ভারত ইমানা য়াইফরে।
ভারত ইমানা য়াইফরে।
রাজস্থানগী ইকাই খুম্নরবা মুখ্য মন্ত্রী, শ্রী অশোক গেহলোৎজী, মধ্য প্রদেশকী রাজ্যপাল অমসুং ত্রাইবেল খুন্নাইগী য়াম্না চাউবা লুচিংবা অমা ওইরিবা, শ্রী মঙ্গুভাই পতেল, গুজরাতকী মুখ্য মন্ত্রী, শ্রী ভুপেন্দ্র ভাই পতেল, মধ্য প্রদেশকী মুখ্য মন্ত্রী শ্রী শিবরাজ সিংহজী চৌহান, মন্ত্রী মন্দলগী ঐহাক্কী মরুপশিং, শ্রী ফগ্গনসিংহ কুলস্তেজী, শ্রী অর্জুন মেঘৱালজী, তোঙান তোঙানবা ওর্গনাইজেসনশিংগী মশক নাইবা মীশকশিং, এম.পি.শিং, এম.এল.এ.শিং অমসুং অরাপ্পা মফমশিংদগী মানগর ধাম অসিদা লাকপীরিবা মশিং য়াম্লবা ঐহাক্কী নুংশিরবা ত্রাইনেল ইচিল-ইনাওশিং।
ঙসি মানগরগী শেংলবা লমদম অসিদা ঐহাক্না ইকোক নোন্না খুরুমজবগী খুদোংচাবা অমুক হন্না ফংবা অসি ঐহাক্কী ওইনা নুংঙাইরবা ৱাফম অমনি। মুখ্য মন্ত্রী, অশোকজী অমসুং ঐখোয়না পুন্না থবক পাইখৎমিন্নখি অমসুং অশোকজী অসি মুখ্য মন্ত্রীগী কাংলুপকী খ্বাইদগী অহল ওই, হৌজিক ফাওবদা খ্বাইদগী অহল ওইবা মুখ্য মন্ত্রী ওইরি। অমসুং ঐখোয়না ঙসি মফম অসিদা ফম্মিনরি, অশোকজীসু মফম অসিদা লাক্তুনা থৌরম অসিদা শরুক য়ারি।
মরুপশিং,
আজাদী কা অমৃত মহোৎসবতা মানগর ধামদা ঐখোয় পুম্নমক্না লাকপা অসি ঐখোয়গী ওইনা ইথিল পীনবগী হৌরকফম ওইরি, মসি পুম্নমক্কীদমক নুংঙাইবনি। মানগর ধাম অসিদা ত্রাইবেলগী অথৌবা অথৌবীশিংগী অখাং কনবা অমসুং মরৈবাক নুংশিংবগী মমি তারি। মসি রাজস্থান, গুজরাত, মধ্য প্রদেশ অমসুং মহারাস্ত্রগী মীয়ামগী অপুনবা হেরিতেজনি। ঙরাংগী মমাং নাহল হায়বদি ওক্তোবর ৩০ অসি গোবিন্দ গুরুজীগী লৈখিদবগী কুমওন তাখি। ইরৈবাকচা পুম্নমক্কী মহুৎ শিন্দুনা ঐহাক্না গোবিন্দ গুরুজিদা ইকাই খুম্নবা উৎচরি। গোবিন্দ গুরুগী অখাং কনবা অমসুং মহাক্কী ৱাখল্লোনশিংবু ইকাই খুম্নজরি।
ইচিল-ইনাওশিং,
গুজরাতকী মুখ্য মন্ত্রী ওইরিঙৈ মতমদা ঐহাক্না গুজরাতকী মনুংদা লৈরিবা মানগরগী লম অসিগী শেবা তৌবগী খুদোংচাবা ফংজখি। গোবিন্দ গুরুনা হায়রিবা মফম অসিদা মহাক্কী পুন্সিগী অরোইবা মতম অদু লেনখি। মহাক্কী থৌনা, মহাক্না তাকপীরম্বশিং অদু হৌজিকসু লমদম অসিদা লৈরি। ঐহাক্না ঐখোয়গী কতারা কনকমলজী অমসুং মফম অসিগী মীয়ামদা ইকোক নোন্না খুরুমজরি। মমাংদা ঐহাক্না মফম অসিদা লাকপদা মতমদা মফম অসি লৈকংলাগী মফম ওইনা তৌরম্মি অমসুং ঙসি বন মহোৎসবকী খুত্থাংদা অকোইবদা অশং অমান উবা ফংবদা য়াম্না অপেনবা পোকচৈ। মপুং ফানা কত্থোকপগা লোয়ননা উমং শেমগৎনবা নখোয়না তৌখিবা থবক, নখোয়না মফম অসি অশং অমান্না থনহনখিবগী মওং অসিগীদমক ঐহাক্না থমোয় শেংনা থাগৎপা ফোঙদোকচরি।
মরুপশিং,
মফম অমদা চাউখৎ-থৌরাং লাকপা মতমদা, লম্বী-থোং শেম্বা মতমদা মসিনা মীয়ামগী পুন্সি ফগৎহনবা খক্তা নত্তনা গোবিন্দ গুরুনা তাকপী তম্বীরমখিবশিং অদু পাকথোক চাউথোকহল্লি।
মরুপশিং,
গোবিন্দ গুরুগুম্বা অথৌবা নীংতম লান্মীশিং অসিনা ভারতকী চৎনবীশিংগী, ভারতকী ৱাখল্লোনগী মহুৎ শিল্লি। মহাক অসি নীংথৌ পানবা লৈবাক্কী নীংথৌ নত্তে অদুবু মহাক অসি ত্রাইবেল লাখ কয়াগী হেরো ওইখি। মহাক্কী পুন্সিদা মহাক্কী ইমুং মনুংগা কাইনখি অদুবু মহাক্না থৌনা হনখিদে। মহাক্না ত্রাইবেল খুদিংমক, অশোনবা-লায়রবা খুদিংমক অমসুং ভারতকী প্রজা খুদিংমক মহাক্কী ইমুং-মনুং ওইনা খনখি। করিগুম্বা গোবিন্দ গুরুনা ত্রাইবেল খুন্নাইবু নমথখিবা ব্রিতিশ লৈঙাক্কী মায়োক্তা লান হৌখিবা ওইরবদি মহাক্না খুন্নাইগী ফত্তবশিংবুসু থেংনখি। মহাক অসি সোসিএল রিফোর্মর অমনি। মহাক অসি স্পিরিচুএল মাস্তরনি। মহাক অসি সন্ত অমসু ওইরমখি। মহাক অসি মীয়ামগী লুচিংবা অমা ওইরমখি। মহাক্কী পুন্সিদা থৌনা ফবাগী অচৌবা মঙলানশিং ঐখোয়দা লৈবা অদুগুম্না মহাক্কী ফিলোসোফিকেল অমসুং ইন্তেলেকচুএল থিঙ্কিং ৱাংনা লৈ। গোবিন্দ গুরুনা নীংজরম্বা অদু মহাক্কী ‘ধুনি’গী মওংদা মানগর ধামদা মঙফাওনবা ঙমহল্লি। অমসুং ‘সম্প সভা’ অসিদা য়েংবীয়ু মসিনা খুন্নাইগী শরুক খুদিংমক্তা অমত্তা ওইবগী ৱাখল্লোন পোকহল্লিও, মহাক্কী ‘সম্প সভা’গী ৱাখল্লোন অসিনা অপুনবগী শক্তম, নুংশিচানবা অমসুং ইচিল-ইনাও ওইবগী মরি চেৎশিনহল্লি। মহাক্কী তুংইল্লিবা মীওইশিংনা ভারতকী স্পিরিচুএলিতী অসি মাংদা পুরি।
মরুপশিং,
১৯১৩গী নবেম্বর ১৭তা মানগরদা থোকখিবা মীহাৎ অদুনা ব্রিতিশ লৈঙাক্কী হীংসা অদু তাক্লি। নাকল অমরোমদা চমজরবা ত্রাইবেল ইচিল-ইনাওশিংনা নীংতম্বা ফংনবা কত্থোকখি অমরোমদনা মালেম অসি মীনাই ওইনা থম্নবা ৱাখল কনখি। মানগরগী চীংদা ব্রিতিশ লৈঙাক্না নহারোল, অহল-লমন অমসুং নুপী লিশিং অমা মখাই হেন্না কোইশিন্দুনা থমখি, অমসুং মখোয়বু হাৎখি। মীওই লিশিং অমা মখাই হেন্না তমথিনা হাৎখিবগী পাপ অদু খন্দুনা য়েংবীয়ু। লাইবক থিবদি ত্রাইবেল খুন্নাইনা ৱারকখিবা অমসুং কত্থোকখিবা অদু নীংতম্বা ফংলবা মতুংদা পুৱারীদা য়াওখিদে। ঙসি লৈবাক অসিনা অমৃত কাল অসিদা মসিগী অৱাৎপা অসি মেনখৎলি। ঙসি লৈবাক অসিনা দিকেদ কয়াগী মমাংদা তৌরমখিবা অশোইবা অদু চুমথোক্লি।
মরুপশিং,
ভারতকী হৌখ্রবা মতম, ভারতকী পুৱারী, ভারতকী হৌজিক অমসুং ভারতকী তুংলমচৎ অসি ত্রাইবেল খুন্নাই য়াওদনা মপুং ফংরোই। ঐখোয়গী নীংতম ইহৌগী লমাই খুদিংমক, পুৱারীগী লমাইশিং অসি ত্রাইবেলগী থৌনা লিংজেলনা থল্লি। ১৮৫৭কী ইহৌগী মমাংদগী ত্রাইবেল খুন্নাইনা লোইলম লৈঙাক্কী মায়োক্তা লান শোক্নবগী খোলাউ লাউবা হৌখ্রে। ১৭৮০দা ১৮৫৭কী মমাংদা তিলকা মনঝীগী লুচিং মখাদা ১৭৮০দা সন্থালদা ‘দামিন সত্যাগ্রহ’ শোক্নখি। ১৮৩০-৩২দা লৈবাক অসিনা বুধু ভগতকী লুচিং মখাদা ‘লরকা অন্দোলন’ উবা ফংখি। ১৮৫৫দা মফম অসিদা ‘সিধু কানহধ ক্রান্তি’গী মওংদা নীংতম্বগী ইহৌ হৌখি। মতৌ অসুম্না ভগৱান বিরসা মুন্দানা ত্রাইবেল লাখ কয়াদা নীংতম ইহৌগী মৈরি চুখৎখি। মহাক য়াম্না চহি নৌনা লৈখিদে। অদুবু মহাক্কী থৌনা, মহাক্কী লৈবাক নীংবা অমসুং মহাক্কী মথৌনানা ‘তানা ভগত অন্দোলন’গী য়ুম্ফম থোনখি।
মরুপশিং,
মীখা পোনবগী ঙল্লিঙৈ মতমদগী ২০শুবা চহিচা ফাওবা ত্রাইবেলগী খুন্নাইনা নীংতম ইহৌদা য়াওখিদবা মতম অমত্তা উবা ফংলোই। আন্ধ্র প্রদেশধা ‘অলল্লুরী সীতারাম রাম রাজু গারু’গী লুচিং মখাদা ত্রাইবেল খুন্নাইনা রম্পা কান্তি শোক্নখি। অমসুং রাজস্থানগী লমদমদা মসিগী মমাংদগী ত্রাইবেল খুন্নাইগী লৈবাক নীংবগী মতৌ উবা ফংখি। ত্রাইবেল ইচিল-ইনাওশিংনা মহারানা প্রতাপকী মপাঙ্গল ওইনা লেপখি।
মরুপশিং,
ত্রাইবেল খুন্নাইনা কত্থোকখিবা অদুগী ঐখোয়না লন তোনশিল্লি। মখোয়না শরুক তমখিবা অদুগী লমন তোল্লি। খুন্নাই অসিগী, মহৌশাদগী হৌরগা অকোইবগী ফীভম, নাৎতগী হৌরগা চৎনবী ফাওবা ভারতকী মওং-মতৌ অসি ঙাক শেন্দুনা লাকখি। ঙসি লৈবাক অসিনা মখোয়না শরুক তমখিবশিং অদুগীদমক মখোয়গী তৌবীমল উৎপা মতম ওইরে। মসিগী থৌনা অসিনা হৌখিবা চহি ৮ অসিদা ঐখোয়দা থৌনা হাপতুনা লাক্লি। ঙসিদগী নুমিৎ খরনিগী মতুং নবেম্বর ১৫ অসি লৈবাক পুম্বনা ভগৱান বিরসা মুন্দাগী মপোক কুমওন ‘জনজাতিয়া গৌরব দিৱস’ হায়না পালন তৌগনি। ঙসি লৈবাক শিনবা থুংবদা ত্রাইবেলগী নীংতম লান্মীশিংদা কত্থোকপা অখন্নবা ম্যুজিয়ম শারি। মসিনা মখোয়গী পুৱারী হিংগৎহনগনি।
ইচিল-ইনাওশিং,
লৈবাক অসিদা ত্রাইবেল খুন্নাইগী থৌদাং অসি য়াম্না চাউই ঐখোয়না কত্থোকপগা লোয়ননা থবক তৌবা তঙাই ফদে। রাজস্থান অমসুং গুজরাত্তগী অৱাং নোংপোক অমসুং ওরিশা ফাওবদা ঙসি অসিনা ত্রাইবেল কয়াগী শেবা তৌনবা থৌশিল থৌরাং শেম্লি। ঙসি ত্রাইবেল মীয়ামদা ঈশিং, মৈ, এজুকেসন, হকশেল, থবক্কী খুদোংচাবশিং ‘বনবন্ধু কল্যান য়োজনা’গী খুত্থাংদা ফংহল্লি। ঙসি লৈবাক অসিগী উমংনা কোনবা মফম হেনগৎলক্লি, উমংগী রিসোর্সশিং ঙাকশেল্লি অমসুং মসিগা লোয়ননা ত্রাইবেলগী মফমশিং দিজিতেল ইন্দিয়ানা কন্নেক্ত তৌরি। ত্রেদিস্নেল স্কিলশিংগা লোয়ননা ত্রাইবেলগী নহারোলশিংনা মোদর্ন এজুকেসনগী খুদোংচাবশিং ফংহন্নবা হোৎরি। ‘একলব্যা রেসিদেন্সিএল স্কুল’শিং হাংদোক্লি। প্রোগ্রাম অসিগী মতুংদা ঐহাক্না জাম্বুঘোদাদা চৎতুনা গোবিন্দ গুরুজীগী মমিং লৌদুনা থোনখিবা য়ুনিভর্সিতীগী অচৌবা এদমিনিস্ত্রেতিব কেম্পস শঙ্গাগনি।
মরুপশিং,
ঙসি ঐহাক্না ময়ামগী মরক্তা লাকপা অসিদা ৱাফম অমা হায়জনীংই। নখোয়নসু উরম্লগনি, ঙরাংদা ঐহাক্না অহমদাবাদতগী উদয়পুর ফাওবগী ব্রোদ গেজ লাইনগী ত্রেন লমথাখি। কিমি ৩০০ শাংবা রেলৱে লাইন ব্রোদ গেজতা ওন্থোকপা হায়বা অসি রাজস্থানগী ইচিল ইনাওশিংগীদমক য়াম্না মরু ওই। অহোংবা অসিগা লোয়ননা রাজস্থানগী ত্রাইবেলগী মফম কয়াগা গুজরাতকী ত্রাইবেলগী মফমশিংগা ফাওনহল্লগনি। রাজস্থানগী তুরিজমনা অনৌবা রেল লাইন অসিদগী চাউনা কান্নবা ফংলগনি, মসিনা মফম অসিগী ইন্দস্ত্রিএল দিবেলপমেন্তদা মতেং পাংলগনি। মসিনা নহারোলশিংদা চাউনা থবক্কী খুদোংচাবা পীরগনি।
মরুপশিং,
হৌজিক ঐখোয়না মানগর ধাম শেমগৎপা লোইশিনবগী মতাংদা খন্নখি। ঐখোয়না মানগর ধাম পাকথোক চাউথোকপগী অপাম্বা লৈ। রাজস্থান, গুজরাত, মধ্য প্রদেশ অমসুং মহারাস্ত্রনা পুন্না থবক তৌমিন্নবা তঙাই ফদে। ঐহাক্না রাজ্য মরি অমসুং সরকারশিংদা মাইকৈ অসিদা কুপ্না খন্ন-নৈন্নবা হায়জরি, রোদমেপ অমা শেম্বী মদুনা গোবিন্দ গুরুজীগী মেমোরিএল সাইৎ অসি মালেম শিনবা থুংবনা শক খঙবা মফম অমা ওইহনবা ঙমগনি। মানগর ধাম শেমগৎপা অসিনা মফম অসিদা অনৌবা মীরলগীদমক ইথিলগী হৌরকফম ওইরগনি। অমসুং ঐহাক্না মসি ঙমগনি থাজৈ মরমদি ঐখোয়না মতাং অসিদা নুমিৎ কয়ানি খন্নখ্রে। মফমশিং খঙদোক্তুনা থুনা থবক পাইখৎপনা ভারত সরকারগী লুচিং মখাদা ঐখোয়না হেন্না চাউখৎপা ঙমগনি। কনাগুম্বা খরনা মদি নেস্নেল মোন্যুমেন্ত কৌগনি খরনা মসি কনসোলিদেতেদ সিস্তেম হায়গনি, মমিং অমা হেক্তা থোনবা য়াই অদুবু মসি ভারত সরকার অমসুং রাজ্য মরিগী ত্রাইবেল খুন্নাইগী হকথেংননা মরী লৈনগনি। রাজ্য মরি অমসুং ভারত সরকারনা পুন্না অনৌবা পনখৈশিং য়ৌবা ঙমগনি অমসুং ভারত সরকারনা মাইকৈ অসিদা অচেৎপা ফিরেপ লৌরি। ঐহাক্না পুম্নমকপু অমুক হন্না য়াইফ পাউজেল পীজরি। গোবিন্দ গুরুগী খুয়াদা খুরুমজরি, মহাক্কী ৱাহৈশিংনা পীরমখিবা ইথিলগা লোয়ননা ঐখোয়না ত্রাইবেল খুন্নাই চাউখৎহন্নবগী ৱাশক শক্লসি, মসি মীয়ামদা ঐহাক্না তৌজবা প্রার্থনানি।
হন্না-হন্না থাগৎচরি!
