Share
 
Comments
সেন্তর অসিদা সর্দার পতেলগী মীতম খিনখ্রে
“সরদার পতেলগী মীতম্না ঐখোয়গী কলচরেলগী ওইবা ভেল্যুশিং মপাঙ্গল কনখৎহনবতা নত্তনা লৈবাকশিং অনিগী মরক্তা লৈনরিবা মরীগী খুদম অমসু ওইরি”
“ভারত অসি লৈবাক অমা খক্তা নত্তে অদুবু ৱাখল অমা অমসুং কলচর অমসুনি”
“ভারতনা অতোপ্পবু হেক্তা মাংহল্লগা মশাগী চাউখৎনবগীদমক্তা মংলান তৌবা লৈতে”
“নিংতম লান্মীশিংনা মংজরম্বা ভারত অমগী মংলান অদু মতমগা চুন্নহনগনি অমসুং খুমাং চাউশিনহনগনি, অমসুং অমুকসু মখোয়না খনখিবা, ৱাখল্লোন অমসুং মসিগী হৌরকফমদা য়াম্না লুনা শম্নরি”
“সর্দার পতেলনা চহি লিশিং কয়াগী লেগেসীবু নিংশিংহনবা সোম্নাথ লাইশঙবু হিংগৎহনখি”
“অজাদি কা অমৃত মহোৎসব মনুংদা, সর্দার পতেলগী মংলান অনৌবা ভারত অমা পুথোক্নবগীদমক ৱাশক্নবা ঐখোয়না অমুক হন্না লেপ্লি”
“ভারতকী অমৃতকী ৱাশক্না মালেম শিনবা থুংনা শন্দোক্লি অমসুং মালেম্বু অমত্তা ওইহল্লি”
“ঐখোয়না কন্না হোৎনরিবা অসি ঐখোয়গী খক্তা নত্তে। মীওইবা খুনাই অমা য়াইফবা অসি ভারতকী চংশিল্লিবা চাউখৎ থৌরাংগা মরী লৈনৈ”

খুরুমজরি!

নখোয় পুম্নমকপু নুংঙাইরবা অজাদি কা অমৃত মাহোতসব অমসুং গুজরাতকী নুমিৎকীদমক্তা য়াইফ-পাউজেল পীজরি! ঐখোয় পুম্নমক্না ওন্তারিয়োদা লৈবা সনাতন মন্তদির কলচরেল সেন্তরনা কনাদাদা ভারতকী কলচর অমসুং ভারতকী ভেল্যুশিং ঙাক্না থম্বদা লৌখিবা থৌদাং অদু খঙই। নখোয়না হোৎনরিবশিং অসিদা কয়ামুক য়াম্না মাইপাকপা ঙম্লবগে অমসুং নখোয়না নশাগী ওইবা অফবা শক্তম অমা করম্না থনম্বগে হায়বদু ঐহাক্না কনাদাগী খোংচৎশিং অদুদা থেংনখ্রে। ২০১৫দা কাওঙমলরোইদবা এক্সপরিয়েন্স, কনাদাদা ভরত্তগী হৌরকপা মীশিংগী নুংশিবা অমসুং মীনুংশি অদু ঐহাক্না কৈদৌনুংদা কাওবা ঙম্লরোই। ঐহাক্না সনাতন মন্দির কলচরেল সেন্তর অমসুং মসিগী ইন্নোভেতিব ওইবা থবক অসিগা মরী লৈনবা নখোয় পুম্নমকপু থাগ৭পা ফোংদোক্লি। সনাতন তেমপলদা লৈরিবা সর্দার বল্লবভাই পতেলগী মীতম অসিনা ঐখোয়গী কলচরেল ভেলভুশিং কনখৎহনবদা নত্তনা লৈবাক অনি অসিগ মরক্তা লৈরিবা মরী অশিগী খুদমসু ওইগদৌরিবনি।

মরুপশিং,

ভারতমচা অমনা মালেম অসিগী মফম অমহেক্তদা লৈবা ওইসনু, মীরোল কয়াসু লৈবা ওইসনু, মহাক্না মহাক্কী ভারতমচা অমা ওইবগী লিচৎ, ভারত্তা মহাক্কী থাজবা অমসুং অচেৎ নিংজবা অদু খরা ফাওবা তাদে। মহাক্না লৈবাক অমহেক্তদা লৈবা ওইসনু মহাক্না লৈরিবা লৈবাক অদুগীদমক্তা কত্থোকপগা লোইননা থমোই শেংনা সেবা তৌই। মহাক্কী পারি-পুরিশিংনা ভারত্তগী পুখিবা গনতন্ত্রগী ওইবা ৱাখল্লোনশিং, মথৌ মশক খঙবা অদু মহাক্কী থমোইগী কাচিন অমদা মতম চুপ্পদা হিংদুনা লৈ।

মসি ভারতনা লৈবাক অমা ওইবদা নত্তনা মমিং লৈরবা চৎনবী, ৱাখল্লোনগী হৌরকফম, চৎনবীগী হৌরকফমসু ওইরিবনি। ভারত অসি ‘ৱাসুধৈৱ কুতুম্বকম’গী মতাংদা ৱারী শারিবা খ্বাইদগী অহেনবা ৱাখল্লোন্নি। ভারতনা অতোপ্পা অমগী মাংহল্লগা মশাগী চাউখৎপগী মতাংদা খনদে। ভারতনা  মখোবঘা লোইননা মীওইবা জাতিগী অমসুং মালেম পুম্বগী য়াইফবা পাম্লি। মরম অদুনা কনাদা নত্রগা অতোপ্পা লৈবাক অমহেক্তদাভারতকী কলচরগীদা কত্থোক্লবা তেমপল অমা শাবা মতমদা লৈবাক অদুগী ৱাখল্লোনশিং অদবুসু অমুক হেন্না হেনগৎহল্লি।

মরম অদুনা নখোয়না কনাদাদা ভারতনা নিংতম্বগী অমৃত মাহোতসব পাংথোক্লবদি, গনতন্ত্রগী ওইবা মান্নবা হেরিতেজকীসু সেলেব্রেশন পাংথোকই। অমসুং মরম অদুনা ভারতকী নিংতম্বগী অমৃত মাহোতসব পাংথোকপা অসিনা কনাদাগী মীয়ামদা ভারতপু য়াম্না নকশিন্না য়েংবগী খুদোংচাবসু পীরগনি।

মরুপশিং,

অমৃত মাহোতসবকা মরী লৈনবা থৌরম, সনাতন মন্দির কলচরেল সেন্তরগী মফম অমসুং সরদার পতেলগী মীতম মশামক ভারতকী অচৌবা শক্তম অমনি। নিংতম লানদা ঐখোয়গী নিংতম লান্মীশিংনা করি খনখিবগে? নিংখা তম্বা লৈবাক অমগীদমক্তা মখোয়না করম্না অৱাবা কয়া মায়োক্নখিবগে? মোদর্ন ওইবা ভারত অমা, খুমাং চাউশিল্লবা ভারত অমা! অমসুং মদুগা লোইন-লোইননা মখোয়গী ৱাখল্লোন্না, খল্লিবা, ৱাঙুলোন্না হৌরকফম অদুগা কনেক্ত তৌবা ভারত অমা। মরম অদুনা সরদার সাহেবনা নিংতম্লবা মতুংদা তাঙ্কক অমদা লৈরিবা চহি লিশিংকয়াগী লিগেসী মতাংদা ভারতপু অমুক হন্না নিংশিংহন্নবা সোমনাথ তেমপল অসি নৌনা শেমজিনখি। গুজরাতনা কলচরেল মহায়গ্যা অদু উখি।

ঙসি নিংতম্বগী অমৃত মাহোতসব অসিদা, ঐখোয়না অসিগুম্বা অনৌবা ভারত অমা শেমগৎনবা ফিরেপ লৌরি। ঐখোয়না মদুগী মঙলান অদুবু মঙফাওনহন্নবা সর্দার সাহেবকী ফিরেপ অদুবু অমুক হন্না লৌরি। অমসুং মসিগী ‘স্তেচু ওফ য়ুনিতী’ অসি লৈবাক অসিগীদমক্তা য়াম্না চাউরবা ইনসপিরেশন অমনি। ‘স্তেচু ওফ য়ুনিতীগী’ মতৌ তম্লিবা, সর্দার সাহেবকী মীতম অসি কনাদাগী সনাতন মন্দির কলচরেল সেন্তরদা খিল্লগনি।

মরুপশিং,

ঙসিগী থৌরম অসি ভারতকী অমৃত সঙ্কল্প অসি অকক্ননা ভারতকী ঙমখৈ খক্তদা নত্তে হায়বগী খুদমনি। মসিগী ফিরেপশিং অসিনা মালেম শিনবা থুংনা শন্দোরক্তুনা মালেম পুম্ববু কনেক্ত তৌরি। ঙসি ঐখোয়না ‘আত্মানির্ভর ভারত’ কেমপেন অসিবু মখা চৎথবগা লোইননা ঐওয়না মালেম অসিগীদমক্তা খুমাং চাউশিন্নবগী অনৌবা ওইথোকপা য়াবা কয়া অমা হাংদোরক্লি। ঙসি ঐখোয়না য়োগ অসিবু শন্দোক্নবগীদমক্তা হোৎনবা মতমদা, ঐখোয়না মালেম অসিগী মীপুম খুদিংমক্কীদমক্তা ‘সরভে সন্তু নিরাময়’গী য়াইফ-পাউজেল পীরি।

ভারতকী খোনজেল অসিনসু ক্লাইমেত চেঞ্জ অমসুং সস্তেন্নেবল দেবেলপমেন্তগুম্বা হীরমশিং অসিগী মতাংদা মীওইবা জাতি পুম্বগী মহুৎ শিন্দুনা তাক্লি। ভারতকী কেমপেন অসিবু পুখৎপগী মতম ওইরে। ঐকোয়না কন্না ওৎনরিবা অসি ঐখোয় খক্তগী নত্তে অদুবু মসি ভারতকী খুমাং চাউশিনবদা মীওইবা জাতিগী য়াইফবনি, অমসুং ঐখোয়না মসিবু মালেম পুম্বনা খঙহনগদবনি। ভারত মচা নখোয় পুম্নমক্না অমসুং ভারত্তগী হৌরকপা মিশিংনা মসিদা লৌগদবা য়াম্না চাউরবা থৌদাং লৈরি।

অমৃত মাহোতসবকি মসিগী থৌরমশিং অসি ভারতকী থবকশিং, ভারত ৱাখল্লোনশিংবু মালেমদা পুরক্নবগী পাম্বৈ অমা ওইগদবনি অমসুং মসি ঐখোয়গী ওইনা খ্বাইদগী মরু ওইবা ওইগদবনি! এখোয়গী আইদিয়লশিং অসি ইন্দুনা ঐখোয়না অনৌবা ভারত অমা শেম্লগনি অমসুং অফবা মালেম অমগী মঙলান অদু মঙফাওনহল্লগনি হায়বসি ঐগী থাজবনি। মসিগী ৱাখ্লোন অসিগা লোইননা, নখোয় ময়াম পুম্নমকপু য়াম্না থাগৎচরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Need to bolster India as mother of democracy: PM Modi

Media Coverage

Need to bolster India as mother of democracy: PM Modi
...

Nm on the go

Always be the first to hear from the PM. Get the App Now!
...
PM calls on President
November 26, 2022
Share
 
Comments

The Prime Minister, Shri Narendra Modi has called on the President of India, Smt Droupadi Murmu.

Prime Minister's office tweeted;

"PM @narendramodi called on Rashtrapati Droupadi Murmu Ji earlier today."