হাউস্কী স্পীকর অমসুং লৈবাক অসিগি উপ-রাস্ত্রপতি, ইকাই খুম্নজরবা শ্রী বেঙ্কৈয়া নাইদুনা মহাক্কী তর্ম লোইরকপা অসিদা মহাকপু থাগত্পা ফোঙদোকচনবা শরুক য়াজরি। মসি হাউস অসিগীদমক য়াম্না পুক্নিং নুংশিরবা মীকুপ অমনি। অদোম্না শরুক য়াখিবশিং অদুগা হাউসকি পুৱারী ওইরবা মীকুপ কয়া অমগা মরি লৈনরি। অদুবু কয়ারক হন্না অদোম্না হায়বীরমখি মদুদি ঐহাক রাজনিতিদগী পোথারে অদুবু পব্লিক লাইফতগীদি পোথাবা লৈতে অমসুং মরম অসিনা হাউস অসিবু লুচিংবগী অদোমগী থৌদাং অদু মপুং ফারকপা য়াই, অদুবু অদোমগী এক্সপরিয়েন্সশিংগী কান্নবা অদুদি মতম শাংনা জাতিনা ফংখিগনি। ঐখোয়গুম্বা পব্লিক লাইফ এক্তিবিস্ত কয়া অমনা মখা তানা ফংখিগনি।
ইকাই খুম্নজরবা চিয়রমেন,
ঙসি লৈবাক অসিনা অমৃত কা মহোৎসবকী মথংগী চহি ২৫গী অনৌবা খোঙচৎ অমা হৌরকপা মতম অসিদা লৈবাক অসিগী লুচিংবশিং অসিসু অনৌবা চহিচাগী ওইরি। ঐখোয় পুম্নমক্না খঙই মদুদি চহি অসিগী ওগস্ত ১৫দা ঐখোয়না পালন তৌগদৌরিবা অসি নীংতম্বা মতুংদা পোকখিবা রাস্ত্রপতি, উপ রাস্ত্রপতি, স্পীকর অমসুং পি.এম.গা লোয়ননা পাঙথোকপা নীংতম নুমিৎ অমা ওইহল্লসি। অমসুং মখোয় খুদিংমক য়াম্না অচম্বা ইমুংশিংদগী হৌরকখিবা ঙাক্তা ওইখি। মসিগী সিম্বোলিক ওইবা মরুওইবা অমা লৈ হায়না ঐনা খল্লি। পুন্না মসি লৈবাক অসিগী অনৌবা মতমগী মশক অমসু ওইরি।
ইকাই খুম্নজরবা চিয়রমেন,
অদোম্না লৌখিবা থৌদাং পুম্নমক্তা লৈবাক অসিগী নহারোলশিংগীদমক থবক তৌদুনা লাকখিবা উপ রাস্ত্রপতি অমা ওইখি। অদোম্না হাউস্তসু নহা ওইরিবা মেম্বরশিং মতম চুপ্পদা প্রমোৎ তৌনবা হোৎনখি, মখোয়বু পুক্নিং থৌগৎপীখি। নহারোলশিংগা ৱারী শাননবা অদোম্না য়ুনিভর্সিতিশিং অমসুং ইন্সতিত্যুসনশিংদা লেপ্তনা চত্তুনা লাক্লি। অদোম্না হৌরক্লিবা মীরোলগা লেপ্পা লৈতনা কন্নেক্ত তৌরি অমসুং নহারোলশিংদা অদোম্না লমজিং-লমতাকপীখি অমসুং নহারোলশিংনা মতম পুম্নমক্তা অদোমগা উনননা খৌরাংনা ঙাইনখি। হায়রিবা ইন্সতিত্যুসন পুম্নমক অসিদা অদোমবু য়াম্না পাম্নৈ। হাউসকী মপালদা অদোম্না পীখিবা ৱারোলশিংগী চাদা ২৫দি ভারতকী নহারোলশিংগী মতাংদা ওইখি হায়না ঐঙোন্দা তাকপীখি, মসিমক অচৌবা ৱাফম অমনি।
ইকাই খুম্নজরবা চিয়রমেন,
ঐহাক ইশামক লাইবক ফবনি মরমদি অদোম্বু তোঙান তোঙানবা থৌদাংশিং পুবা উবা ফংজখি। অদোমগী থৌদাং কয়া অমদা ঐহাক্না অদোমগা লোয়ননা থবক তৌমিন্নবগী খুদোংচাবা অমা ফংখি। অদোম্না পার্তিগী থৌমি অমা ওইনা আইদিওলোজিকেল কমিৎমেন্ত অমা লৈখি। এম.এল.এ.গী থবক তৌখি। এম.পি. অমা ওইনা নহাক্না হাউসতা এক্তিব ওইখি। ভারতীয় জনতা পার্তিগী পর্সিদেন্ত ওইনা পর্সনেল স্কিল অমসুং লিদর্শিপ উৎখি। কেবিনেৎ মন্ত্রী অমা ওইনা অদোম্না কন্না হোৎনবা, অনৌবা পুথোক্নবা হোৎনবা অমসুং ফংখিবা মাইপাকপশিং অসিনা লৈবাক অসিদা য়াম্না কান্নবা পীখি নত্রগা উপ-রাস্ত্রপতি অমসুং হাউসকি স্পীকর ওইনা অদোমগী চীংলেম্বা অমসুং পুকশেল শেংবা অদু উবা ফংখি। অদোম্না কৈদৌঙৈদসু থবক্ অমত্তা প্রোব্লেম অমা ওইনা লৌখিদে। অদোম্না পোৎ খুদিংমক্তা অনৌবা পুন্সি পিনবা হোৎনখি। অদোমগী পামজবা, অদোমগী কত্থোকপা, মসি ঐখোয়না লেপ্তনা উবা ফংখি। হাউস অসিগী খুত্থাংদা ঐনা ইকাই খুম্নজরবা এম.পি. খুদিংমক্তা অমসুং লৈবাক অসিগী নহারোল খুদিংমক্তা অদোমদগী খুন্নাইগী মরমদা কয়া অমা তমশিনবা য়াগনি হায়না হায়জনীংই। লিস্তনিং, লর্নিং, লীদিং, কন্নেক্তিং, কম্ম্যুনিকেতিং, চেঞ্জিং অমসুং রিফ্লেকতিং অমসুং রিক্নেক্তিং অসিগুম্বা লাইরিকশিংদা অদোমগী মরমদা ৱাফম কয়া ফোঙদোক্লি। অদোমগী এক্সপরিয়েন্সশিংনা ঐখোয়গী নহারোলশিংবু লমজিংগনি অমসুং দেমোক্রেসীগী মপাঙ্গল কনখত্হনগনি।
ইকাই খুম্নজরবা রাস্ত্রপতি,
ঐনা অদোমগী লাইরিকশিং পনখিবা অসিগী মরমদি মখোয়গী মমিংশিং অসিনা অদোমগী ৱাহৈগী তেলেন্ত অদু উৎলি মদুগীদমক অদোমবু খঙনরি। নহাক্কি ৱান লাইনরশিং অসি ৱিক লাইনরশিং ওইবগা লোয়ননা ৱিন লাইনরশিংসু ওইরি। হায়বদি মদুগী মতুংদা অতোপ্পা ৱাফম অমত্তা হায়বগী মথৌ তাদে। অদোমগী ৱাহৈ খুদিংমক তাখি, পাম্নখি অমসুং ইকাই খুম্নখি অমসুং কৈদৌনুংদা য়াদনীংদবা পোকখিদে। কনাগুম্বা অমনা মতৌ করম্না মসিগী লোলগি শক্তি লৈবগে অমসুং হৈথোই-শিংথোইনা ফিভমশিংগী মাইকৈদা ওন্থোকপা ঙম্বগি থৌনা লৈবগে হায়বা অদোম্না উৎখি মসিগী মতিক-ময়াই অসি চেনবগীদমক ঐহাক্না অদোমবু থাগৎচরি।
মরুপশিং,
ঐখোয়না হায়বা ৱাফম খুদিংমক মরু ওই অদুবু ঐখোয়না ফোঙদোকপগী মওং অসিনা হেন্না মরুওই। ৱারি শানবদা মায় পাকপগী চাং অসি মসিনা পীরিবা ইথিল, মীয়াম্না মদুবু নীংশিংহৌবা অমসুং মীয়ামদা মদুগী মরমদা খন্থনবা তকশিল্লিবা অসিগী মখা চাউনা পোল্লি, শ্রী বেঙ্কৈয়াজীনা ৱাহৈ ফোঙদোকপগী কলা হৈবা অসিনা হাউসকী মগুন হাপ্পি। হাউসকি মপান্দা লৈবা লৈবাক অসি মীয়াম্না মসিবু নীংথিনা খঙনৈ। অদোমগী এক্সপ্রেসনগী মওং মতৌ অসি লম্বা লৈত্রবা মওংদা ময়েক শেংনা ফোঙদোকখি, লৌশিং অমসুং মগুন, নুংঙাইবা লোয়ননা লৌশিং অনিমক য়াওখি। অদোমগী পাউ ফাওনবগী মওং অসিনা থমোয়বু শুমহৎলি অমসুং মসি তাবদা খোইথুমনৈ।
ইকাই খুম্নজরবা চিয়রমেন,
অদোম্না অদোমগী রাজনিতিগী খোঙচৎ অদু খা থংবা লমদমদা মহৈরোইশিংগী রাজনিতি তৌদুনা হৌদোকখি। মতম অদুদা মীয়াম্না হায়নখি মদুদি মহাক্কা মরি লৈনবা ৱাখল্লোন অমসুং অদোমগী পার্তি অদুগী তুংলমচৎ অমত্তা খা থংবা লমদমদা উবা ফংদে। অদুবু অদোম্না পার্তি অদুগী নেস্নেল প্রসিদেন্তগী মকোক থোংবা পোস্ততা কৎখৎখি, ইচম চম্বা মহৈরোই ৱার্কর অমদগী খোঙচৎ হৌখি অমসুং খা ভারত্তগী লাকখি। মসি অদোম্না লেংদ্রবা থাজবা, থবক্তা কত্থোকপগী মশক তাকখি। করিগুম্বা লৈবাক্কীদমক ঐখোয়দা নুংশিবা ফাওরবদি ঐখোয়গী ৱাখল্লোনশিং ফোঙদোকপা ঙম্বগী কলা, লোল অমসুং লমদমগী মহুৎ লিঙ্গ্যুস্তিক দাইভর্সিতীদা থাজবা থম্বা অসিনা কৈদৌনুংদা ঐখোয়গী লম্বীদা অপনবা পীরোই হায়বা অসি অদোম্না উৎপীখি।
ইকাই খুম্নজরবা চিয়রমেন,
অদোম্না হায়রম্বা ৱাফম অমা মীয়াম্না নীংশিংনরমগনি, ঐহাক্নসি ময়েক শেংনা নীংশিংলি। অদোম্না মতম পুম্বদা ইমা লোলবু য়াম্না নুংশিজৈ হায়না ঐহাক্না তাজৈ। অদুবু অদোমগী ৱা ঙাংবগী মওং অসি য়াম্না ফজৈ। অদোম্না হায়খি লোল অমনা মীৎকী মঙাল ওইরবসু অতোপ্পা লোলনা মীংশেলগুম্বনি। অসিগুম্বা ইহুল অসি থমোয়দগী ফাওরকপনি। বেঙ্কৈয়াজীনা লৈরিঙৈদা ভারতকী লোল খুদিংমক অসি হাউসকী প্রোসীদিংশিংদা য়াম্না মরু ওইনা লৌখি। অদোম্না হাউসতা ভারতকী লোল পুম্নমক য়োকখৎনবা থবক তৌখি। হাউস অসিদা ঐখোয়গী সেদল্যুদ লোল ২২গী লোলদা ৱা ঙাংবা য়ানবা থৌরাং পাইখৎখি। অদোমগী তেলেন্ত অসি, অদোমগী পুকচেল শেংবা মতৌ অসিনা তুংদসু হাউসকীদমক লমজিং লমতাক্কীনি। কনাগুম্বা অমনা মহাক্কি ৱাফম অদু পার্লিয়ামেন্তরি অমসুং চীং লেম্বা মওংদা মতৌ করম্না কান্নবা মওংদা ফোঙদোক্কদগে হায়বা অসি অদোম্না ইথিল পীগনি।
ইকাই খুম্নজরবা চিয়রমেন,
অদোমগী লুচিংবগী থৌনা, অদোমগী দিসিপ্লিন অসিনা হাউস অসিগী কমিৎমেন্ত অমসুং প্রদক্তিবিতিবু অনৌবা অৱাবা থাক অমদা পুখৎখি। অদোমগী মতমদা রাজ্য সভাগী প্রদক্তিবিতি ৭০% হেনগৎলকখি। হাউসতা মেম্বরশিং এতেন্দেন্স হেনগৎখি। মসিগি মনুংদা চাউরাক্না বিল ১৭৭ পাস তৌখি নত্রগা খন্নখি, মসিমক রেকোর্দনি। অদোমগী লমজিং মখাদা অসিগুম্বা আইন কয়া অমা শেমখি, মদুনা মোদর্ন্ ইন্দিয়াগী ৱাখল্লোন অদু মঙফাওনহনখি। অসিগুম্বা ৱারেপ কয়া অমা অদোম্না লৌখৎখিবগে? অপর হাউস চাউখৎহনবদা কনাবু নীংশিংনহৌগনি। সেক্রেতরিএৎকী থবকশিংদা হেন্না ইফিসিয়েন্সি পুরক্নবা অদোম্না কম্মিতি অমসু শেমখি। মতৌ অসুম্না রাজ্য সভা সেক্রেতরিএৎ অসি স্ত্রিমলাইন তৌবা, ইনফোরমেসন তেক্নোলোজি প্রমোত তৌবা, পেপরলেস ওইনবা ই-ওফিস সস্তেম ইমপ্লিমেন্ত তৌবা, অদোমগী অসিগুম্বা থবক কয়া অমা লৈরি মদুগী খুত্থাংদা অপর হাউসনা অনৌবা অৱাংবা থাক অমা য়ৌবা ঙমখি।
ইকাই খুম্নজরবা চিয়রমেন,
ঐখোয়গী শাস্ত্রদা হায়রি। না সা সভা য়াত্রা না সান্তি বৃদ্ধা না তে বৃদ্ধা য়ে না বদন্তি ধর্মম! হায়বদি এক্সপরিয়েন্স লৈবা মীওইশিং য়াওবা মীফম অদুদা মীফম পাঙথোকই অমসুং এক্সপরিয়েন্স লৈরবা মীওইশিং অদুনা ধর্ম হায়বদি থৌদাং য়াবা তম্বিরি। অদোমগী লমজিং মখাদা হায়রিবা স্তেন্দর্দশিং অসি রাজ্য সভাদা খ্বাইদগী মগুন লৈবা মওদা মপুং ফাহনখি। অদোম্না ইকাই খুম্নজরবা মেম্বরশিংদা পাউতাকশিং পীখি অমসুং অদোমগী এক্সপরিয়েন্সশিংগী কান্নবা অদুসু ফংহনখি অমসুং দিসিপ্লিন ঙাক্না নুংশিনা চৈখি। ঐহাক্না থাজৈ মদুদি মেম্বর অমত্তনা অদোমগী ৱাহৈ অমত্তা লান্না লৌরমলোই। পর্সনেল লাইফতা নহাক্না অদুগুম্বা ৱাখল্লোনশিং অমসুং স্তেন্দর্দশিং অদু ঙাক্না চৎকদবনি হায়না অদোম্না মতম পুম্নমক্তা অকনবা ৱাফম থম্লি। অমসুং হাউসতা চরাংনবা থোকহনবা অসি হাউসপু ইকাই খুম্নদবনি হায়বা অচেৎপা ৱাখল্লোন লৈজবা অসিগীদমক অদোমবু থাগৎলি। অদোমগী স্তেন্দর্দশিংদা ঐখোয়না দেমোক্রেসীগী মেচুরিতী অদু উবা ফংখি। য়াম্না চরাংনবা মীকুপশিংদা ফাওবা অদোম্না হাউস অসিদা এদজস্তমেন্ত তৌদুনা, পাউ ফাওন্দুনা অমসুং মতেং পাংনদুনা মখা চত্থহনখিবা অদুবু থাগৎলি। হাউসকী প্রোসীদিংশিংদা মেম্বরশিংগী মরক্তা চরাংনবা থোরকপদা অদোম্না হঞ্জিন-হঞ্জিন হায়খি, ‘সরকারনা প্রপোস তৌসি, বিরোধীনা ওপোস তৌহনসি অমসুং হাউসনা মদুবু দিস্পোস তৌসি’ অসিবু শীংথাখি। হাউস অসিনা অতোপ্পা হাউসনা পুখৎলকপা প্রপোজেলশিং অয়াবা পীবা, অয়াবা পীদবা নত্ত্রগা শেমদোকপগী হক লৈ অদুবু ঐখোয়গী দেমোক্রেসী অসিনা অতোপ্পা হাউসনা পুখৎলকপা প্রপোজেলশিংবু থিংজিনবা, মখোয়বু অপনবা পীবগী ৱাখল্লোন অসি ঐখোয়গী দেমোক্রেসীদা য়াওদে।
ইকাই খুম্নজরবা চিয়রমেন,
ঐখোয়গী য়ানদবা কয়া লৈরবসু হাউস্কী মেম্বর পুম্নমক্না ঙসি অদোম্বু বিদাই পীনবা পুন্না শরুক য়ারি। মসি ঐখোয়গী দেমোক্রেসিগী ফজবনি। মসি হাউস অসিদা অদোম্বু ইকাই খুম্নবগী খুদম অমনি। ঐহাক্না আশা তৌরি মদুদি অদোমগী থবকশিং, অদোমগী এক্সপরিয়েন্সশিংনা তুংদা মেম্বর খুদিংমকপু শোইদনা ইথিল পীগনি। অদোমগী তোপ তোপ্পা মওংদা অদোম্না হাউসতা ঙাক্না চৎকদবা অসিগুম্বা ক্রাইতেরিয়া থমখি, মসিনা পোস্ত অসি পাইরিবশিংদা মখা তানা ইথিল পীগনি। অদোম্না থমলম্বা লেগেসী অদু, রাজ্য সভানা তুং ইন্দুনা চত্কনি, লৈবাক অসিগীদমক মসিগী একাউন্তেবিলিতিগী মতুং ইন্না থবক তৌগনি। চপ মান্নবা থাজবা অদুগা লোয়ননা, হাউস পুম্বগী মায়কৈদগী, ঐহাক্না অদোমদা য়াইফ-মঙ্গোল পীজরি অমসুং লৈবাক অসিগীদমক অদোম্না লৈবাক অসিগীদমক, হাউস অসিগীদমক তৌবিরম্বা থবকশিং অদুগীদমক তৌবিমল খঙবা উৎচরি। ঐহাক্না মীপুম খুদিংমক্কী মাইকৈদগী লমন তোনশিল্লে হায়না ফোঙদোকচরি, অদোমবু হন্না-হন্না থাগৎচরি।
