খুরুমজরি!
থৌরম অসিদা শরুক য়ারিবা তোঙান-তোঙান রাজ্যগী গোবর্নরশিং, মুখ্যমন্ত্রীশিং, মন্ত্রী পরিশত্তা য়াওরিবা ঐগা থবক তৌমিন্নরিবশিং, মন্ত্রী পরিশত্তা থবক তৌমিন্নরিবা ইচন্নুপী স্মৃতি ইরানি জী, দর্সনা জর্দোশ জী, নেস্নেল কমিসন ফোর ৱীমেনগী প্রসিদেন্ত, শ্রীমতি রেখা শর্মা জী, রাজ্য খুদিংমক্কী ৱিমেন কমিসনগী চিয়রমেন অমসুং মেম্বরশিং, ভোলন্তরী ওর্গনাইজেশনশিংগী মেম্বরশিং, অতোপ্পা শক্নাইরবশিং, ইয়াম্বা-ইনাওশিং অমসুং ইচে-ইচলশিং!
নখোয় ময়াম্বু নেস্নেল ৱিমেন কমিসন ফোর ৱিমেন লিংখৎখিবগী চহি ৩০ মপুং ফারকপা অসিদা থাগৎপা ফোংদোক্লি। চহি ৩০গী মতম অসি কনুগুম্বা মীওই অমগী পুনশিদা ওইগেরা নত্রগা ওর্গনাইজেশন ওইগেরা, মসি য়াম্না মরু ওই। মতম অসি অনৌবা থৌদাং কয়া অম লৌবগী মতম্নি, অনৌবা পাঙ্গল-থৌনাগা লোইননা মাংজিল থাদুনা চৎপা মতম্নি। ঐহাক্না থাজৈ মদুদি, মসি লিঙখৎখিবগী চহি ৩০ মপুং ফারকপা অসিদা নেস্নেল কমিসন ফোর ৱিমেননসু অসিগী ফিভম অসিদা য়েংবা পাম্লমগনি। হেন্না ফবা, হেন্না থৌদাং লৌবা ঙম্বা, হেন্না পাঙ্গল-থৌনা লৈনা। হোংলক্লিবা ভারত অসিদা নুপীগী থৌদাং অসি লেপ্পা লৈতনা চাউথোরক্লি। মরম অদুনা নস্নেল কমিসন ফোর ৱিমেনগী থৌদাং চাউথোকহনবা হায়বসিসু হৌজিক মতম অসিগী তঙাইফদবনি। অসিগুম্বা ফিভম অসিদা, ঙসি লৈবাক অসিগী নুপীগী কমিসনশিংনা মখোয়গী স্কোপ অদু চাউথোকহনবা তাই অমসুং মখোয়গী রাজ্যগী নুপীশিংবু অনৌবা মাইকৈ অমা পীবগী মথৌ তাগনি।
নখোয়না খুদম ওইনা তেক্সতাইল ইন্দস্ত্রী, চফু শাবা, লৌউ-শিংউ অমসুং শঙ্গোমগী পোত্থোকশিং অদুবু য়েংবীয়ু, অসিগুম্বা ইন্দস্ত্রী কয়া অমা নুপীগী পাঙ্গল অমসুং নুপীগী হৈশিংবদা য়ুমফম ওইরগা লৈ। অদুবু লাইবক থিবদগী মসিগী ইন্দস্ত্রীশিং অসিগী পাঙ্গলবু মশক খঙবীখিদে। থাইনগী ৱাখল্লোন চেনবশিংনা নুপীশিং স্কিলশিংবু য়ুমগী থবক-ইংখাঙগী মরমদা ওইনা খন্নখি।
মরুপশিং,
ঙসি আজাদি কে অমৃত মাহোতসব অসিদা ঐহাক্না অনৌবা ভারত অমগী অরেপ্পা ৱাখল অমা ঐখোয়গী মাংদা লৈরে। ঙসি লৈবাক অসিনা ‘সবকা সাথ, সবকা ৱিকাস, সবকা ৱিস্বাস অমসুং সবকা প্রয়াস’কী মন্ত্র অসিদা থবক তৌরি। লৈবাক অসিনা ময়াম পুন্না চাউখৎপগী পান্দম অসি ময়ামগী ওইনা ওইথোকপা য়াবশিং অদু চপ মান্নবা মওংদা ফংবা মতমদা ওইথোক্কদৌরিবনি। ঐখোয় লোইনমক্না খঙঙি, মদুদি হান্নদি বিজনেসকী মতাংদা ৱারী হেক শাবগা অচৌবা কোর্পোরেতকী মতাংদা ৱারী শারিনি হায়না খল্লম্মি, নুপাগী থবকশিংগী মতাংদা ৱারী শারিবনি হায়না খল্লম্মি। অদুবু অশেংবদি চহি চা কয়াদগী ভারতকী মপাঙ্গল অসি ঐখোয়গী অপিকপা লমদম অসিগী ওইবা ইন্দস্ত্রী মচাশিং অসি ওইখি, ঐখোয়না হৌজিক মতম অসিদা এম.এস.এম.ই.শিং হায়নসু খঙনরিবা অসিবুনি। মসিগী ইন্দস্ত্রীশিং অসিদা লৈরিবা নুপাগী থৌংদাং অদুগা চপ মান্ননা নুপীশিংগীসু লৈ।
নখোয়না খুদম ওইনা তেক্সতাইল ইন্দস্ত্রী, চফু শাবা, লৌউ-শিংউ অমসুং শঙ্গোমগী পোত্থোকশিং অদুবু য়েংবীয়ু, অসিগুম্বা ইন্দস্ত্রী কয়া অমা নুপীগী পাঙ্গল অমসুং নুপীগী হৈশিংবদা য়ুমফম ওইরগা লৈ। অদুবু লাইবক থিবদগী মসিগী ইন্দস্ত্রীশিং অসিগী পাঙ্গলবু মশক খঙবীখিদে। থাইনগী ৱাখল্লোন চেনবশিংনা নুপীশিং স্কিলশিংবু য়ুমগী থবক-ইংখাঙগী মরমদা ওইনা খন্নখি।
লৈবাক অসিগী শেনমীৎলোন চাউখৎহন্নবগীদমক্তা মসিগী থাইনগী ৱাখল্লোনশিং অসিবু হোংদোকপগী মথৌ তাং। মেক ইন ইন্দিয়ানা ঙসি মসিগী থবক অসি তৌরি। আত্মানির্ভর ভারতকী কেমপেন্না নুপীশিংগী মসিগী তৌবা ঙম্বা অসিবু লৈবাক অসিগী চাউখৎ-থৌরাংগা মরী লৈনহল্লি। অমসুং মসিগী ফল অদু ঐখোয়গী মাংদা লৈরিবসিনি। ঙসি মুদ্র স্কীমগী বেনিফিসরীগী চাদা ৭০দি নুপী ঙাক্তনি। নুপী করোর কয়া অমনা মসিগী স্কীম অসিগী মতেংদগী মশাগী থবক হৌখি অমসুং অতোপ্পশিংদসু থবক পীখি।
অসুম্না নুপীশিংদা সেল্ফ-হেল্প গ্রুপশিং অদুগী খুত্থাংদা এন্ত্রপ্রেনোশিপ হেনগৎহন্নবা লৈবাক অসিদা দিন দয়াল অন্ত্যোদয় য়োজনা চলাইরি। লৈবাক অসিগী নুপীশিংগী থৱাই য়াওবা অমসুং পাঙ্গল অসি অদুমতিক্কী কল্লি মদুদি মখোয়না চহি ৬-৭কী মনুংদা সেল্ফ-হেল্প গ্রুপকী মশিং অসি শরুক অহুম থোক্না হেনগৎখি। মসিগী ত্রেন্দ অসি ঐখোয়না ভারতকী স্তার্তঅপ ইকো-সীস্তেমদসু উবা ফংলি। চহি ২০১৬দগী ঐখোয়গী লৈবাক অসিদা তোঙান-তোঙানবা সেক্তর ৫৬তা অনৌবা স্তার্তঅপ লিশিং ৬০ হেন্না লিংখৎলকখি। অমসুং ঐখোয় পুম্নমক্কী ওইনা চাউথোক্নিংঙাই ওইবা ৱাফম অমনা মসিগী মনুংদা চাদা ৪৫ অসিগী মনুংদা য়ামদ্রবদা দাইরেক্তর অমদি নুপীনি।
মরুপশিং,
ন্যু ইন্দিয়াগী গ্রোথ সাইকলদা নুপীশিংনা শরুক য়াবা অসি লেপ্তনা হেনগৎলক্লি। নুপীগী কমিসনশিংনা খুনাই অসিগী এন্ত্রপ্রেনরশিপতা নুপীশিংগী থৌদাং অসি য়ারিবমখৈ মশক খঙহন্নবা হোৎনগদবনি, মখোয়বু প্রোমোত তৌবীগদবনি। নখোয় ময়াম্না উখ্রে মদুদি হৌখিবা চহি ৭তা লৈবাক অসিনা মসিগী মাইকৈদা অখন্নবা মীৎয়েং থম্লি। লেমজনিংঙাই ওইরবা পদ্মা এৱার্দতা নুপীশিংনা শরুক য়াবা হেনগৎলক্লিবা অসি মসিগী খুদম অমনি। ২০১৫দগী হৌরগা হৌজিক ফাওবদা নুপী ১৮৫বু মখোয়গী থোইদোক-হেন্দোকপা থবকশিংগীদমক্তা পদ্মা এৱার্দ অসি পীখি। হন্দক্কী চহি অসিদসু পদ্মা এৱার্দ ৩৪ অমদি তোঙান-তোঙানবা হিরমশিংদা থবক তৌবা নুপীশিংনা ফংখি। মসি মশামক্তা রেকোর্দ অমনি। ঙসি ফাওবদা অসুক য়াম্বা নুপীশিংনা পদ্মা এৱার্দ অসি ফংখিদ্রি।
অসুম্না, ঙসিদি শান্ন-খোৎবদসু ভারতকী মচানুপীশিংনা মালেমদা অঙকপা কয়া তৌরি, ওলীম্পিক্সতা লৈবাক অসিগীদমক্তা মেদল লৌরক্লি। কোরোনা লাইচৎ অসিগী মায়োক্তা অসুক য়াম্না চাউরবা লান অসি লৈবাক অসিগী মীপুম খুদিংমক্না লান্থেংনখি, মসিগী মনুংদা ঐখোয়গী নর্সশিংনা, দোক্তরশিংনা, নুপী সাইন্তিস্তশিংনা কয়াদা চাউরবা থৌদাং লৌখি।
হায়বদি, তাঞ্জা অমা ফংবা মতমদা, ভারতকী নুপীশিংগী শক্তিনা মখোয়গী মতিক অদু উৎখি। অমসুং নুপী অমনা খ্বাইদগী হেন্না ফবা ওজা অমসুং ত্রেনরসু ওই হায়বসি নখোয় ময়ামদগী হেন্না কনানা কঙগনি। মরম অদুনা, লৈবাক অসিগী নুপীগী কমিসনশিংগী মমাংদা এন্ত্রপ্রেনরশিপতগী হৌরগা স্পোর্ত য়াওনা অনৌবা ৱাখল্লোন অমসুং কেপেবিলিতী শেমগৎনবগী য়াম্না চাউরবা থৌদাং অমা লৈ।
মরুপশিং,
নখোয় ময়াম্না শাখিনি মদুদি হৌখিবা চহি ৭তা লৈবাক অসিগী পোলিসীশিংনা নুপীশিংগী মতাংদা অমুক্কসু হেন্না সেন্সিতিব ওইরকখি। ঙসি ভারত অসি নুপীশিংদা মেতর্নিতী লীব খ্বাদগী হেন্না পীবা লৈবাকশিংগী মনুংদা অমা ওইরিবনি। চহি নৌনা লুহোংবনা মচানুপীশিংগী মহৈ-মশিং তম্বদা অমসুং করিয়র শেম্বদা অপনবা অমা ওইদনবা মচানুপীশিংগী লুহোংবগী চহি অদু চহি ২১ ওইহন্নবা হোৎনরি।
মতম অমদা লৈবাক অসিদা নুপীশিংগী এমপাৱরমেন্ত অসি অকক্নবা স্কোপ অমদা য়েংলম্মি। খুঙ্গংগী লাইরবা ইমুংশিংগী নুপীশিংদি মসিদগী য়াম্না থাপ্না লৈখি। ঐখোয়না মসিগী খেৎনবা অসিবু মুথৎনবসু থবক তৌরি। ঙসি নুপীশিংগী এমপাৱরমেন্তকী মশক তাক্লিবশিং অদুগী মনুংদা অহানবা ওইনা গ্যাস কনেক্সন ফংদুনা মৈখুদগী অৱাবা কোক্লবা লাইরবা নুপী করো ৯দুসু য়াওরিবনি। ঙসি নুপীশিংগী এমপাৱরমেন্তগী মশক তাক্লিবশিং অদুগী মনুংদা ময়ুমদা তোইলেতশিং, উত্তর প্রদেশতা মসিবু ইজতঘর হায়নসু কৌনবা অসি ফংলিবা ইমা-ইবেনশিং, ইচে-ইচলশিংসু য়াওরিবনি। ঙসি নুপীশিংগী এমপাৱরমেন্তকী মশক তাক্লিবশিংগী মনুংদা অহানবা ওইনা লৈননবা চেক্না শাবা য়ুম ফংলিবা ইমা-ইবেনশিংসু য়াওরিবনি। অসিগী মমিংদা প্রধান মন্ত্রীগী য়ুমসু শাখি। অসুম্না নুপী করোর কয়া অমনা মীরোনবা মতমদা অমসুং দেলিভরী তৌবা মতমদা, নুপী করোর কয়া অমনা মখোয়গী জন ধন বেঙ্ক একাউন্তশিং ফংবা মতমদা, সরকারগী সবসিদী অদু নুপীশিং একাউন্তশিংদা ওইনা চংঙকপা মতমদা, মসিগী নুপীশিং অসিনা নুপীশিংগী এমপাৱরমেন্ত অমসুং ওল্লক্লিবা ভারতকী মশক তাক্লিবনি।
মরুপশিং,
ঙসি লৈবাক অসিগী নুপীশিংনা মখোয়গী থাজবা হেনগৎলকপা অসিদা। মখোয়না মখোয়গী তুংগীদমক্তা মশানা লেপচবা ঙম্লে, লৈবাক অসিগী তুংগীদমক্তা লম্বি য়াৎলি। ঙসি চহি কয়াগী মতুংদা লৈবাক অসিদা সেক্স রেসিও হেনগৎলক্লে, ঙসি স্কুলশিংদা নুপীশিংগী দ্রো আউত তৌবগী চাং হন্থরক্লে, মরমদি লৈবাক অসিগী ‘বেতি বচাও, বেতি পরআও’ কেমপেনদা নুপীশিং মশমক শরুক য়ারি। অমসুং নুপীশিংনা করিগুম্বা অমা লেপ্পা মতমদা, মসিগী মাইকৈ অদু নুপীশিংনা লেপ্পি। মরম অদুনা, ঐখোয়না উবা ফংলি মদুদি নুপীশিংগী সেফ্তীবু মরু ওইবা লৌদবা সরকার অদুবু নুপীশিংনা মখোয়বু সরকার পাইবদগী লৌথোকপদা নিংজিং-মাংজিং তৌদে, মদুবু শোইদনা পাংথোকই।
ঐনা গুজরাতকী মুখ্য মন্ত্রী ওইরম্বা মতমদা, অতোপ্পা মফমদা মরম অসিদা থবক করিগী পাংথোকত্রিনো খনবদা ঐঙোন্দা কয়ারক হন্না অঙকপা অমা ফাওখি। অদুনা ২০১৪দা সরকার শেম্লবা মতুংদা ঐখোয়না নেস্নেলগী থাক্তা নুপীশিংবু ঙাক- শেন্নবা থবক কয়া পায়খৎখি। ঙসি লৈবাক অসিদা নুপীগী মায়োক্তা থোকপা ক্রাইমশিংগীদমক অকনবা চৈরাক লৈরে, রেপ কুম্বা তুকৎচরবা ক্রাইমশিংগীদমক ফাঁসি ফাওবা পীবগী প্রোভিজন লৈহনখ্রে। লৈবাক শিনথুংনা ফাস্তত্রেক কোর্তশিংসু শাগৎলি। শেমখ্রবা নিয়মশিংসু, মতিক চানা পাংথোক্নবা রাজ্যশিংগী মতেংনা সীস্তেমশিংদসু অহোংবা পুরক্লি।
পুলিস স্তেশনশিংদা নুপীগী মতেং পাংনবগী দেস্ক হেনগৎহনবা ওইগেরা, পুং ২৪ ফংবা হেল্পলাইন ওইগেরা, সাইবর ক্রাইমবু য়েংশিন্নবা পোর্তল ওইগেরা, অসিগুমবা খোংথাং কয়া অমা ঙসি লৈবাক শিনথুংনা হোৎনরি। অমসুং খ্বাইদগী মরু ওইনা ঙসি সরকার অসিনা, নুপীশিংগী মায়োক্তা জিরো তোলেরেন্সকী নিয়মদা থবক তৌরি। মসিগী হোৎনরিবশিং অসিদা নেস্নেল ৱিমেন কমিসন্না রাজ্যগী নুপীশিংগী কমিসনগা খুৎশম্নদুনা নুপীশিং অমসুং সরকারগী মরক্তা মরী থম্নবগী থবক ওইনা পাংথোক্লি। অদোমগী অফবা থৌদাংশিং অসিনা ঐখোয়গী খুনাই অসিবু তুংদসু চেৎনা থমগনি হায়না ঐহাক্না থজবা থম্লি।
মসিগী থাজবা অসিগা লোইননা,
ময়াম পুম্নমক্তা ফাউন্দেশন দে অসিগীদমক্তা অমুক্কসু হন্না নুংঙাইবা ফোংদোক্লি।
থাগৎচরি।
