মালাসেরী দুঙ্গরী কী জয়, মালাসেরী দুঙ্গরী কী জয়!
সাদু মাতা কী জয়, সাদু মাতা কী জয়!
সবাইভোজ মহারাজ কী জয়, সবাইভোজ মহারাজ কী জয়!
দেবনারায়ন ভগৱান কী জয়, দেবনারায়ন ভগৱান কী জয়!
ঐহাক্না সাদু মাতাগী লমবোইবগী লমদম, অথোইবা লান্মী বগ্রাৱাতকী ‘কর্ম ভুমি’, ভগৱান দেবনারায়ন অমসুং মালাসেরী দুঙ্গরীগী পোক্নফম অসিবু ইকোক নোন্না খুরুমজরি!
শ্রী হেমরাজজী গুরজর, শ্রী সুরেশ দাসজী, দীপক পাতিল জী, রাম প্রসাদ ধাবাইজী, অর্জুন মেহৱালজী, সুভাশ বাহেরিয়াজী, অমসুং লৈবাক শিনবা থুংবদগী ইগী ইচিল-ইনাওশিং।
য়াইফরবা থৌরম অসিদা ভগৱান দেবনারায়নজীনা কৌরকখি অমসুং ভগৱান দেবনারায়ন্না কৌরকপদা মসিগী খুদোংচাবা অসি মাংহনবা কনা লৈবগে? অদুনা ঐহাকসু নখোয়গী নরক্তা তিল্লরে। নখোয়না নীংশিংগদবা অসি মফম অসিদা লাক্লিবা ঐহাক প্রধান মন্ত্রী অমা ওইনা নত্তে। ঐহাক্না নখোয়গুম্না থৌজাল নীজবা মফম অসিদা লাকচবনি। ‘য়গ্যশালা’দা থৌনিজবা ফংজবা ঐহাক্কী লাইবক ফবনি। নখোয়গা লোয়ননা ঙসি ঐহাককুম্বা মীচম অমনা মসিদা য়াওবা ফংজবা অমসুং ভগৱান দেবনারায়নজীগী থৌজালশিং ফংজবা অসি লাইবক ফবনি। ঙসি ঐহাক্না ভগৱান দেবনারায়ন অমসুং মীয়াম অনিমক্কী ‘দর্শন’ ফংজবা লাইবক ফবনি। ভক্তা পুম্নমককুম্না ঐহাকসু জাতি অসিবু লেপ্পা লৈতনা শেবা ফংজনবা অমসুং লাইরবশিংগী য়াইফনবা ভগৱান দেবনারায়নদগী থৌজাল নীজরি।
মরুপশিং,
মসি ভগৱান দেবনারায়নজী ১১১১শুবা অবতরন মহোৎসবনি। মসিগীদমক চয়োল অমা চুপ্না পালন তৌরি। গুরজর ফুরুপনা থৌরম অসিদা মীয়াম্না চাউনা শরুক য়ানবা হোৎনরি। ঐহাক্না পুম্নমকপু থাগৎচরি অমসুং মসিগীদমক ফুরুপ অসিগী মীওই খুদিংমক্না হোৎনরিবশিং অদুবু থাগৎপা ফোঙদোকচরি।
ইচিল-ইনাওশিং,
ভারতকী মীয়াম ঐখোয়না চহি লিশিং কয়া শুরবা ঐখোয়গী পুৱারী, সভ্যতা অমসুং নাৎতা চাউথোকচবা পোকই। মালেমগী সভ্যতা কয়া মতমগী ইরোল নুংদা লুপখি অমসুং অহোংবশিংগা লোয়ননা চৎপা ঙমখিদে। ভারতকী লমদা, নাৎতা, খুন্নাইদা অমসুং ৱাখল্লোনদা য়ুম্ফম ওইরগা থুংগাইনবা কয়া অমা হোৎনরবসু শক্তি অমত্তনা ভারত মুৎথৎপা ঙমখিদে। ভারত অসি শুপ্নগী লম খক্তা নত্তে মসি সভ্যতা, নাৎ, ইংচিকপা অমসুং ওইথোকপা য়াবশিংগী শকলোন অমনি। মরম অসিনা ঙসিগী ভারতনা হেন্না চাউখৎপা তুংলমচৎ অমগীদমক য়ুম্ফম থোল্লি। অমসুং নখোয় খঙলব্রা মসিগী নুংদা লৈরিবা খ্বাইদগী চাউবা ইথিল অমসুং শক্তি অদু করিনো? কনাগী শক্তি অমসুং থৌজালশিংআ ভারত অসি খোঙফম চেৎনা লেপ্পিবনো অমসুং অমর ওইরিবনো?
ঐগী নুংশিরবা ইচিল ইনাওশিং,
মসিগী শক্তি অসি ঐখোয়গী খুন্নাইগী শক্তিনি। মসি লৈবাক্কী মীওই করোর কয়াগী শক্তিনি। খুন্নাইগী শক্তিনা চহি লিশিং কয়াদগী ভারতকী খোঙচৎতা অচৌবা থৌদাং লৌদুনা লাকখি। ঐখোয়গী লাইবক ফবদি মরু ওইবা তাঙ্কক খুদিংমক্তা অসিগুম্বা শক্তি অমা ঐখোয়গী খুন্নাই মনুংদগী থোকচরকই মসিগী মঙালনা পুম্নমক্কী মাইকৈ তাকই অমসুং পুম্নমক্কী য়াইফবা পুরকই। ভগৱান দেবনারায়ন অসি অসিগুম্বা পাৱরহাউস অমনি, লাইপোকনি, মহাক্না লোইলমশিংদগী ঐখোয়গী পুন্সি অমসুং নাৎপু ঙাকশেনখি। চহি ৩১ শুরকপদা মহাক্না অমর ওইখি। মহাক্না খুন্নাইদা লৈরিবা ফত্তবশিং লৌথোকখি, খুন্নাইবু পুনশিনখি অমসুং শান্তিগী ৱাখল্লোন শন্দোকখি। ভগৱান দেবনারায়ন্না খুন্নাইগী তোঙান-তোঙানবা শরুকশিংবু পুনশিন্দুনা অফবা সিস্তেম অমা শেম্নবা মাইকৈদা থবক তৌখি। মসিনা মরম ওইদুনা খুন্নাইগী শরুক খুদিংমক্না ভগৱান দেবনারায়নবু ইকাই খুম্নখি অমসুং থাজখি। মরম অসিনা দেবনারায়ন অসি পব্লিক লাইফতা ইমুং অমগী মকোক ওইনা লৌনখি লোয়ননা মঙোন্দা হরাওবা অৱাবা পুম্নমক ফোঙদোকখি।
ইচিল-ইনাওশিং,
ভগৱান দেবনারায়ন্না মতম চুপ্পদা শেবা তৌবা অমসুং মীয়ামগী য়াইফনবা হোৎনবা হায়বা অসিবু মরু ওইনা লৌদুনা লাকখি। ভক্তা খুদিংমক্না মফম অসিদগী মসিগা পরা অমসুং ইথিল অসি ফংলগা চৎখি। মহাক্কী ইমুং অদুদা অৱাৎপা অমত্তা লৈখিদে। অদুবু নুংঙাইনা লৈবগী মহুৎ মহাক্না শেবা অমদি মীয়ামগী য়াইফনবা অৱাবা লম্বী অদু খনখি। মহাক্কী শক্তি অদু মীওইবা জাতিগী য়াইফনবা ওইনা শীজিন্নখি।
ইচিল-ইনাওশিং,
‘ভালাজী ভালা, দেব ভালা’। ‘ভালাজী ভালা, দেব ভালা’।ৱাফম অসিদা অচুম্বগীদমক অপাম্বা অমা য়াওরি; য়াইফনবগী অপাম্বা অমা য়াওরি। ভগৱান দেবনারায়ন্না উৎখিবা লম্বেল অসি ‘সবকা সাথ’কী খুত্থাংদা ‘সবকা বিকাস’নি অমসুং লৈবাক অসিনা ঙসি চপ মান্নবা লম্বী তুংইল্লি। ঙসি লৈবাক্না লম্বেল অসিদা চৎলি। হৌখিবা চহি ৮-৯ অসিদা লৈবাক অসিনা শোত্থনা অমদি খুদোংচাবা ফংনা লৈরকপা কাংলুপ খুদিংমক শক্তি পীনবা হোৎনরি। ঐখোয়না ‘শোত্থরবশিংদা খুদোংচাবা পীবা’ হায়বা মন্ত্রগা লোয়ননা মাংদা চংশিল্লি। লায়রবগীদমক রাসন ফংবা ফংদবা অমসুং ক্বালিতীগী মরমদা তম্বা ঙমদবা ফীভম অমদা লৈরম্বা মতম অদু নীংশিংবিয়ু। ঙসি বেনিফিসরী খুদিংমক্না রাসন মপুং ফানা অমসুং লেম্না ফংলি। আয়ুশ্মান ভারত স্কিমগী খুত্থাংদা হোস্পিতালদা লায়েংবগী মতাংদা লায়রবগী অৱাবা কোকহনখি। ঐখোয়না হাউসিং, তোইলেৎ, গ্যাস কন্নেক্সন অমসুং ইলেক্ত্রিসিতীগী মরমদা লায়রবা খুন্নাইগী সমস্যা কোকহল্লি। বেঙ্কিং ত্রাঞ্জেক্সনশিং অসি মীওই খরা খক্তমক্কী ওইরমখি ঙসিদি লাইবক্কী মীপুম খুদিংমক্কীদমক বেঙ্কশিংগী থোংশিং হাংদুনা থমখি।
মরুপশিং,
রাজস্থানগুম্না ঈশিংগী মমল খঙবা কনাগুম্বা অমত্তনা লৈরোই? নীংতম্বা ফংখিবগী দিকেদ কয়াগী মতুংদা ফাওবা ইমুং করোর ৩ খক্তনা মখোয়গী য়ুমশিংদা তোতি ঈশিংগী কন্নেক্সনশিং ফংখি অমসুং ইমুং করোর ১৬ হেনবনা নুমিৎ খুদিংগী ঈশিংগী অৱাবা মায়োক্নখি। হৌখিবা চহি অহুম মখাই অসিদা কেন্দ্র সরকারনা লৌখৎখিবা খোঙথাংশিংগা লোয়ননা হৌজিক ফাওবদা ইমুং করোর ১১ হেনবদা তোতি ঈশিংগী কন্নেক্সন পীবা ঙম্লে। লৌবুকশিংদা ঈশিংগী সপ্লাই য়ৌহন্নবা লৈবাক অসিদা থবক চাউনা পাইখৎখি। ইথৈ লৌখোংগীদমক অরিবা পাম্বীশিং ফগৎহনবা নত্ত্রগা অনৌবা তেক্নোলোজীশিং শীজিন্নবা ওইরবসু খোঙথাং খুদিংমক্তা লৌমীশিংবু শৌগৎখি”। সরকারগী মতেং ফংনবা মতম অমদা ঙাইরমখিবা অপীকপা লৌমীশিংনা অহানবা ওইনা পি.এম. কিসান সম্মান নিধিদগী হকথেংননা মতেং ফংখি। পি.এম. কিসান সম্মান নিধি স্কিমগী খুত্থাংদা রাজস্থানদসু লৌমীশিংগী বেঙ্ক একাউন্তশংদা হকথেংননা লুপা করোর ১৫০০০ ত্রান্সফর তৌখি।
মরুপশিং,
‘গাও শেবা’বু খুন্নাইগী শেবা তৌবা অমসুং খুন্নাইদা শক্তি পীনবা পাম্বৈ ওইহন্নবা ভগৱান দেবনারায়নগী কেম্পেন অসি হৌদোকখি। হৌখিবা চহি খরা অসিদা লৈবাক অসিদা গাও শেবা তৌবগী ৱাখল্লোন হেনগৎলক্লি। হুফ এন্দ মাউথ অমসুং ফুত এন্দ মাউথ দিজিজকী মওংদা ঐখোয়গী শা-শনশিংনা অচৌবা অৱাবা মায়োক্নখি। ঐখোয়গী শনশিং অমসুং য়ুমদা লোইবা শাখিবু লাইনাদগী কন্নবা লৈবাক শিনবা থুংবদা তীকা থাবগী কেম্পেন চত্থরি।
রাস্ত্রিয় কামধেনু কম্মিসন অসি লৈবাক অসিদা অহানবা ওইনা শনগী য়াইফনবা শেমখি। রাস্ত্রিয় গোকুল মিসনগী মখাদা সাইন্তিফিক ওইবা পাম্বৈশিংগী খুত্থাংদা এনিমেল হসবেন্দরী থৌগৎপদা মীৎয়েং চংখি। ধর্ম অমসুং চৎনবীগী মরু ওইবা শরুক ওইবগী মথক্তা ‘পশু ধান’ (শা-শন) অসিনা ঐখোয়গী খুঙ্গংগী শেন্মীৎলোনগী মরু ওইবা শরুকশিং ওইরি মরম অসিনা অহানবা ওইনা এনিমেল হসবেন্দরী সেগমেন্ত অমসুং শা-শন লোইবশিংদা কিসান ক্রেদিত কার্দ পীখি। ঙসি লৈবাক পুম্বদা গোবর্ধন য়োজনা চত্থরি। মসিগী কেম্পেন অসিনা শনথী য়াওনা এগ্রিকলচরেল ৱেস্তপু ৱেল্থতা ওন্থোক্লি। ঐখোয়গী দাইরী প্লান্তশিং অসি শনথীদগী পুথোকপা ইলেক্ত্রিসিতীনা চল্লাইনবা খোঙথাংশিং পাইখৎখি।
মরুপশিং,
মমাং চহিদা ঐহাক্না নীংতম নুমিৎতা লাল কিলাগী লানবনদগী ‘পঞ্চ প্রন’ লাউথোকখি। মসিনা ঐখোয়গী ইশাগী হেরিতেজতা চাউথোকচবা পোকপা, মীখা পোনবগী ৱাখল্লোন থাদোকপা, জাতিগীদমক ঐখোয়গী থৌদাংশিং খঙনা চৎপা, নীংতম লান্মীশিংনা থৱায় থাখিবা অদুবু নীংশিংবা অমসুং ঐখোয়গী ইপা-ইপুনা তাকপীরম্বা লম্বীদা চৎপা হয়বা অসিদা পান্দম থমখি। রাজস্থান অসি শেমগৎপা অমদি হরাও-তয়াম্বগী নুংঙাইবা অদু উবা ফংলিবা, কনাগুম্বনা থবক শুবদা মীনুংশি উবা ফংলিবা, থৌনা ফবা অসি ইমুং খুদিংমক্কী হৌনবী ওইরিবা হেরিতেজকী লমদম অমনি অমসুং মচু অমদি রাগাশিংগা পাংখক ওইবা লমদমনি। মফম অসিগী মীয়াম্না অৱাবা মায়োক্নখিবা অদু চপ মান্ননা মরু ওই। মসিগী ইথিল পীনীংঙাই ওইবা মফম অসিনা ভারতকী মতিক-ময়াই লৈরবা মীকুপকী মশক নাইবা মীওইশিং উবা ফংখি। তেজাজীদগী পাবুজী, গোগাজীদগী রামদেবজী, বপ্পা রাৱলদগী মহারানা প্রতাও অসিগুম্বা মশক নাইবা মীওইশিংনা চাউনা শরুক তমখিবা অদু নীংশিংখি অমসুং লমদম অসিদগী অথোইবা মীওইশিং, লুচিংবশিং অমসুং লমদম অসিগী ঈশ্বরশিংনা লৈবাক অসিবু মতম চুপ্পদা লমজিংদুনা লাকখি। পুৱারীগী তাঙ্কক অমত্তদা লৈবাক অসিনা জাতিবু ইথিল পীখিদবা য়াওদে। মসিদসু থৌনা অমদি লৈবাকনীংবগী মগুন অদু মতম চুপ্পদা তাক্লিবা গুরজার ফুরুপনা শরুক তমখি। জাতিগী ঙাকশেল নত্ত্রগা নাৎ ঙাকশেনবা ওইরবসু গুরজর ফুরুপনা তাঙ্কক খুদিংমক্তা মরু ওইবা থৌদাং লৌখি। ইথিল পীনীংঙাই ওইরবা বিজোলিয়া কিসন ইহৌবু লমজিংখিবা বিজয় সিংহ পাথিক হায়না খঙনবা ক্রান্তিবীর ভুপ সিংহ গুরজত অসি নীংতম ইহৌদা মরু ওইবা ইথিল পীরিবা মীশক ওইখি। কোতৱাল ধন সিংহজী অমসুং জোগরাজ সিংহগুম্বা লান্মী কয়ানা লৈবাক্কীদমক থৱায়না পোন্থা পীখি। মসি খক্তা নত্তে রামপ্যারি গুরজর অমসুং পন্না ধাইগুম্বা নারী শক্তিনা মীকুপ খুদিংমক্তা ইথিল পীখি। মসিনা লৈবাক্কী শেবা অমসুং নাৎতা গুরজর নুপীশিংনা চাউনা শরুক তমখিবা উৎখি। থৌনা অমদি মখোয়না শরুক তমখিবা অদুসু পাউদমখি অমদি রামপ্যারি গুরজর অমসুং পন্না ধাইদা ইকাই খুম্নবা উৎখি। মসিগী চৎনবী অসি ঙসিসু মখা চত্থরি। অসিগুম্বা মশীং লাকঙমদ্রবা লান্মীশিং অসিনা ঐখোয়গী পুৱারীদা মখোয়গী ফংফম থোকপা মফম ফংদবা অসি লৈবাক্কী লাইবকথিবনি। অদুবু অনৌবা ভারতনা দিকেদ কয়াগী অশোইবশিং অসি শেমদোক্লি। হৌজিক ভারতকী ঙাকশেল অমসুং নীংতম্বদা শরুক তম্বা খুদিংমক অমসুং ভারত্তা চাউখৎ-থৌরাং পুরকখিবশিংবু মশক খঙহল্লি।
মরুপশিং,
তাকপীরম্বশিং অদু মাংদা পুখৎপদা মরু ওইবা থৌদাং লৈ। মসিনা গুরজর ফুরুপপু শক্তি পীগনি লোয়ননা মসিনা লৈবাক অসিবু মাংদা পুখৎপদা মতেং পাংগনি।
মরুপশিং,
রাজস্থান অমসুং ভারতকী চাউখৎ খোঙচৎতা ২১শুবা চহিগী মতম অসি মরু ওই। লৈবাক্কী চাউখৎ থৌরাংগীদমক পুনশিনবা অমসুং পুন্না থবক তৌবা মথৌ তাই। ঙসি মালেম পুম্বনা ভারতনা চাউনা থাজবা থম্মি। ভারতনা মাগী মতিক ময়াই মালেম পুম্বদা উৎলিবা মওং অসিনা লমদম অসিগী লান্মীশিংগী চাউথোকচবা হেনগৎহনখি। ঙসি ভারতনা অকিবা অমত্তা পোক্তনা থাজবগা লোয়ননা মালেমগী মরু ওইবা ফম্পাকশিংদা ৱা ঙাংলি অমরোমদা অতোপ্পা লৈবাকশিংদা মীপাল তাংবসু হন্থহল্লি।
মরম অসিনা ঐখোয়গী ইরৈবাকচাশিং পুনশিনবগী মায়োক্তা লৈবা অসিগুম্বা সমস্যা পুম্নমক্তগী ঐখোয়না ঙাকথোকপা তাই। ঐখোয়না ঐখোয়গী ফিরেপশিং অদুবু থবক ওইনা উৎতুনা মালেমগী অনীংবা অপাম্বশিং থুংহন্নবা হোৎনরি। ভগৱান দেবনারায়নজীগী থৌজালশিংগা লোয়ননা শোইদনা মাইপাক্কনি হায়না ঐহাক্না মপুং ফানা থাজবা থম্মি। ঐখোয়না মাইপাক্নবা পুন্না অমসুং মীপুম খুদিংমক্না হোৎনগনি। অমসুং মসি য়েংবীয়ু। ভগৱান দেবনারায়নগী ১১১১শুবা অবতরনদা ভারতনা জি-২০গী প্রসিদেন্সী পাইরি। ভগৱান দেবনারায়ন্না থম্বালদা ফমখি অমসুং জি-২০গী লোগোদা পৃথিবী অসি থম্বালদা থম্লি। চান্নরিবদি ঐখোয় অসি থম্বালদা লোয়ননা পোক্লকপা মীওইশিংনি। অমসুং মসিনা মরম ওইরগা অচেৎপা মরী লৈনরি। ঐহাক্না ঐখোয়বু থৌজালনবা লাকপীরিবা য়াম্লবা ইকাই খুম্নরবা লম্বোইশিংদা ইকোক নোন্না খুরুমজরি। ঐহাকপু ভক্তা অমা ওইনা ঙসি বর্তন তৌরকপগীদমক গুরজর ফুরুপপু থাগৎচরি। মসি সরকারগী প্রোগ্রাম নত্তে। খুন্নাইগী শক্তি অমসুং কত্থোকপা অসিনা ঐঙোন্দা ইথিল পীখি অমসুং নখোয়গী নরক্তা য়ৌরকপা ঙমজখি। পুম্নমক্তা ঐহাক্না য়াইফ পাউজেল পীজরি।
জয় দেব দরবার! জয় দেব দরবার! জয় দেব দরবার!
