Share
 
Comments
কেন্দ্র অমসুং রাজ্যগী মরক্তা খুৎশম্নবা অসি য়াম্না মরু ওইবনিঃ প্রধান মন্ত্রী
রাজ্যশিংনা পি.এল.আই. স্কিমশিংগী খুদোংচাবা লৌদুনা শেল-থাবশিংগী পুক্নিং খ্বাইদগী য়াম্না চীংশিন্নবা হোৎননবা হায়রি

নীতি আয়োগকী গবর্নিং কাউন্সিলদা অদোম পুম্নমকপু তরানম্না ওকচরি। লৈবাক অসি চাউখৎনবগী য়ুম্ফমদি কেন্দ্র অমসুং রাজ্যগা লোয়ননা থবক পাংথোকমিন্নবা অমসুং অরেপ্পা মায়কৈদা চংশিনবনি। কোওপরেতিব ফেদরেলিজম অসি অমুক হেন্না মপাঙ্গল কনখৎহনবা অমসুং মসিদা নত্তনা ঐখোয়না কোওপরেতিব ফেদরেলিজম রাজ্যশিং, ঐখোয়না কন্না হোৎনদুনা জিলাফাওবা পুখৎলক্তুনা চাউখৎনবগী হিদান্নবা অসি মখা তানা চত্থদুনা লৈহন্নবা, চাউখৎপা অসিনা প্রাইম এজেন্দা ওইদুনা লৈহন্নবনি। লৈবাক অসিগী অনৌবা হিদান্নবা অসি মতৌ করম্না হেনগৎহনগদগে হায়বগী ৱারেপ অসি পুরক্নবগীদমক্তা ৱা কয়া খন্নমিন্নখি, ঙসিসু মসিগী সমিৎ অসিদা মদুগী ৱাফম অদুদা লুম্না লৌবা হায়বসি মশানা তাবনি। ঐখোয়না কোরোনাগী তমথিরবা মতম অদুদা মতৌ তরম্না কেন্দ্র অমসুং রাজ্য সরকারনা পুন্না থবক তৌমিন্নরবদি লৈবাক অসিদা মায় পাকপা পুরকপা ঙম্মি অমদি মালেমদা ভারত অসিগী অফবা মমি শেমগৎপা ঙমখ্রে হায়বা উরে। মরূপশা,

লৈবাক অসিনা নিং-খা তমখিবগী ৭৫শুবা চহি অসি মপুং ফারক্কদৌরবা মতম অসিদা মসিগী গবর্নিং কাউন্সিল অসি হেন্না মরুওইরে। ঐহাক্না রাজ্যশিংদা নিং-খা তম্বগী ৭৫শুবা কুমওন অসিদা মাগী-মাগী রাজ্যশিংদা লৈরিবা ফুরুপ খুদিংমক পুনশিন্নদুনা কমিতীশিং শেম্ননবা, জিলাশিংদসু সমিতীশিং শেম্নবা হায়জরি। হৌজিক ঙৈহাক্কী মমাংদা মসিগী মীফম অসিগী মরুওইবা ৱাফমশিংগী ওইবা শম্লপ্না হায়বা ৱারোল অমা অদোমগী মাংদা থম্বিখ্রে। এজেন্দাশিং এজেন্দাশিং অসি খনবা মমদা লৈবাক অসিগী খ্বাইদগী মরুওইবশিংদা য়েংলগা তৌখি। এজেন্দাশিং অসি পোইন্তৱাইজ ওইবদা রাজ্যশিং সজেসন লৌনবগীদমক্তা রাজ্যশিংদা থৌরাং তৌনবগী মতিক চাবা মতম পীনবগীদমক্তা অনৌবা শিজিন্ননবগী মওং অমা হৌদোক্তুনা হন্দক্কী নীতি আয়োগ অসিগা লোয়ননা রাজ্যশিংগী মরুওইবা ওফিসিএলশিংগা লোয়ননা মসিগী অফবা ৱর্কশোপসু পাংথোকখি। অমসুং মদুগী ৱা খন্নবা অদুদা পোইন্ত-পোইন্তকী ওইনা মখোয়শিংগা মরি লৈনহন্নবা হৎনখি। অদুগা মরম অসিনা কয়া অমা শেমদোকখি অমসুং মওং অমা ওইনা রাজ্যশিংনা খনবশিং অদুদা য়েংলগা এজেন্দা শেমখি। মসিগী চত্থরিবা থবক-থৌওং অসি থেংনবনা মরম ওইদুনা গবর্নিং কাউন্সিলগী এজেন্দাগী পোইন্তশিং অদু য়াম্না অখন্নবা ওই অমসুং মসি ঐখোয়গী ৱা খন্নবা অদু হেন্না মরিক চুমহনগনি।

 

মরূপশা,

হৌখিবা চহিশিংদা ঐখোয়গী লৈবাক অসিগী লাইরবশিং অসিগী ফীভম ফগৎহন্নবগী মায়কৈরোমদা বেঙ্ক একাউন্ত হাংদুনা, তীকা কাপ্পা হেনগৎহন্দুনা, হেল্থ ফেসিলিতীশিং হেনগৎহন্দুনা, লেম্না মৈগী কনেক্সন ফংহন্দুনা, লেম্না গ্যাস কনেক্সন ফংহন্দুনা, লেম্না অমাংশঙ শানবা স্কীমশিংদগী মখোয়গী পুন্সিদা মরুওইনা লাইরবশিংগী পুন্সিদা হান্না অমুক্তা তৌখিদ্রিবা মওংদা অহোংবা লাকপা উবা ফংলে হায়বা অসি খংনরে। লৈবাক অসিদা হৌজিক লাইরবা খুদিংগী অফবা য়ুম ফংহন্নবা কেম্পেনসু য়াংনা চত্থরি। রাজ্য খরনা য়াম্না নিংথিনা পর্ফোর্ম তৌরি, রাজ্য খরনা মশাগী খোংজেল হেনগৎহনবগী মথৌসু তারি। ২০১৪গী মতুংদা য়েংবা তারবদি খুঙ্গংশিং অমসুং শহরশিং পুনশিল্লগা লুপা করোর লাখ ৪০দগী হেনবা য়ুমশিং শাখ্রে। লৈবাক অসিগী শহর তরুক্তা অনৌবা তেক্নোলোজীনা য়ুমশিং শানবা কেম্পেন অমা চত্থরি হায়বা অদোম খংবিরে। থা অমমুক্কী মনুংদা অনৌবা তেক্নোলোজীনা থুনা-য়াংনা অফবা ক্বালিতীগী অফবা য়ুম সানবগীদমক্তা লৈবাক অসিগী শহর ৬তা অনৌবা মোদেল শারগনি। মদুসু মসিগী থমক অসিগীদমক্তা রাজ্য খুদিংদা কান্নহল্লগনি। ঈশিংগী অৱাবা অমদি ফত্তবা ঈশিং থকপনা ওইহল্লকপা লায়নানা মীশিং চাউখৎহনবদা অপনবা ওইহন্দনবা, মালন্যুত্রিসন ওইহন্দনবগী মায়কৈ অসিদসু মিশন মোদতা থবক চত্থরি। ফংদবনা জল জীবন মিশন হৌরবা মতুংদা হৌখিবা থা ১৮ খক্তদা খুঙ্গংগী য়ুম করোর অহুমদগী হেনবদা পাইপ ৱাতর সপ্লাইগা শমখ্রে। খুঙ্গংশিং ইন্তর্নেৎ কনেক্তিবিতীগী ওইনা ভারত নেৎ স্কীম অসি অচৌবা পাম্বৈ অমা ওইরক্লি। অসিগুম্বা স্কীমশিং অসিদা কেন্দ্র অমসুং রাজ্য সরকারশিংনা পুন্না থবক তৌমিন্নরবদি থবক অসি হেন্নসু য়াংখৎলক্কনি অদুগা অরোইবা মীওই অদুফাওবা কান্নবা শোইদনা ফংহনগনি।

মরূপশা,

হন্দক্কী চহিগী বজেৎ অসিদা ফংলিবা পোজিতিব রেসপোন্স অসিনা মায়কৈ মরীমক্তা অনৌবা আশাগী ময়োল চোংখৎহল্লে, মসিনা মুদ ওফ দি নেসন অসি করিনো হায়বা খংহল্লে। লৈবাক অসিনা তৌগনি হায়না লেপখ্রে। লৈবাক অসিনা থুনা চাউখৎপা পাম্মি, লৈবাক অসিনা হৌজিক মতম মাংহন্নিংদ্রে। অদুগা পুন্না চপ য়ুংনা অরেপ্পা অমা থম্বদা লৈবাক অসিগী নহাশিংগী অপাম্বগীসু য়াম্না চাউবা থৌদাং লৌরি অমসুং মসিদদা মসিগী অহোংবা অসিদা অনৌবা পুক্নিং চিংশিহল্লক্লি। অদুগা ঐখোয়না মসিমসু উবা ফংলি মদুদি মতৌ করম্না লৈবাক অসিগী প্রাইভেৎ সেক্তরনা লৈবাক অসিগী চাউখৎনবগী খোংচৎ অসিদা হেন্না থৱায় য়াওনা খোংজেল য়াংশিলহল্লি। সরকারগী ওইনা ঐখোয়না মসিগী থৱায় য়াওবা অসিগী, প্রাইভেৎ সেক্তরগী ইনর্জীগসু মান্নহনগনি অমসুং মসি আত্মনির্ভর ভারত অভিয়ান অসি অদুক্কী মতিক খুদোংচাবা পীনবসু তৌগনি। আত্মনির্ভর ভারত অমা হায়বসি অসিগুম্বা অনৌবা ভারতকী মায়কৈদা খোং থাংজিন্দুনা মীপুম খুদিংগী, লুপ খুদিংগী, ইন্তর্প্রাইজ খুদিংগী মপাঙ্গলশিংনা খুমাং চাউশিন্নবগী তাঞ্জা ফংবদুনি। মরূপশা,

আত্মনির্ভর ভারত অভিয়ান অসি মশাগী মথৌ তারিবশিং অদু লৈহনবদা নত্তনা মালেম অসিগী ওইনসু প্রদক্তশিং পুথোক্নবসুনি অমসুং মসিগী পোত্থোক পুথোকপা অসিনা মালেমদা খ্বাইদগী হেনবা মফমদা মায় পাক্নবসুনি। অদুগা মরম অসিনা জিরো দিফিৎ, জিরো ইফেক্ত হায়না হায়জরি। ভারতকুম্বা নৌরিবা লৈবাক অসিগী পাংথোক্নিবদা য়ুম্ফম ওইদুনা অনৌবা ইনফ্রাস্ত্রকচর অস শেমগৎকদবনি, ইনোবেসন অসি হেনগৎহনগদবনি, তেক্নোলেজী অসি য়ারিমখৈ য়াম্না শিজিন্নবা তাবনি, মহৈ-মশিং, হৈথোই-শিংথোইবা অসিদা হেন্না খুদোংচাবা পীগদবনি।

মরূপশা,

ঐখোয়না ঐখোয়গী বিজিনেস, এম.এস.এম.ই.শিং, স্তার্ত-অপশিং অসি হেন্না ফগৎহনবগী মথৌ তারি। ঐখোয়গী রাজ্য খুদিংগী অথোইবা অমমম লৈ, জিলাখুদিংগী হৈথোই-শিংথোইবা লৈ, মাগী তোপ-তোপ্পা মতিক-ময়াই লৈ। মখল কয়াগী মঙমশিং অদু কুপ্না য়েংলবদি উবা ফংই। সরকারগী মায়কৈদগী, লৈবাক অসিগী জিলা কয়াগী প্রদক্তশিং অদু শোর্তলিস্ত তৌদুনা মদুগী ভেল্যু এদিসনগীদমক্তা মার্কেতিং অমসুংএক্সপোর্তকী ওইনা মখোয়শিংবু শৌগৎলি। মসিনা রাজ্যশিংগী মরক্তা অফবগী হিদান্নবা অসি হৌজিক হৌরে অদুবু মসি হেন্না হেনগৎহনগদবনি। করম্বা রাজ্যনা খ্বাইদগী হেন্না এক্সপোর্ত তৌবগে, পোৎ মখল কয়া-কয়া এক্সপোর্ত তৌদুনা মমল য়াম্ল-য়াম্লবা পোৎসিং এক্সপোর্ত তৌগদগে। অদুগা জিলাশিং অসিদা মসিগী হিদান্নবা অসি লৈহন্নবা অমদি এক্সপোর্ত অসিদা অখন্নবা থৌনা অসি রাজ্য খুদিংগী জিলাশিংদা মতৌ করম্না পীগনি। ঐখোয়না মসি শিজিন্নবা অসি জিলাশিং অমসুং ব্লোকশিংগী মরক্তসু য়ৌহনগদবনি। ঐখোয়না রাজ্যশিংগী রিসোর্সশিং অসি মপুং ওইনা শিজিন্নগদবনি, রাজ্যশিংদগী তৌরকপা এক্সপোর্তশিং অদুগী হিসাব অসি ঐখোয়না থা খুদিংগী লৌগদবনি অমদি মদু হেনগৎহনগদবনি। পোলিসী ফ্রেমৱর্ক অমসুং কেন্দ্র অমদি রাজ্যশিংগী মরক্তা চুশিন্নহনবগী মথৌসু য়াম্না তাই। হৌজিক ঐখোয়গীসিদা কোস্তেল স্তেৎশিং অসিদা ঙাগী ফেক্তরীশিংদা, ব্লু ইকোনোমীদা অমসুং ঙা অসি মীরমদা থাদোকখিনবগীদমক্তা মশিং নাইদবা খুদোংচাবশিং লৈরি। ঐখোয়গী কোস্তেল স্তেৎশিং অসিগী ওইনা অখন্নবা থৌরাং লৈহল্লোইদৌরিবনো। ইকোনোমীদগী য়াম্না কান্নবা থৌনা কয়া ফংবা য়াই হায়বসি খংবিয়ু। মসিগী ৱাফম অসিদা কেন্দ্র সরকারনা তোঙান-তোঙানবা সেক্তরশিংগী ওইনা পি.এল.আই. স্কীমশিং হৌদোকখ্রে হায়বসি ঐহাক্না খংহনজরি। মসিগী লৈবাক অসিদা মেনুফেকচরিং অসি হেনগৎহন্নবগীদমক্তা হেন্না অফবা খুদোংচাবশিং লৈরি। রাজ্যশিং অসিদসু মসিগী স্কীমশিং অসি মপুং ওইনা কান্নবা লৌনদুনা ঐখোয়গীসিদা ইনভেস্ত তৌনবা পুক্নিং চিংশিনগদবনি। কোর্পোরেৎ তেক্সকী চাং অসি হন্থহনবগী কান্নবা অসিসু রাজ্যশিং অসিনা থোইদোক-হেন্দোক্না লৌগদবনি। অদোম্না অসিগুম্বা কম্পনিশিং অসিগা পাও ফাওনগদুনা মালেম অসিদা তেক্স হন্থবা রেত্তা পীবা মতমদা মদুগী কান্নবা অদু অদোমগী রাজ্যনা ফংফম থোকই হায়বা খংহনগদবনি।

মরূপশা,

হন্দক্কী বজেৎ অসিদা ইনফ্রাস্ত্রকচরদা পীখিবা ফন্দশিংগী মতাংদা ৱা য়াম্না খন্নরি। ইনফ্রাস্ত্রকচরদা চংগদৌরিবা মসিগী চাদিং অসি

লৈবাক অসিগী শেল-থুমগী ফীভম অসি থাক কয়াদা হেনগৎহন্নবা থবক তৌগদনি, থবক ফংবগী খুদোংচাবসু য়াম্না হেনগৎহনগনি। মল্তিপল ইফেক্ত ওইরি। নেস্নেল ইনফ্রাস্ত্রকচর পাইপলাইন্দা রাজ্যশিংগী রুক অসি চাদা ৪০ নিং অদুগা মরম অসিনা রাজ্য অমসুং কেন্দ্রনা পুন্না মাগী বজেৎ অসি সিনর্জাইজ তৌবা, প্লানিং তৌবা অমসুং হেন্না মরুওইবশিং অদু হান্না পাংথোক্নবা লেপ্পগী মথৌ তাই। হৌজিক ভারত সরকারনা মাগী বজেৎ অসি হান্নগা য়েংনবদা থা অমগী মমাংদা য়ৈখৎলক্লে। রাজ্যশিংগী বজেৎ অমসুং কেন্দ্রগী বজেৎকী মরক্তা চয়োল অহুম-মরী ফংখি। অদু ওইরবদি কেন্দ্রগী বজেৎকী মঙালদা রাজ্যশিংগী বজেৎ শেম্লবদি অনিমক পুল্লগা মায়কৈ অমত্তদা খুমাং চাউশিন্দুনা রাজ্যশিংগ বজেৎকী মতাংদা ৱা খন্নরমগনি। রাজ্যশিংগী বজেৎ অসি হৌজিক লাক্কদৌরবশিংনা মসিগী থবক অসি হেন্না মরুওইনা তৌবা য়াগনি। কেন্দ্রগী বজেৎকা লোয়ননা রাজ্যশিংগী বজেৎসু চাউখৎনবগী খোংজেল হেনগৎহনবদা, রাজ্যশিং অসি মীপাল তাংদবা ওইহনবদা মরুওইবা থৌদাং লৈ।

মরূপশা,

১৫শুবা ফাইনান্স কমিশন্দা লোকেল বোদীশিংগী শেল-থুমগী রিসোর্সশিং অসি য়াম্না হেনগৎহন্নবা তৌরি। মফমদুগী ওইবা থাকশিংদা গবর্নেন্স অসি ফগৎহন্দুনা মীয়ামগী পুন্সি মহিং অসি ফগৎহন্দুনা অমদি মখোয়গী থাজবগী য়ুম্ফম ওইরি। শেমদোকপশিং অসিদা তেক্নোলোজীগা লোয়ন-লোয়ননা মীয়ামগী থৌদাংগীসু য়াম্না মথৌ তারি। পঞ্চায়েৎনা লৈঙাকপগী মওং অমসুং খুঙ্গংগী য়ুনিৎশিংগী খনগৎলবা মীহুৎশিংনা মসিগী কনভর্জেন্স অমদি আওৎকম অসিগীদমক্তা থৌদাং লৌরিবা ওইহন্নবগীসু মতম লাক্লে হায়না ঐহাক্না খল্লি। লম-লমগী থাক্তা অহোংবা পুরক্নবগীদমক্তা জিলাশিং, রাজ্য অমসুং কেন্দ্রনা অমত্তা ওইনা থবক তৌমিন্নবগী মহৈ অসি কয়াগী মতিক নিংথিজনা লাকপগে হায়বগী খুদম ঐখোয়না মাংদা লৈরে। থবক তৌনিংবগী ৱাখল্লোন লৈবা জিলাশিংদা শিজিন্নবগী মওং অসিদগী অফবা মহৈ ফংলি। অদুবু হৌখিবা নুমীৎ খরনিসিদা কোরোনাগী মরম্না হেন্না য়াংশিনফম থোকপদুদি ওইহন্দ্রে। অদুবু হৌজিক অমুক মসিদা ফগৎহন্নবা তৌবা য়ারে।

মরূপশা,

লৌউ-শিংউ অসিদা লোইনাইদ্রবা কেপাসিতী কয়া অমনা পীক থন্না লৈরি। অদুবু অদুম ওইদুনসু অচুম্বা খরদি ঐখোয়না য়াবা তাবনি। ঐখোয় লৌউ-শিংউবগী অথোইবা লৈবাক হায়নবগী মহুত্তা ঙসিসু লুপা লিশিং করোর ৭০মুক্কী অচাথাও অসি মীরমদগী রৃপুশিল্লক্লি। মসি ঐখোয়না তৌদবা য়াই। ঐখোয়গী লৌমীশিংগী একাউন্তা শেল চংহনবা য়াই। মসিগী শেলশিং অসি ঐখোয়গী লৌমীশিংনা ফংবগী হক লৈ। অদুবু মসিগীদমক্তা ঐখোয়গী স্কীমশিং অসি ঐখোয়না শেম্বা শেম্বা তাবনি। ঐখোয়না হৌখিবা নুমীৎশিংদা হৱাইশিংদা মসি শিজিন্নখিবা অদুদা মায় পাকপা ফংলে। হৌজিক হৱাইশিং অসি মপান্দগী পুশিল্লকপদা তিংলম্বা চাদিংশিং অদু য়াম্না হন্থরে। অসিগুম্বা পোৎলমশিং , চানবা পোৎলমশিং অসি করিগুম্বা মরম অমত্তা য়াওদনা ঐখোয়গী তেবলদা য়ৌরক্লে। ঐখোয়গী লৈবাক্কী লৌমীশিংদা অসিগুম্বা পোৎলমশিং অসি পুথোকপদা অৱাবা অমত্তা মায়োক্নদ্রে, গাইদ খরা তৌবগী মথৌ তারি। অদুগা মরম অসিনা ঐখোয়গী লৌমীশিংনখক্তমক পুথোকপা ঙম্বা পোত্থোকশিং লৌউ-শিংউগী পোত্থোক কয়া অমা লৈরিবা অসি মীরমদা সপ্লাই তৌবসু য়াইয মসিগীদমক্তা মথৌ তারিবা অসি রাজ্য খুদিংমক্না মশাগী এগ্রো-ক্লাইমেতিক রিজনেল প্লানিং তৌদুনা মদুগী লাল্লোং শেমসি, মদুগী মতুং ইন্না লৌমীশিংগী মতেং পাংসি।

মরূপশা,

হৌখিবা চহিশিংদা লৌউ-শিংউদগী হৌরগা শা-শল য়োকপা অমসুং ঙা য়োকপগী থবকফাওবদা হোলিস্তিক এপ্রোচ অমা শিজিন্নখি। মসিগী মহৈনা কোরোনাগী মতম অসিদসু লৈবাক অসিদা লৌউ-শিংউগী এক্সপোর্ততা য়াম্না হেনগৎলে। অদুবু ঐখোয়গী মঙম অসি মসিদগী শরুক কয়া অমা হেনগৎলে। ঐখোয়গী পোত্থোকশিংদা মাংহন-তাকহনবা য়াম্না হন্থহন্নবা সস্তোরেজ অমসুং প্রোসেসিংদসু মীৎয়েং চংবগী মথৌ তারি অমদি মসিদা তৌরিবা ইনভেস্তমেন্ত অসিগী ওইনা পোতেন্সিএল লৈবশিংগা শমজিন্নহনবা তাবনি। ঐখোয় ভারত অসি সাউথ ইস্ত এশিয়াদা অতেকপা ঙাগী পোত্থোক পুথোকই হায়বা ঐখোয়না খংই। ঐহাক্না অহৌবদা হায়খিবদুগুম্না ঙাগী প্রোসেস অসি তৌদুনা শেন্দোং কয়া তাল্লি অমসুং প্রোসেস প্রদক্তশিংগী ওইনা য়োল্লি। ঐখোয়না প্রোসেস তৌরবা ঙাগী পোত্থোকশিং অসি চুমদ্রিংনা য়াম্না অচৌবা মওংদা এক্সপোর্ত তৌবা য়াগদ্রা? ঐখোয়গী কোস্তেল স্তেৎ খুদিংমক্তা মশানা থবক পায়খৎচদুনা লৃগ্লোবেল মার্কেত্তা মশাগী ওইবা মমি তাহনবা ঙমগদরা? অসিগুম্বা মওং অসি লম কয়াদা পোত্থোক কয়াগীসু ওইরমগনি। ঐখোয়গী লৌমীশিংগী মথৌ তাবা শেলগী সোর্স অসি ফংনবা, অফবা ইনফ্রাস্ত্রকচর ফংনবা, অনৌবা তেক্নোলোজী ফংনবা অনৌবা মওংদা শেমদোকপগী য়াম্না মথৌ তাই।

মরূপশা,

হন্দক্তা অসিগী অনৌবা মওংদা কয়া শেমদোক্তুনা রিগুলেসন তৌবা হন্থহনবাস সরকারগী খুৎ চংবা হন্থহল্লে। ঐহাক্না হৌখিবা নুমীৎশিংদা উবা ফংই মদুদি সরকারগী মনুংদা মীয়াম-মীচমদা পীরিবা কম্প্লাইএন্স লিশিং কয়া পীরিবা অসিগুম্বা কম্প্লাইএন্সশিং অসি ঐখোয়না লৌথোকপা য়াই। হৌখিবা নুমীৎশিংদা ঐখোয়না ৱায়েল-কাংলোন ১৫০০রোম লৌথোকখিবা অদুগুম্না লৌথোকপা য়াই। ঐহাক্না রাজ্যশিংদা তীম মচা অমা শেম্বিনবা হায়জরি, মরম লৈতনা হৌজিক তেক্নোলোজী লৈরবা অসিদা মীশিংদগী হন্না-হন্না পোৎশিং দিমান্দ তৌবগী মথৌ তাদ্রে। মসিগী কম্প্লাইএন্স অসিগী পোৎলুম অসি লৈবাক অসিগী নাগরিকশিংগী কোকথক্তগী হন্থহনসি। রাজ্য অসি খুমাং চাউশিলহনসি। ঐহাক্না ভারত সরকারদা হায়রি অমসুং ঐখোয়গী কেবিনেৎ সেক্রতরীদা মসিগী ওইনা চেল্লি। কম্প্লাইএন্সকী মশিং অসি হৌজিক য়াম্না হন্থহনগদবনি। মসিসু ইজ ওপ লিভিংগী ওইনা য়াম্না মরুওইবা অমনি। মতৌ অসিগুম্না নহা ওইরিবা মরূপশিংনা মশাগী মতিক চাবা অদু পুথোক্তুনা উৎপা ঙম্নবগীসু খুদোংচাবা পীগদবনি। থা খরগী মমাংদা মরুওইবা ৱারেপ খরা লৌখিবা অদু অদোম্না খংবিরমগনি। মদুগী মতাংদা য়াম্না খন্নদে অদুবু মসিগী মহৈদি য়াম্না চাউই। ও.এস.পি. রিগুলেসনশিং অসি অনৌবা মওংদা শেমদোকখি। মসিনা নহাশিংনা মফম অমা নত্রগা অমদা থবক তৌবদা ফ্লেক্সিবিলিতী লৈহল্লি। মসিগী চাউনা কান্নবা অসি ঐখোয়গী তেক্নোলোজীগী সেক্তরনা ফংলি।

ঐহাক্না হন্দক হৌখিবা নুমীৎ খরনিদা আই.তি. সেক্তরগী মীশিংগা ৱারী শান্নখিবা মতমদা মীওি কয়া অমনা হৌজিক চাদা ৯৫দি য়ুমদগী থবক তৌরি হায়রকখি অমসুং নিংথিনা থবক তৌরি হায়রকখি। হৌজিক অহোংবা কয়া লৈবা অদোম্না উবিরে। ঐখোয়না মসিগী পোৎশিসিদা ফগৎহন্নবা হোৎনগদবনি। ঐখোয়না অসিগুম্বা অপনবশিং অসি লৈহন্দনবা হোৎনগদবনি। হৌখিবা নুমীৎশিংদা অহোংবা কয়াসু পুরকখ্রে। হৌখিবা নুমীৎশিংদা মরুওইবা ৱারেপশিং লৌবা উনখ্রে। জিও স্পিসিএল দেতাগা মরি লৈনবা চৎন-কাংলোনসিংসু লিবরেলাইজ তৌখ্রে। হৌজিক তৌরিবা অসি চহি তরাগী মমাংদা তৌরনম্বা তারবদি মসিগী গুগলগুম্বা অসি ভারতকী ৱাংমদা শোম্লম্লোইদবনি, ঐখোয়গীসিদা শেম্লমগদবনি। ঐখোয়গী মীশিংগী তেলেন্ততি লৈ প্রদক্তি লৈতে। মসিনা ঐখোয়গী স্তার্ত-অপসিং অমসুং তেক সেক্তরদা য়াম্না মতেং ওইরি। মসিগী ৱারেপ অসিনা মীচমগী পুন্সি অসি ফগৎহনবদা য়াম্না মতেং ওইহনবা ঐহাক্না পাম্মি।

অমসুং মরূপশিংদা হায়জগদবা ৱাফম অনি হায়জগে। ঙসি মালেমদা ঐখোয়না খুদোংচাবা অমা ফংলে। খুদোংচাবা অসি পুনশিন্ননবগীদমক্তা ঐখোয়না হোৎনবা লেপ্তনা লাইনা বিজিনেস তৌবা অমসুং ভারতকী নাগরিকশিংগী ওইনা ঐখোয়না লাইনা হিংনবা হোৎনবা, গ্লোবেল্লি ওইনা ভারতকী থাক অসি ফগৎহন্নবা, ভারতকী খুদোংচাবশিং অসি হেনগৎহন্নবগীদমক্তা অমসুং লেপ্লোইদবনি। বিজিনেস তৌবগী মরুওইবা মসিগীদমক্তা ঐখোয়গী ৱালেয়ৃল-পথাপ অসি শেমদোক্কদবনি, সিস্তেমশিং শেমদোক্কদবনি অমদি লৈবাক্কী নাগরিকশিংগী অনিংবা-অপাম্বশিং অদু ফংহন্নবা অমদি লায়না হিংনবগীদমক্তা, ইজ-ওফ লিভিংগীদমক্তা মথৌ তাবশিং অদু লুনা লৌবা তাবনি।

মরূপশা,

ঐহাক্না হৌজিক অদোমগী এক্সপরিএন্স, অদোমগী সজেসন অদজু তানবগীদমক্তা লাংতক্নরি। ঙসি ঐখোয় নুমীৎ চুপ্পা ফমগদৌরি। মরক্তা মতম খরা ব্রেক লৌরগা অমুক হন্না ৱাফম পুম্বা খন্নগনি। হান্নগী মতৌগুম হন্দকসু অদোম পুম্নমক্কী মায়কৈদগী লৈবাক অসি খুমাং চাউশিলহনবদগা য়াম্না মতেং ওইগদবা ক্রিএতিব ওইবা অমদি অফবা ৱাফম তাবা ফংগনি হায়না ঐহাক্না থাজৈ। অমসুং ঐখোয় পুন্না, কেন্দ্র অমসুং রাজ্য, ঐখোয়না লৈবাক অমগ মওংদা পাঙ্গল পুম্বা পুথোক্তুনা হোৎনরবদি মালেমদা হান্না অমুক্তা ওইখিদ্রিবামওংদা খুদোংচবা ফংগনি, মসি ঐখোয়না খুত্তগী নান্থোকহল্লোইদবনি। মসিগী ৱাখল্লোন অসিগা লোয়ননা অমু্ক্কা হন্না মসিগী মরুোইবা সমিৎ অসিদা অদোম খুদিংকপু অদোম্না য়াওবিনবগীদমক্তা তরাম্না ওকচরি। অদোমগী সজেসন ঙাইজরি। হন্না-হন্না থাগৎচরি।

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi to embark on 3-day visit to US to participate in Quad Leaders' Summit, address UNGA

Media Coverage

PM Modi to embark on 3-day visit to US to participate in Quad Leaders' Summit, address UNGA
...

Nm on the go

Always be the first to hear from the PM. Get the App Now!
...
PM’s Departure Statement ahead of his visit to USA
September 22, 2021
Share
 
Comments

I will be visiting USA from 22-25 September, 2021 at the invitation of His Excellency President Joe Biden of the United States of America

During my visit, I will review the India-U.S. Comprehensive Global Strategic Partnership with President Biden and exchange views on regional and global issues of mutual interest. I am also looking forward to meeting Vice President Kamala Harris to explore opportunities for cooperation between our two nations particularly in the area of science and technology.

I will participate in the first in-person Quad Leaders’ Summit along with President Biden, Prime Minister Scott Morrison of Australia and Prime Minister Yoshihide Suga of Japan. The Summit provides an opportunity to take stock of the outcomes of our Virtual Summit in March this year and identify priorities for future engagements based on our shared vision for the Indo-Pacific region.

I will also meet Prime Minister Morrison of Australia and Prime Minister Suga of Japan to take stock of the strong bilateral relations with their respective countries and continue our useful exchanges on regional and global issues.

I will conclude my visit with an Address at the United Nations General Assembly focusing on the pressing global challenges including the Covid-19 pandemic, the need to combat terrorism, climate change and other important issues.

My visit to the US would be an occasion to strengthen the Comprehensive Global Strategic Partnership with USA, consolidate relations with our strategic partners – Japan and Australia - and to take forward our collaboration on important global issues.