গনতন্ত্র দিবস থৌরম শরুক য়ারিবা এন.সি.সি অমসুং এন.এস.এস কেদেতশিংগা প্রধান মন্ত্রীগা ৱারি শানখিবগী মপুংফাবা ৱারোল

শরুক য়াখিবা মীওই – সার, ঙসি অদোমগা উনবা অসিদা ঐগী মঙ মঙফাওনরে।

প্রধান মন্ত্রী - য়াম ফরে, অদোম হৌজিক ফাওবা তুম্লি।

শরুক য়াখিবা মীওই – তুমদে, অদোমগা উনবা অসিদা ঐখোয়না অফাওবা মীওই অমগা উনবগুম ফাওই।

শরুক য়াখিবা মীওই – মফম অসিদা লাকপা অমসুং ফোর্স খুদিংমক্কা উনবা অসি ঐগী খ্বাইদগী চাউবা মঙলানি, মরুওইনা অদোমগা উন্নবা ঐ লাকপনি।

প্রধান মন্ত্রী – হোই সার।

শরুক য়াখিবা মীওই – ঐনা অদোমগা হকথেংননা ৱারি শানরি হায়বা ঐ হৌজিক ফাওবা থাজবা ঙমদ্রি।

প্রধান মন্ত্রী – মসি ভারতকী গনতন্ত্রগী মপাঙ্গল অদুনা ওইহনবনি।

শরুক য়াখিবা মীওই – সার, অদোম থাগৎচরি।

প্রধান মন্ত্রী – নশামক অতোপ্পা রাজ্যগী মরুপ অমতা শক তাক্কদবনি, রাজ্য অদুগী মরমদা খঙনবা অমসুং রাজ্য অদুগী লোলদা ৱাহৈ পরেং খর ঙাংবা ঙম্নবা অদোম হোৎনগদবনি। মখোয় ময়াম কদাইদগীনো?

শরুক য়াখিবা মীওই – সার, মখোয় নোংচুপ বেঙ্গলদগীনি, ঐনা মখোয়দগী তম্নবা হোৎনরি অমসুং ঐখোয় হৌজিক চাক চাবা মতমদা, চাবগা মরী লৈনবা ৱাহৈ পরেং অমা মহাক্না হায়খি এক্তো এক্তো ভাত খাবে।

প্রধান মন্ত্রী: নথন্থ চাক চারি। চাক চানা চানা ৱারি শাগদরা?

শরুক য়াখিবা মীওই – খাবো।

প্রধান মন্ত্রী – খাবো।

শরুক য়াখিবা মীওই – সার জোল খাবো, অতৈ করি লৈরবগে? তো অমি কেমো নাচো অমি ভালো আচি (অনিশুবা লোল)

শরুক য়াখিবা মীওই – ঐ মুঙ্গুরদগীনি, মুঙ্গুরগী মীয়ামগী মহুৎশীন্দুনা ঐনা সারদা ইকায়খুম্নবা উৎচরি।

প্রধান মন্ত্রী - মুঙ্গুর লমদমদা ঐনা ইকায়খুম্নবা উৎচরি। মুঙ্গুর অসি য়োগগীদমক মালেমদা মমিং চৎলি।

শরুক য়াখিবা মীওই – হোই সার।

প্রধান মন্ত্রী – অদোম মফম অসিদা মীওই খুদিংমক্কী য়োগগী ওজা ওইরে।

শরুক য়াখিবা মীওই – সার, ঐনা মীওই খুদিংমক্কা শান্নমিন্নবদি ঙমদে, অদুবু সার, ঐখোয়গী কাংবুদা য়াওরিবা মীওইশিং অমসুং কাংবু খরগী শরুক অমা ওইরে।

প্রধান মন্ত্রী – হৌজিক মালেম শীনবা থুংনা য়োগা শান্নরে।

শরুক য়াখিবা মীওই – হোই সার।

প্রধান মন্ত্রী – চুম্মী।

শরুক য়াখিবা মীওই – সার, ঙরাং নেসনেস স্তদিয়মদা ঐখোয়না অদোমগীদমক পরেং অনি ইখি, মদুদি য়াইফরে, ইমা ভারতনা য়াইফরে, ভারতকী মীয়াম্না য়াইফরে, পাইরিবা অনৌবা ফিরালনা য়াইফরে, য়াইফরে, য়াইফরে, য়াইফরে, তেররকগী অকিবা লৈররোইসি, য়েক্নবশিং মাংহল্লসি, মীওই খুদিংমক্কী থম্মোয়দা নুংশিবা লৈহল্লসি, য়াইফরে, য়াইফরে, য়াইফরে।

প্রধান মন্ত্রী – য়াইফরে।

শরুক য়াখিবা মীওই – য়াইফরে অদোম থাগৎপা ফোঙদোকচরি।

শরুক য়াখিবা মীওই - অদোম্না হৌদোকখিবা শ্বাছ ভারত অভিয়ান অমসুং হেল্থি ইন্দিয়া মিসন অসিনা লৈবাক অসি চাউখৎহনবদা মতেং পাংলে, লোয়ননা নহারোলশিংনা অদোম অসুক্কী মতিক য়ারে অমসুং য়োৎচাবী অমগুম্না মীওই খুদিংমক্না অদোমগা উনবা পাম্লে, অদোমগুম্বা ঐখোয়গী প্রধান মন্ত্রী অমা ফংজবা অসি ঐখোয় পুম্নমক্কী য়াম্না চাউথোকচবনি।

প্রধান মন্ত্রী – লু-নানবা ভারত অমা শেমগৎনবগীদমক করিগুম্বা ঐখোয়না থবক অমা পায়খৎপা তারবদি, মদু করি থবক ওইগনি?

শরুক য়াখিবা মীওই – নাবরাত্রি মনুংদা ঐখোয়না মন্দিরদা চৎপা পাংথোকখিবা অদুগুম্না, অতোপ্পা মীওইশিং ইথিল পীবা ঐখোয়না পাম্মী।

প্রধান মন্ত্রী – য়েংউ, অদোম্না হায়রিবা অদু অচুম্বনি, লু-নানবা ভারত অমা ওইহন্নবা, মখোয়না অমোৎপা অমতা পুথোক্তনবা করিগুম্বা ভারতমচা করোর ১৪০ না ৱারেপ লৌরবদি, কনানা অমোৎপা লংথোক্কনি, মদুদগী লৈবাক অসি নাল্লগনি।

শরুক য়াখিবা মীওই - জয় হিন্দ সার, সার ঐ ওরিসাদগী সুস্মিতা রোহিদাসনি।

প্রধান মন্ত্রী - জয় জগন্নাথ।

শরুক য়াখিবা মীওই - জয় জগন্নাথ সার। অদোম্না ঐঙোন্দা ইথিল পীরে, মরম অদুনা ঐনা অদোমদা করিগুম্বা হংনিংই মদুদি পুন্সিদা মাইপাক্না ঐনা করি তৌগনি অমসুং মাইপাকপা হায়বসি করিনো?

প্রধান মন্ত্রী – কৈদৌঙৈদা মাইথিরে হায়না খল্লোইদবনি। মাইথিরে হায়না য়াজরবা মীওইশিং অদু কৈদৌঙৈদা মাইপাকপা ঙম্লোই, অদুবু মাইথিবদগী পারা তম্বা মীওইশিং অদু মাইপাক্কনি অমসুং মরম অদুনা কনাগুম্বা অমনা কৈদৌঙৈদা মাইথিবা কিরোইদবনি, কনাগুম্বা অমনা মাইথিবদগী পারা তম্নবা হোৎনগদবনি অমসুং মাইথিবদগী পারা তম্বা মীওইশিং অদু মতোন য়ৌগনি।

শরুক য়াখিবা মীওই - সার, অদোমগী মফমদা ঐনা হংলিবা ৱাহংদি অদোম শুপ্নগী পুং অহুমদগী পুং মরি খক পোথাই হায়না ঐনা তাই, মরম অদুনা চহি মতাং অসিদা অদোম কদাইদগী ইথিল অমসুং থৌনা ফংবগে?

প্রধান মন্ত্রী - মসি অরুবা ৱাহং অমনি। ঐনা নখোয়গুম্বা নহারোলশিংগা উনবদা, ঐঙোন্দা পাঙ্গল হাপ্পী। ঐনা ইথিল ফংই। ঐনা লৈবাক অসিগী লৌমীশিং নিংশিংলকপা মতমদা, মখোয়না পুং কয়া থবক শুবগে হায়বা ঐনা খল্লি। ঐনা লৈবাক অসিগী লান্মীশিং নিংশিংলকপদা, মখোয়না পুং কয়া ঙমখৈদা লেপ্পগে হায়বা ঐনা খল্লি। মখোয়না থবক কন্নবা শুরি। মখোয় তুম্নবগী হক লৈত্রবরা, মখোয় পোথানবগী হক লৈত্রবরা হায়না ঐখোয়না খল্লি। মহাক্কী থৌদাংশিংগীদমক মহাক থবক কন্না শুই, মরম অদুনা লৈবাক অসিগী মীওই করোর ১৪০ না ঐঙোন্দা থৌদাং অমশু শীন্নরি। ফরে, য়ুমদা হল্লবা মতুংদা, নখোয় কয়া য়াম্না অয়ুক পুং ৪ দা য়াহৌনবা ৱারেপ লৌরবগে? অদোম অয়ুক পুং ৪ দা য়াহৌবরা?

শরুক য়াখিবা মীওই - ঐ য়াহৌই সার।

প্রধান মন্ত্রী - হৌজিক কনাগুম্বা অমনা হুইশেল খোঙলকপা মতমদা, মহাক মিনিত ৫ খক চোন্থনা লৈরবদি ফগনি হায়না মহাক্না খনগনি। অদুবু, য়াহৌ ঙন্না হৌবগী হৈনবী লৈবা অসি পুন্সিদা য়ামআন কান্নৈ অমসুং ঐশু নখোয়গুম্নবা এন.সি.সি য়াওরকই, মসিনা ঐঙোন্দা হৌজিক ফাওবা কান্নবা পীরি মরমদি ঐখোয়না কেম্প শরুক য়াবদা, ঐখোয় য়াম্না ঙন্না য়াহৌখি, অদুদগী থকশি-খাশি লৈরকখি, ঐগী য়াম্না ঙন্না য়াহৌবগী হৈনবী অসি হৌজিক ঐখোয়গী অচৌবা লন অমা ওইরে। মী অতৈ য়াহৌনদ্রিঙৈ মমাঙদা ঐনা ঐগী থবক অয়াম্বা লোইশিল্লি। করিগুম্বা অদোম য়াহৌ ঙন্না হৌবগী হৈনবী থম্লবদি, মসিনা নখোয়দা য়াম্না কান্নগনি।

শরুক য়াখিবা মীওই - ঐ করিগুম্বা খর হায়নিংই, ছত্রপতি সিবাজী মহারাজগুম্বা শ্বারাজ শেম্বা ঙম্বা কনাগুম্বা অমা লৈরবদি, মদু নরেন্দ্র মোদীনা ওইগনি।

প্রধান মন্ত্রী - ঐখোয়না মীওই খুদিংমক্তগী তমগদবনি। ঐখোয়না ছত্রপতি সিবাজী মহারাজদগী তমগদবনি, অদোম মফম অসিগী করি তম্লবগে হায়বা অদোম হায়বা ঙম্বরা?

শরুক য়াখিবা মীওই - সার, মফম অসিদা তোঙান তোঙানবা মফমশিংদগী লাকপা মীওইশিংগা মরুপ ওইনা তিন্নরে, মখোয়গা ৱারি শানরে, মখোয়গা পুন্না লৈমিন্নরে, মফম অসিদা ভারত পুম্নমক পুল্লে।

প্রধান মন্ত্রী – নহাক্না য়ুমদা লৈবা মতমদা,নহাক কৈদৌঙৈদা মনা-মশিং শোক্লম্লোই,নহাক্কী মমাগা খৎনরমগনি অমসুং অদুবু মফম অসিদা নহাক মনা-মশিং চাবা তম্লে, মসি নহাক্কী পুন্সিদা থেংবা অনৌবা অমনি।

শরুক য়াখিবা মীওই - ঐনা মখল খুদিংমক্কী য়ান য়ানবা হিংবা তম্লে।

শরুক য়াখিবা মীওই - সার, ঐ কাস্মিরি পন্দিৎ ইমুং অমদগীনি। ঐ ক্লাস নাইন তম্লি অমসুং ঐনা য়ুমদা লৈবা মতমদা ইমুংগী থবক অমতা তৌদে, ঐ স্কুল চৎলি। স্কুল হল্লক্লবা মতুংদা, ঐ লাইরি পাই, তুইসনশিং চৎলি। অদুবু ঐনা মফম অসিদা লাক্লবা মতুংদা ঐনা ইশাগী থবক ইশানা তৌজবা তম্লে। ঐ মফম অসিদা থবক শুবা তম্লে অমসুং ঐনা য়ুমদা হনখিবা মতমদা ঐনা লাইরিক পাবগা লোয়না ইমাগী মতেং পাংগনি।

প্রধান মন্ত্রী - য়েংউ, মসিগী ভিদিও অসি অদোমগী ইমানা য়েংলগনি, নহাক ফারগনি।

শরুক য়াখিবা মীওই - য়ুমদা ঐখোয়গা লৈমিন্নরিবা মীওইশিং খক্তনা ইমুং-মনুং নত্তে হায়বা ঐনা মফম অসিদা লাকপদগী খঙলে, মফম অসিদা উনরিবা মরুপশিং, সেনিয়ারশিং, মখোয় খুদিংমক অচৌবা ইমুং অমনি অমসুং মসি ঐনা মতম পুম্নমক্ত নিংশিংদুনা লৈহৌরগনি অমসুং মফম অসিদা লাকপদগী ঐনা খঙবা ঙম্লে।

প্রধান মন্ত্রী - এক ভারত শ্রেস্থা ভারত।

শরুক য়াখিবা মীওই - হোই সার।

প্রধান মন্ত্রী - ফরে, নুমিৎ ৩০ অসিদা, মীওই খর পেরেদ শরুক য়াবগী খুদোংচাবা ফংগনি, মীওই খরনা ফংলোই, চুম্বরা? অদোম করি খল্লি?

শরুক য়াখিবা মীওই - সার, য়াওবা ফংবা নত্ত্রগা ফংদবা অসি তোঙানবা ৱাফম্নি অদুবু মসিগীদমক হোৎনবা অসিনা য়াম্না হেন্না চাউবা থবক অমনি সার।

প্রধান মন্ত্রী - ঐখোয় খনবা নত্ত্রগা খন্দবা অসি থমখ্রগা ঐগী খ্বাইদগী ফবা থবক পাংথোকপা অসিনা মরুওই, মসি এন.সি.সিদা ওইরমগনি? 

শরুক য়াখিবা মীওই – হোই সার।

প্রধান মন্ত্রী – অদোম য়ুনিফোর্ম শেৎপা নুংঙাইবরা নত্ত্রগা নাৎকী থৌরমশিং য়েংবা নুংঙাইবরা?

শরুক য়াখিবা মীওই – অনিমক নুংঙাই।

প্রধান মন্ত্রী – নখোয় মফম অসিদা লৈরকপা থা অমা ফারে, অদোম য়ুমদা ভিদিও কনফরেন্স তৌরমগনি?

শরুক য়াখিবা মীওই – হোই সার।

প্রধান মন্ত্রী – মরুপশিংগশু ভিদিও কনফরেন্স তৌবরা?

শরুক য়াখিবা মীওই – হোই সার।

প্রধান মন্ত্রী - করিগীদমক মখোয়না ভিদিও কোল তৌরিবনো হায়বা অদোম খঙবরা? তেক্নোলোজি, অনিশুবদা দিজিতেল ইন্দিয়া, অহুমশুবদা বিকসিত ভারত। য়েংউ, দেতাগী মমল অশুক্কী মতিক হোংবা অমসুং লায়রবশিংগী মনুংদা খ্বাইদগী লায়রবা মীওইশিং ফাওবা ভিদিও কনফরেন্সকী খুৎথাংদা য়াম্না লাইনা মখোয়গী ইমুং-মনুংগা ৱারি শানবা য়াবা লৈবাক খর খক মালেমদা লৈ। নখোয় কয়া য়াম্না দিজিতেল পেমেন্তগী য়ু.পি.আই শীজিন্নবগে? অঙকপনি, হৌজিক্কী মীরোলশিং মখোয়গী ফুরিৎখাউদা শেন হাপত্রে। এন.সি.সিনা অদোমদা পারা য়াম্না তম্বীরে, অদোম অফবা কয়া খঙলে, অদোম হান্না লৈরমদবা করি লৈবগে?

শরুক য়াখিবা মীওই - জয় হিন্দ সার, মতম চানা থবক তৌবা অমসুং মতম হৈনা শীজিন্নবা অমসুং অহুমশুবনা লুচিংবগী গুন।

প্রধান মন্ত্রী – ফরে, অতোপ্পা অমা হায়য়ু।

শরুক য়াখিবা মীওই - সার, এন.সি.সিনা ঐঙোন্দা মীয়ামগী থবক তৌবা, ঈ দান তৌবগী কেম্পশিং অমসুং ঐখোয়গী অকোয়বশিং লু-নান্না লৈনবা তম্বীরে।

প্রধান মন্ত্রী - য়েংউ, মাই ভারত মেরা যুব ভারত, মাই ভারত অসি ভারত সরকারগী প্লেতফোর্ম অমনি। হৌজিক ফাওবদা মসিদা লৈবাক অসিগী নহা ওইরিবা নুপা অমসুং নুপী করোর অহুম হেন্না রেজিস্তার তৌরে অমসুং হৌজিক মাই ভারতকী মীওইশিংনা অচৌবা থবক অমা পাংথোক্লে, লৈবাক শীনবা থুংনা বিকসিত ভারতকী দিবেত পাংথোক্লে, কুইজ চাংদম্নবশিং, এসে ইবা, ৱা ঙাংবা চাংদম্নবা পাংথোক্লে অমসুং লৈবাক শীনবা থুংবগী মীওই লাখ ৩০ হেন্না শরুক য়ারে। অদোম্না অহানবা ওইনা করি থবক তৌগনি?

শরুক য়াখিবা মীওই – রেজিস্তার তৌবা।

প্রধান মন্ত্রী – মাই ভারত্ত রেজিস্তার তৌগদবনি।

শরুক য়াখিবা মীওই – হোই সার।

প্রধান মন্ত্রী – অদোম্না এন.সি.সিদগী তম্লকপা অদু অদোমগা চহি খর লৈমিন্নগনি,
অদুবু মাই ভারত অসি অদোমগা পুন্সি চুপ্পা লৈমিন্নগনি।

শরুক য়াখিবা মীওই – হোই সার।

প্রধান মন্ত্রী - মসিগীদমক অদোম করিগুম্বা খর পাংথোক্কদরা?

শরুক য়াখিবা মীওই – হোই সার।

প্রধান মন্ত্রী – মথং চহি ২৫ গীদমক ভারতনা পান্দম অমা থম্লি। পান্দম অদু করিনো হায়বা অদোম খঙবরা? চানবীদুনা অদোমগী খুৎ থাংগৎলু অমসুং মসি লাউনা হায়য়ু।

শরুক য়াখিবা মীওই - বিকসিত ভারত।

প্রধান মন্ত্রী – করম্বা চহিদা?

শরুক য়াখিবা মীওই – ২০৪৭!

প্রধান মন্ত্রী – করিগীদমক ২০৪৭দা মতম থারিবনো?

শরুক য়াখিবা মীওই – চহি ১০০ মপুংফারগনি।

প্রধান মন্ত্রী – করি ?

শরুক য়াখিবা মীওই – নিংতম্বা।

প্রধান মন্ত্রী – ভারতকী নিংতম্বা।

শরুক য়াখিবা মীওই – চহি ১০০ মপুংফারগনি।

প্রধান মন্ত্রী – মতম অদুদা ঐখোয়গী পান্দম করিনো?

শরুক য়াখিবা মীওই – বিকসিত ভারত।

প্রধান মন্ত্রী – লৈবাক অসি চাউখৎকদবনি, কনানা লৈবাক অসি চাউখৎহনগনি?

শরুক য়াখিবা মীওই – ঐখোয়না মসি চাউখৎহনগনি।

প্রধান মন্ত্রী – সরকারনা লৈবাক চাউখৎহল্লোই।

শরুক য়াখিবা মীওই – চাউখৎহল্লোই সার।

প্রধান মন্ত্রী – মীওই করোর ১৪০ না মসিগীদমক ৱারেপ লৌরবা অমসুং মসিগীদমক করিগুম্বা অফবা খর পাংথোক্লবা, মতম অদুদা মসিগী থবক অসি অরুবা নত্তে। করিগুম্বা ঐখোয়না ঐখোয়গী থৌদাংশিং পাংথোক্লবদি, মতম অদুদা বিকসিত ভারত অমা শেমগৎনবা ঐখোয় অচৌবা শাফু অমা ওইগনি। কনা কনা মখোয়গী মমা য়াম্না নুংশিবগে? লোইনমক নুংশিরমগনি। মালেম ইমাশু নুংশিবা মীওই কয়াশু লৈরি। কনাগুম্বা অমগী মমা অমসুং মালেম ইমাশু ইকায়খুম্নবা উৎপা থৌরম অমা ঐনা হায়গে-এক পের মা কে নাম। অদোম্না অদোমগী ইমাগী মিংদা উ অমা থাগনি হায়না ঐনা থাজৈ অমসুং মসিগী উ অসি ঐগী ইমাগী মিংদা থাখিবনি হায়না মতম পুম্নমক্ত নিংশিংগনি অমসুং ঐনা মসি কংহল্লোই অমসুং মসিদগী কান্নবা হান্না ফংবা অসি মালেম ইমানা ওইগনি।

শরুক য়াখিবা মীওই – ঐগী মিং বাতামিপি, দিস্ত্রিক দিৱাং ভেল্লি অনিনি, ঐ ইদু মিসমি অমসুং ঐ অরুনাচল প্রদেসতগীনি। প্রধান মন্ত্রী মোদী জিনা সরকার পায়রকপদগী, রাজ্য অসি য়াংনা চাউখৎলে অমসুং লৈবাক অসিগী কাচিন-কোয়া খুদিংমক্কী মীওইশিংনা মসি খঙলে অমসুং উরে।

প্রধান মন্ত্রী – অরুনাচলগী অখন্নবা অমা লৈরি, ঐখোয় পুম্নমক্না খঙলে মদুদি ভারত্ত ইহান হান্না নুমিৎ মঙাল য়ৌরকপা মফম অসি ঐখোয়গী অরুনাচলনি। ঐখোয়না মফম অমদা কনাগুম্বা অমা উনবদা ঐখোয়না রাম রাম নত্ত্রগা নমস্তে হায়নৈ, অরুনাচলগী ওইনা উনবদা জয় হিন্দ হায়নৈ, ঙসি ঐনা অদোমগী মফমদা হায়জরি, করিগুম্বা অদোম্না মফম অদুগী খেন্নবশিং, কলা, মহৌশাগী ফজবা, মীয়ামগী নুংশিবা য়েংবা পাম্লবদি, মতম খর কাইথোক্লগা অরুনাচল, মিজোরম, মনিপুর, নাগালেন্দ, সিক্কিম, ত্রিপুরা অমসুং অসামদা চৎপীয়ু। ঐখোয়গী অস্তলক্সমীগী অপুনবা শরুক, মেঘায়ল অসি অশুক্কী মতিক ফজৈ, মসিগী ফজবশিং য়েংবদা অদোম থা অনি নত্ত্রগা থা অহুম চঙগনি।

প্রধান মন্ত্রী – এন.এস.এস তিমদা অদোমগী য়ুনিতনা অদোমগী লৈকায়দা করি থবক পাংথোকপগে, অঙাংশিং অসি থবক ফজনা পাংথোক্লে হায়না মীওই খুদিংমক্না হায়রি, অদোম অসিগুম্বা থবক খর হায়য়ু?

শরুক য়াখিবা মীওই - সার, ঐনা মসি হায়নিংই।

প্রধান মন্ত্রী – অদোম কদাইদগীনো ?

শরুক য়াখিবা মীওই – সার ঐগী মিং অজয় মোদী, ঐ ঝারখন্দগীনি অমসুং সার ঐনা হায়নিংবদি ঐখোয়গী য়ুনিতনা

প্রধান মন্ত্রী – অদোম মোদী, মোতি ?

শরুক য়াখিবা মীওই – মোদী সার।

প্রধান মন্ত্রী – ফরে।

শরুক য়াখিবা মীওই – ঐ মোদীনি।

প্রধান মন্ত্রী - মরম অদুনা অদোম্না ঐ মশক খঙলিবনি।

শরুক য়াখিবা মীওই – হোই সার।

প্রধান মন্ত্রী -ঐঙোন্দা হায়য়ু।

শরুক য়াখিবা মীওই – সার, ঐগী য়ুনিতনা পাংথোকখিবা খ্বাইদগী ফবা থবক, অদোম্না হায়খিবগুম, মদু য়াম্না থাগৎনখি সার, ঐখোয়গী লমদমদা ৱাগী পোৎথোকশিং ফজনা শাবা মহিরি কৌবা ফুরুপ অমা লৈ অদুবু মখোয়না মতম মতমগী ওইনা পোৎথোকশিং য়োল্লি। মরম অদুনা সার, ঐখোয়না ধুপ শাবা ফেক্তরিশিংগা মখোয়গা শম্নহল্লে।

প্রধান মন্ত্রী – অগরবত্তি হায়বা ৱাহৈ অসি কদাইদগী লাকপনো? মসি য়াম্না নুংঙাই, মসি অদোম খঙনবা হোৎনগদবনি। ত্রিপুরাগী কোনুংগী মমিং করি কৌবগে?

শরুক য়াখিবা মীওই – অগরতালা সার।

প্রধান মন্ত্রী – মসিদা ৱাহৈ অমা য়াওরি, ঐখোয়না ঙাংনরিবা অসি করিগীনো?

শরুক য়াখিবা মীওই - ধুপ মচৈশিং।

প্রধান মন্ত্রী – রাজ্য অসিদা অগরবত্তিগী উমংশিং লৈরি অমসুং মসিগী থাউ মনম য়াম্না নুংশি অমসুং মমল য়াম্না তাংই অমসুং মসি মালেমদা মমল খ্বাইদগী তাংবা থাউ ওইবা য়াই, মসিদগী শেম্বা অগরবত্তি অসি মনম য়াম্না নুংশি। সরকারনা জেম পোর্তেল লিংখৎলে, অদোমগী লমদা কনাগুম্বা অমনা মহাক্কী পোৎথোক জেম পোর্তেলদা রেজিস্তার তৌরবদি, মদুগী মমল ইগদবনি, হায়রিবা পোৎলমশিং অদু সরকারনা দরকার ওইরবদি, মখোয়না অদোমদা ওর্দর পীরক্কনি, অদোম্না নহারোলশিংদা থবক অসিগী মতাংদা তাকপীগদবনি। ঐগী পান্দমদি খুঙ্গংশিংগী হেল্ফ হেল্প গ্রুপশিংদা থবক তৌরিবা লৈবাক অসিগী নুপী করোর অহুম লাখপতি দিদি ওইহনবনি। হৌজিক নুপী করোর ১.৩০ লাখপতি দিদি ওইরে।

শরুক য়াখিবা মীওই – ঐগী ইমা ফি তুবা হৈ অমসুং হৌজিক মহাক্না চানিয়াশিং তুবা ঙম্লে, সার অদোম খঙলমগনি নাবরাত্রি মনুংদা চানিয়াশিং য়াম্না পাম্নৈ, মহাক্না চানিয়াশিং তুখি অমসুং মখোয় মপান লৈবাকশিংদা ফাওবা য়োল্লি।

প্রধান মন্ত্রী – য়াম্না ফরে।

শরুক য়াখিবা মীওই - সার, অদোম্না খুদম অমা পীরে অমসুং তুংদা লাখপতি দিদি থৌরম অসিনা বিকসিত ভারতকী মরুওইবা থৌদাং অমা লৌগনি।

প্রধান মন্ত্রী - অদোম্না মপান লৈবাক্কী মীওই কাংবু অমা উরে, মরম অদুনা মপান লৈবাক্তগী লাকপা মীওই কয়াগা মরুপ ওইবা ঙম্লবগে? মখোয়গা উনবদা মখোয়না করি হংলকপগে, ভারতকী মরমদা মখোয়না করি খঙনিবগে, মখোয়না করি হংবগে?

শরুক য়াখিবা মীওই - সার, মখোয়না ভারতকী নাৎ অমসুং চৎনবীশিং অমসুং লাইনিং অমসুং রাজনিতিগী মরমদশু হংগনি।

প্রধান মন্ত্রী – রাজনিতিশু, ওহ।

শরুক য়াখিবা মীওই - সার, ঐ রোজিনা বান, নেপালদগীনি। ঐখোয় ভারত্ত লাকপদা য়াম্না হরাওই অমসুং অদোমগশু উনরে অমসুং অদোম থাগৎপা পাম্মী। ঐখোয় নুংঙাইনা থম্বগীদমক অদোম থাগৎচরি।

শরুক য়াখিবা মীওই - ঐখোয়না ভারত্ত লাকত্রিঙৈদা মাওরিসিয়সতা লৈবা ভারতকী হায় কম্মিসনগা উনখি অমসুং মহাক্না ঐখোয়দা ভারত্ত চৎনবা হায়খি অমসুং মসি নখোয়গী অনিশুবা য়ুমনি হায়খি। মহাক্না হায়বা চুম্মী।

প্রধান মন্ত্রী – অঙকপনি।

শরুক য়াখিবা মীওই - ঐখোয় নুংঙাইবা ফাওই অমসুং মসিগীদমক ঐখোয়না তৌবীমল খঙবা উৎচরি। মাওরিসিয়স অমসুং ভারতকী মরক্ত লৈনরিবা মতেং পাংনবা অমসুং মচিন-মনাও ওইবগী মরী কুইনা লৈরসনু।

প্রধান মন্ত্রী – মসি অদোমগী অনিশুবা য়ুম অমসুং অদোমগী ইপা-ইপুশিংগীনা অহানবা য়ুমনি।

শরুক য়াখিবা মীওই – হোই অশেংবনি!

শরুক য়াখিবা মীওই – কেসারিয়া… ঐগী লৈবাক্ত লাকপীয়ু।

প্রধান মন্ত্রী – য়াম ফরে!

শরুক য়াখিবা মীওই – সারে জহা সে অচ্ছা হিন্দু্স্থা হমারা, সারে জহা সে অচ্ছা, হম বুলবুলে হৈ ইসকে, য়ে গুলসিতা হমারা, সারে জহা সে অচ্ছা।

প্রধান মন্ত্রী – ময়াম থাগৎপা ফোঙদোকচরি।

শরুক য়াখিবা মীওই – সার, অদোম থাগৎচরি।

প্রধান মন্ত্রী – অদোম ঙমখৈ লৈতনা থাগৎপা ফোঙদোকচরি।