী লায়রবা লৈবাকশিং অসিবু মসিগী অৱাবা অসিগী চৈথেং অসি মখোয় মথন্তনা মাইপুননা মায়োক্ননবা থাদোক্লোইদবনি।
ঐখোয়গী ইন্তরনেস্নেল ফাইনান্সিয়েল ইনস্তিত্যুসনশিংনা চাউখৎলক্লিবা লৈবাকশিংদা অসিগুম্বা শোকশিং অসি লৌশিনবদা অমসুং মখোয়গী শেন্মিৎলোনগী মপাঙ্গল কনখৎহনবদা মতেং পাংনবা মেকানিজমশিং শেমগৎকদবনি।
মরুপশিং,
IMEC ভিজনদগী ইথিল লৌরদুনা, ঐখোয়না অফ্রিকা, লেতিন অমেরিকা অমসুং পেসিফিক ইথৎ লমদমগী লৈবাকশিংগা কনেক্তিবিতী প্রোজেক্তশিংদা থবক তৌমিন্নবা য়াই।
G7গী কেপিতল, ভারতকী তেলেন্ত অমসুং গ্লোবেল সাউথকী লৈবাকশিংগী লুচিংবশিংগা অমত্তা ওইনা পুনশিন্নদুনা, ঐখোয়না ইন্তর্নেস্নেল মোবিলাইজেসন পার্তনর্শিপ ফোর এসেলরেতিং কনেক্তিবিতী এন্দ ত্রেদ (IMPACT) লিংখৎনবা কন্নবা য়াই। মসিগী পান্দমদি ললোন-ইতিক, তেক্নোলোজী, ইনর্জী অমসুং খুদোংচাবশিংগা শম্নহল্লিবা কোরিদোরশিং শেমগৎপনি।
মরুপশিং,
ঙসি, চাউখৎলবা লৈবাকশিংনা চহি য়াম্লবা খুন্নাইগী শিংনবশিং থেংনরিঙৈদা, ভারত অমসুং গ্লোবেল সাউথকী অতোপ্পা লৈবাকশিংনা নহা ওইরিবা তেলেন্ত, এন্তর্প্রাইজ অমসুং স্কিলশিংগী মতাংদা অচৌবা পোতেন্সিয়েল অমা লৈরি।
মহৌশাগী ওইবা কম্প্লিমেন্তরিতী অসিবু শীজিন্ননবা, ঐখোয়না গ্লোবেল স্কিলস পার্তনরশিপ অমা লিংখৎনবা খনবা য়াই। মসিগী ফ্রেমৱার্ক অসিগী মখাদা ঐখোয়না স্কিল মেপ্পিং অমসুং থাজবা য়াবা স্কিল লৈরবা মোবিলিতী প্রমোৎ তৌবদা পুন্না থবক তৌমিন্নবা য়াই।
মরুপশিং,
মালেম পুম্নমক্কী নুংঙাই-য়াইফবদা ভারতকী অচেৎপা ফিরেপ অসি ৱাহৈ খক্তদা উৎপা নত্তে; মসি ঐখোয়গী থবকশিংদা উৎলি। হৌখিবা চহি খরা অসিদা, মীফম অসিদা শরুক য়াখিবা লৈবাক অয়াম্বগা লোয়ননা ভারতনা ত্রেদ এগ্রীমেন্তশিং তৌনখ্রে।
মসিনা ভারতকী থাজবা অদু তাক্লি মদুদি মচেৎ-মচেৎ খায়দোকপদা নত্তে পুনশিন্নবদা, প্রোতেক্সনিজমদা নত্তে পার্তনরশিপতা, অমসুং তংদাংবা লৈতবা নত্তে পুন্না চাউখৎমিন্নবদা থাজবা থম্লি।
লাক্কদৌরিবা চহিশিংদা, ভারতনা ময়াম পুম্নমক্কা লোয়ননা ঐখোয়গী শেয়র ইকোনোমিক রিজিলিয়েন্সপু হেন্না মপাঙ্গল কনখৎহন্নবা অমসুং হেন্না স্তেবল, থাজবা য়াবা অমসুং চাউখৎপা গ্লোবেল ইকোনোমী অমা শেমগৎনবা থবক পায়খৎমিন্নগনি।
মবাম পুম্নমকপু থাগৎচরি।
