“Global cooperation for local welfare is our call”
“Law enforcement helps in gaining what we do not have, protecting what we have, increasing what we have protected, and distributing it to the most deserving”“Our police forces not only protect the people but also serve our democracy”“When threats are global, the response cannot be just local! It is high time that the world comes together to defeat these threats”“There is a need for the global community to work even faster to eliminate safe havens”“Let communication, collaboration and cooperation defeat crime, corruption and terrorism”ঐহাক্কী কেন্দ্রগী কেবিনেতকী মরূপ, শ্রী অমিত শাহ, ইন্তর্পোলগী প্রসিদেন্ত শ্রী অহমদ নসের অল-রাইসী, ইন্তর্পোল সেক্রেতরী জেনেরেল, শ্রী য়ুর্গেন স্তোক, সি.বি.আই. দাইরেক্তর, শ্রী এস.কে. জৈস্বাল, শক্নাইরবা দেলিগেত অমসুং থৌরম অসিদা শরুক য়ারিবশিং!
৯০শুবা ইন্তর্পোল জেনেরেল এসেমব্লীগীদমক্তা ঐহাক্না মীওই পুম্নমকপু তরাম্না ওকচরি। ভারত অমসুং ইন্তর্পোল অনিমক্কী মশক থোকপা মতমসিদা পুম্নমক্কা পুনবসিদা য়াম্না নুংঙাইবা ফাওই। ভারতনা ইং ২০২২ অসিদা নীংতম্বগী চহি ৭৫ মপুং ফাবগী নুংঙাইবা ফোংদোক্লি। মসিদি ঐখোয়গী মীয়াম, চৎনবী অমসুং মায় পাকপশিংগী নুংঙাইবা ফোংদোকপনি। মসিদি ঐখোয়না করম্বা মতমদগী লাকখিবগে হায়বা হঙ্গৎনা য়েংশিনবগী মতম্নি। অদুগা, ঐখোয়না করম্বা থাক্তা য়ৌগদগে হায়বা লেপ্পগী মতমসু ওইরিবনি। ইন্তর্পোলসু মায় পাকপগী পুৱারী ওইবা থাক অমদা চঙশিল্লি। ইন্তর্পোলনা লুপ অসিগী হৌদোকখিবগী চহি ১০০ মপুং ফাবগী থৌরম ইং ২০২৩দা পাংথোক্কনি। মসিদি নুংঙাইবা ফোংদোকপা অমসুং খন্থবগী মতম্নি। মায়থীবশিংদগী তমজবা, মায় পাকপগী নুংঙাইবা ফোংদোকপা অসুং থাজবা অমগা লোয়ননা তুংলমচত্তা অমুক য়েংগদবনি।
মরূপশিং,
ইন্তর্পোলগী ৱাখল্লোনগা ভারতকী তোঙানবা চৎনবী অমসুং ফিলোসোফী কয়াগা মরী লৈনৈ। ইন্তর্পোলগী মোত্তোদি : তেক্ত কায়দবা মালেম অমগীদমক্তা মীয়াম্বু অমত্তা ওইহনবা হায়বনি। অদোমগী মরক্তগী মীওই কয়া অমনা মালেমগী খ্বাইদগী লিরবা স্ক্রিপচর ওইরিবা বেদগী মরমদা শোইদনা তারম্লগনি। বেদগী ভর্স অমনা অসুম্না হায়রি: আ নো ভদ্র: কৃতবো য়ন্তু বিস্বত। মসিনা হায়বদি, মাইকৈ খুদিংদগী অফবা ৱাখল্লোন লাকপা ওইসনু হায়বনি। মসিদি মালেম্বু অফবা মফম অমা ওইহন্নবা মালেমগী মরক্তা তেংবাংনবগী থৌওং লৈহন্সি হায়বা খোল্লাওনি। ভারতকী নুংগী ৱাখল্লোন্দা পুম্নমক্কী পাক চাউনা য়েংবগী তোপ তোপ্পা মতৌ অমা চেল্লি। মসিনা মরম ওইরগা, য়ুনাইতেদ নেসন্সকী পীসকীপিং মিসনশিংদা মশাগী থৌনা লৈরবা নুপা অমসুং নুপী কয়া থাবশিংগী মরক্তা ভারতসু মকোক থোংবা লৈবাক ওইরিবনি। ভারত মচা লিশিং কয়ানা মালেমগী লাঞ্জাওশিংদা শরুক য়াখি অমসুং থৱাই থাখি। অইং অশাগী পান্দম থম্বদগী হৌরগা কোবিদ ভেক্সিন ফাওবদা ভারতনা ইরাং মখল অমা হেক্তা থোকপদা লুচিংবগী থৌদাং লৌনীংবগী অপাম্বা উৎলি। লৈবাক অমসুং খুন্নাইশিংনা মশাগীখক্তা খন্নরিবা হৌজিক্কী মতমসিদা, ভারতনা মালেমগী মরক্তা তেংবাংনবগী থৌওং হেনগৎহনসি হায়বগী খোল্লাও লাওরি। লোকেলগী য়াইফ য়ুম্বালগীদমক্তা মালেমগী থাক্তা তেংবাংনবা হায়বসিনা ঐখোয়গী খোল্লাও ওইরি।
মরূপশিং,
লো ইনফোর্সমেন্তকী ফিলোসোফীবু ভারতকী অরীবা মতমগী ফিলোসোফর চানক্যানা খ্বাইদগী হেন্না নীংথিজনা তাকপীরমখিবনি। আন্বীক্সকী ত্রয়ী বার্তানা য়োগ-ক্সেম সাধনো দন্দ:। তস্য নীতি: দন্দনিতী:; অলবঘলাবার্থ, লবধপরিক্সনী, রক্সিতবিবর্ধনী, বৃদস্য তীর্থেসু প্রতিপাদনীচ। মসিনা হায়বদি, খুন্নাই অমগী মেতরিএল অমসুং স্পিরিচুএলগী য়াইফ য়ুম্বাল হায়বসি লো ইনফোর্সমেন্তকী খুত্থাংদা পুরকপা ঙমগনি হায়বনি। চানক্যাগী মতুং ইন্না লো ইনফোর্সমেন্তনা ঐখোয়গী নাক্তা লৈতশিংবু ফংবা, ঐখোয়গী নাক্তা লৈবশিংবু ঙাক শেনবা, ঐখোয়না ঙাক শেল্লিবশিংগী মশিং হেনগৎহনবা অমসুং মতিক চাবশিংগী মফমদা য়েন্থোকপদা তেংবাংই। মালেম শিনবা থুংবগী পুলিস ফোর্সশিংগী মথৌসি মীয়াম্বু ঙাক শেনবখক নত্তে, খুন্নাইগী য়াইফ য়ুম্বালবুসু খুমাং চাউশিলহনবনি। ইরাং অমা হেক্তা থোক্লকপা মতমদা মখোয়না খ্বাইদগী মাং থাদুনা লৈ। কোবিদ-১৯ লাইচৎ মনুংদা ঐখোয়না মসি ময়েক শেংনা উখি। মালেম শিনবা থুংবগী পুলিসকী মীওইশিংনা অতোপ্পগী পুন্সি কন্নবা মশাগী পুন্সিবু খুদোংথীবা মরক্তা থমখি। মখোয়গী মরক্তগী মীওই কয়া অমনা মশাগী পুন্সি ফাওবা কত্থোকখি। ঐহাক্না মখোয়গী মফমদা ইকায় খুম্নবা ফোংদোকচরি। মালেম্না চপ লেপ্পা মতম লাক্লবসু, মীয়াম্বু তেক্ত কায়দনা থম্বগী মখোয়গী থৌদাংদি লেপ্পা লৈতে। ইন্তর্পোলনা লাইচৎ মনুংদা ২৪x৭ মথৌ তৌখিবনি।
মরূপশিং,
ভারতকী তোঙানবা মতৌ চেনবা অমসুং পাক চাউবসি থেংনদ্রিবা মীওইশিংনা খঙবদা য়াম্না লুনা থোকই। লমদমসিদা খ্বাইদগী ৱাংবা চিংশাং পরেং লৈরি, খ্বাইদগী কংবা মরুভুমী লৈরি, খ্বাইদগী শুকপা উমং লৈরি অমসুং মীশিং খ্বাইদগী কুঙনা তাবা মালেমগী শহর কয়াসু লৈরি। ভারতনা মহাদেশ অমগী মওং মতৌ কয়া শুপ্নগী লৈবাক অমগী মনুংদা পুন্সিন্দুনা থম্লি। খুদম ওইনা হায়রবদা, ভারতকী মী খ্বাইদগী কুঙনা তাবা রাজ্য, উত্তর প্রদেশকী মীশিংনা ব্রাজিলগা মান্নরপ তৌই। ঐখোয়গী কোনুং দিল্লীগী মীশিংনা স্বিদেনগী অপুনবা মীশিংদগী হেল্লি।
মরূপশিং,
ফেদেরেল অমসুং রাজ্যগী থাক্তা লৈরিবা ভারতকী পুলিসনা লৈবাক্কী আইন ৯০০০ হেনবা অমসুং রাজ্যগীনা চাউরাকপা আইন ১০,০০০ ঙাক শেন্নবা তেংবাংনদুনা মথৌ তৌরি। মসিগী মথক্তা, ভারতকী তোঙান-তোঙানবা খুন্নাইশিংসু অমুক য়াওরিবনি। মালেমগী মশক নাইবা লাইনীং খুদিংগী মীওইশিং লৈবাক অসিদা লৈরি। লোল অমসুং দাইলেক্ত চাম্মা-চাম্মা ঙাঙলি। চাউরবা কুহ্মৈ ক্যানা লাইনীংবা মশিং য়াম্লবা কয়াগী পুক্নিং চিংশিল্লি। খুদম ওইনা হায়রবদা, মালেমগী খ্বাইদগী চাউনা অমসুং শাংনা মীওই কয়া পুল্লিবা কুহ্মৈ ওইরিবা কুম্ভ মেলাদা লাইনীংবা মিলিয়ন ২৪০না শরুক য়াই। ঐখোয়গী পুলিস ফোর্সশিংনা ময়ামশিং অসিগা লোয়ননা, ঐখোয়গী সংবিধান্না পীরিবা দাইবর্সিতী অমসুং হক কয়া ঙাক্তুনা মীয়ামগী সেবা তৌরি। মখোয়না ঐখোয়গী মীয়াম ঙাকপদা নত্তনা ঐখোয়গী গনতন্ত্রবুসু ঙাক শেল্লি। ভারতকী মীচং মীখায় নাইদবা অমসুং অচৌবা মীখলনা কয়া য়াম্না পাক চাউরমগনি খন্নসি। মীখলগী থৌওংদা ভোত থাদগবা চাউরাকপা মীওই মিলিয়ন ৯০০ শেন্নবগী থবক মনুং চল্লি। হায়রিবা মীশিং অসিনা অৱাং অমসুং খা অমেরিকাগী অপুনবা মীশিংগা মান্নৈ। মীখলদা তেংবাংনবা চাউরাকপা পুলিস পর্সোনেল মিলিয়ন ২.৩ শিজিন্নৈ। দাইবর্সিতী অমসুং গনতন্ত্র ঙাক শেনবগী মতাংদা ভারত অসি মালেমগী নৈনফম ওইরিবনি।
মরূপশিং,
ইন্তর্পোলনা হৌখিবা চহি ৯৯দগী মালেম শিনবা থুংবগী লৈবাক ১৯৫গী পুলিস ওর্গনাইজেসনশিংবু মরী লৈনহন্দুনা লাক্লি। লিগেল ফ্রেমৱর্ক, পথাপ অমসুং লোল তোঙানবা কয়াগী লৈনা লৈনা থৌওং অসি পাংথোক্তুনা লাক্লিবনি। পুম্নমক অসিবু শকখঙবা ওইনা, ঙসিগী থৌরমসিদা মরী লৈনবা স্তাম্প অমা ফোঙলি।
মরূপশিং,
মায় পাকপা কয়া মমাংদা পুরকখ্রবসু, ঐহাক্না মালেমগী মফমদা ৱাফম খরা ঙসি থমজনীংই। মালেম শিনবা থুংনা চত্থবা ফত্রবা শিংনবা কয়া ঐখোয়না মাইয়োক্নরি। তেরোরিজম, শেঞ্জা থুমজা, ময়াই কাবা নিশা ললোনবা, আইনগী ৱাংমদা শাদানবা অমসুং ওর্গনাইজ ক্রাইম কয়া লৈরি। খুদোংথীবশিং অসিনা হৌজিক্তি হান্নগী মতমদগী হেন্না য়াঙনা শন্দোরক্লি। শিংনবা অমনা মালেমগী থাক্তা য়ৌরকপা মতমদা, লোকেল খক্তনা মসিগা মাইয়োক্নবা য়ারক্তে। শিংনবশিং অসি মাইয়োক্নবা ঙম্নবা মালেম্না অমত্তা ওইনা পুনবা হায়বসি হৌজিক্কী মতমগী তঙাই ফদবা ওইরবনি।
মরূপশিং,
ভারতনা দিকেদ কয়াদগী ত্রান্স-নেস্নেল তেরোরিজমগী মাইয়োক্তা লান্থেংনদুনা লাক্লি। মালেম্না মসিগী মতাংদা খঙদ্রিঙৈ মতমদগী, ঐখোয়না সেফতী অমসুং সেক্যুরিতীগী অৱাবা কয়া থেংনখ্রবনি। মীওই লিশিং কয়ানা লান অসিদা মথৱাই কত্থোকখ্রবনি। অদুবু, ফিজিকেল স্পেস্তা তেরোরিজমগা লান্থেংনবখক্তনা য়ারক্ত্রবনি। মখোয়না ওনলাইন রেদিকেলাইজেসন অমসুং সাইবর থ্রেতকী খুত্থাংদা পাক শন্না শন্দোকপা হৌরক্লবনি। বত্তন অমা নম্লগা লান্দাবা অমসুং পথাপ অমবু খুদক্তা লোইশিনবা ঙম্লবা মতম লাক্লবনি। মখোয়গী মাইয়োক্তা লান্থেংনবা ঙম্নবা লৈবাক খুদিংনা মশাগী থৌরাং য়াৎনরি। ঐখোয়না ইশাগী ঙমখৈ মনুংদা পাংথোক্লিবশিং অসি খক্তনা য়াদ্রবনি। মালেমগী ওইবা থৌরাং নীংথিনা য়াৎপগী তঙাই ফদবা হেল্লক্লবনি। আর্লী দিতেক্সন অমসুং ৱার্নিং সীস্তেম, ত্রান্সপোর্তেসন সর্ভিস কয়া ঙাক শেনবা, কম্ম্যুনিকেসন ইনফ্রাস্ত্রকচরশিং ঙাক শেনবা, মরু ওইবা ইনফ্রাস্ত্রকচরশিংদা শোইদা ঙামহন্দবা, তেক্নিকেল অমসুং তেক্নোলোজীগী ওইবা তেংবাং পীবা, ইন্তেল্লিজেন্স এক্সচেঞ্জ তৌবনচিংবা থবকশিংবু অনৌবা থাক্তা পুবগী মথৌ তারবনি।
মরূপশিং,
শেঞ্জা থুমজাবু য়াম্না অরুবা শিংনবনি হায়না ঐহাক্না হায়রিবসি করিগীনো হায়না অদোমগী মরক্তগী মীওই কয়ানা খল্লমগনি। শেঞ্জা থুমজা অমসুং শেল থুমগা মরী লৈনবা ক্রাইমশিংনা লৈবাক কয়াগী য়াইফ য়ুম্বালদা চৈথেং কয়া পীরি। শেঞ্জা থুমজা তৌবশিংনা ক্রাইম কয়াগী শেল থুম মালেমগী তোঙানবা মফমশিংদা থম্নবা পাম্বৈ পুথোকই। শেলশিং অসি মখোয়না লৌরক্লিবা লৈবাকশিংদা লৈরিবা মীয়ামগীনি। শেলশিং অসি লাইরবশিংদগী অয়াম্বা লৌখৎপা ঙাক্তনি। অদুগা, ফত্তবা থবক কয়াদা শিজিন্নরিবা অসিসু মসিগুম্বা শেল ঙাক্তনি। মসিনা তেররগী থৌওংদা শেল থাদবগী মরু ওইবা সোর্স অমনি। নহা ওইরিবা পুন্সি ময়া মাঙহল্লিবা নিশা কারবারদগী হৌরগা হ্যুমেন ত্রাফিক্কিং, গনতন্ত্রগী মপাঙ্গল শোন্থহনবদগী হৌরগা আইনগী ৱাংমদা খুৎলায় য়োনবা ফাওবদা, মসিগুম্বা অমোৎপা শেল অসিনা অমাঙ অতা থোকহনবা ইন্তর্প্রাইস কয়াদা শেলগী তেংবাং পীরিবনি। হায়রিবশিং অসি মাইয়োক্নবদা মান্নদবা লিগেল অমসুং থবক থৌরমগী ফ্রেমৱর্ক কয়া থেংনৈ হায়বসি অচুম্বনি। অদুবু, সেফ হেভনশিংবু মুত্থৎনবা মালেমগী খুন্নাইনা হান্নদগী হেন্না খোঙজেল য়াঙনা থবক পায়খৎপগী মথৌ য়াম্না তারে। শেঞ্জা থুমজা তৌবা, তেরোরিস্ত, দ্রগ কার্তেল, পোচিং গেং নত্ত্রগা ওর্গনাইজ ক্রাইমগী সেফ হেভন অমত্তা লৈহল্লোইদবনি। মফম অমগী মীয়ামগী মথক্তা পাংথোকপা মসিগুম্বা ক্রাইম অসি মীয়াম খুদিংগী মাইয়োক্তা, মীওইবা খুন্নাইগী মাইয়োক্তা পাংথোকপনি। মসিনা মখা তারকপদা ঐখোয়গী হৌজিক্কী মতমদা অকায়বা পীবতা নত্তনা, ঐখোয়গী তুংগী চারোন শুরোনশিংদসু চৈথেং পীগনি। পুলিস অমসুং লো ইনফোর্সমেন্ত এজেন্সীশিংনা তেংবাংনবগী থৌওং হেন্না খুমাং চাউশিলহন্নবা কাঙলোন কয়া শেম্বগী মথৌ তাই। মীচেল কয়াগী মাইয়োক্তা রেদ কোর্নর নোতিস খোঙজেল য়াঙখৎহনবদা ইন্তর্পোলনা তেংবাংবা ঙম্মি।
মরূপশিং,
তেক্ত কায়দবা অমসুং খুদোংথীবা লৈতবা মালেম অমা পুরকপা হায়বসি ঐখোয় পুম্নমক্কী অমত্তা ওইবা থৌদাংনি। অফবগী লান্মীনা তেংবাংনরকপা মতমদা, ক্রাইমগী লান্মীশিং মচেৎ তারক্কনি।
মরূপশিং,
ঐহাক্না ৱারোল লোইশিন্দ্রিঙৈদা, ঙসিগী মীথুংলেনশিংগী মফমদা করিগুম্বা অমা থমজগে। নই দিল্লীগী নেস্নেল পুলিস মেমোরিএল অমসুং নেস্নেল ৱার ম্যুজিয়মদা অমুক্তা চৎপীয়ু। ভারতপু তেক্ত কায়হন্দনবগীদমক্তা মশাগী পুন্সি কত্থোকখ্রবা অথৌবশিংগী মফমদা অদোম্না ইকায় খুম্নবা উৎপা য়াগনি। মখোয়শিং অসিদি অদোমগুম্না মশাগী লৈবাক্কীদমক্তা অঙম্বা পাংথোকপদা কীখিদ্রবা মীওই ঙাক্তনি।
মরূপশিং,
পাউ ফাওনবা, তেংবাংনবা অমসুং খুৎশম্নবগী মতৌনা ক্রাইম, শেঞ্জা থুমজা অমসুং তেরোরিজম্বু মায়থীবা পীবা ওইসনু। ৯০শুবা ইন্তর্পোল জেনেরেল এসেমব্লীনা থৌওং অসি পাংথোকপা ঙম্বগী কান্নবা অমসুং মায় পাকপা প্লেতফোর্ম অমা ওইরকপা ওইসনু। ঐহাক্না পুম্নমকপু ঙসিগী মরু ওইবা থৌরম অসিদা অমুক্কা হন্না তরাম্না ওক্লি।
থাগৎচরি।
