খুরুমজরি মরুপশিং,
ঙসি অসি নীংথম মীফমগী (পার্লিয়ামেন্তগী) অহানবা নুমিৎনি। সেসন অসি মরু ওই মরমদি ঐখোয়না ওগস্ত ১৫গী মমাংদা উন্নখি। ওগস্ত ১৫দা নীংতম্বগী চহি ৭৫ মপুং ফাখ্রে অমসুং হৌজিক ঐখোয়না ‘অমৃত কাল’গী লম্বেলদা মাংদা চংশিল্লি। ভারতনা জি২০গী প্রসিদেন্সী পুবগী খুদোংচাবা ফংবা মতমদা ঐখোয়না ঙসি উন্নরি। গ্লোবেল কম্ম্যুনিতীদা ভারতনা মফম অমা কনবা ঙম্বগী মওং, ভারত্তা থম্মিবা থাজবশিং হেনগৎলক্লিবা মওং অমসুং ভারতনা গ্লোবেল প্লেৎফোর্মশিংদা শরুক য়াবা হেনগৎলক্লিবা মওং অসিদা, অসিগুম্বা তানফমদা জি২০ প্রসিদেন্সীগী থৌদাং পুনবা অচৌবা খুদোংচাবা ফংলি।
জি-২০ সম্মিৎ অসি শুপ্নগী দিপ্লোমেতিক ইভেন্ত অমা খক্তা নত্তে, জি২০ সম্মিৎ অসি ভারতকী তৌবা ঙম্বা অদু হোলিস্তিক ওইবা মওংদা মালেমগী মমাংদা উৎনবা খুদোংচাবা অমনি। অচৌবা লৈবাক, দেমোক্রেসীগী মমা ওইবা, দাইভর্সিতী কয়া লৈবা, মতিক-ময়াই কয়া লৈবনা মরম ওইরগা মসি মালেমগীদমক ভারতপু খঙনবা অমসুং ভারতকী ওইনা মালেম পুম্বদা মাগী মতিক-ময়াই উৎথোক্নবা অচৌবা খুদোংচাবনি।
হন্দক্তা ঐহাক্না দলগী লুচিংবা পুম্নমক্কী য়াম্না মরু মপাং ওইবগী এতমোস্ফিয়র অমদা ৱারী শাখি। মসিগী মমি হাউস অসিদা শোইদনা তাগনি। মদুগী চপ মান্নবা ৱাখল্লোন অদু হাউস অসিদা উবা ফংগনি অমদি মসিনা ভারতকী মতিক-ময়াই মালেমদা উৎথোকপদা কান্নবা ওইগনি। সেসন অসিদা লৈবাক অসিবি চাউখৎপগী অনৌবা পনখৈ তম্না পুখৎপা অমসুং হৌজিক ওইরিবা মালেমগী ফীভম অসিদা লৈবাক অসিদা অনৌবা খুদোংচাবশিং পীবগী ৱাখল্লোন অদুগা লোয়ননা মরু ওইবা ৱারেপশিং লৌনব খোঙথাংশিং লৌখৎকনি। রাজনিতী দল পুম্নমক্না খন্ন-নৈনবা অসিদা হেন্না মগুন হাপকনি, মখোয়গী ৱাখল্লোনশিংগা লোয়ননা ৱারেপশিংদা অনৌবা মপাঙ্গল হাপকনি অমদি হেন্না ময়েক শেংবা মাইকৈ তাকপদা মতেং পাংগনি হায়না ঐহাক্না থাজৈ। পার্লিয়ামেন্তগী তর্ম অসিগী লেমহৌরিবা মতম অসিগিদমক ঐহাক্না দলগী লুচিংবা অমদি ফ্লোর লীদর পুম্নমক্তা অহানবা ওইনা হাউস অসিদা চংলকপা, অনৌবা এম.পি.শিং, নহা ওইরিবা এম.পি.শিংদা খুদোংচাবা হেন্না পীনবা অমসুং মখোয়গী অফবা তুংলমচৎকীদমক অমসুং দেমোক্রেসীগী তুংগী মীরোল শেম্নবা খন্ন-নৈনবদা মখোয়না শরুক য়াবা হেনগৎনবা ঐহাক্না হায়জরি।
হৌখিবা মতমদা রাজনিতী দলশিংগী অয়াম্বা এম.পি.শিংগা লোয়ননা ইনফোর্মেল ওইবা মীফমশিং পাঙথোকপদা এম.পি. পুম্নমক্না ৱাফম অমা হায় মদুদি হাউসতা চরাংনবা থোকপা অমদি হাউস তোইনা এদজোর্ন তৌবনা মরম ওইদুনা মখোয়দা অকাইবা থোকহল্লি। নহা ওইরিবা এম.পি.শিংনা হায় মদুদি পার্লিয়ামেন্ত অসি দেমোক্রেসীগী অচৌবা য়ুনিভর্সিতী অমনি অমসুং সেসন নীংথিনা পাঙথোক্তবনা অমসুং খন্ন-নৈনবা য়াওদবনা মরম ওইদুনা মসিগী মরমদা তমশিনবা অমসুং খনবা হোৎনবদা অহোবা লৈ। মখোয়না হায় মদুদি মখোয়না খুদোংচাবশিং ফংদে অমদি হাউস অসি নীংথিনা মথৌ তৌবা য়াম্না মরু ওই। মসিগী খোলাউ অসি অয়াম্বনা দল পুম্নমক্কী নহা ওইরিবা পার্লিয়ামেন্তরিয়নশিংনা ফোঙদোরকপনি।
বিরোধিগী দলশিংগী এম.পি.শিংনা হায় মদুদি মখোয়না দিবেৎশিংদা ৱা ঙাংবগী খুদোংচাবা ফংদে। মখোয়না তোইনা অপনবা থোকপা অমসুং হাউদ এদজোর্ন তৌবনা মরম ওইদুনা চাউনা চৈথেং ফংই। ঐহাক্না ফ্লোর লীদর অমদি দলগী লুচিংবা পুম্নমক্তা এম.পি.শিং অসিগী অৱাবা খঙনবা হায়জরি। দেমোক্রেসী চৎপা লৈবাক ওইনা লৈবাক্কী চাউখৎ-থৌরাংদা মখোয়গী মতিক-ময়াই অদু হাপচিন্নবা অমসুং ৱারেপ লৌবগী থৌওংশিংদা মখোয়গী থৱায় য়াওবা অদুদগী কান্নবা লৌগদবনি। ঐহাক্না দল অমদি পার্লিয়ামেন্তরিয়ন পুম্নমক্তা হায়জরি মদুদি সেসন অসি হেন্না কান্নবা ওইনবগীদমক পুন্না হোৎনমিন্নসি।
লাইবক ফবা অতোপ্পা ৱাফম অমনি ঐখোয়গী উপ-রাস্ত্রপতিনা অহানবা ওইনা ঙসি রাজ্য সভাগী চিয়রমেন ওইনা মহাক্কী তর্ম পাইবা হৌরগনি অমসুং মসিনা মহাক্কী অহানবা সেসন অমসুং অহানবা নুমিৎ ওইরগনি। ঐখোয়গী রাস্ত্রপতি দ্রৌপদি মুর্মুজীনা ভারতকী মমল য়াম্লবা হেরিতেজ অমসুং ঐখোয়গী ত্রাইবেলগী চৎনবীশিংগা লোয়ননা ভারতপু চাউথোকচবা পোকহনবদা মরু ওইবা থৌদাং লৌখিবগী মওং অসিগা মান্ননা লৌমী অমগী মচানুপানা উপ-রাস্ত্রপতি অমসুং রাজ্য সভাগী চিয়রমেন ওইনা ভারতপু চাউথোকচবা পোকহনগনি অমসুং এম.পি.শিংদা ইথিল পীগনি অমদি পুক্নিং থৌগৎকনি। ঐহাক্কী মাইকৈদগী মহাকপু য়াইফ মঙ্গোল পীজরি।
হন্না হন্না থাগৎচরি, মরুপশিং,
খুরুমজরি!
